Regjimi iranian ka vazhduar të ecë përpara me planet për rihapjen e vendit këtë javë, pavarësisht numrit në rritje të vdekjeve dhe shtimit të rasteve të reja me Covid-19. Irani ka patur shpërthimin më të keq të koronavirusit të ri në Lindjen e Mesme. Numri i vërtetë i vdekjeve nga COVID-19 në krahasim me shifrat zyrtare të regjimit klerikal konfirmon faktin se është një nga shpërthimet më të rënda në botë.
Regjimi i Iranit Merr Hapa të Mëtejshëm për ta Rihapur Ekonominë, Duke Rrezikuar Pasoja të Rënda dhe Shtim të Trazirave
Iran: Numri i Vdekjeve nga Koronavirusi në 323 Qytete Shkon mbi 47,800
Shkruar nga Sekretariati i Këshillit Kombëtar të Rezistencës së Iranit (NCRI)
- Katër javë pas detyrimit të të varfërve t’i rikthehen punës, numri i pacientëve ka arritur në 2,815 brenda 24 orësh, numri më i lartë në tetë javët e fundit, një rritje me 250% krahasuar me katër javë më parë, sipas Ministrisë së Shëndetësisë
- Drejtori i Qendrës Shëndetësore të Ahvaz-it Perëndimor: kemi identifikuar mbi 5,000 pacientë në perëndim dhe në lindje të Ahvaz-it. Në çdo familje ka një apo dy të infektuar
- Presidenti i Universitetit të Shkencave Mjekësore në Tabriz: 18 nga çdo 100 njerëz në provincën e Azerbaixhanit Lindor janë të infektuar me koronavirus
- Maryam Rajavi: Regjimi anti-njerëzor i mullahëve është përgjegjës për rritjen e numrit të të infektuarve me koronavirus në Iran dhe për shtimin e viktimave. Konglomeratet e mëdha ekonomike dhe financiare që kontrollohen nga Khamenei dhe IRGC mund t’ua kishin siguruar shumë lehtë shpenzimet e jetesës për disa muaj iranianëve punëtorë dhe të varfërve, në mënyrë që ata të mos kishin patur nevojë të shkonin në punë. Nuk ishte nevoja që populli iranian të dërgohej në altarin e koronavirusit.
Organizata Muxhahedine e Popullit të Iranit (PMOI / MEK) shpalli të premten, më 29 maj 2020, se numri i vdekjeve nga koronavirusi në 323 qytete të Iranit ka shkuar përtej 47,800. Numri i viktimave në Khuzestan është 3,585, Azerbaixhani Lindor 1,625, Lorestan 1,455, Azerbaixhani Perëndimor 1,295, Kermanshah 1,097, Fars 1,060, Kurdistan 840, dhe Kerman 553.
Katastrofa e koronavirusit është përkeqësuar shumë vetëm pak javë pas vendimit mizor e kriminal të Khamenei-t dhe Rouhani-t për t’i detyruar nevojtarët t’i rikthehen punës. Duke shpallur shifrat e sajuara, zëdhënësi i Ministrisë së Shëndetësisë pranoi sot se ka patur 2,815 të infektuar me koronavirus gjatë 24 orëve të fundit, gjë që përbën një rritje prej 250 përqind në katër javë, dhe është numri më i lartë në tetë javët e fundit.
Drejtori i Qendrës së Higjienës të Ahvaz-it Perëndimor, duke folur për Khuzestan TV, pohoi dje se “Në zonën e Ahvazit lindor dhe perëndimor kemi patur mbi 5,000 të infektuar… Në çdo familje ka një apo dy raste të tilla.”
Regjimi i Mullahëve Është Përgjegjës për Vrasjen Brutale të Rominës 14-Vjeçre me Ligjet dhe Praktikat e tij Mesjetare e Misogjiniste
Vrasja tragjike për nder e Romina Ashrafi-t, një vajzë 14-vjeçare në rrethin Talesh, nga i ati, është rezultat i politikave e ligjeve shtypëse e mesjetare të regjimit klerikal misogjinist, të cilat nxisin dhe promovojnë dhunën kundër grave dhe vajzave. Diktatori fetar që sundon Iranin është përgjegjës për vrasjen e Romina Ashrafi-t.
