Ministri i Brendshëm i Mullahëve Mbulon Krimet Kundër Njerëzimit, Përpiqet Dëshpërimisht ta Minimizojë Numrin e Martirëve të Kryengritjes së Nëntorit

Nga
Shkrimtar i stafit
-

Të rënë për liri – Martirët e Protestave të Iranit — Nëntor 2019

Mullahs' Interior Minister Covers up crimes against humanity, tried desperately to minimize the number of November uprising martyrs Duke e pranuar mbylljen e internetit dhe përmasat masive të protestave, Rahmani-Fazli tha: Donin ta kthenin këtë në një luftë civile dhe të ndiqnin rrugën e Sirisë

Më në fund, pas shtatë muajsh, Ministri i Brendshëm i mullahëve e pranoi vrasjen e 200 njerëzve gjatë kryengritjes së nëntorit, duke thënë se 40 apo 45 njerëz, ose rreth 20 përqind e tyre, janë vrarë nga armë jostandarde  

Shtatë muaj pas kryengritjes së nëntorit, duke u përpjekur ta ulë numrin e viktimave të kryengritjes së nëntorit 2019 deri në 10 përqind të shifrës së vërtetë, Abdolreza Rahmani-Fazli, Ministri i Brendshëm i Rouhani-t e pranoi mbrëmjen e shkuar se janë vrarë mbi 200 protestues. Por i tmerruar nga një reagim i ashpër, ai pretendoi në mënyrë absurde se 20 përqind e viktimave janë vrarë nga armë jostandarde, duke lënë të kuptohet sikur ata janë vrarë nga kundërshtarët e regjimit. Gjithsesi, Rahmani e pranoi padashur se regjimi i ka vrarë mbi 80 përqind të viktimave.

Në një intervistë me televizionin shtetëror më 30 maj 2020, Rahmani-Fazli tha: “Ata (armiku) kanë shpallur se janë vrarë 10,000 njerëz, janë vrarë 8,000 njerëz, 7,000, 6,000. Kanë përmendur madje edhe shifrën 2,000. Dashtë Zoti, do t’i shpallim shifrat brenda pak ditësh. Numri i vdekjeve nuk është aspak në ato nivele. Dua të them se 20 përqind e numrit, diku midis 40 e 45 viktima janë regjistruar si martirë. Ata ishin të pafajshëm dhe thjesht po kalonin në rrugë. Ata janë vrarë nga armë e taktika të tilla që nuk i përkasin aspak Forcave të Sigurisë së Shtetit apo agjencive të tjera qeveritare.”

Duke e pranuar bllokimin e internetit, Ministri i Brendshëm i regjimit theksoi përmasat masive të protestave të nëntorit: “Thonë se Rahmani ndërpreu internetin gjatë gjatë atyre netëve. Sigurisht që e bëra këtë, sepse ata bënin trajnime dhe komandonin përmes internetit… Arsyeja pse janë mërzitur është se donin të nisnin një luftë civile. Ne, zyrtarët e sigurisë së vendit, i kishim survejuar për disa muaj … Çmimi i gazolinës shërbeu si një mundësi për shpërthimin e kësaj gjëje … Po të kishte patur një dimension të gjerë dhe kontekst shoqëror, do të kishte qenë shumë më e madhe se kaq… Ata donin të shkaktonin çrregullim e pasiguri në vend, ta kthenin vendin në një Siri të dytë… Ruajtja e sigurisë është e rëndësishme për të gjithë ne, dhe është baza e të gjitha veprimtarive.”

Dënohet Ndërkombëtarisht Arrestimi i Studentëve Elitarë Iranianë dhe Bëhet Thirrje për Ndërhyrje nga OKB

Nga
Shkrimtar i stafit
-

Komiteti Parlamentar Rumun për një Iran të Lirë ka dënuar përmes një letre arrestimin dhe torturimin nga regjimi iranian të dy studentëve elitarë iranianë, Amir Hossain Moradi and Ali Younesi, së bashku me 18 individë të tjerë, të arrestuar për lidhjen e tyre të supozuar me Organizatën Muxhahedine të Popullit të Iranit (PMOI, Mujahedin-e Khalq ose MEK). Kjo rganizatë i bën thirrje gjithashtu Kombeve të Bashkuara dhe organizatave të lidhura me të, veçanërisht Komisioneres së Lartë të OKB për të Drejtat e Njeriut, Znj. Michele Bachelet, që të ndërhyjë e ta ndalojë torturimin dhe ekzekutimin e mundshëm të të arrestuarve, si dhe të sigurojë lirimin e tyre.

