Ceremoni varrimi për viktimat e Koronavirusit në provincën Mazandaran të Iranit verior – Koronavirusi ua ka marrë jetën mbi 2695 njerëzve në Mazandaran.
NUMRI I VIKTIMAVE (DERI MË 26 MAJ 2020, 6:00 PM CEST):
Organizata Muxhahedine e Popullit të Iranit (PMOI) shpalli këtë mbasdite, më 26 maj 2020, se Koronavirusi ua ka marrë jetën mbi 44,500 njerëzve në 323 qytete të Iranit. 3435 në Khuzestan, 2695 në Mazandaran, 1595 në Azerbaixhanin Lindor, 1265 në Azerbaixhanin Perëndimor, 1380 në Lorestan, 1045 në Kermanshah, 702 në Yazd. Këto shifra janë përveç raporteve të marra nga provincat e tjera.
Raportet që vijnë nga burgjet tregojnë se regjimi po përdor torturë fizike dhe psikologjike për t’ua thyer guximin të arrestuarve e për t’i detyruar të bëjnë ‘rrëfime’ në televizion.
Sipas Rezistencës Iraniane: “Të arrestuarit janë marrë në pyetje për orë të tëra, si dhe janë torturuar e u është bërë presion fizik dhe mendor. Sipas atyre që u kanë mbijetuar arrestimeve, marrja në pyetje ka qenë e fokusuar vetëm tek mbledhja e informatave lidhur me MEK dhe Njësitë e Rezistencës, marrëdhënien mes të arrestuarve dhe MEK, dhe pse e si janë tërhequr të rinjtë nga MEK-u.”
“Në Mashhad, marrësit në pyetje krijuan një skenë ekzekutimi të rreme për t’ua thyer rezistencën një grupi prej dhjetë të rinjsh, në mënyrë që t’i detyronin të rrëfeheshin dhe/ose të zbulonin lidhjen e tyre të mundshme me MEK. Në Teheran, torturuesit i ngacmojnë dhe i fyejnë rëndë gratë dhe vajzat e reja të arrestuara, me qëllimin për t’ua thyer rezistencën e për t’i detyruar të bëjnë rrëfime të rreme e të marrin pjesë në intervista e programe qesharake televizive,” shton Rezistenca Iraniane.
Më herët këtë muaj, regjimi arrestoi dy studentë elitarë, Amir Hossain Moradi dhe Ali Younesi, së bashku me 18 njerëz të tjerë, supozimisht për lidhjet e tyre me MEK.
Nga frika e një kryengritjeje të mundshme për shkak të politikave të tij shtypëse e të korruptuara, regjimi ka nisur një valë të re arrestimesh. Mbështetësit e MEK dhe të rinjtë kanë patur rol kryesor në kryengritjet, veçanërisht gjatë protestave mbarëkombëtare të Iranit.
I përmbytur nga krizat ndërkombëtare dhe i gjendur përballë një shoqërie në prag të shpërthimit, regjimi nuk është as i aftë e as i gatshëm t’i zgjidhë krizat shoqërore e ekonomike për shkak të korrupsionit të institucionalizuar. Prandaj, ai përpiqet ta mbajë nën kontroll shoqërinë e pabindur iraniane dhe t’i shmanget rrënimit të vet të menjëhershëm duke e rritur shtypjen.
Është detyra e komuniteti ndërkombëtar të ushtrojë presion mbi regjimin iranian në mënyrë që të shmangen shkelje të mëtejshme të të drejtave njerëzore, torturimet, dhe ekzekutime e mundshme të të arrestuarve.
Lidhur me këtë, Znj. Maryam Rajavi, Presidentja e zgjedhur e Këshillit Kombëtar të Rezistencës së Iranit (NCRI), i ka bërë thirrje edhe një herë Sekretarit të Përgjithshëm të Kombeve të Bashkuara, Komisioneres së Lartë për të Drejtat e Njeriut, Raportueses Speciale mbi dhunën ndaj grave, dhe organizatave ndërkombëtare të të drejtave njerëzore që të dërgojnë delegacione ndërkombëtare për të vizituar burgjet e regjimit e për t’u takuar me të burgosurit politikë dhe njerëzit e arrestuar kohët e fundit, sidomos gratë.