Mediat shtetërore iraniane kanë shkruar se, gjatë seancës gjyqësore që vendosi ridërgimin e Rominës tek shtëpia e të atit, ajo kishte qarë dhe ishte lutur shumë herë duke thënë se, nëse kthehej në shtëpi, i ati do ta vriste. E megjithatë, gjykatësi kriminel, duke u bazuar në ligjet anti-islamike dhe çnjerëzore të regjimit klerikal, dha urdhër që Rominën ta rikthenin në shtëpinë e të atit, shtëpi e cila më vonë u bë altari i saj.
Ligjet çnjerëzore të regjimit klerikal i nxisin krime të tilla të urryera duke e bërë të lejueshme kryerjen e “vrasjeve për nder” sipas Nenit 220 të “Kodit Penal Islamik.” Sipas këtij neni, babai nuk është i dënueshëm, por duhet vetëm të paguajë gjobë për vrasje të tilla.
Komiteti i Grave në Këshillin Kombëtar të Rezistencës së Iranit e dënon fuqishëm vrasjen e vajzës së pafajshme 14-vjeçare dhe fajëson fashizmin fetar që sundon Iranin për vdekjen e saj.
Iran: Numri i Vdekjeve nga Koronavirusi Shkon mbi 47,500 në 323 Qytete
Iran, Teheran: Shpërthimi i Koronavirusit, rritje e numrit të vdekjeve
Që më 20 shkurt 2020 deri më 21 maj 2020, 4,875 njerëz kanë vdekur nga koronavirusi në 18 nga 138 spitalet e Teheranit që pranojnë pacientë me koronavirus. Këto spitale janë: Yaftabad, Imam Hossein, Khomeini, Masih Daneshvari, Shohada Gomnam (Sheshi i Khorasan), Loghman Hakim, Modarres, Tajrish, Labafinejad, Sina, Ziaian, A’alam, Taleghani, Madain, Kashani Shariati, Mufateh Varamin, dhe Sajad.
Numri i vdekjeve në Khuzestan ka arritur në 3,550, Mazandaran 2,710, Kermanshah 1,075, Alborz 1,660, Lorestan 1,430, dhe Hamedan 1,275. Numri i vërtetë i vdekjeve është rritur në provinca të ndryshme, por regjimi klerikal po përpiqet ta fshehë këtë me anë të gënjeshtrave e mashtrimeve. Numri i vërtetë i viktimave në provinca të tjera dhe përmasat e gënjeshtrave të regjimit mund të kuptohen nga deklaratat e bëra nga guvernatori i Teheranit dy ditë më parë, i cili tha për agjencinë zyrtare të lajmeve ILNA, “Numri mesatar i vdekjeve nga koronavirusi në vend është 8.5%, ndërsa në provinën Teheran është 3.5%.”
Mohammad Bagher Ghalibaf caktohet si kryetari i ri i parlamentit iranian
Mohammad Bagher Ghalibaf
Mohammad Bagher Ghalibaf, një ish-kryebashkiak i Teheranit dhe zyrtar i lartë sigurie në aparatin represiv të regjimit iranian, u caktua kryetar i Majlis (parlamentit) të mullahëve të enjten, më 28 maj. Ghalibaf ka një histori të gjatë në forcat e sigurisë dhe luftënxitjen e regjimit iranian, dhe është një figurë e njohur në vjedhjen masive dhe plaçkitjen e pasurisë së popullit. Caktimi i tij si kryetar i parlamentit është një tregues i mëtejshëm për mënyrën se si regjimi ka ndërmend t’i adresojë dilemat e ardhshme.
I tmerruar nga kryengritja, Khamenei i pati spastruar kandidatët e grupimeve rivale për të planifikuar formimin e një parlamenti dhe qeverie të tillë. Por ky është një hap serioz drejt marrjes fund të regjimit.
Znj. Maryam Rajavi, Presidentja e zgjedhur e Këshillit Kombëtar të Rezistencës së Iranit (NCRI), e ka përshkruar Gjeneralin Brigadier të IRGC-së, Mohammad Baqer Qalibaf, kryetarin e ri të parlamentit të regjimit, si vrasës të anëtarëve të Muxhahedinëve (PMOI/MEK), dhe si bashkëpunëtor të Ebrahim Raisi-t, kryegjyqtarit të regjimit. Qalibaf është një nga zyrtarët kryesorë të përfshirë në shtypje e luftënxitje, si dhe në vjedhje e plaçkitje brenda regjimit klerikal. Caktimi i tij si kryetar i organit ligjvënës nga Khamenei është një hap i ri drejt tkurrjes së mëtejshme të sistemit në pushtet në fazën e fundit të këtij regjimi.