“Ngrihuni kundër diktaturës së Ali Khamenei-t” : Njësitë e Rezistencës të MEK

Nga
Shkrimtar i stafit
-

Rrjeti brenda vendit i lëvizjes kryesore opozitare Organizata Muxhahedine e Popullit të Iranit (PMOI/MEK), që përbëhet nga Njësitë e Rezistencës Iraniane,  i shpërndau veprimtaritë e tij në mbarë vendin të premten. Me guxim, ata shkruan graffiti  në vende publike me slloganet ”Mullahët nuk e duan Iranin, dhe as Irani e iranianët nuk i duan mullahët,” “Sundimi i Khamenei-t duhet të përmbyset” dhe ”Ngrihuni kundër diktaturës.”
Ata shkruan:
Gachsaran— “Njësitë e guximshme të Rezistencës janë betuar për të luftuar kundër Liderit Suprem Ali Khamenei”
Isfahan— “Ushtria e të varfërve duhet të rebelohet e të ngrejë krye.”
Isfahan— “Mullahët nuk e duan Iranin, dhe as Irani e iranianët nuk i duan mullahët”
Isfahan— “Njësitë e guximshme të Rezistencës janë betuar për të luftuar kundër Liderit Suprem Ali Khamenei”
Teheran— “Regjimi i mullahëve është një diktaturë çnjerëzore, Poshtë parimi i sundimit të Liderit Suprem”
Teheran— “Poshtë parimi i sundimit të Liderit Suprem”
Teheran— “Është koha të ngrihemi për një revolucion. Do të luftojmë deri në fund”
Teheran— “Poshtë Khamenei, mallkuar qoftë Khomeini” / “Pushteti i Khamenei-t duhet të përmbyset”
Kermanshah— “Poshtë Khamenei, mallkuar qoftë Khomeini”
Isfahan— “Njësi të Rezistencës, MEK ju mbështet ju dhe përpjekjet tuaja” / “Poshtë Khamenei, Rroftë Rajavi, Rroftë Liria”
Mahshahr— “Ngrihuni kundër diktaturës”
Qazvin— “Poshtë Khamenei”
Shahr-e Quds (Teheran)— “Poshtë parimi i sundimit të Liderit Suprem” / “Rroftë Rajavi”

“Rise up against dictatorship of Ali Khamenei” : MEK Resistance Units

Iran: Numri i vdekjeve nga koronavirusi në 323 qytete shkon mbi 48,000

Nga
Shkrimtar i stafit
-

Shkruar nga Sekretariati i Këshillit Kombëtar të Rezistencës së Iranit (NCRI)

30 maj 2020

Over 48,000 dead of coronavirus (COVID-19) in Iran-Iran Coronavirus Death Toll Mbi 48,000 të vdekur nga koronavirusi (COVID-19) në Iran – Numri i Vdekjeve nga Koronavirusi në Iran sipas burimeve të PMOI MEK

 

Maryam Rajavi: Rihapja e të gjitha xhamive dhe qendrave tregtare është një akt kriminal nga Khamenei dhe Rouhani; ky akt nuk do të bëjë gjë tjetër veçse do të dërgojë segmente edhe më të mëdha të popullsisë në altarin e koronavirusit

Presidenti i Universitetit të Shkencave Mjekësore në Kermanshah: Deri në fund të shtatorit, 47.5% e popullsisë së vendit do të jetë infektuar me koronavirusin

Një Panel Ekspertësh do të Diskutojë Kërcënimin në Rritje që Vjen nga Regjimi i Iranit

Nga
Shkrimtar i stafit
-

Nga e majta, Z. Olli Heinonen, Amb. Joseph DeTrani, Hon. John Rood, Amb. Robert Joseph, dhe Z. Alireza Jafarzadeh.