Mbi 44,300 të vdekur nga koronavirusi (COVID-19) në Iran – Numri i Vdekjeve nga Koronavirusi sipas burimeve të PMOI MEK
Rouhani fajëson publikun për shpërthimin e ri të virusit, kërcënon rivënien e kufizimeve
Maryam Rajavi: Pafytyrësia dhe projektimi i fajit mbi të tjerët do të vazhdojnë pa pushim derisa regjimi të përmbyset, në stilin e njohur të mullahëve çnjerëzorë, të cilët janë shkaktarët kryesorë të vdekjes e shkatërrimit në Iranin e pushtuar
Pavarësisht lajmit të tmerrshëm të shpërthimeve të reja të koronavirusit në provinca të ndryshme, edhe një herë, Rouhani e projekton paturpësisht fajin tek publiku dhe kërcënon t’i rivendosë kufizimet. Gjatë një telefonate me Ministrinë e Brendshme të regjimit, të raportuar nga agjencia shtetërore e lajmeve ISNA, Rouhani “ka marrë raporte nga disa provinca, ku është shtuar përhapja e virusit për shkak të mospërfilljes së njerëzve ndaj protokolleve shëndetësore, dhe tha: Nëse banorët e këtyre provincave dhe qyteteve nuk i zbatojnë protokollet shëndetësore, do të na duhet t’i rivendosim disa kufizime.”
Në një telefonatë me guvernatorin e Khuzestan, Rouhani, komentet e të cilit u publikuan sot në faqen e tij të internetit, konfirmoi se, ndërkohë që kishte marrë një “raport të plotë të … tendencës në rritje të numrit të pacientëve në këtë provincë për shkak të mungesës së zbatimit të plotë të protokolleve shëndetësore …rritja e numrit të pacientëve mund të çojë në rikthimin e disa kufizimeve në provincë.”
“Njerëzit në Khuzestan e në disa provinca të tjera jugore po përballen me shumë probleme të shkaktuara nga shpërthimi i koronavirusit … Nëse situata vazhdon kështu, do të jetë e vështirë të mbahet nën kontroll koronavirusi në këto provinca,” tha sot për agjencinë e lajmeve Tasnim një deputet i parlamentit të regjimit nga Izeh dhe Bagh-e Malek.
Banorët e fshatit Gheyzanieh në provincën Khuzestan të Iranit jug-perëndimor protestuan ndaj mungesës së ujit të pijshëm dhe forcat e regjimit hapën zjarr
Raportim nga PMOI/MEK
Iran, 24 maj 2020—Të shtunën më 23 maj, forcat e sigurisë të regjimit iranian hapën zjarr mbi një grup fshatarësh në Gheyzanieh të provincës Khuzestan, në Iranin jug-perëndimor, ndërkohë që banorët po protestonin ndaj ndërprerjeve të mëdha të ujit të pijshëm në shtëpitë e tyre. Tubimi i tyre u zhvillua në një rrugë që lidh qytetet Ahvaz, Ramhormoz dhe Omidiyeh.
Vlen të përmendet se Provinca Khuzestan është aktualisht njëra nga epiqendrat më të mëdha të koronavirusit në Iran dhe numri i rasteve të reja po rritet në mënyrë alarmante. Ka lagështirë të madhe dhe stuhitë e pluhurit ua kanë bërë jetën shumë të vështirë banorëve. Prandaj mungesa e ujit të pijshëm po ua vë jetën në rrezik.
Departamenti amerikan i Shtetit publikoi një fletë faktesh më 22 maj lidhur me “Vrasjet dhe Veprimtaritë Terroriste Jashtë Vendit” të regjimit iranian.