Lideri Suprem i regjimit iranian Ali Khamenei pati thënë më 17 maj se dëshiron një qeveri “si Hezbollah” në Iran. Nga frika e protestave të reja dhe një tjetër kryengritjeje mbarëkombëtare, Khamenei ka kohë që ka skualifikuar një listë të gjatë kandidatësh rivalë për parlamentin e regjimit dhe ka zhvilluar zgjedhje parlamentare tërësisht të projektuara për të përgatitur terrenin për një parlament e qeveri siç e do ai vetë.
Ghalibaf në të shkuarën është mburrur për faktin se ka vrarë anëtarë të opozitës iraniane Organizata Muxhahedine e Popullit të Iranit (PMOI/MEK) dhe tre vite më parë ai e pati pranuar se “vetëm katër përqind e shoqërisë janë të lumtur me status quo-në,” sipas një raporti nga agjencia shtetërore Tasnim më 15 prill 2017.
Që në fillim të regjimit të mullahëve, Ghalibaf ka luajtur rol kyç në shtypjen e protestave shoqërore në Teheran, në shtypjen e banorëve të Kurdistan-it, dhe në luftën Iran-Irak të viteve 1980. Ghalibaf ka qenë gjithashtu kryebashkiak i Teheranit për 12 vite, kohë gjatë së cilës ai ka qenë i përfshirë në raste vjedhjesh masive, me vlerë biliona dollarë.
Ghalibaf është gjithashtu krenar se ka punuar kundër MEK-ut që në 1980-ën dhe “ka qenë nëpër rrugë me shkop në dorë” për ta mbrojtur regjimin sa herë që nevojitej.
Mohammad Bagher Ghalibaf is an IRGC club wielder suppressing MEK & protesters
Iran: Numri i Vdekjeve nga Koronavirusi në 323 Qytete Shkon Mbi 44,800
Nga 19 shkurti deri më 5 maj 2020, pesë nga 138 spitalet e provincës Teheran që pranojnë pacientë me koronavirus kanë patur 52,570 pacientë, nga të cilët 1,501 kanë vdekur.
52,750 pacientë me koronavirus janë shtruar në vetëm pesë nga 138 spitalet e Teheranit, 1,501 kanë vdekur
Në Teheran, numri i viktimave është mbi 7,300. Nga 19 shkurti deri më 5 maj 2020, pesë nga 138 spitalet e provincës Teheran që pranojnë pacientë me koronavirus kanë patur 52,570 pacientë, nga të cilët 1,501 kanë vdekur. Këto spitale janë: spitali Imam Hussein me 25,000 pacientë e 779 vdekje, Shohadaye Gomnam-Khorasan sq. me 11,750 pacientë e 291 vdekje, spitali Moddares me 11,650 pacientë e 251 vdekje, spitali Taleghani me 1,170 pacientë e 85 vdekje, dhe spitali Sajjad në Shahriar-Teheran me 3,000 pacientë e të paktën 95 vdekje. Këto statistika tronditëse vijnë në një kohë kur, sipas fjalëve të Guvernatorit të Teheranit, “Numri mesatar i vdkjeve nga koronavirusi në vend është 8.5 përqind dhe në provincën Teheran është 3.5 përqind,” raportoi dje agjencia shtetërore zyrtare e lajmeve ILNA.
Ndërkohë që shumë nga zyrtarët e regjimit ankohen haptazi për mungesën e shtretërve, pajisjeve, dhe personelit mjekësor, sot, Hassan Rouhani pretendoi përsëri se, “Në rastin e Koronavirusit, Irani është në listën e vendeve të suksesshme në luftën kundër këtij virusi të rrezikshëm … Në situatën e rëndë të pandemisë së koronavirusit, ne nuk kemi patur probleme për sa i përket shtretërve të spitaleve e shtretërve në sallat e trajtimit intensiv, dhe nuk kemi patur probleme as me pajisjet e frymëmarrjes.”
Iran: Banorët dhe Fermerët në Farokhshahr Bëjnë Protestë Kundër Konfiskimit të Tokave Bujqësore dhe Ndryshimit të Rrjedhës së Lumit Karoun
Fermerë dhe banorë të Farokhshahr grumbullohen jashtë zyrës së Guvernatorit të Chaharmahal dhe Bakhtiari-26 maj 2020
Të martën, më 26 maj 2020, një numër i madh banorësh e fermerësh në Farokhshahr u grumbulluan jashtë Zyrës së Guvernatorit të provincës Chaharmahal dhe Bakhtiari për të shprehur protestën e tyre kundër konfiskimit të tokave bujqësore nga agjencitë e regjimit. Këto toka janë burimi kryesor i jetesës për një segment të madh të popullsisë në këtë zonë. Fermerët dhe banorët e varfër bënë protestë gjithashtu kundër planit të regjimit për t’ia ndryshuar rrjedhën ujërave të lumit Karoun në këtë zonë. Ata thërrisnin, “Më mirë vdesim sesa të pranojmë kompromis” dhe “Turp të ketë Ministri ynë i Energjisë.”
