Uniformat Hazmat janë hequr nga infermieret dhe ato duhet të trajtojnë pacientët COVID-19 me uniformë të zakonshme

23 Prill 2020

Një raport tronditës nga brenda Iranit zbuloi se infermierët spitalorë nuk lejohen të flasin për pacientët me koronavirus dhe është udhëzuar që të regjistrohen sëmundjen si “sindromë akute e shqetësimit të frymëmarrjes” në vend të koronavirus.

Sipas një dëshmitari okular nga Spitali Milad në Teheran, përhapja e koronavirusit është shumë më e lartë se më parë, por infermieret e spitalit nuk lejohen të përmendin që pacienti ka koronavirus. Dy infermiere në Spitalin Milad u larguan nga spitali pasi u treguan disa pacientëve dhe shoqëruesve të tyre se kishin Koronavirus.

Në një masë shqetësuese dhe çnjerëzore, autoritetet spitalore u  kanë hequr uniformat Hazmat infermiereve dhe i kanë urdhëruar ato që të kujdesen për pacientët me uniformë të zakonshme për të shmangur frikën e shoqërimit të pacientëve. Kjo ndërsa 35 infermiere në Spitalin Milad kanë rezultuar me koronavirus.

Sipas këtij dëshmitari okular, aktualisht 99% e klientëve në Spitalin Milad janë pacientë me koronavirus dhe situata po përkeqësohet dita ditës. Sidoqoftë, zyrtarët e spitalit planifikojnë të pushojnë  70 infermierë me pretekstin e zvogëlimit të stafit të spitalit.

Sidoqoftë, Rouhani, presidenti i regjimit iranian shpalli 18 prillin 2020 si fundin e karantinës dhe tha që njerëzit duhet të shkojnë në punë.

Ebrahim Shakiba, zëdhënësi i selisë kundër koronavirusit në Universitetin e Shkencave Mjekësore në Kermanshah, njoftoi më 21 prill 2020 se që nga fillimi i shpërthimit të koronavirusit, 107 punonjës të departamenteve të ndryshme mjekësore dhe shëndetësore në krahinë ishin infektuar me COVID-19 . Shakiba tha se 23 prej tyre janë mjekë, 40 janë infermierë dhe 44 janë anëtarë të stafit shëndetësor. Në një lajm tjetër është përmendur që numri më i madh i personave të stafit mjekësor me koronavirus janë personeli i urgjencës. (faqja shtetërore elajmeve të Ueb sajtit Selamat News – 22 Prill 2020)

Personeli i urgjencës janë quajtur gjithashtu ënjgjëjt e Iranitsepse janë të parët që u shërbejnë pacientëve me koronavirus, por shumë pak përmënden ata. Për shembull  infermieret në spital, puna e tyre është shumë e vështirë, dhe shumë prej tyre kanë patur probleme psikologjike. Njëra prej tyre tha se detyrat tona kanë arritur në 100 pacientë në ditë. Turnet e punës janë me orare shumë të zgjatura dhe ato ndonjëherë qëndrojnë në dhomën e urgjencës deri në dy javë.

Të enjten, më 23 prill 2020, Rezistenca iraniane njoftoi se numri i të vdekurve nga krizat e koronavirusit në 296 qytete në Iran janë rritur në më shumë se 34.200 njerëz.

24 prill 2020

Rritje e numrit të vdekjeve në Sistan e Baluchestan dhe ekzekutim i të burgosurve në vigjilje të Ramazanit në qytete të ndryshme

Maryam Rajavi: Ekzekutimet tregojnë dëshpërimin dhe frikën e një regjimi që mbështetet tek ekzekutimet si e vetmja mënyrë për ta vënë nën kontroll shoqërinë që është në prag të shpërthimit.

Organizata Muxhahedine e Popullit të Iranit (PMOI / MEK) shpalli të premten, më 24 prill 2020, se viktimat nga koronavirusi e kanë tejkaluar numrin 34,700 në 297 qytete të vendit.

Ndërkohë që regjimi vazhdon ta fshehë numrin e vërtetë të vdekjeve nga koronavirusi dhe vazhdon të publikojë shifra false, Alireza Zali, kreu i Taskforcës Kombëtare për Luftimin e Koronavirusit (NCCT) në Teheran, tha për të përditshmen shtetërore Asr-e Iran, “Që nga shpërthimi i sëmundjes kemi shtruar rreth 58,000 pacientë me koronavirus në Teheran.”