Siç e ka thënë për vite të tëra Rezistenca Iraniane, ambasadat e regjimit iranian në mbarë botën janë qendra terrorizmi e spiunazhi. Regjimi mbështetet në dy shtylla, shtypja e popullit brenda vendit, dhe eksporti i terrorizmit jashtë vendit. Siç e pohon fleta e fakteve e publikuar nga Departamenti Amerikan i Shtetit, “Që kur ka ardhur në pushtet në vitin 1979, regjimi iranian ka qenë i përfshirë në vrasje, komplote terroriste, dhe sulme terroriste në mbi 40 vende.”
“Fushata globale terroriste e [regjimit të] Iranit ka përfshirë 360 vrasje me shënjestra në vende të huaja, dhe sulme masive me bombë që kanë vrarë e gjymtuar qindra njerëz,” lexon fleta e fakteve.
Garda Revolucionare (IRGC) e regjimit, dega e saj jashtë-territoriale Forca Quds e IRGC-së, dhe Ministria e Inteligjencës dhe Sigurisë (MOIS) e mullahëve mbikëqyrin planifikimin dhe kryerjen e sulmeve terroriste. “Irani i ka kryer këto vrasje e sulme të tjera kryesisht përmes Forcave Qods të IRGC-së dhe Ministrisë së Inteligjencës e Sigurisë, por edhe me anë të palëve të treta e proksive si Hizballah,” lexon fleta e fakteve.
Në një pjesë tjetër të kësaj flete faktesh, Departamenti amerikan i Shtetit tregon se si regjimi iranian i përdor ambasadat e tij dhe se si i maskon terroristët e tij si diplomatë për të kryer veprimtari terroriste në Europë. “Personeli diplomatik iranian ka qenë vazhdimisht i përfshirë në vrasje jashtë vendit, siç vërtetohet nga urdhër arrestet, hetimet gjyqësore e policore, shërbimet e inteligjencës dhe raportet e dëshmitarëve. Me shtimin e hetimeve ndaj vrasësve iranianë që përdorin petkun diplomatik, Irani është treguar i gatshëm të përdorë banda kriminale, kartele droge, dhe palë të tjera të treta për të kryer vrasjet jashtë vendit.”
Tentativa e dështuar e regjimit për të shpërthyer një bombë në tubimin e përvitshëm “Free Iran” të Këshillit Kombëtar të Rezistencës së Iranit (NCRI) në Paris në qershor 2018, tentativë e udhëhequr nga një i ashtu-quajtur “diplomat,” Assadollah Asadi, e konfirmon këtë të vërtetë.
“Asadollah Asadi, i cili ishte caktuar si diplomat iranian në Austri, ka që në 2018-ën i burgosur në Belgjikë, duke pritur gjykimin bazuar në provat që tregojnë se ka siguruar eksplozivët për të hedhur në erë një tubim disidentësh në Paris, gjë që mund të kishte vrarë dhjetëra burra, gra e fëmijë,” lexon fleta e fakteve.
Në një konferencë për shtyp më 23 tetor 2019, Drejtori i Policisë shqiptare pati shpallur zbulimin e një celule terroriste të lidhur me regjimin iranian në Shqipëri.
Gjithashtu, edhe komploti i regjimit iranian për të shpërthyer një bombë në grumbullimin e Organizatës Muxhahedine të Popullit të Iranit (PMOI/MEK) në Shqipëri në vigjilje të Vitit të Ri pers (Novruz) në 2018-ën u parandalua. Më vonë, qeveria shqiptare pati përjashtuar ambasadorin e regjimit dhe zëvendësin e parë të tij si persona të padëshirueshëm për pjesëmarrjen e tyre në terrorizëm e spiunazh kundër anëtarëve të MEK në Shqipëri.
Znj. Maryam Rajavi, Presidentja e zgjedhur e NCRI-së, e ka mirëpritur dëbimin e ambasadorit të regjimit iranian dhe kreut të stacionit të Ministrisë së Inteligjencës në Shqipëri. Ajo e ka përshkruar këtë veprim të guximshëm si një hap të nevojshëm në luftimin e terrorizmit dhe diktaturës fetare që sundon Iranin, dhe një domosdoshmëri për sigurinë e vendeve europiane.
