Regjimi iranian po përpiqet ta minimizojë krimin që ka kryer duke vrarë 1,500 protestues në nëntor 2019

Raportim nga PMOI/MEK NGA BRENDA IRANIT

Iran, 3 qershor 2020—Gjashtë muaj pasi shtypjes së përgjakshme të protestave mbarëkombëtare nga regjimi iranian, Ministri i Brendshëm Abdolreza Rahmani Fazli shpalli në mënyrë të nënkuptuar të shtunën se vetëm 200-250 njerëz janë vrarë gjatë protestave. Ndërsa sipas informacioneve të marra nga Organizata Muxhahedine e Popullit të Iranit (PMOI/MEK), gjatë ditëve të para të kryengritjes, forcat e sigurisë kanë vrarë të paktën 1,500 protestues dhe kanë bërë mbi 12,000 arrestime.

Protestat nisën në nëntor pasi regjimi e rriti papritmas çmimin e gazolinës me 300 përqind. Gjatë këtyre protestave, ministria e komunikimeve e bllokoi aksesin në internet në mbarë vendin në mënyrë që të kryente shtypjen më gjakatare në 40 vitet e fundit larg syve të botës.

“Ata (armiku) kanë shpallur se janë vrarë 10,000 njerëz, janë vrarë 8,000, 7,000, 6,000. Kanë përmendur madje edhe 2,000,” tha Rahmani Fazli në televizionin shtetëror të shtunën. “Dashtë Zoti, do t’i shpallim shifrat brenda pak ditësh. Numri i viktimave nuk është aspak në këto nivele. Dua të them se 20 përqind e këtij numri, diku midis 40 e 45 viktima, janë regjistruar si martirë. Ata ishin të pafajshëm, thjesht po kalonin në rrugë dhe janë vrarë nga armë e taktika që nuk përdoren nga Forcat e Sigurisë së Shtetit apo agjenci të tjera qeveritare.”

Kaq skandaloze ishin komentet e Rahmani Fazli, saqë vetë zyrtarët e regjimit i refuzuan ato. Të hënën më 1 qershor, kryetari i ri i Komisionit të Sigurisë të Majlis (parlamentit), Mojtaba Zolnour, u tall me fjalët e Rahmani Fazli dhe tha: “2,000 njerëz në vendngjarje dhe 5,000 oficerë janë plagosur e numri i vdekjeve është 230? Gjatë gjashtë muajve të fundit janë identifikuar pesë njerëz çdo katër ditë! U deshën gjashtë muaj heshtje dhe disa premtime se ‘do të shpallen së shpejti’ për të identifikuar 230 të vrarë?”

• Sipas Universitetit të Shkencave Mjekësore, numri i të shtruarve në spital në Kermanshah dje ishte sa tre të katërtat e Teheranit, që ka një popullsi prej 14 milion.
• Maryam Rajavi paralajmëron për situatën e të burgosurve, sidomos të burgosurve në Urmia, nxit sërish Sekretarin e Përgjithshëm të OKB, Këshillin e Sigurisë të OKB, dhe organet e tjera ndërkombëtare që të veprojnë për të parandaluar një katastrofë humanitare në burgjet e regjimit.

Në një deklaratë, një zëdhënës i Ministrisë së Shëndetësisë të mullahëve tha se, në 24 orët e fundit, 70 njerëz kanë vdekur dhe 3,134 janë infektuar me koronavirus, duke shtuar se situata në provincat Hormozgan, Azerbaixhan Lindor e Perëndimor, Kurdistan, Kermanshah, Bushehr, Sistan dhe Baluchestan, Qazvin, dhe Khorasan Razavi është alarmante.

Dje, Alireza Zali, drejtori i Taskforcës Kombëtare për Luftimin e Koronavirusit (NCCT) në Teheran, tha për agjencinë zyrtare të lajmeve ILNA: “Mbrëmjen e djeshme, 261 pacientë me koronavirus janë shtruar në sallat e zakonshme të spitaleve, ndërsa 73 pacientë në gjendje akute janë shtruar në terapi intensive.”

Në Kermanshah, statistikat e të infektuarve dhe të shtruarve në spital janë tronditëse. Kryetari i komitetit të informacionit të Universitetit të Shkencave Mjekësore në Kermanshah tha sot për agjencinë e lajmeve të IRGC-së, Fars: “Çdo ditë, numri i pacientëe me koronavirus që shtrohen në spitalet e provincës e kalon shifrën 200. Dje janë shtruar në spital 243 njerëz.” Kjo shifër është rreth tre të katërtat e pacientëve të shtruar në Teheran, ku ka një popullsi prej 14 milion banorësh, sipas statistikave të regjimit.