Pas takimit mes Ministrave të Shëndetësisë të shteteve anëtare të Organizatës Botërore të Shëndetit, Saeed Namaki, Ministri i Shëndetit i regjimit, tha, “Jemi ende në gjysmë të rrugës. Mund të ndodhë që ta humbasim lojën (topi mund t’i shmanget portierit) në minutën e fundit, dhe do të mposhtemi e të mbetemi të poshtëruar në çdo cep të globit.”

Edhe vetë mediat shtetërore janë duke i kritikuar shifrat që regjimi shpall për numrin e të infektuarve e viktimave. Sot, e përditshmja shtetërore Rooz-e No shkroi, “Kujt duhet t’ia vëmë fajin? Popullit, mediave të huaja apo autoriteteve që kanë bërë deklarata me gjithë ato papërputhshmëri? Si mund të jetë e mundur që çdo ditë, disa zyrtarë shëndetësie, duke përfshirë kreun e NCCT, flasin për rritjen e numrit të të infektuarve, ose që guvernatorët e provincave Mazandaran dhe Khuzestan flasin për shtimin e konsiderueshëm të infektimeve, por shifrat (e shpallura zyrtarisht) ulen dita ditës?” “Dr. Zali (kreu i NCCT) deklaroi dje se në spitale kanë shkuar 6,000 njerëz të dyshuar për infektim; sikur vetëm një e gjashta e tyre të kenë rezultuar të infektuar, atëherë të 1,030 njerëzit e infektuar (shifër e shpallur zyrtarisht nga Ministria e Shëndetit) duhet të jenë vetëm në Teheran. Atëherë u dashka të besojmë se numri i të infektuarve në qytetet e tjera jo vetëm që është ulur por ka arritur në zero,” shton artikulli.

23 prill 2020

Shkeljet e vazhdueshme të të drejtave njerëzore nga regjimi iranian, veçanërisht ekzekutimi i minorenëve dhe të burgosurve të tjerë ditët e fundit, dhe mos-lirimi i të burgosurve në mesin e përhapjes së koronavirusit, janë dënuar nga komuniteti ndërkombëtar.

Komisionerja e Lartë e OKB-së për të Drejtat e Njeriut Michelle Bachelet të mërkurën dënoi ekzekutimin e Shayan Saeedpour, që ishte ekzekutimi i dytë i një kundërvajtësi minoren në ditët e fundit nga autoritetet iraniane. Z. Saeedpour ishte riarrestuar pasi kishte marrë pjesë në një kryengritje në burgun e Saqqez kundër kushteve të burgut në mesin e krizës së koronavirusit. Përpara Shayan-it, më 18 prill, u raportua se ishte ekzekutuar edhe Majid Esmailzadeh në burgun e Ardabil në provincën Ardabil. Ai ishte arrestuar në vitin 2012 dhe ishte dënuar për një vrasje që supozohet se e ka kryer kur ka qenë nën moshën 18 vjeç. Gjithashtu, dënimi me vdekje për Danial Zeinolabedini-n, i cili ishte dënuar pavarësisht faktit që kishte qenë nën 18 vjeç në kohën e kryerjes së krimit, u miratua më 2 prill pasi u rrah nga zyrtarët e burgut Miandoab në provincën e Azerbaixhanit Perëndimor. Ai ishte transferuar atje së bashku me të burgosur të tjerë që kishin ngritur krye në burgun Mahabad më 28 mars në protestë ndaj kushteve të burgut dhe faktit që autoritetet nuk i kishin liruar ata përkohësisht për shkak të shpërthimit të koronavirusit.

“Ekzekutimi i këtyre dy kundërvajtësve fëmijë është absolutisht i ndaluar sipas ligjit ndërkombëtar për të drejtat e njeriut. Organe e ekspertë të shumtë të Kombeve të Bashkuara e kanë bërë të qartë në shumë raste se dhënia e dënimit me vdekje për krime të kryera nga njerëz që kanë qenë nën moshën 18 vjeç në kohën e krimit është rreptësisht e ndaluar,” tha Komisionerja e Lartë.

“Pavarësisht ndërhyrjeve dhe angazhimit të shpeshtë nga Zyra ime me Qeverinë e Iranit lidhur me këtë çështje, dënimet dhe ekzekutimet e kundërvajtësve fëmijë vazhdojnë. Kjo është një gjë për të ardhur keq dhe e dënueshme, nisur nga paligjshmëria e qartë e këtyre veprimeve. E përsëris thirrjen time drejtuar autoriteteve iraniane që t’i përmbushin detyrimet e tyre ndërkombëtare lidhur me të drejtat e njeriut, t’i ndalin menjëherë të gjitha ekzekutimet e kundërvajtësve minorenë dhe t’i ulin të gjitha dënimet e tilla me vdekje në dënime më të lehta,” shtoi ajo, duke iu referuar faktit që regjimi i mullahëve i ka shpërfillur kritikat ndërkombëtare dhe thirrjet për t’i dhënë fund shkeljeve të të drejtave njerëzore.

