6 maj 2020

Mbi 39,500 të vdekur nga koronavirusi (COVID-19) në Iran – Numri i Vdekjeve nga Koronavirusi në Iran sipas burimeve të PMOI MEK

Sipas Ministrisë së Shëndetësisë të regjimit, rikthimi i njerëzve në punë e ka dyfishuar numrin e pacientëve brenda katër ditësh

Duke i detyruar njerëzit t’i rikthehen punës, numri i njerëzve të infektuar nga Koronavirusi është rritur në mbarë vendin, dhe zëdhënësi i Ministrisë së Shëndetësisë të Rouhani-t është detyruar ta pranojë këtë. Sot, ai shpalli se numri i pacientëve të rinj në 24 orët e fundit ka qenë 1,680, që është më shumë se dyfishi i numrit të datës 4 maj, numër i cili ishte 802, dhe pasojat e kësaj do të shfaqen në javët që vijnë.

Ndërkohë, mbrëmjen e djeshme, televizioni shtetëror transmetoi takimin e Rouhani-t me zyrtarët e Ministrisë së Shëndetësisë më 4 maj, takim gjatë të cilit ai u përpoq të justifikonte statistikat e rreme të regjimit. “Ka njerëz që nuk e dinë se janë të infektuar; dhe këtë nuk e dinë as spitalet apo qendrat e llogaritjes së shifrave. Kështu që duhet ta pranojmë se numri i pacientëve në të gjitha vendet e botës mund të jetë më i lartë se ç’thonë statistikat e tyre … e njëjta gjë vlen edhe për numrin e vdekjeve … Kur vdes një person (i infektuar me Koronavirus) që ka edhe një sëmundje tjetër, kë duhet ta konsiderojmë si shkakun e vdekjes, sëmundjen tjetër apo Koronavirusin? … Mund t’i bëjmë të dyja, dhe vendet e tjera bëjnë të njëjtën gjë.”

Saeid Namaki, Ministri i Shëndetësisë i regjimit, duke folur në të njëjtin takim, tha, “Pritnim që virusi të frenohej me ngrohjen e motit, por tani provincat tona tropikale, si Khuzestan, Hormozgan, apo Bushehr, po marrin një rritje të kurbës.”

Farhad Abol-Nejadian, president i Universitetit të Shkencave Mjekësore të Khuzestan-it, tha për televizionin shtetëror se, “Për shkak të uljes së distancimit social që nga 11 prilli 2020, kemi patur një kurbë në rritje nga 20 prilli 2020. Numri më i madh i infektimeve është në Ahvaz, Bavi, Dezful, Shooshtar, dhe Karun… Përqendrimi më i madh i shpërthimit të sëmundjes është në rrethinat e qyteteve, ku ka më shumë vështirësi ekonomike dhe të jetesës.”

5 Maj 2020

Dje, Alireza Zali, kreu i Task Forces Kombëtare Koronavirus Combat (NCCT) në Teheran, e përshkroi situatën e Koronavirusit në Teheran si shumë të brishtë. Ai i tha agjencisë së lajmeve lidhur me IRGC, Fars se, “Situata në Teheran, si edhe në zonat e tjera metropolitane është e paqëndrueshme dhe e brishtë dhe me çdo ndryshim në sjellje dhe me mungesë të protokolleve shëndetësore, ne po konsatatojmë një gjendje krejtësisht të ndryshme dhe shqetësuese.”

Sot, Gholamreza Shariati, guvernatori i regjimit në Khuzestan i tha Farsit: “Shkalla e shpërthimit të sëmundjes në Ahvaz është e lartë, siç është edhe infeksioni Koronavirus në Ramshir (në jug-perëndim të Iranit), dhe në Ahvaz, numri i vdekjeve është rritur edhe për ata nën moshë nga 60. ”

Mjekët në Dezful thonë se duke i kthyer njerëzit në punë, numri i të infektuarve është rritur ndjeshëm me 15-20 persona që kanë vdekur nga Koronavirusi brenda disa ditësh.