UASHINGTON, DC, SHTETET E BASHKUARA – Të mërkurën më 3 qershor 2020, Zyra Përfaqësuese në SHBA e Këshillit Kombëtar të Rezistencës së Iranit (NCRI-SHBA) do të drejtojë një panel online për të diskutuar mbi:

  • Agresionin rajonal të Iranit, qoftë ai i drejtpërdrejtë apo përmes mbështetjes për militantët proksi;
  • Programet raketore e bërthamore të Iranit, duke përfshirë raportet nga Agjencia Ndërkombëtare e Energjisë Atomike (IAEA);
  • Rolin e sanksioneve, duke përfshirë embargon e armëve nga OKB, që do të skadojë në tetor 2020;
  • Veprimtaritë terroriste të Iranit, duke përfshirë vrasjet e disidentëve; dhe
  • Krizën e COVID-19 në Iran, dhe korrupsionin sistematik e shtypjen e protestave.

Paneli

  • John Rood, Ish Nënsekretar i Mbrojtjes për Politikën (2018-2020)
  • Robert Joseph, Ish Nënsekretar i Shtetit për Kontrollin e Armëve dhe Sigurinë Ndërkombëtare (2005-2007)
  • Joseph DeTrani, Ish Drejtor i Qendrës Kombëtare Kundër Proliferimit dhe Këshilltar Special për Drejtorin e Inteligjencës Kombëtare.
  • Olli Heinonen, anëtar i spikatur i Qendrës Stimson, ish zëvendës drejtor i përgjithshëm i IAEA, dhe drejtor i Departamentit të Masave Mbrojtëse në IAEA.
  • Alireza Jafarzadeh, Zëvendës Drejtor, NCRI-SHBA

Detajet 

Regjimi i Iranit Merr Hapa të Mëtejshëm për ta Rihapur Ekonominë, Duke Rrezikuar Pasoja të Rënda dhe Shtim të Trazirave

Nga
Shkrimtar i stafit
-

Regjimi iranian ka vazhduar të ecë përpara me planet për rihapjen e vendit këtë javë, pavarësisht numrit në rritje të vdekjeve dhe shtimit të rasteve të reja me Covid-19. Irani ka patur shpërthimin më të keq të koronavirusit të ri në Lindjen e Mesme. Numri i vërtetë i vdekjeve nga COVID-19 në krahasim me shifrat zyrtare të regjimit klerikal konfirmon faktin se është një nga shpërthimet më të rënda në botë.

Iran: Numri i Vdekjeve nga Koronavirusi në 323 Qytete Shkon mbi 47,800

Nga
Shkrimtar i stafit
-

Shkruar nga Sekretariati i Këshillit Kombëtar të Rezistencës së Iranit (NCRI)Iran: Coronavirus death toll in 323 cities exceeds 47,800

  • Katër javë pas detyrimit të të varfërve t’i rikthehen punës, numri i pacientëve ka arritur në 2,815 brenda 24 orësh, numri më i lartë në tetë javët e fundit, një rritje me 250% krahasuar me katër javë më parë, sipas Ministrisë së Shëndetësisë 
  • Drejtori i Qendrës Shëndetësore të Ahvaz-it Perëndimor: kemi identifikuar mbi 5,000 pacientë në perëndim dhe në lindje të Ahvaz-it. Në çdo familje ka një apo dy të infektuar 
  • Presidenti i Universitetit të Shkencave Mjekësore në Tabriz: 18 nga çdo 100 njerëz në provincën e Azerbaixhanit Lindor janë të infektuar me koronavirus
  • Maryam Rajavi: Regjimi anti-njerëzor i mullahëve është përgjegjës për rritjen e numrit të të infektuarve me koronavirus në Iran dhe për shtimin e viktimave. Konglomeratet e mëdha ekonomike dhe financiare që kontrollohen nga Khamenei dhe IRGC mund t’ua kishin siguruar shumë lehtë shpenzimet e jetesës për disa muaj iranianëve punëtorë dhe të varfërve, në mënyrë që ata të mos kishin patur nevojë të shkonin në punë. Nuk ishte nevoja që populli iranian të dërgohej në altarin e koronavirusit.