Televizioni shtetëror raportoi mbi këtë protestë duke thënë: “Këtë mbasdite, afërsisht 3,000 njerëz në Farokhshahr organizuan një protestë kundër planit për t’ia ndryshuar rrjedhën ujit, të njohur si tuneli “Behesht Abad”. Plani Behesht Abad është projektuar që të transferojë ujë nga provinca Chaharmahal dhe Bakhtiari drejt pllajës qendrore të Iranit.”
Fermerë dhe banorë të Farokhshahr protestojnë kundër planit të regjimit për t’ia ndryshuar rrjedhën ujit të lumit Karoun në atë zonë-26 maj 2020
Fermerët dhe banorët e Farokhshahr protestojnë kundër planit të regjimit për t’ia ndryshuar rrjedhën lumit Karoun në atë zonë -26 maj 2020
E përditshmja iraniane Resalat: Populli nuk duron dot më, i duhet vetëm një shkëndijë
Banorët në Gheyzanieh të Iranit jug-perëndimor, duke bllokuar një rrugë me goma makinash në flakë për të shprehur protestën e tyre teksa nëpër shtëpia u mungon uji
Raportim nga PMOI/MEK
Iran, 27 maj 2020—Pas protestave të zhvilluara nga banorët e pafajshëm të Gheyzanieh, një qytet i vogël pranë Ahvaz-it në Iranin jug-perëndimor, ndaj faktit që nëpër shtëpia u mungon uji i rrjedhshëm, zyrtarët e regjimit po bëhen gjithnjë e më të shqetësuar nga gjendja si fuçi baruti e shoqërisë iraniane. Presidenti i regjimit iranian Hassan Rouhani, guvernatori i provincës Khuzestan, zyrtarë të tjerë të regjimit dhe mediat janë duke e pohuar një pjesë të faktit të vuajtjeve të popullit dhe duke u përpjekur dëshpërimisht për ta zbutur këtë mjedis në gjendje shpërthyese.
“Pse po e shtyjmë sërish popullin deri në limitet e tij? Keqmenaxhimi dhe etja për ujë është kaq kritike dhe e trishtë saqë banorët e Gheyzanieh pranë Ahvaz-it kanë nisur protestat,” lexon një artikull në të përditshmen shtetërore Resalat të martën, më 26 maj. “Kur një familje nuk mundet dot të sigurojë jetesën, i duhet vetëm një shkëndijë, që do të jetë e barasvlefshme me një zjarr të vogël në një fuçi baruti e cila do të shpërthejë së bashku me gjithçka tjetër përreth.”
“Një ngarkesë e madhe me gazolinë mbërriti në Venezuelë pa asnjë të shtënë të vetme. Ndërsa njerëzit në Gheyzanieh thanë nuk kemi ujë dhe morën plumba si përgjigje,” shkruan një tjetër e përditshme shtetërore.
May 23 – Gheyzaniyeh, near Ahvaz, southwest #Iran
Locals blocked a road during their protests against the lack of running water in their homes. These harsh conditions are enforced on this population as the province is witnessing a major #coronavirus crisis. pic.twitter.com/6oC6SBrIpf— People's Mojahedin Organization of Iran (PMOI/MEK) (@Mojahedineng) May 23, 2020
Konferenca Online e OIAC: “Irani: Kërcënimi Global, Represioni Brenda Vendit, Perspektiva për Ndryshim”
Shkruar nga Shahriar Kia
OIAC 2020, konferencë virtuale – SHBA, 21 maj 2020
Organizata e Komuniteteve Iraniano-Amerikane (OIAC) në Shtetet e Bashkuara mbajti një konferencë virtuale me titull “Irani: Kërcënimi Global, Represioni Brenda Vendit, Perspektivat për Ndryshim,” të enjten.
