Organizata Muxhahedine e Popullit të Iranit (PMOI/MEK) shpalli të martën, më 14 korrik 2020, se numri i vdekjeve nga koronavirusi në 343 qytete të Iranit është mbi 70,800. Numri i viktimave në Teheran është 17,630, Khuzestan 5,310, Isfahan 3,350, Lorestan 2,620, Sistan dhe Baluchestan 2,190, Golestan 1,795 Kerman 925, Qazvin 580, Chaharmahal dhe Bakhtiari 470.
Grupe që Mbrojnë të Drejtat Njerëzore dhe Ligjvënës Shprehin Solidaritetin e Tyre me Samitin Global për Lirinë e Iranit të NCRI dhe MEK
Dhjetëra organizata të të drejtave njerëzore, komitete parlamentare dhe shoqata që mbështesin Rezistencën Iraniane nga të dy anët e Atlantikut, në një deklaratë, kanë shpallur mbështetjen dhe solidaritetin e tyre për “Samitin Global për Lirinë e Iranit” të Këshillit Kombëtar të Rezistencës së Iranit, samit i cili do të zhvillohet më 17 korrik 2020. Më poshtë vijon teksti i plotë i deklaratës.
Një pjesë e deklaratës nga sponsorët e Samitit Ndërkombëtar Online në Mbështetje të të Drejtave Njerëzore, Lirisë & Drejtësisë në Iran lexon
Ne, sponsorët e këtij samiti të madh online, së bashku me mijëra parlamentarë e personalitete të tjera, mbështesim planin me 10 pika të Znj. Maryam Rajavi, Presidentes së zgjedhur të Këshillit Kombëtar të Rezistencës së Iranit, për të themeluar një republikë demokratike e të lirë, duke promovuar ndarjen e fesë nga shteti, pluralizmin, zgjedhjet e lira, dhe ekonominë e tregut.
Iran: Përditësim Lidhur me Koronavirusin, Mbi 69,800 Vdekje, 12 Korrik 2020, 6:00 PM CEST
Organizata Muxhahedine e Popullit të Iranit (PMOI-MEK) shpalli mbasditen e sotme, më 12 korrik 2020, se koronavirusi ua ka marrë jetën mbi 69,800 njerëzve në 342 qytete të Iranit. Numri i vdekjeve sipas provincave të ndryshme është: 17,450 në Teheran, 5,250 në Khorasan Razavi, 5,245 në Khuzestan, 2,530 në Lorestan, 2,155 në Sistan dhe Baluchistan, 2,070 në Azerbaixhanin Perëndimor, 1,760 në Golestan, 1,745 në Hamedan, 1,610 në Fars, 1,390 në Kurdistan dhe 880 në Kerman. Kjo është përveç raporteve të marra nga provincat e tjera.
Iran, Shush: Punëtorët e Kompanisë së Kallamsheqerit Haft Tappeh vazhdojnë me grevat dhe protestat e tyre
Si përgjigje ndaj politikave çnjerëzore të teokracisë që sundon Iranin, duke përfshirë plaçkitjen e pasurisë së kombit, protestat e punëtorëve në mbarë vendin kanë vazhduar edhe në korrik.
Sekretariati i Këshillit Kombëtar të Rezistencës së Iranit (NCRI)
12 korrik 2020
Gra të reja mbështetëse të Rezistencës Iraniane mbajnë postera të Presidentes së zgjedhur të NCRI, Maryam Rajavi, në një demonstratë në Londër.
Artikull nga PMOI/MEK
Iran, 12 korrik 2020—Beteja për liri e grave iranian ka patur shumë pishtar mbajtëse gjatë dekadave. Shumë heroina të njohura e të panjohura që kanë sakrifikuar jetën, familjen, shtëpinë, pasurinë dhe famën e tyre etj. për kauzën e lirisë.
Ka heroina si Fatemeh Amini dhe Mehrnoush Ebrahimi, të cilat kanë sakrifikuar jetën në luftën kundër Shahut dhe janë shembuj për intelektualet femra dhe studentet e universiteteve të cilat ishin të gatshme të sakrifikonin për të sjellë ndryshimin. Apo Ashraf Rajavi, e diplomuar në fizikë nga Universiteti Industrial Sharif i Teheranit. Pavarësisht mundësisë për të vazhduar një jetë të mirë, Ashraf zgjodhi të ndihmonte të paprivilegjuarit dhe udhëtoi nëpër qytete e fshatra të ndryshme që të mësonte për problemet e tyre e t’i ndihmonte të gjenin zgjidhje. Ajo u njoh me Organizatën Muxhahedine të Popullit të Iranit (PMOI/MEK) dhe u bë anëtare elitare e kësaj organizate. Përpjekjet e saj frymëzuan shumë gra e vajza të reja që iu bashkuan lëvizjes MEK pas revolucionit, dhe ajo u bë shembull për ta. Sot, emri i saj simbolizon përkushtimin e grave iraniane ndaj lirisë, dhe MEK i ka emërtuar bazat e veta, Ashraf 1 dhe Ashraf 3, sipas saj.