Mbi 44,000 të vdekur nga koronavirusi (COVID-19) në Iran
Numri i vdekjeve në Teheran është të paktën 7,100. Jo më pak se 240 pacientë me koronavirus kanë vdekur në spitalin Tajrish Shohada dhe të paktën 60 në spitalin Kashani në Teheran. Më herët, më 19 prill 2020, Ali Maher, një anëtar i Taskforcës Kombëtare për Luftimin e Koronavirusit (NCCT) në Teheran, është cituar nga e përditshmja shtetërore Iran duke thënë se ka pacientë me koronavirus të shtruar në 138 spitale publike e private në Teheran. Sipas mjekëve, numri i pacientëve të jashtëm e të brendshëm në spitalin Tajrish Shohada, numër i cili ishte ulur muajin e shkuar, ka qenë në rritje gjatë ditëve të fundit të majit, nga një mesatare prej 30 në 65 aktualisht.
Në Isfahan, Presidentja e Universitetit të Shkencave Mjekësore, Tahereh Changiz, tha sot për agjencinë e lajmeve të forcave Quds, Tasnim: “Situata në Isfahan është ende e kuqe, dhe numri i njerëzve që rezultojnë pozitiv po rritet, gjë që është një paralajmërim për ne.” Zëdhënësi i po këtij universiteti tha për agjencinë e lajmeve Borna: “112 pacientë me gjendje akute po trajtohen në terapi intensive në qendrat e kontrolluara nga universiteti.”
Guvernatori i Borujerd, Moslem Pour-Ghasemian, tha dje për agjencinë e lajmeve Fars: “135 të dyshuar për simptomat e koronavirusit kanë shkuar në qendrat e trajtimit, dhe njëri vdiq dje nga infektimi me këtë virus.”
Guvernatori i Ardabil, Akbar Behnamju, tha sot për IRNA: “Kurba në zbritje e infektimeve që kishte nisur më 1 prill, ka filluar të rritet dy ditët e fundit.”
Shkruar ngaSekretariati i Këshillit Kombëtar të Rezistencës së Iranit (NCRI)
24 Maj 2020
.Tortura dhe keqtrajtimi, orë të gjata të marrjes në pyetje dhe tallja me viktimat, për të thyer të burgosurit për të bërë deponime të detyruara dhe për të marrë pjesë në emisione televizive propagandistike.
Torturuesit dhe hetuesit posaçërisht fyejnë gratë dhe vajzat e reja dhe u shkaktojnë atyre torturat më të rënda fizike, psikologjike.
Arrestimet që u bënë në Teheran, Mashhad, Neyshabur, Kermanshah, Sabzevar, Arak, Kashan, Mahshahr, Bushehr, Marvdasht, Amol, Ahvaz, Andimeshk, Rasht, Behbahan, Iran, Gorgan, Karaj, Tabriz, dhe Shiraz njëkohësisht me një fushatë demonizimi nga Shoqatat Nejat në Iran dhe bashkëpunëtorët e tyre jashtë vendit.
Javët e fundit, të tmerruar nga zgjerimi i veprimtarive të Njësive të Rezistencës dhe vala e re e kryengritjeve popullore, Ministria e Inteligjencës dhe Sigurisë e regjimit (MOIS) dhe Organizata e Inteligjencës IRGC kanë filluar arrestimin dhe grumbullimin e një numri të madh të aktivistëve të rinj, veçanërisht familjet dhe përkrahësit e Mojahedin-e Khalq (MEK). Shumë prej tyre janë dërguar në burgje, dhe disa janë lënë të lirë përkohësisht me kusht vetëm pasi nënshkruan një dokument duke u zotuar të mos marrin pjesë në asnjë veprimtari kundër regjimit
Arrestimet janë bërë në Teheran, Mashhad, Neyshabur, Kermanshah, Sabzevar, Arak, Kashan, Mahshahr, Bushehr, Marvdasht, Amol, Ahvaz, Andimeshk, Rasht, Behbahan, Iran, Gorgan, Karaj, Tabriz, dhe Shiraz paralelisht me një fushatë demonizimi të realizuar nga Organizatat Nejat në vend dhe bashkëpunëtorët e tyre jashtë vendit. MOIS, IRGC por edhe agjentët e tyre të veshur civilë kanë plaçkitur shtëpitë dhe zyrat e njerëzve dhe kanë rrahur të arrestuarit. Ata kanë konfiskuar gjithashtu telefonat e viktimave, kompjuterët dhe shumë sende të tyre personale madje edhe sende me vlerë.