5 maj 2020

Ali Younesi-Amirhossein Moradi

Emrat e 18 të arrestuarve të tjerë – Znj. Rajavi bën thirrje për lirimin e të burgosurve, dërgimin e një delegacioni ndërkombëtar

Zëdhënësi i Drejtësisë: Në mesin e krizës së Koronavirusit ky ishte një komplot i armiqve; ata donin të shkaktonin kaos në vend, gjë që u parandalua fatmirësisht nga vigjilenca dhe veprimi në kohë i agjentëve tanë të inteligjencës.”

Drejtësia e regjimit iranian e ka pohuar më në fund arrestimin e dy studentëve elitarë të Universitetit të Teknologjisë Sharif, pasi i kishte mbajtur të burgosur për 26 ditë. Amir Hossein Moradi ishte zhdukur më 10 prill, ndërsa Ali Younesi ishte dërguar në shtëpi mbrëmjen e po asaj dite, me plagë e shenja torture.

Ali Younesi

Pas pak orësh i kishin marrë edhe prindërit e tij bashkë me të dhe i kishin marrë në pyetje për orë të tëra nën presion. Më pas, studentët e Universitetit Sharif protestuan dhe kërkuan informacione për statusin dhe fatin e shokëve të tyre.

Ali ka fituar medaljen e artë në Olimpiadën e 12-të Ndërkombëtare të Astronomisë e Astrofizikës, të zhvilluar në Kinë në 2018-ën. Më përpara, ai kishte fituar medaljen e argjendtë dhe të artë në Olimpiadën Kombëtare të Astronomisë në 2016-ën dhe 2017-ën. Edhe Amir Hossein ka fituar medaljen e argjendtë në olimpiadë në vitin 2017.

Zëdhënësi i Drejtësisë, Gholam-Hossein Esmaili, pohoi sot faktin e arrestimit të Amir Hossein Moradi dhe Ali Younesi, duke thënë se ata kishin qenë të lidhur me PMOI (MEK). Duke recituar një seri akuzash të sajuara, ai shtoi se ata kishin qenë të përfshirë në “veprime devijante” dhe po “përpiqeshin të kryenin operacione sabotazhi.” “Në shtëpitë e tyre janë zbuluar pajisje eksplozive që përdoren në operacione sabotazhi,” tha ai.

“Në mesin e krizës së koronavirusit, ky ishte një komplot i armiqve; ata donin të shkaktonin kaos në vend, gjë që u parandalua fatmirësisht nga vigjilenca dhe veprimi në kohë i agjentëve të ministrisë së inteligjencës,” shtoi Esmaili.

I tmerruar nga mundësia e një kryengritjeje, fashizmi fetar që sundon Iranin nuk gjen mundësi tjetër përveç përdorimit të frikësimit, shtypjes, dhe shtimit të represionit. Ana tjetër e medaljes së taktikave të ministrisë së inteligjencës të regjimit është rifillimi i cirkut qesharak të agjentëve të saj në mediat sociale, agjentë të cilët paraqiten si familjarë të PMOI në Shqipëri.

Organizata Muxhahedine e Popullit të Iranit (PMOI/MEK) ka publikuar emrat e 18 personave të tjerë, mes shumë të arrestuarve:

1. Mohammad Reza Ashrafi Samani, Isfahan

2. Nahid Fat’halian, Teheran

3. Kamran Rezaeifar, Teheran

4. Sepehr Imam Jomeh, Teheran

5. ParastooMo’ini, Teheran

6. Zahra Safaei, Teheran

7. Bijan Kazemi, Kuhdasht

9. ForoughTaghipour, Teheran

10. Marzieh Farsi, Tehran

11. Massoud Rad, Teheran
12. Mohammad Mehri, Qom

13. Somayeh Bidi, Karaj

14. Mohammad Hassani, Karaj

15. Rasool Hassanvand, Khorramabad

16. Gholam Ali Alipour, Amol

17. Mehran Gharabaghi, Behbahan

18. Majid Khademi, Behbahan

19. Saeed Rad, Semnan

Znj. Maryam Rajavi, Presidentja e zgjedhur e Këshillit Kombëtar të Rezistencës së Iranit (NCRI), theksoi se të arrestuarit i nënshtrohen torturës dhe rrezikojnë ekzekutimin, si dhe janë në rrezik ekspozimi ndaj Koronavirusit. Ajo nxiti sërish Sekretarin e Përgjithshëm të Kombeve të Bashkuara, Komisioneren e Lartë për të Drejtat Njerëzore, dhe Këshillin e të Drejtave Njerëzore, si dhe organizatat ndërkombëtare të të drejtave të njeriut që të marrin masa urgjente për të siguruar lirimin e të arrestuarve dhe që të dërgojnë misione ndërkombëtare për të vizituar burgjet e regjimit e për t’u takuar me këta të burgosur.

Regjimi klerikal duhet t’i publikojë emrat e gjithë të arrestuarve dhe t’i respektojë të gjitha të drejtat e tyre që mbrohen nga konventat ndërkombëtare në të cilat ai është i përfshirë. Tortura dhe keqtrajtimi i të burgosurve politikë janë praktika të njohura të regjimit. Që nga kryengritja e dhjetorit 2017, një numër i konsiderueshëm të burgosurish janë vrarë nën torturë. Regjimi hesht dhe fsheh faktet lidhur me fatin e këtyre të burgosurve. Dhe kur detyrohet të thotë diçka, pretendon se kanë kryer vetëvrasje.

Sekretariati i Këshillit Kombëtar të Rezistencës së Iranit (NCRI)

5 maj 2020

4 maj 2020

Organizata e të drejtave njerëzore Iran Human Rights Monitor (Iran-HRM)  ka publikuar raportin e saj muior mbi situatën e të drejtave njerëzore në Iran. “Autoritetet iraniane kanë ekzekutuar 32 individë, duke përfshirë kundërvajtës të mitur, anëtarë të minoriteteve etnike dhe të dënuar për krime të lidhura me drogën,” lexon raporti.

Më poshtë vijon një përmbledhje e raportit të Iran HRM:

Në prill 2020, ndërkohë që Irani dhe e gjithë bota po përballeshin me koronavirusin (COVID-19), regjimi e rriti shtypjen mbi popullin e tij.

Regjimi nisi një valë të re ekzekutimesh, duke vrarë të paktën 32 njerëz në 14 qytete, duke përfshirë kundërvajtës të mitur dhe anëtarë të minoriteteve etnike. Shumë prej të ekzekutuarve kishin marrë pjesë në protesta kundër kushteve të burgjeve, veçanërisht në kushtet e pandemisë së Covid-19, dhe faktit që regjimi nuk i kishte liruar përkohësisht për ta ndaluar përhapjen masive të sëmundjes në burgje.

Sipas kësaj organizate të rëndësishme të të drejtave njerëzore, më 11 prill, regjimi vari të burgosurin politik iraniano-kurd Mostafa Salimi. Salimi, 53 vjeç, ishte një prej rreth 80 të burgosurve që ishin arratisur nga burgu i Saqqez në provincën Kurdistan, pas një proteste më 27 mars. Ai u riarrestua disa ditë më vonë.

Në një pjesë tjetër të raportit të saj mujor, Iran HRM raporton mbi ekzekutimin nga regjimi iranian të një të burgosuri tjetër që ishte arratisur nga burgu i Saqqez më 27 mars, dhe më pas ishte riarrestuar. Shayan Saeedpour ishte burgosur për vrasje pasi kishte vrarë një njeri gjatë një përleshjeje në rrugë dhe kishte qenë vetëm 17 vjeç në kohën e arrestimit.