Njësitë e Gardës Revolucionare të regjimit iranian hapën zjarr mbi anëtarët e komunitetit minoritar Darwish në qytetin kufitar Bash Omagh të Iranit perëndimor
Njësitë e Gardës Revolucionare (IRGC) të regjimit iranian hapën zjarr të enjten mbi anëtarët e komunitetit minoritar Darwish në qytetin kufitar Bash Omagh në Iranin perëndimor.
Rreth 5,000 anëtarë të komunitetit Ghaderi Darwish po merrnin pjesë në ceremoninë e varrimit të Sheikh Mohammad Kassanzani, udhëheqësit të degës Ghaderi të komunitetit Darwish. Ata kishin ndërmend të kalonin përmes kufirit të Bash Omagh pranë qytetit Mariwan në provincën Kurdistan të Iranit perëndimor, dhe të drejtoheshin për në qytetin Suleymaniyeh në Irak. Por anëtarët e IRGC dhe njësitë e rojave kufitare të regjimit hapën zjarr mbi komunitetin Darwish që mbante zi.
Raportet tregojnë se përplasjet vazhduan për orë të tëra, duke lënë të vrarë e të plagosur disa anëtarë të komunitetit Ghaderi Darwish.
Anëtarët e minoritetit fetar mysliman Sufi kanë kohë që ankohen për keqtrajtim nga regjimi shtypës i mullahëve i cili i konsideron ata si heretikë dhe ndërmerr masa të rënda e kufizime ndaj tyre.
Shkruar nga Shahriar Kia
Regjimi iranian duket se është në mesin e një vale të re arrestimesh e thirrjesh në gjyq të motivuara politikisht. Kjo ndodh rregullisht në rastet kur regjimi e gjen veten në mesin e krizave që amplifikojnë rrezikun e shprehjeve publike të mospajtimit. Dhe në këtë moment, këto kriza janë të shumta e të rënda.
Pandemia e koronavirusit është pa dyshim një faktor kontribues në dobësinë e regjimit klerikal. Kriza e kësaj sëmundjeje në Iran është në të vërtetë shumë më e rëndë se ç’pranohet përgjithësisht në mediat ndërkombëtare. Ndërkohë që Ministria e Shëndetësisë e Iranit ka publikuar statistika zyrtare që e shpallin numrin total të vdekjeve si rreth 12,000, raportet e pavarura tregojnë se aq njerëz kanë vdekur vetëm në kryeqytetin Teheran.
Këshilli Kombëtar i Rezistencës së Iranit ka grumbulluar shumë nga këto raporte të pavarura të cilat mbështesin konkluzionin se numri i vërtetë i vdekjeve në mbarë vendin është mbi 68,000. Raportet e fundit të NCRI-së lënë të kuptohet se Teherani ka përqafuar planin e imunitetit të tufës, dhe nuk ka ndërmend t’i ktheje mbrapsht hapat e marrë gjatë tre muajve të fundit për rihapjen e vendit, duke i rikthyer qytetarët në punë në një mjedis me rrezikshmëri të lartë.
Që përpara se të vihej në lëvizje ky plan, kishte zëra brenda regjimit të cilët paralajmëronin për potencialin që shpërthimi i koronavirusit të përgatiste terrenin për kryengritje të reja anti-regjim. Që në mars, think-tank-u Asra kishte publikuar një raport që e përfshinte këtë konkluzion dhe e nxiste regjimin të merrte masa represive si përgatitje për përgjigjen publike ndaj një krize të keqmenaxhuar.
Kjo është pikërisht ajo që autoritetet e regjimit duket se po bëjnë tani, teksa familjarët dhe miqtë e të burgosurve politikë merren në shënjestër për arrestim e marrje në pyetje. NCRI raporton se kohët e fundit janë bërë bastisje të shumta në shtëpitë e këtyre njerëzve, pas ngacmimeve e frikësimeve që u përshkallëzuan për shkak të një deklarate mediatike të nxjerrë nga një grup aktivistësh të burgosur. Qëllimi i këtyre ngacmimeve “ishte t’ua thyenin rezistencën të burgosurve dhe t’i detyronin të shprehnin pendim e të flisnin kundër MEK-ut dhe Rezistencës Iraniane,” sipas një deklarate më 28 qershor nga Komiteti i NCRI-së për Sigurinë dhe Anti-terrorizmin.
