Share to TëitterTëitterShare to FacebookFacebook2Share to PrintPrintShare to EmailEmailShare to PinterestPinterestShare to MoreMore3

Shpërthimi i koronavirusit në Iran: Njerëzit detyrohen të rrezikojnë jetën për shkak të paaftësisë së regjimit iranian

Ndërkohë që autoritetet e regjimit iranian e shpenzojnë pasurinë e Iranit në Jemen, Siri, Irak, Liban, etj, për luftë e terrorizëm, iranianët nuk kanë çfarë të hanë gjatë shpërthimit të koronavirusit dhe detyrohen të dalin jashtë për të fituar para në vend që të rrinë të mbrojtur në shtëpi.

***

“Regjimi iranian do të përmbyset së bashku me koronavirusin”: Njësitë e Rezistencës të MEK

Njësitë e Rezistencës të opozitës iraniane PMOI/MEK i vlerësojnë përpjekjet e mjekëve iranianë gjatë shpërthimit të koronavirusit në Iran. Ata e motivojnë gjithashtu popullin iranian duke kumtuar vitin e fundit të sundimit të mullahëve.

***

Dr. Yousefpour nga Saqqez, në Iranin perëndimor, ekspozon fshehtësinë e qeverisë lidhur me përhapjen e koronavirusit

Më 3 prill, në rrjetet sociale qarkulloi një video e postuar nga Dr. Yousefpour nga Saqqez, në Iranin perëndimor. “Përshëndetje atyre që i refuzojnë postimet tona në hapësirën kibernetike duke thënë, ‘Është e pavërtetë dhe e rreme.’ Një muaj më parë, paralajmërova për COVID-19 dhe për shkak të paralajmërimit tim, më thirrën tetë herë gjatë periudhës së pushimeve [të Novruzit]. Dhe duhet të përballem me gjyqin për shkak se thashë të vërtetën. Nëse nuk do të jem gjallë nesër, nuk do të jetë për shkak të infektimit me COVID-19, apo ndonjë aksident, etj. Që ta dini jam plotësisht i shëndetshëm dhe nuk kam asnjë problem,” tha ai. Qeveria iraniane pati deklaruar se nuk ka patur asnjë informacion për mbërritjen e koronavirusit në vend. Megjithatë, “kulla e lartë e demokracisë,” sipas Presidentit Hassan Rouhani, jo vetëm që i ka shpërfillur paralajmërimet e mjekëve, por edhe i ka thirrur në gjyq ata.

***

“Do ta luftojmë edhe koronavirusin, edhe teokracinë që sundon Iranin”: Njësitë e Rezistencës të MEK

Anëtarët e rrjetit të opozitës iraniane PMOI/MEK ekspozojnë politikat e korruptuara të regjimit iranian lidhur me shpërthimin e koronavirusit në Iran. Ata vënë gjithashtu nëpër rrugë postera të liderit të Rezistencës Iraniane Massoud Rajavi dhe të Presidentes së NCRI-së Maryam Rajavi. Ata luajnë gjithashtu himnin kombëtar të ndaluar të Iranit.

Shkrimet e tyre përfshijnë:
Isfahan— “Kujtojmë mijëra viktimat e pafajshme të koronavirusit që është përhapur nga Lideri Suprem.”
Teheran—Massoud Rajavi: “Viti i ri është viti i kryengritjeve & afrimit drejt fitores & lirisë.”
Golpayegan—Maryam Rajavi: “Lavdi 1500 martirëve të kryengritjes së nëntorit 2019, të cilët përgatitën terrenin për liri.”
Kermanshah— “Kujtojmë mjekët & infermierët e përkushtuar & viktimat e katastrofës së koronavirusit.”
Kermanshah— “Kujtojmë mijëra viktimat e pafajshme të përhapjes së koronavirusit nga Lideri Suprem.”
Urmia— “Viti i ri është viti i kryengritjeve dhe afrimit drejt fitores e lirisë.”
Behbahan— “Novruzi i këtij viti kumton mposhtjen e liderit suprem dhe ardhjen e pranverës së lirisë.”
Behbahan— “Lavdi 1500 martirëve të protestave mbarëkombëtare të nëntorit 2019, të cilët përgatitën terrenin për liri.”
Behbahan— “Pranvera e lirisë së Iranit do të realizohet nga ne dhe nga duart tona.”
Gorgan— “Do të rezistojmë e do ta luftojmë edhe virusin, edhe teokracinë në pushtet.”