Amnesty International ka thënë se “ekzekutimi i tij mund të ketë qenë një akt shpagimi nga ana e autoriteteve lokale të ndjekjes penale, me qëllimin për t’u futur frikën të burgosurve të tjerë që të mos tentojnë arratisje të ngjashme”.

Sipas Iran HRM, më 18 prill është ekzekutuar Majid Esmailzadeh në burgun e Ardabil, megjithëse edhe ai ishte dënuar me vdekje për një krim të supozuar të kryer para moshës 18 vjeçare, ndërsa më 23 prill u ekzekutua Sina Mohammadi për një vrasje që thuhet se e ka kryer ndërkohë që ishte nën moshë.

Kundërvajtësi minoren Danial Zeinolabedin u ekzekutua më 2 prill, pasi ishte rrahur nga zyrtarët në burgun e Miandoab, pas një proteste në burgun e Mahabad më 28 mars.

Michelle Bachelet, Komisionerja e Lartë e OKB për të Drejtat e Njeriut i dënoi këto ekzekutime të kundërvajtësve minorenë më 22 prill.

Ekzekutimet kanë vazhduar edhe gjatë muajit të shenjtë islamik të Ramazanit.

Më 21 prill, Shahram Baygan u var në Burgun Qendror të Tabriz, para se familja e tij të informohej. Ai ishte shtruar në spital pasi ishte rrahur keq nga rojat gjatë një proteste ndaj kushteve të burgut në mars.

Më 24 prill, banorët e Baneh, Abdul Vahed Faizi dhe Ramyar (Payam) Mokhless u ekzekutuan në Burgun Qendror të Sanandaj. Këta kurdë ishin arrestuar, sipas raporteve, për vrasje. Po atë ditë, një anëtar i minoritetit etnik Baluch, Abul Baset Dahani, u var në Zahedan.

Në fund të prillit, Soleiman Mirzayi dhe Vahed Rostamzadeh, 30 vjeç, u ekzekutuan për akuza droge në burgjet e Borujerd dhe Hamedan, përkatësisht.

Amnesty International ka vënë në dukje në raportin e saj vjetor të Dënimit me Vdekje se Irani ka numrin e dytë më të madh të ekzekutimeve në botë, numër që përbën një të tretën e ekzekutimeve të botës. Irani ka gjithashtu numrin më të madh të ekzekutimeve të minorenëve.

4 maj 2020

Pavarësisht gënjeshtrave të Rouhani-t, kryetari i komitetit të epidemiologjisë në Ministrinë e Shëndetit paralajmëron për një kurbë në rritje të Koronavirusit në 15 provinca

Kryetari i komitetit për parandalimin e koronavirusit: Ndarja e rajoneve në të bardha, të verdha e të kuqe nuk ka bazë shkencore, dhe është thjesht lojë fjalësh. Z. President ka krijuar një ndjesi të rreme optimizmi duke u caktuar ngjyra qyteteve e rajoneve.
Znj. Rajavi dënon trajtimin çnjerëzor të grave të infektuara në burgun e Ahvaz, nxit Znj. Bachelet, Komisioneren e Lartë të OKB për të Drejtat e Njeriut, që të ndërmarrë hapa për të siguruar lirimin e grave të burgosura.
Në mesin e krizës së Koronavirusit, parlamenti i regjimit miraton ndryshimin e monedhës iraniane nga Rial në Toman, duke eliminuar katër zero.
Maryam Rajavi: Kjo masë e marrë me ngurrim, pas rënies së madhe të vlerës së Rialit është sinjali më i rëndësishëm dhe pohimi zyrtar i falimentimit ekonomik të regjimit.

Në spitalin Sina të Teheranit janë minimizuar pajisjet e nevojshme për mjekët dhe infermierët. Spitali është vënë nën kontrollin e të ashtu-quajturve mercenarë ideologjikë e politikë, dhe kushdo që proteston hiqet nga puna. Nëse dikush filmon, merret në pyetje, dhe i konfiskohet telefoni.