Të arrestuarit i janë nënshtruar disa orë marrjes në pyetje,të shoqëruar nga tortura dhe presione fizike dhe mendore. Sipas atyre që i kanë mbijetuar arrestimeve, ndalimet dhe marrjet në pyetje ishin përqendruar kryesisht vetëm në marrjen e informacionit në lidhje me MEK dhe Njësitë e Rezistencës, si dhe marrëdhëniet midis të arrestuarve dhe MEK, dhe pse dhe si të rinjtë janë lidhur me MEK.
Në Mashhad, hetuesit krijuan një skenë ekzekutimi duke u tallur me viktimat për të prishur rezistencën e një grupi prej dhjetë të burgosurve të rinj për t’i detyruar ata që të depononin / ose të zbulonin lidhjen e tyre të mundshme me MEK.
Në Teheran, torturuesit dhe marrësit në pyetje, ngacmonin dhe fyenin ashpër gratë dhe vajzat e reja të arrestuara me qëllimin që synonte për t’i thyer ato, dhe ti detyronte ato të bëjnë deponime të rreme dhe të merrnin pjesë në intervista dhe shfaqje qesharake televizive. Dëshmitarët raportojnë për rezistencë të admirueshme nga shumë prej të arrestuarve.
Në të njëjtën kohë, shërbimet e inteligjencës së regjimit klerik përpiqen t’i imponojnë dhe t’i japin mesazh të rinjve për t’i paralajmëruar ata që ti frikësojnë për të mos pasur lidhje me qëllim që të mos mbështesin MEK.
Zonja Marjam Raxhavi, Presidentja e zgjedhur e Këshillit Kombëtar të Rezistencës së Iranit (NCRI),i bëri thirrje edhe një herë Sekretarit të Përgjithshëm të Kombeve të Bashkuara, Komisionerit të Lartë për të Drejtat e Njeriut, raportuesit special për dhunën ndaj grave, dhe organizatave ndërkombëtare të të drejtave të njeriut për të dërguar delegacione ndërkombëtare për të vizituar burgjet e regjimit dhe për t’u takuar me të burgosur politikë, dhe sidomos me të arrestuarit e kohëve të fundit veçanërisht me të arrestuarat gra.
Sekretariati iKëshillit Kombëtar të Rezistencës së Iranit(NCRI)
24 maj 2020 – Maryam Rajavi, Presidentja e zgjedhur e Rezistencës Iraniane përçon mesazhin e saj me rastin e Fitër Bajramit:
Gëzuar Fitër Bajramin bashkatdhetarëve të mi në Iran dhe gjithë myslimanëve në botë.
Falë Rezistencës Iraniane dhe kryengritjeve të popullit iranian, së shpejti do të mund të kremtojmë festën e madhe të lirisë së Iranit.
Ka ardhur koha për çlirimin e popullit të Iranit e popujve të tjerë të rajonit, si dhe të të gjithë myslimanëve, nga sundimi i lig e ekstremist i fashizmit fetar që ka pushtetin në Iran.