Iran: Një punonjëse dhe një klient me maska në një bankë në Teheran, për shkak të shpërthimit të koronavirusit — mars 2020

Iran: Numri i Vdekjeve nga Koronavirusi Shkon në Mbi 15,500 në 237 Qytete

Organizata Muxhahedine e Popullit të Iranit (PMOI / MEK) shpalli mbasditen e sotme, më 1 prill 2020, se numri i viktimave të Koronavirusit ka arritur në mbi 15,500 në 237 qytete të Iranit.

Shpërthimi i Koronavirusit në Iran

Numri i viktimave në Azerbaixhanin Lindor është 200, Alborz 620, Isfahan 1560, Chaharmahal dhe Bakhtiari 50, Khorasan Razavi 1205, Khuzestan 660, Fars 260, Qazvin 260, Qom 1650, Kurdistan 260, Kerman 180, Kermanshah 415, Golestan 750, Gilan 1460, Lorestan 420, Provinca Qendrore 250, dhe Hamadan 315. Kjo është përveç numrit të vdekjeve në provincat e tjera.

Lexo më shumë

***

Maryam Rajavi: Ajo që e ka bërë vendin tonë jashtëzakonisht të brishtë përballë sëmundjeve dhe fatkeqësive natyrore është një diktaturë brutale e plaçkitëse që nuk ngurron të kryejë çfarëdo krimi të imagjinueshëm vetëm për ta ruajtur sundimin e saj të turpshëm.

***

Të burgosurit ngrenë krye në burgun Sheyban në Ahvaz të Iranit jug-perëndimor

Të burgosurit e burgut Sheyban në qytetin Ahvaz, i cili ndodhet në provincën Khuzestan të Iranit jug-perëndimor, bënë një kryengritje të martën, më 31 mars. Në 5 pasdite sipas orës lokale u dëgjuan zhurma të shtënash dhe gazi lotsjellës nga brenda burgut. Regjimi i mullahëve dërgoi njësi të shumta sigurie për ta rrethuar burgun Sheyban me rradhë të shumta forcash të ndryshme, në një përpjekje të dëshpëruar për ta kontrolluar situatën dhe për të parandaluar daljen e informacionit në botën e jashtme. Banorët vendas raportojnë se i kanë dëgjuar të burgosurit tek bërtisnin e protestonin ndaj autoriteteve të burgut.

Video- Lajme rreth koronavirusit në Iran

Drejtori i Spitalit të Ardabil (Khomeini): “Numri i shpallur për rastet me koronavirus është vetëm një pjesëz e së vërtetës”

***

Kryengritjet në burgjet e Iranit mes shpërthimit të koronavirusit

***

Këshillet Popullore shpërndajnë dezinfektues në mungesë të ndihmave nga qeveria

***

Vullnetarët bëjnë maska dhe rroba mbrojtëse për spitalet në Isfahan

***

Iran: Një Mësues Dënohet me 16 Vite Burg Sepse i Ka Kërkuar Khamenei-t ta Lërë Postin

31 Mars 2020

FacebookTëitterPrintEmailPinterestMore10

Hashem_Khastar_përfaqësues_i_Shoqatës_së_Mësuesve_liridashës_Iranianë

Hashem Khastar, përfaqësuesi i Shoqatës së Mësuesve Iranianë në provincën Khorassan Razavi, është dënuar nga një gjykatë në qytetin veri-lindor Mashhad me 16 vite burg dhe internim dy-vjeçar për veprimtaritë e tij politike.
Një tjetër mësues, Mohammad-Hossein Sepehri, motra e tij Fatemeh Sepehri dhe Mohammad Nourizad janë dënuar gjithashtu me burgim të gjatë për faktin se i kanë kërkuar Ali Khamenei-t, liderit suprem të mullahëve, ta lërë postin.