Ndërkohë që shfaqja e lutjeve të së premtes është planifikuar të bëhet në 157 qytete këtë javë (IRNA, 3 maj), sot Komiteti i Epidemiologjisë në Ministrinë e Shëndetit shpalli se: “Vëzhgohet tendencë në rritje ose fillimi i pikut në 15 provinca (Qom, Lorestan, Ilam, Gilan, Golestan, Khorasan Razavi, Kohgiluyeh dhe Boyer-Ahmad, Khuzestan, Hormozgan, Kerman, Yazd, Isfahan, Zanjan, Chaharmahal dhe Bakhtiari, dhe Kermanshah),” raporton agjencia shtetërore e lajmeve ISNA.

3 maj 2020

Maryam Rajavi: Regjimi klerikal po përpiqet ta paraqesë situatën si normale duke e krahasuar në mënyrë qesharake me atë të vendeve europiane. Khamenei dhe Rouhani i dërgojnë njerëzit në altarin e sakrificës të Koronavirusit. Jetët e njerëzve nuk kanë asnjë vlerë për ta, dhe nuk e ndihmojnë popullin me qindra biliona dollarët e pasurisë publike që gjenden në duart e Khamenei-t. Këshilli i Sigurimit duhet të ndërhyjë për të shpëtuar jetët e të burgosurve dhe për të siguruar lirimin e tyre, sidomos të të burgosurve politikë. Jetët e të burgosurve kërcënohen njëkohësisht nga Koronavirusi dhe nga regjimi klerikal.

Organizata Muxhahedine e Popullit të Iranit (PMOI / MEK) shpalli të dielën, më 3 maj 2020, se numri i vdekjeve nga Koronavirusi e ka tejkaluar shifrën 38,700 në 310 qytete të Iranit.

Megjithatë, sot, Hassan Rouhani tha, “Xhamitë do të rihapen nesër dhe lutjet e së premtes do të zhvillohen në 132 qytete, të cilat janë të pastra nga virusi dhe me rrezik të ulët, … Edhe në zonat e kuqe, disa biznese … do të hapen me kusht që të mos ketë grumbullime njerëzish.”

Ali Khamenei dhe Rouhani po e kryejnë këtë akt kriminal ndërkohë që shumë zyrtarë e ekspertë të regjimit e konsiderojnë të rrezikshëm në situatën aktuale. Alireza Zali, kryetari i Taskforcës Kombëtare për Luftimin e Koronavirusit në Teheran, tha, “Duhet ta konsiderojmë Teheranin si një qytet të kontaminuar … Nuk duhet të gënjehemi nga statistikat në ulje.” Sipas Shabakeh Khabar (Rrjeti i Lajmeve), më 3 maj 2020, Shahabadi nga Universiteti i Shkencave Mjekësore në Kermanshah tha, “Rastet pozitive në provincë po rriten dita ditës. Jemi të shqetësuar për valën e dytë të shpërthimit të Koronavirusit. Virusi do të ketë një impakt më të rëndë në valën e dytë.”

Sipas të përditshmes shtetërore Setareh Sobh më 3 maj 2020, Mahboubfar, një anëtar i Komitetit për Parandalimin dhe Luftimin e Koronavirusit, tha se nuk është dakord me deklaratën e Rouhani-t që thotë se “objektet fetare do të rihapen me shumë mundësi në zonat që janë pa virus … Nuk ka dhe nuk do të ketë zona të tilla.”

Ndërkohë, në komentet e publikuara nga Agjencia e Lajmeve Fars më 2 maj, Ahmad Khaddadi, Zëvendës Ministër i Kulturës dhe Udhëheqjes Islamike, u ankua për zbulimet dhe dokumentat e publikuara nga Rezistenca Iraniane lidhur me shpërthimin e koronavirusit në Iran. “MEK është e pranishme në shumë kryeqytete europiane, duke përfshirë Shqipërinë. Ata kanë madje edhe media dhe një rrjet televiziv, dhe njerëzit në Iran i shohin raportet e tyre,” tha ai.