“Fakti që dy nga këta kundërvajtës fëmijë që kanë humbur jetën gjatë tre javëve të fundit kanë qenë të përfshirë në protesta të nxitura nga frika e përhapjes së COVID-19 në burgje ngre shqetësim të madh për mundësinë e ekzekutimeve të përshpejtuara për të burgosur të tjerë të dënuar me vdekje të cilët kanë qenë të përfshirë në këto protesta,” tha Bachelet.

Në një tjetër zhvillim, të mërkurën më 22 prill, regjimi iranian vari të paktën 11 të burgosur në burgjet Gohardasht, Kermanshah, Sanandaj dhe Dastgerd (Isfahan).

Duke iu referuar abuzimeve të vazhdueshme të të drejtave të njeriut nga regjimi i mullahëve, Znj. Maryam Rajavi, Presidentja e zgjedhur e Këshillit Kombëtar të Rezistencës së Iranit (NCRI), theksoi se regjimi nuk ka sjellë gjë tjetër për Iranin dhe iranianët veçse shtypje, ekzekutime, varfëri, dhe korrupsion. Ajo tha se, në mënyrë që ta frikësojë dhe terrorizojë publikun dhe ta marrë nën kontroll situatën në mesin e katastrofës së koronavirusit, regjimi po i ekzekuton të burgosurit në vend që t’i lirojë ata.

Znj. Rajavi i bëri thirrje edhe një herë komunitetit ndërkombëtar, sidomos Sekretarit të Përgjithshëm të OKB-së, Komisioneres së Lartë për të Drejtat e Njeriut dhe Këshillit të të Drejtave të Njeriut, si dhe Raportuesve të OKB-së për të Drejtat Njerëzore e organizatave të tjera të të drejtave njerëzore që të ndërhyjnë menjëherë për t’i ndalur ekzekutimet, për të siguruar lirimin e të burgosurve, dhe për të parandaluar një katastrofë humanitare në burgjet e regjimit.

Siç ka thënë Znj. Rajavi: “Sot, jo vetëm liria e popullit të Iranit, por vetë jeta e shëndeti i tij, si dhe ekonomia e ekzistenca e vendit varen nga përmbysja e regjimit klerikal.”

23 prill 2020

Dy javë pasi Khamenei dhe Rouhani e detyruan klasën e ulët t’i rikthehej punës, nis vala e re e përhapjes së Koronavirusit, sidomos në Teheran e Khuzestan

Kreu i Taskforcës për Luftimin e Koronavirusit: Numri i pacientëve të jashtëm në Teheran të mërkurën ishte 6,390

Organizata Muxhahedine e Popullit të Iranit (PMOI / MEK) shpalli të enjten, më 23 prill 2020, se viktimat nga Koronavirusi e kanë tejkaluar numrin 34,200 në 296 qytete të Iranit.

Sipas personelit mjekësor në Rasht (Irani verior), drejtorët e spitaleve të qytetit ishin udhëzuar që në fillim që të shtronin në spital vetëm pacientët në gjendje kritike, dhe pacientët e tjerë me koronavirus t’i dërgonin në shtëpi me një recetë. Si rezultat, shumë njerëz kanë vdekur në shtëpitë e tyre, dhe emrat e tyre nuk janë regjistruar. Vetëm në spitalin Razi, të paktën gjashtë njerëz vdesin nga Koronavirusi çdo ditë, por shkaqet e vdekjes raportohen ndryshe.

Në provincën e varfër Sistan dhe Baluchestan, shumë viktima, sidomos fshatarët dhe qytetarë pakistanezë e afganë, të cilët nuk kanë akses në spitale, kanë vdekur dhe janë varrosur në shtëpitë dhe fshatrat e tyre.

Në një zhvillim tjetër, më pak se dy javë pasi Ali Khamenei dhe Hassan Rouhani i detyruan njerëzit t’i riktheheshin punës, një valë e re e sëmundjes ka nisur në Teheran e në provinca të tjera. Zyrtarët e regjimit pretendojnë se kjo valë e re është shkaktuar nga udhëtimet me rastin e Novruzit (Vitit të Ri Pers) dhe mos-zbatimit të rregullave të distancimit social nga njerëzit.