Organizata Muxhahedine e Popullit të Iranit (PMOI / MEK) shpalli të premten, më 29 maj 2020, se numri i vdekjeve nga koronavirusi në 323 qytete të Iranit ka shkuar përtej 47,800. Numri i viktimave në Khuzestan është 3,585, Azerbaixhani Lindor 1,625, Lorestan 1,455, Azerbaixhani Perëndimor 1,295, Kermanshah 1,097, Fars 1,060, Kurdistan 840, dhe Kerman 553.

Katastrofa e koronavirusit është përkeqësuar shumë vetëm pak javë pas vendimit mizor e kriminal të Khamenei-t dhe Rouhani-t për t’i detyruar nevojtarët t’i rikthehen punës. Duke shpallur shifrat e sajuara, zëdhënësi i Ministrisë së Shëndetësisë pranoi sot se ka patur 2,815 të infektuar me koronavirus gjatë 24 orëve të fundit, gjë që përbën një rritje prej 250 përqind në katër javë, dhe është numri më i lartë në tetë javët e fundit.

Drejtori i Qendrës së Higjienës të Ahvaz-it Perëndimor, duke folur për Khuzestan TV, pohoi dje se “Në zonën e Ahvazit lindor dhe perëndimor kemi patur mbi 5,000 të infektuar… Në çdo familje ka një apo dy raste të tilla.”

Regjimi i Mullahëve Është Përgjegjës për Vrasjen Brutale të Rominës 14-Vjeçre me Ligjet dhe Praktikat e tij Mesjetare e Misogjiniste

Nga
Shkrimtar i stafit
-

Vrasja tragjike për nder e Romina Ashrafi-t, një vajzë 14-vjeçare në rrethin Talesh, nga i ati, është rezultat i politikave e ligjeve shtypëse e mesjetare të regjimit klerikal misogjinist, të cilat nxisin dhe promovojnë dhunën kundër grave dhe vajzave. Diktatori fetar që sundon Iranin është përgjegjës për vrasjen e Romina Ashrafi-t.

Mediat shtetërore iraniane kanë shkruar se, gjatë seancës gjyqësore që vendosi ridërgimin e Rominës tek shtëpia e të atit, ajo kishte qarë dhe ishte lutur shumë herë duke thënë se, nëse kthehej në shtëpi, i ati do ta vriste. E megjithatë, gjykatësi kriminel, duke u bazuar në ligjet anti-islamike dhe çnjerëzore të regjimit klerikal, dha urdhër që Rominën ta rikthenin në shtëpinë e të atit, shtëpi e cila më vonë u bë altari i saj.

Ligjet çnjerëzore të regjimit klerikal i nxisin krime të tilla të urryera duke e bërë të lejueshme kryerjen e “vrasjeve për nder” sipas Nenit 220 të “Kodit Penal Islamik.” Sipas këtij neni, babai nuk është i dënueshëm, por duhet vetëm të paguajë gjobë për vrasje të tilla.

Komiteti i Grave në Këshillin Kombëtar të Rezistencës së Iranit e dënon fuqishëm vrasjen e vajzës së pafajshme 14-vjeçare dhe fajëson fashizmin fetar që sundon Iranin për vdekjen e saj.

 

 

Iran: Numri i Vdekjeve nga Koronavirusi Shkon mbi 47,500 në 323 Qytete

Nga
Shkrimtar i stafit
-

Iran: Coronavirus fatalities exceed 47,500 in 323 cities Iran, Teheran: Shpërthimi i Koronavirusit, rritje e numrit të vdekjeve

Që më 20 shkurt 2020 deri më 21 maj 2020, 4,875 njerëz kanë vdekur nga koronavirusi në 18 nga 138 spitalet e Teheranit që pranojnë pacientë me koronavirus. Këto spitale janë: Yaftabad, Imam Hossein, Khomeini, Masih Daneshvari, Shohada Gomnam (Sheshi i Khorasan), Loghman Hakim, Modarres, Tajrish, Labafinejad, Sina, Ziaian, A’alam, Taleghani, Madain, Kashani Shariati, Mufateh Varamin, dhe Sajad.