Anëtarët e Komuniteteve Iraniano-Amerikane dhe mbështetësit e Organizatës Muxhahedine të Popullit të Iranit (MEK) iu bashkuan kësaj konference nga 1,000 vendndodhje në 40 shtete. Në këtë event morën pjesë edhe politikanë të shquar amerikanë, duke përfshirë ish-Sekretarin e Sigurisë së Atdheut, Tom Ridge, ish-Senatorin Robert Torricelli, dhe ish të dërguarin amerikan në Komisionin e OKB për të Drejtat e Njeriut, Ambasadorin Ken Blackwell.
OIAC 2020 Virtual Conference, May 21, 2020
Pjesëmarrësit në këtë konferencë dënuan mosveprimin dhe fshehjen e fakteve nga regjimi lidhur me shpërthimin e koronavirusit, gjë që, sipas MEK, ka bërë që të humbin jetën mbi 44,300 njerëz. Ata shtjelluan gjithashtu çështjen e nervozizmit të shoqërisë iraniane, krizat e brendshme dhe ndërkombëtare të regjimit, dhe rolin e Rezistencës Iraniane në udhëheqjen e kryengritjeve të popullit drejt lirisë dhe mposhtjes së mullahëve.
 Ish i dërguari i SHBA në Komisionin e OKB për të Drejtat e Njeriut, Ambasadori Ken Blackwell |
 Ish Sekretari Amerikan i Sigurisë së Atdheut, Guvernatori Tom Ridge |
 Senatori Robert Torricelli |
Pjesëmarrësit në këtë konferencë, duke mbështetur fushatën amerikane të presionit maksimal, bënë thirrje për shtimin e presionit mbi regjimin iranian dhe për një përpjekje të përbashkët ndërkombëtare për ta njohur të drejtën e popullit iranian për të rezistuar e për ta përmbysur diktaturën fetare, si dhe theksuan nevojën për t’i dhënë fund politikës së paqësimit ndaj regjimit të mullahëve.
Duke shprehur mbështetjen e tij për MEK dhe Rezistencën Iraniane, veçanërisht për udhëheqësen e opozitës Znj. Maryam Rajavi, Sen. Torricelli tha: “Në këtë moment, vetëm Znj. Rajavi dhe MEK janë në komunikim me … botën perëndimore. Vetëm MEK disponon njerëzit brenda Iranit në grupet e rezistencës të cilët mund të kombinohen dhe të mbështeten, dhe burimet në Perëndim, si dhe njerëzit në terren në Iran.”
Kenneth Blackwell, ish Ambasadori amerikan në Komisionin e OKB për të Drejtat Njerëzore, tha: “Administrata Trump është angazhuar për një përqasje qeveritare për t’iu kundërvënë një regjimi i cili është në epiqendër të terrorizmit ndërkombëtar dhe mospërfilljes për të drejtat njerëzore.”
Regjimi Iranian Transporton Lëndë Djegëse në Venezuelë, Shenjë e Rrugës Qorre të Mullahëve
Regjimi Iranian Transporton Lëndë Djegëse në Venezuelë
Pesë cisternat e para plot me lëndë djegëse nga Irani kanë mbërritur në Venezuelën që vuan për gazolinë, në këmbim të arit. Kjo tregti mes këtyre dy vendeve aleate konfirmon asfiksimin ekonomik të regjimit iranian.
Ekonomia e regjimit, e cila është e varur nga nafta, është përmbysur për shkak të sanksioneve ndërkombëtare dhe pandemisë së koronavirusit. Çmimet e lëndës djegëse në mbarë botën janë ulur në mënyrë të konsiderueshme.
Për shkak të sanksioneve të rënda që janë vënë nga Shtetet e Bashkuara mbi të dyja regjimet, në Iran dhe Venezuelë, dhe kryesisht për shkak të politikave të korruptuara ekonomike dhe korrupsionit të institucionalizuar të këtyre regjimeve, ekonomia e të dy vendeve është dëmtuar keq.
Është një periudhë e vështirë sidomos për regjimin iranian. I gjendur përballë një shoqërie të pabindur dhe i përmbytur nga krizat e brendshme e ndërkombëtare, si dhe nga fakti që ka dështuar në shantazhin ndaj komunitetit ndërkombëtar duke përdorur pandeminë e koronavirusit, regjimit të mullahëve i duhet dëshpërimisht ari i Venezuelës, që llogaritet të jetë në vlerën rreth 500 milion dollarë, për të financuar grupet e tij terroriste dhe forcat shtypëse.
Nga ana tjetër, regjimi iranian ua ka frikën veprimeve të mundshme nga ana e SHBA. Me pak fjalë, ky veprim bëhet për shkak të asfiksimit ekonomik dhe dëshpërimit të regjimit.