Irani: MEP bën thirrje urgjente për lirimin e menjëhershëm të të burgosurve të ndërgjegjes dhe ndalimin e ekzekutimeve
Parlamenti Evropian
Miqtë e një Irani të Lirë (FoFI)
Deklarata
18 maj 2020
Irani: Thirrje urgjente për lirimin e menjëhershëm të të burgosurve të ndërgjegjes dhe ndaljen e ekzekutimeve
Aktualisht, vdekjet e Covid19 në Iran i kanë tejkaluar 42,000 të vdekur, ndërsa zyrtarët e qeverisë së Hassan Rouhani po fshehin zyrtarisht numrat e vërtetë.
Megjithë situatën kritike të pandemisë, Irani ka vazhduar të kryejë ekzekutime të të burgosurve dhe ende refuzon të lirojë të burgosur, veçanërisht të burgosur të ndërgjegjes pasi kushtet sanitare kanë provuar të jenë alarmante dhe kërcënuese.
Për më tepër, regjimi ka filluar një arrestim në shkallë të gjerë të kundërshtarëve të tij dhe ka shtypur protestat e tyre demokratike, të cilët raportojnë çdo ditë për situatën e Corona në vend.
Më 5 maj 2020, Gjyqësori në Iran njoftoi se dy studentë të universitetit elitë, Z. Amir Hossein Moradi dhe Ali Younesi, ishin arrestuar dhe burgosur për shkak të lidhjeve me lëvizjen e opozitës iraniane, Organizata Popullore Mojahedin e Iranit (PMOI / MEK) .
Opozita ka zbuluar deri tani emrat dhe fotografitë e 18 të tjerëve, të cilët gjithashtu janë arrestuar me akuza të ngjashme. Ata janë kryesisht iranianë të rinj që kërkojnë liri dhe demokraci në Iran.
Ne shkruajmë për të tërhequr vëmendjen tuaj ndaj shkeljeve të vazhdueshme të të drejtave të njeriut në Iran. Ne jemi të shqetësuar rëndë për keqtrajtimin dhe torturimin e atyre që janë arrestuar. Gjatë dy viteve të fundit, një numër i madh i të burgosurve të arrestuar në protesta janë vrarë ndërsa ishin në paraburgim. Pothuajse në të gjitha rastet, autoritetet iraniane pretendonin se të burgosurit kishin kryer vetëvrasje.
Moradi dhe Younesi, studentë në Universitetin e Teknologjisë Sharif të Teheranit, u arrestuan pa urdhër në 10 Prill 2020. Sipas njoftimeve, z. Moradi u zhduk po atë ditë ndërsa z. Younesi u arrestua dhe u dërgua në shtëpi në mbrëmjen e po të njëjtës ditë, me lëndime dhe shenja torturash. Regjimi pranoi arrestimet vetëm pas protestave të studentëve në Universitet.
Majtas, Ali Younesi dhe djathtas, Amir Hossein Moradi
Younesi kishte fituar medaljen e artë të Olimpiadës së 12-të Ndërkombëtare mbi Astronominë dhe Astrofizikën në vitin 2018. Më herët, ai kishte fituar medaljet e argjendit dhe të arit të Olimpiadës Kombëtare të Astronomisë në 2016 dhe 2017. Z. Moradi kishte fituar medaljen e argjendtë në 2017.
Zëdhënësi i gjyqësorit Gholamreza Esmaili pohoi, “Ata donin të bënin reprazalje në të gjithë vendin, por kjo fatmirësisht u pengua nga vigjilenca dhe veprimi në kohë i agjentëve tanë të inteligjencës.”
Në lidhje me valën e tanishme të arrestimeve dhe ekzekutimeve, ne dënojmë arrestimin e kundërshtarëve politikë, të rinjve të arsimuar, studentëve elitë dhe shtetasve iranianë për pjesëmarrje në protesta dhe për përkrahjen e kauzës së lirisë dhe nxitjen për lirimin e menjëhershëm dhe të pakushtëzuar të këtyre të burgosurve .