Forcat represive të sigurisë së regjimit gjatë protestave të Iranit, nëntor 2019 – foto fajli

“Ndërkohë që koronavirusi bën kërdinë në provinca të ndryshme të Iranit, aparati gjyqësor dhe i sigurisë i regjimit e ka shtuar persekutimin e minoriteteve dhe aktivistëve politikë e të të drejtave civile,” thotë organizata Iran Human Rights Monitor (Iran HRM) në raportin e saj mujor për muajin maj 2020.

Që nga shpërthimi i koronavirusit, regjimi iranian, paralelisht me mashtrimet e tij dhe minimizimin e përmasave të krizës, i ka rritur masat e sigurisë, pasi mullahët e konsiderojnë këtë krizë si një rrezik sigurie ndaj ekzistencës së regjimit të tyre dhe një mundësi për shpërthimin e shoqërisë së zemëruar iraniane.

Për shkak të përqasjes çnjerëzore të regjimit ndaj kësaj krize, deri tani kanë humbur jetën pothuajse 49,000 njerëz, sipas Organizatës Muxhahedine të Popullit të Iranit (PMOI, Mujahedin-e Khalq ose MEK).

“Në një valë të re masash represive në Iran, Ministria e Inteligjencës dhe Sigurisë (MOIS) dhe Organizata e Inteligjencës e IRGC-së kanë nisur të arrestojnë një numër të madh aktivistësh të rinj, veçanërisht familjarë e mbështetës të Organizatës Muxhahedine të Popullit të Iranit (PMOI/MEK). Shumë prej tyre janë dërguar nëpër burgje, dhe disa janë liruar përkohësisht me kusht pasi kanë firmosur një dokument ku betohen se nuk do të marrin pjesë në veprimtari anti-regjim,” lexon raporti.

Foto të disa martirëve të protestave të Iranit, nëntor 2019

Mullah Mojtaba Zolnouri, anëtar i parlamentit të regjimit iranian, duke u përpjekur t’i minimizojë krimet e forcave të sigurisë të mullahëve që janë kryer gjatë protestave mbarëkombëtare në nëntor, duke përfshirë vrasjen e 1500 protestuesve, pretendoi se: “Vetëm 230 njerëz janë vrarë gjatë incidentit të nëntorit.”

Organizata Muxhahedine e Popullit të Iranit (PMOI/MEK), e cila e ka gjurmuar nga afër numrin e martirëve, të arrestuarve dhe të plagosurve të protestave të Iranit, më 15 dhjetor 2019 pati shpallur se ka patur mbi 1500 martirë. MEK ka publikuar gjithashtu emrat dhe fotot e mbi 750 martirëve.

Më 23 dhjetor, Reuters në raportin e saj të veçantë, duke cituar dy zyrtarë të regjimit, konfirmoi se ka patur mbi 1500 vdekje gjatë kryengritjes mbarëkombëtare në nëntor.

Përpara Zolnouri-t, i cili është kryetar i komisionit parlamentar të sigurisë dhe zyrtar sigurie i regjimit, Ministri i Brendshëm i regjimit Abdolreza Rahamani Fazli shpalli se rreth 250 njerëz janë vrarë gjatë protestave. Ashtu si Zoulnouri, i cili pretendoi paturpësisht se “52 nga të vrarët kanë qenë anëtarë të forcave të sigurisë,” edhe Rahmani Fazli tha: “Rreth 40 deri në 45 njerëz janë vrarë me armë jozyrtare dhe të paregjistruara,” duke u përpjekur t’ia vërë fajin një pale të tretë por gjithnjë duke e justifikuar shtypjen brutale të protestuesve nga regjimi.

Ndërkohë, filmimet e siguruara nga MEK dhe që qarkullojnë nëpër internet tregojnë forcat e regjimit duke i qëlluar njerëzit nga shumë afër, duke përdorur shkopinj e sëpata, e duke i rrahur protestuesit për vdekje.

Nga frika e ekspozimit të mëtejshëm të krimeve të tij, regjimi e ndërpreu internetin në mënyrë të paprecedent për disa ditë me radhë. Përveç frikës nga fushata ndërkombëtare e udhëhequr nga Rezistenca Iraniane për dënimin e mizorive të regjimit dhe nga fakti se krimet e regjimit do të dënoheshin më pas botërisht, mullahët kishin frikë edhe se mos protestuesit kontaktonin me Rezistencën Iraniane.

