Të mërkurën dhe të enjten, më 18 dhe 19 prill, greva e dyqanxhinjve dhe tregtarëve në qytetet e rajoneve kufitare të Kurdistanit, Kermanshahit dhe provincave të Azarbaijanit Perëndimor vazhdoi në dimensione më të gjera se më parë. Përveç qyteteve të Javanrood, Baneh, Marivan dhe Saghez, tregtarët në qytetet Sardasht, Mahabad, Boukan dhe Piranshahr gjithashtu u bashkuan me grevistët.
NCRI – Të enjten më 19 prill, pavarësisht pranisë së forcave anti-trazira të armatosura, mijëra banorë të Kazerunit, Irani jugor, dolën për të katërtën ditë radhazi në protesta kundër planeve të regjimit për të ndarë qytetin. Kishte një prani të fortë të grave në radhët e protestuesve.
NCRI – më 18 prill, Rouhani, presidenti i regjimit të Mullahëve pranoi shkeljen e rezolutave të Këshillit të Sigurimit të Kombeve të Bashkuara dhe tha: “Po i deklarojmë botës që do të prodhojmë ose të sigurojmë çfarëdo arme që na nevojitet dhe ne kurrë nuk kemi pritur, nuk presim dhe nuk do të presim për fjalët e tyre, marrëveshjet apo pikëpamjet e tyre afirmative.
Gjyqësori penal i regjimit iranian vari Bahman Varmazyar-in, një trajner sportiv, në burgun qendror të Hamadanit të mërkurën në mëngjesin e 18 prillit. Në dosjen e tij nuk kishte asnjë paditës privat kur u akuzua për grabitje të armatosur të një dyqani bizhuterish.
TEHRAN, të mërkurën më 18 prill, një numër kreditorësh të plaçkitur nga disa institucione financiare dhe kredituese shprehën protestat e tyre në ekspozitën e Bankës dhe kompanive të sigurimeve.
Protestuesit u mblodhën në Panairin Ndërkombëtar të Teheranit dhe thërrisnin “na kanë tradhëtuar”, “paratë që keni janë të gjitha të pasurive tona”.
Një nga sloganet e tjera të protestuesve në protestë ishte “për të mbuluar deficitin e tyre, morën paratë tona”, “Paraja jonë është e drejta jonë, është rezultat i jetës sonë”.
Zonja Maryam Rajavi, Presidentja e zgjedhur e Këshillit Kombëtar të Rezistencës së Iranit (NCRI), përshëndeti grevat e dyqanxhinjve dhe tregtarëve në Baneh, Marivan, Saqqez, Javanrud, Sardasht dhe qytete të tjera përgjatë kufirit perëndimor iranian, kryengritjen e guximshme të popullit të Kazerunit, protestën e gjerë të popullit të Samanit dhe qyteteve të tjera të krahinës Chaharmahal dhe Bakhtiari, demonstrimet nga banorët e plaçkitur të Teheranit, Ahvazit, Rashtit dhe qyteteve të tjera dhe protestat e familjeve të të arrestuarve gjatë kryengritjeve të javëve të fundit në qytetet e provincës së Khuzestanit.
Tregtarët dhe biznesmenët në Baneh (në provincën e Kurdistanit) dhe Javanrood (në krahinën e Kermanshahit) bënë grevë të dielën më 15 prill, në shenjë proteste për mbylljen e kalimit kufitar dhe tregjeve kufitare dhe rritjen e tarifave doganore.
Në mesnatën e së dielës, më 15 prill 2018, forcat represive sulmuan shtëpitë e njerëzve të Khorasganit në Isfahan për të parandaluar përhapjen e protestave dhe demonstratave nga fermerët dhe njerëzit dhe arrestuan një numër fermerësh dhe të rinjsh në qytet.
DALGAN – Iran: Forcat e sigurisë vranë katër vetë
Më 15 prill, guvernatori i qytetit Dalgan në provincën Sistan-Baluchistan, në një intervistë me agjencinë e lajmeve Ilna, njoftoi për vdekjen e katër pasagjerëve, të cilët u qëlluan në makinën e tyre nga oficerët e policisë.
Sipas raportit, përveç shoferit, u vranë një vajzë trevjeçare dhe dy djem, të moshës 18 dhe 23 vjeç, të cilët ishin në makinë.
Banka qendrore e Iranit ka njoftuar ndalimin e shitjes së valutave të huaja në zyrat e këmbimit. Sipas udhëzimeve të reja të qeverisë, zyrat e këmbimit nuk kanë më të drejtën për të blerë, shitur ose transferuar monedhat e huaja dhe banka qendrore nuk do t’u japë më kash këtyre zyrave.