Presidentja e zgjedhur e NCRI-së, Maryam Rajavi, i ka përshkruar këto verdikte brutale, sidomos në një kohë kur të gjithë të burgosurit duhet të lirohen menjëherë për shkak të infektimit me koronavirus, si shembuj të qartë të mizorisë së liderit suprem fetar dhe kryegjyqtarit të tij. Ajo i bëri thirrje Komisioneres së Lartë të OKB-së për të Drejtat e Njeriut, si dhe Raportuesit Special të OKB-së për Iranin që të ndërhyjnë për të kërkuar lirimin e këtyre të burgosurve, jetët e të cilëve janë në rrezik.

31 Mars 2020

AddThis Sharing Buttons

Share to TëitterTëitterShare to FacebookFacebookShare to PrintPrintShare to EmailEmailShare to PinterestPinterestShare to MoreMore

Iran: Numri i Vdekjeve nga Koronavirusi Shkon në Mbi 14,200 në 236 Qytete

Organizata Muxhahedine e Popullit të Iranit (PMOI / MEK), shpalli të hënën, më 30 mars 2020, se 14,200 njerëz kanë humbur jetën për shkak të Koronavirusit në 236 qytete të Iranit.

Numri i viktimave në provincën Ardabil është 400, në Alborz 600, në Chaharmahal dhe Bakhtiari 38, në Khorasan Razavi 1120, në Khorasan-in Verior 190, në Zanjan 250, në Gilan 1370, dhe në Yazd 305. Këto numra janë përveç shifrave të provincave të tjera.

Lexo më shumë

***

Maryam Rajavi: Përkujtojmë mjekët dhe infermierët që kanë humbur jetën duke u kujdesur për pacientët me Koronavirus

Ata rrezikojnë jetën ndërkohë që të drejtat e tyre bazë janë shkelur për vite të tëra nën sundimin e mullahëve. Të gjithë ne ndihemi borxhli ndaj këtyre grave e burrave vetëmohues.

We commemorate the physicians and nurses who lost their lives to provide care to the #Coronavirus patients. They risk their own lives while their basic rights have been trampled for years under the mullahs’ rule. All of us feel indebted to these selfless women and men #COVID19 pic.twitter.com/URj7SlJki3

— Maryam Rajavi (@Maryam_Rajavi) March 30, 2020

***

PËRDITËSIMI: 8:30 AM CET

“E vetmja zgjidhje ndaj koronavirusit është përmbysja e diktaturës së mullahëve”: rrjeti i PMOI/MEK

Rrjeti i PMOI/MEK brenda Iranit ka shpërndarë sllogane kundër regjimit iranian dhe politikave të tij të korruptuara gjatë shpërthimit të koronavirusit në Iran.

Ata shkruajnë:
Teheran—Poster i Maryam Rajavi-t: “E vetmja zgjidhje ndaj koronavirusit është përmbysja e diktaturës së mullahëve.”
Teheran—Poster i Massoud Rajavi-t: “Kujtojmë mijëra jetët e pafajshme të humbura për shkak të përhapjes së koronavirusit nga Lideri Suprem”
Teheran— “Maryam Rajavi: do të ndërtojmë një shtet, sundimi i të cilit nuk është superior ndaj vullnetit të popullit.”
Teheran— “Viti i ri do të jetë viti i fitores dhe lirisë”
Teheran— “Maryam Rajavi: Pranvera e lirisë së Iranit do të realizohet nga ne dhe nga duart tona.”
Andimeshk— “Poshtë Khamenei dhe Lavdi Massoud Rajavi-t”
Aleshtar— “Maryam Rajavi: Mullahët mbjellin farën e pasivitetit dhe mungesës së shpresës. Duhet të rebelohemi kundër saj”
Arak— “Maryam Rajavi: Mullahët mbjellin farën e pasivitetit dhe mungesës së shpresës. Duhet të rebelohemi kundër saj”

***

PËRDITËSIMI: 8:00 AM CET

“Do të luftojmë edhe kundër koronavirusit, edhe kundër përbindëshit Khamenei”: Njësitë e Rezistencës të MEK

Anëtarët e rrjetit të opozitës iraniane PMOI/MEK thonë se do të luftojnë edhe kundër koronavirusit, edhe kundër Khamenei-t, në mënyrë që Irani t’i heqë qafe të dy.