Shkruar nga MahmoudHakamian
Raporti për 2019-ën i Zyrës Federale Gjermane për Mbrojtjen e Kushtetutës Nënvizon Tentativat Terroriste të Regjimit Iranian Kundër MEK
Bundesamt für Verfassungsschutz (BfV), shërbimi i brendshëm i inteligjencës i Republikës Federale të Gjermanisë, në raportin e tij të përvitshëm për 2019-ën, nënvizon veprimtaritë terroriste të regjimit iranian jashtë vendit, veçanërisht kundër opozitës iraniane Organizata Muxhahedine e Popullit të Iranit (PMOI/MEK).
Raporti, i cili është publikuar më 9 korrik 2019, gjatë një konference për shtyp, citoi versionet e 2018-ës ku thuhet: “Më 1 korrik 2018, një diplomat i lidhur me Ambasadën Iraniane në Vienë u arrestua në Gjermani pas lëshimit të një urdhër arresti europian nga autoritetet belge të zbatimit të ligjit. Diplomati, i dyshuar si agjent i MOIS, akuzohet për organizimin e një komploti me bombë kundër një tubimi të përvitshëm në Francë të një organizate që është në opozitë me regjimin iranian. Mendohet se diplomati iranian ka rekrutuar një çift belg me origjinë iraniane si agjentë për të realizuar komplotin. Autoritetet gjyqësore gjermane e ekstraduan të dyshuarin në Belgjikë në fillim të tetorit 2018. Hetimi i GBA-së në Gjermani vazhdon, ashtu si edhe hetimi në Belgjikë.”
Asadollah Assadi, diplomati terrorist i regjimit, u arrestua në fillim të korrikut 2018 në tentativë për të shpërthyer një bombë në tubimin e përvitshëm “Free Iran” në Paris të Këshillit Kombëtar të Rezistencës së Iranit (NCRI). Në këtë event merrnin pjesë mijëra iranianë, mbështetës të MEK, dhe shumë politikanë të spikatur e anëtarë parlamentesh nga të dy anët e Atlantikut.
Iran: Përditësim Lidhur me Koronavirusin, Mbi 69,300 Vdekje, 11 korrik 2020
Organizata Muxhahedine e Popullit të Iranit (PMOI-MEK) shpalli mbasditen e sotme, më 11 korrik 2020, se koronavirusi ua ka marrë jetën mbi 69,300 njerëzve në 342 qytete të Iranit.
Gjykata e Regjimit Iranian Dënon me Burg Shtatë Aktivistë Politikë
Raportet nga Irani tregojnë se regjimi iranian ka nisur një valë të re arrestimesh e dënimesh me burg për mbështetësit e Organizatës Muxhahedine të Popullit të Iranit (PMOI/MEK) dhe ish të burgosur të tjerë politikë.
Ministria e Inteligjencës dhe Sigurisë (MOIS) e regjimit ka bastisur shtëpitë e disa ish të burgosurve politikë, mbështetësve të MEK dhe të afërmve të anëtarëve të MEK, si dhe të të afërmve të të burgosurve politikë. Zahra Akbari, gruaja e të burgosurit politik Abolghasem Fooladvand; Dr. Hani Yazarlou dhe i biri, Hood; Znj. Sedigheh Moradi; Mehdi Khawas Sefat; Mohammad Wali Gholamnej dhe Znj. Farangis Mazloom, nëna e të burgosurit politik Sohail Arabi, kanë marrë dënime me burg.
Gjithashtu, siç ka nënvizuar në një deklaratë më 28 qershor Komiteti i Sigurisë dhe Anti-terrorizmit i Këshillit Kombëtar të Rezistencës së Iranit (NCRI), regjimi e ka rritur presionin mbi të burgosurit politikë dhe familjarët e tyre “pas publikimit të një deklarate të të burgosurve politikë, ku ekspozohej një agjent i inteligjencës i regjimit klerikal.”
“Qëllimi ishte t’ia thyenin rezistencën të burgosurve dhe t’i detyronin të shprehnin pendim e të flisnin kundër MEK-ut dhe rezistencës iraniane,” lexon deklarata.
Znj. Maryam Rajavi, Presidentja e zgjedhur e NCRI, i ka bërë thirrje Sekretarit të Përgjithshëm të Kombeve të Bashkuara dhe Komisioneres së Lartë për të Drejtat e Njeriut që të dërgojnë një delegacion ndërkombëtar për të vizituar burgjet e regjimit dhe për t’u takuar me të burgosurit e familjarët e tyre.