Numri i vdekjeve në Khuzestan ka arritur në 3,550, Mazandaran 2,710, Kermanshah 1,075, Alborz 1,660, Lorestan 1,430, dhe Hamedan 1,275. Numri i vërtetë i vdekjeve është rritur në provinca të ndryshme, por regjimi klerikal po përpiqet ta fshehë këtë me anë të gënjeshtrave e mashtrimeve. Numri i vërtetë i viktimave në provinca të tjera dhe përmasat e gënjeshtrave të regjimit mund të kuptohen nga deklaratat e bëra nga guvernatori i Teheranit dy ditë më parë, i cili tha për agjencinë zyrtare të lajmeve ILNA, “Numri mesatar i vdekjeve nga koronavirusi në vend është 8.5%, ndërsa në provinën Teheran është 3.5%.”

Mohammad Bagher Ghalibaf caktohet si kryetari i ri i parlamentit iranian

Nga
Shkrimtar i stafit
-

Mohammad Bagher GhalibafMohammad Bagher Ghalibaf

Mohammad Bagher Ghalibaf, një ish-kryebashkiak i Teheranit dhe zyrtar i lartë sigurie në aparatin represiv të regjimit iranian, u caktua kryetar i Majlis (parlamentit) të mullahëve të enjten, më 28 maj. Ghalibaf ka një histori të gjatë në forcat e sigurisë dhe luftënxitjen e regjimit iranian, dhe është një figurë e njohur në vjedhjen masive dhe plaçkitjen e pasurisë së popullit. Caktimi i tij si kryetar i parlamentit është një tregues i mëtejshëm për mënyrën se si regjimi ka ndërmend t’i adresojë dilemat e ardhshme.

I tmerruar nga kryengritja, Khamenei i pati spastruar kandidatët e grupimeve rivale për të planifikuar formimin e një parlamenti dhe qeverie të tillë. Por ky është një hap serioz drejt marrjes fund të regjimit.

Znj. Maryam Rajavi, Presidentja e zgjedhur e Këshillit Kombëtar të Rezistencës së Iranit (NCRI), e ka përshkruar Gjeneralin Brigadier të IRGC-së, Mohammad Baqer Qalibaf, kryetarin e ri të parlamentit të regjimit, si vrasës të anëtarëve të Muxhahedinëve (PMOI/MEK), dhe si bashkëpunëtor të Ebrahim Raisi-t, kryegjyqtarit të regjimit. Qalibaf është një nga zyrtarët kryesorë të përfshirë në shtypje e luftënxitje, si dhe në vjedhje e plaçkitje brenda regjimit klerikal. Caktimi i tij si kryetar i organit ligjvënës nga Khamenei është një hap i ri drejt tkurrjes së mëtejshme të sistemit në pushtet në fazën e fundit të këtij regjimi.

Lideri Suprem i regjimit iranian Ali Khamenei pati thënë më 17 maj se dëshiron një qeveri “si Hezbollah” në Iran. Nga frika e protestave të reja dhe një tjetër kryengritjeje mbarëkombëtare, Khamenei ka kohë që ka skualifikuar një listë të gjatë kandidatësh rivalë për parlamentin e regjimit dhe ka zhvilluar zgjedhje parlamentare tërësisht të projektuara për të përgatitur terrenin për një parlament e qeveri siç e do ai vetë.

Ghalibaf në të shkuarën është mburrur për faktin se ka vrarë anëtarë të opozitës iraniane Organizata Muxhahedine e Popullit të Iranit (PMOI/MEK) dhe tre vite më parë ai e pati pranuar se “vetëm katër përqind e shoqërisë janë të lumtur me status quo-në,” sipas një raporti nga agjencia shtetërore Tasnim më 15 prill 2017.

Që në fillim të regjimit të mullahëve, Ghalibaf ka luajtur rol kyç në shtypjen e protestave shoqërore në Teheran, në shtypjen e banorëve të Kurdistan-it, dhe në luftën Iran-Irak të viteve 1980. Ghalibaf ka qenë gjithashtu kryebashkiak i Teheranit për 12 vite, kohë gjatë së cilës ai ka qenë i përfshirë në raste vjedhjesh masive, me vlerë biliona dollarë.

Ghalibaf është gjithashtu krenar se ka punuar kundër MEK-ut që në 1980-ën dhe “ka qenë nëpër rrugë me shkop në dorë” për ta mbrojtur regjimin sa herë që nevojitej.

Mohammad Bagher Ghalibaf is an IRGC club wielder suppressing MEK & protesters

1...408409410...733Faqja 409 nga 733