Ministria e Shëndetësisë e regjimit: 3,117 raste të reja në 24 orët e fundit, rritje katërfish në një muaj, pothuajse numri më i lartë në vend në tre muaj e gjysëm

Sot, një zëdhënës i Ministrisë së Shëndetësisë së regjimit tha se numri i vdekjeve ka arritur në 3,117 gjatë 24 orëve të fundit, një rritje katërfish krahasuar me një muaj më parë, pothuajse njësoj si ditët e pikut. Sipas Ministrisë së Shëndetësisë të regjimit, numri më i madh i pacientëve në 24 orë më 30 mars 2020 ka qenë 3,186.

Sipas agjencisë zyrtare të lajmeve IRNA, “Provincat Hormozgan, Azerbaixhan Perëndimor, Isfahan, Kurdistan, Kermanshah, dhe Bushehr janë në status alarmi.”

1 qershor 2020

Foto të disa prej martirëve të protestave të Iranit — Nëntor 2019

Ministri i brendshëm i regjimit iranian pranon vrasjen e protestuesve gjatë protestave të Iranit, komuniteti ndërkombëtar duhet të ndërhyjë

Ministri i Brendshëm i regjimit iranian, Abdolreza Rahmani Fazli, të shtunën shpalli se nga 200 deri në 255 njerëz kanë humbur jetën gjatë protestave mbarëkombëtare të Iranit. Edhe pse ai u përpoq ta minimizonte brutalitetin e regjimit pas shtatë muajsh heshtjeje, komuniteti ndërkombëtar duhet ta konsiderojë këtë si një krim kundër njerëzimit dhe zyrtarët e regjimit duhet të ndiqen penalisht për këtë krim.

Në një intervistë në televizionin shtetëror, Rahmani Fazli tha: “Disa e kanë deklaruar numrin e vdekjeve si 10,000, disa 8,000, disa 7,000, disa thonë 6,000 apo 2,000, por, dashtë Zoti, numri i vdekjeve do të shpallet në ditët e ardhshme dhe [do ta shihni që] numri nuk është i tillë. Do të doja të thosha që rreth 40 apo 45 njerëz, domethënë rreth 20% e të vrarëve, janë qëlluar me armë jostandarde dhe konsiderohen madje si të martirizuar.”

Organizata Muxhahedine e Popullit të Iranit (PMOI, Mujahedin-e Khalq ose MEK) për shkak të rrjetit të saj të gjerë brenda Iranit ka mundur ta llogarisë numrin e vërtetë të vdekjeve. Siç ka shpallur MEK më 15 dhjetor 2019, forcat e sigurisë të regjimit kanë vrarë mbi 1500 protestues, kanë arrestuar 12,000 dhe kanë plagosur mbi 4,000 njerëz gjatë protestave mbarëkombëtare të Iranti në nëntor.

Më 23 dhjetor 2019, në një raport special, Reuters konfirmoi gjithashtu se lideri suprem i regjimit, Ali Khamenei, kishte dhënë urdhër direkt për t’i shtypur protestuesit, gjë që ka rezultuar në mbi 1500 vdekje. “Rreth 1,500 njerëz janë vrarë në më pak se dy javë trazira që nisën më 15 nëntor. Ky numër i është dhënë Reuters-it nga tre zyrtarë të ministrisë së brendshme iraniane.”

Mbrojtës dhe grupe të të drejtave njerëzore, si Amnesty International, e kanë dënuar përdorimin e forcës vdekjeprurëse nga regjimi për shtypjen e protestuesve.

Iran: Numri i vdekjeve nga koronavirusi në 324 qytete shkon mbi 48,500

Paralajmërime dhe shpallje e gjendjes së kuqe provincë pas province

Organizata Muxhahedine e Popullit të Iranit (PMOI / MEK) shpalli të hënën, më 1 qershor 2020, se numri i vdekjeve nga koronavirusi në 324 qytete të Iranit ka shkuar në 48,500. Numri i viktimave në Teheran është të paktën 10,200, Khuzestan 3,690, Sistan dhe Baluchestan 1,520, Lorestan 1,510, Kermanshah 1,115, Kerman 565, Kohgiluyeh dhe Boyer-Ahmad 295, dhe Hormozgan 230.