Ata shkruajnë:
Shiraz— “Lideri i Rezistencës Iraniane Massoud Rajavi: Zoti i bekoftë viktimat e koronavirusit të mullahëve.”
Shiraz— “Do të luftojmë edhe kundër koronavirusit, edhe kundër përbindëshit Khamenei.”
Teheran— “Shpërthimi i koronavirusit ka ndodhur për faj të regjimit iranian & mullahëve.”
Teheran— “Shpërthimi i koronavirusit ka ndodhur për faj të regjimit iranian & mullahëve.”
Teheran— “Poshtë Khamenei”
Karaj— “Duhet ta marrim fatin tonë nga mullahët”
Brujerd— “E vetmja zgjidhje për ta mposhtur koronavirusin është përmbysja e regjimit.”
Behbahan— “Khamenei, Rouhani, ju jeni koronavirusi ynë”
Andimeshk— “Mullahët s’duan t’ia dinë për Iranin dhe populli iranian nuk i do ata. Poshtë virusi Khamenei.”
Isfahan— “Populli iranian nuk do t’i dorëzohet regjimit që ka përhapur koronavirusin.”

***

Fox News, Eric Shawn: ‘Fshehja e fakteve për koronavirusin’ nga regjimi iranian

Këshilli Kombëtar i Rezistencës së Iranit thotë se Teherani nuk po tregon të vërtetën lidhur me COVID-19.

E kanë ditur shumë kohë më përpara se t’ia thoshin publikut dhe nr. i të vdekurve është tashmë mbi 13,600 dhe po shtohet.

PËRDITËSIMI: 3:00 PM CET

Rebelime në burgje kundër sjelljes kriminale të regjimit në katastrofën e koronavirusit, përleshje, dhe arratisje masive të të burgosruve

Rebelimet në burgjet e Hamedan, Mahabad dhe të Teheranit të Madh pas kryengritjeve në burgjet e Saqqez, Tabriz, Aligudarz, Khorramabad

Drejtësia nxjerr urdhër për masa të rënda  

Rebelime në burgjet e Iranit- Burgu i Mahabad: Të shtunën mbrëma, më 28 mars 2020, të burgosurit në Burgun Qendror të Mahabad ngritën krye dhe u arratisën në protestë kundër keqmenaxhimit nga ana e mullahëve lidhur me shpërthimin e koronavirusit. Forcat shtypëse qëlluan mbi të burgosurit, duke vrarë e plagosur disa prej tyre, ndërkohë që disa pjesë të burgut morën flakë. U dëgjuan deri vonë zhurmat e të shtënave dhe sirenave. Ali Akbar Grossi, prokurori famëkeq i regjimit në Azerbaixhanin Perëndimor, në përpjekje për ta parandaluar përhapjen e kryengritjeve në burgjet e tjera të provincës, tha, “Falë vigjilencës së rojave të burgut, dhe faktit që të burgosurit nuk iu bashkuan të arratisurve, qetësia u rikthye shumë shpejt.” “Të burgosurit i kanë të gjitha kushtet që u nevojiten,” këmbënguli ai.

Lexo më shumë

***

Maryam Rajavi: I bëj thirrje Sekretarit të Përgjithshëm të OKB-së, Komisioneres së Lartë për të Drejtat e Njeriut, dhe Raportueses Speciale të OKB-së mbi Dhunën Ndaj Grave që ta detyrojnë regjimin klerikal t’i lirojë gratë e burgosura që janë në grevë urie në Burgun Qendror të Urmia-s