Ne i kërkojmë Përfaqësuesit të Lartë të BE të bëjë thirrje për Iranin për të siguruar lirimin e të arrestuarve dhe të respektojë të drejtat e qytetarëve për lirinë e shprehjes dhe lirinë e shoqatës. Prandaj, ne kërkojmë që një mision për gjetjen e fakteve të vizitojë burgjet dhe të raportojë për kushtet e të ndaluarve.
Heshtja dhe mosveprimi janë kundërproduktive dhe do të interpretohen nga Irani si një dritë e gjelbër prej Bashkimit Evropian përballë abuzimeve të egra të Teheranit. Ne ritheksojmë qëndrimin tonë të vendosur se marrëdhëniet me Iranin duhet të kushtëzohen në ndalimin e ekzekutimeve dhe zhvillimin e qartë në të drejtat e njeriut.
Sinqerisht,
Petras Auštrevičius, MEP nga Lithuania
Franc Bogovič, MEP nga Slovenia
Cristian-Silviu BUŞOI, MEP nga Romania
Ryszard Czarnecki, MEP nga Poland
Francesca Donato, MEP nga Italy
Anna Fotyga, MEP nga Poland
Gianna Gancia, MEP nga Italy
Rasa Juknevičienė, MEP nga Lithuania
Andrius Kubilius, MEP nga Lithuania
Ryszard Antoni Legutko, MEP nga Poland
Marian-Jean Marinescu, MEP nga Romania
Ljudmila Novak, MEP nga Slovenia
Stanislav Polčák, MEP nga Czech
Jiří Pospíšil, MEP nga Czech
Petri Sarvamaa, MEP nga Finland
Radosław Sikorski, MEP nga Poland
Ivan Štefanec, MEP nga Slovakia
Hermann Tertsch, MEP nga Spain
Ruža Tomašić, MEP nga Croatia
Romana Tomc, MEP nga Slovenia
Veronika Vrecionová, MEP nga Czech
Milan Zver, MEP nga Slovenia
Miqtë e një Irani të Lirë
Miqtë e një Irani të Lirë (FoFI) është një grup ndërkombëtar joformal në Parlamentin Evropian i cili u formua në 2003 dhe gëzon mbështetjen aktive të shumë eurodeputetëve nga grupe të ndryshme politike
Emrat dhe fotografitë e 18 të burgosurve të tjerë vijojnë si më poshtë:
Ndërkohë që edhe vetë Ministria e Shëndetësisë e regjimit deklaron se nuk ka asnjë provincë të pastër nga virusi dhe se shumica e qendrave të provincave janë në gjendje të kuqe, sot Rouhani, duke iu drejtuar Taskforcës Kombëtare për Luftimin e Koronavirusit (NCCT), shpalli: “Duke nisur nga 31 maji, të gjithë punonjësit e zyrave duhet t’i rikthehen punës dhe kufizimet e mëparshme do të hiqen.” “Vendet e shenjta dhe të lutjeve … do të hapen që nga dita pas Fitër Bajramit, duke zbatuar udhëzimet e Ministrisë së Shëndetësisë,” shtoi ai. I zemëruar nga ekspozimi i të vërtetës së tragjedisë së koronavirusit në Iran, Rouhani tha: “Ka disa që po përpiqen t’i frikësojnë njerëzit lidhur me sëmundjen e koronavirusit, nuk duhet ta tolerojmë këtë.”
Por Ministri i Shëndetësisë, duke folur për të përditshmen shtetërore Hamshahri, tha sot: “Po shohim shpërthime të reja të sëmundjes në provincat tropikale … Në Khuzestan, gjërat nuk po shkojnë në drejtimin e duhur. Kemi folur me zyrtarët në provincat pranë Khuzestan-it, konkretisht Chahar Mahal dhe Bakhtiari, Kohgiluyeh dhe Boyer-Ahmad, dhe u kemi dhënë paralajmërimet e nevojshme për shpërthimin e ri. Kemi parë raste në Sistan dhe Baluchestan, në fshatin Najafabad Khash, të cilat kanë ngritur alarmin për ne.”
Duke folur për agjencinë shtetërore Mowj, një zëdhënës i Ministrisë së Shëndetësisë tha sot: “Situata në provincën Khuzestan është ende e kuqe.” Ai la të kuptohej se statistikat janë të sajuara, duke thënë: “Numri i pacientëve është shumë më i lartë se një përqind e popullsisë … duhet të bëhen më shumë eksperimente shkencore. Nuk janë bërë ende studime të tilla në Iran. Megjithatë, duket se, siç ka thënë Ministri, numri i pacientëve nuk ka arritur në 10 përqind të popullsisë.”
Pra, sipas Ministrisë së Shëndetësisë, numri i vërtetë i të infektuarve është “shumë më i lartë” sesa 850,000, por nuk ka arritur në 8.5 milion dhe është diku midis këtyre dy shifrave. Ndërkohë, sot, i njëjti zëdhënës e shpalli numrin e të infektuarve si 133,521. Me fjalë të tjera, statistikat e fabrikuara që publikohen janë 6.5 deri në 65 herë më të ulëta sesa shifrat e vërteta. Regjimi është shumë i fshehtë dhe dëshiron t’i mbajë njerëzit të hutuar.
Guvernatori i Lorestan, Seyed Mousa Khademi, tha sot për agjencinë e lajmeve Mehr: “Kemi çdo ditë rritje në numrin e të infektuarve në disa qytete… Aktualisht në Borujerd dhe Delfan nuk kemi marrë raporte të mira. Numri i të infektuarve në këto qytete është relativisht më i lartë.”
Dekani i Universitetit të Shkencave Mjekësore në Jiroft të provincës Kerman tha sot për televizionin shtetëror: “Me rritjen e numrit të të infektuarve në pjesën jugore të provincës Kerman, kjo zonë po i afrohet gjendjes së kuqe.”
Ceremoni varrimi për viktimat e Koronavirusit në provincën Mazandaran të Iranit verior – Koronavirusi ua ka marrë jetën mbi 2695 njerëzve në Mazandaran.
Raportet 
Mbi 44,300 të vdekur nga koronavirusi (COVID-19) në Iran – Numri i Vdekjeve nga Koronavirusi sipas burimeve të PMOI MEK
Banorët e fshatit Gheyzanieh në provincën Khuzestan të Iranit jug-perëndimor protestuan ndaj mungesës së ujit të pijshëm dhe forcat e regjimit hapën zjarr
Departamenti amerikan i Shtetit publikoi një 
Mbi 44,000 të vdekur nga koronavirusi (COVID-19) në Iran
.Tortura dhe keqtrajtimi, orë të gjata të marrjes në pyetje dhe tallja me viktimat, për të thyer të burgosurit për të bërë deponime të detyruara dhe për të marrë pjesë në emisione televizive propagandistike.
Irani: MEP bën thirrje urgjente për lirimin e menjëhershëm të të burgosurve të ndërgjegjes dhe ndalimin e ekzekutimeve
Majtas, Ali Younesi dhe djathtas, Amir Hossein Moradi
Ndërkohë që edhe vetë Ministria e Shëndetësisë e regjimit deklaron se nuk ka asnjë provincë të pastër nga virusi dhe se shumica e qendrave të provincave janë në gjendje të kuqe, sot Rouhani, duke iu drejtuar Taskforcës Kombëtare për Luftimin e Koronavirusit (NCCT), shpalli: “Duke nisur nga 31 maji, të gjithë punonjësit e zyrave duhet t’i rikthehen punës dhe kufizimet e mëparshme do të hiqen.” “Vendet e shenjta dhe të lutjeve … do të hapen që nga dita pas Fitër Bajramit, duke zbatuar udhëzimet e Ministrisë së Shëndetësisë,” shtoi ai. I zemëruar nga ekspozimi i të vërtetës së tragjedisë së koronavirusit në Iran, Rouhani tha: “Ka disa që po përpiqen t’i frikësojnë njerëzit lidhur me sëmundjen e koronavirusit, nuk duhet ta tolerojmë këtë.”