Irani i dërgon të burgosurit e dënuar me vdekje në Siri si mish për top

Nga
Mahmoud Hakamian
-

 

Authorities in Iran are sending death row inmates to Syria to fight as cannon fodders for the Assad regime [File Photo]Autoritetet në Iran po i dërgojnë të burgosurit e dënuar me vdekje në Siri për të luftuar si mish për top për regjimin e Assad-it [Foto Fajli]

Raportim nga PMOI/MEK

Iran, 28 korrik 2020—Raportet tregojnë se të hënën, më 27 korrik, disa zyrtarë të Burgut Qendror të Karaj, që ndodhet në perëndim të kryeqytetit Teheran, së bashku me një delegacion personash që janë parë të veshur me cilësi të lartë, vizituan pavijonet e këtij burgu në kërkim të të burgosurve për t’i dërguar në Siri për të luftuar si mish për top në krah të forcave të regjimit të Assad-it.

Ky delegacion u kërkoi të burgosurve të dënuar për vrasje apo grabitje, atyre të dënuar me vdekje dhe burgim të gjatë, që të regjistroheshin për t’u dërguar në Siri ku do të luftojnë së bashku me forcat e regjimit iranian që përpiqen ta mbajnë Bashar Assad-in në pushtet në Damask. Këtyre individëve u është premtuar se do të lirohen nga burgu nëse bien dakord të luftojnë në Siri.

Edhe në të shkuarën ka patur raporte të ngjashme. Një i burgosur i liruar nga një burg në një tjetër provincë të Iranit, i cili ishte dënuar me burgim të gjatë për një krim të rëndomtë, ka qenë dëshmitar i kësaj gjëje. “Më sugjeruan të shkoj e të luftoj në Siri. Na premtuan se nëse shkonim në vendet që janë nën sferën e ndikimit të Iranit, si Siria, në këmbim do të na lironin nga burgu. Sigurisht, nëse do të mbijetonim. Disa të burgosur që ishin të dënuar me vdekje apo që kishin burgim të gjatë pranuan duke e ditur se nuk kishin zgjidhje tjetër. Nëse dikush refuzon të shkojë në Siri, ai ekzekutohet ose përballet me vdekjen në burg. Nëse bie dakord, ndoshta mund të ketë një shans për t’i shpëtuar ekzekutimit,” tha ky i burgosur.

“Nëse një i burgosur rikthehet nga vendi ku e kishin dërguar, e dërgojnë në një luftë tjetër në një shtet tjetër, si Libani apo… Pastaj e kthejnë në Iran dhe i japin një shtëpi në një qytet shumë larg qytetit të tij. Gjithashtu, ai nuk ka të drejtë të kontaktojë me familjen e tij. Si rezultat, ky individ bëhet pjesë e Gardës Revolucionare (IRGC) dhe dërgohet në luftë sa herë që është nevoja,” vazhdoi i burgosuri.

Për sa i përket rasteve të tjera specifike ku kishte qenë dëshmitar vetë, ai tha: “Kam parë dy raste me sytë e mi. Një individ mbante emrin Rauf. Familjes së tij dhe të burgosurve të tjerë u ishte thënë se e kishin ekzekutuar. Ai ishte dënuar me vdekje për përgatitje dhe posedim të lëndëve narkotike. Atë e dërguan direkt nga inteligjenca [e IRGC] në Siri. Ai më tha se do të shkonte në Siri, por ne do të na gënjenin e do të na thonin se e kishin ekzekutuar.”

 

Pse Presidenti i Regjimit Iranian, Rouhani, Ka Dhënë Urdhër për Zhvillimin e Ceremonive të Ashura në Mesin e Rritjes së Numrit të Vdekjeve nga COVID-19?

Nga
Shamsi Saadati
-

 

Why Iran Regime’s President Rouhani Ordered Ashura Ceremonies to Be Held Amid Rising COVID-19 Death Toll? Presidenti i Regjimit Iranian, Rouhani, Ka Dhënë Urdhër për Zhvillimin e Ceremonive të Ashura në Mesin e Rritjes së Numrit të Vdekjeve nga COVID-19

Informacionet e analizuara nga Rezistenca Iraniane tregojnë se pothuajse 80,000 njerëz kanë humbur jetën nga pandemia e COVID-19 në Iran. Paralelisht me përpjekjet për ta minimizuar pandeminë, dhe me të detyruarit e njerëzve që t’i rikthehen punës, presidenti i regjimit Hassan Rouhani flet tani për zhvillimin e ceremonive fetare të “Ashura” në mesin e pandemisë.

Pavarësisht numrit të vdekjeve që rritet çdo ditë, madje edhe po të merren për bazë vetë statistikat e fabrikuara të regjimit, Rouhani bën thirrje për zhvillimin e ceremonive të Ashura dhe kortezheve të përmortshme për Imamin e tretë të Islamit Shi’it, Hossain-ibn-Ali.

Znj. Maryam Rajavi, presidentja e zgjedhur e Këshillit Kombëtar të Rezistencës së Iranit (NCRI), ka thënë: Vendimi i Khamenei-t dhe Rouhani-t për t’i zhvilluar ceremonitë e përmortshme gjatë muajit Moharram dhe dërgimi i qëllimshëm i njerëzve në altarin e vdekjes është vazhdimësi e strategjisë së viktimave njerëzore në masë si barrierë kundër rrezikut të kryengritjes dhe përmbysjes së regjimit.

Kjo ndërkohë që pelegrinazhi i Haxhit është pezulluar për herë të parë për të shpëtuar jetët e myslimanëve. Shkatërrimi i sistemit të shëndetësisë së vendit duke refuzuar t’i marrë në punë infermierët që janë gati për të shërbyer është një pjesë tjetër e strategjisë së regjimit. Kjo është veçanërisht e vërtetë pasi infermierët që kanë bërë sakrifica të stërmëdha në gjashtë muajt e fundit dhe po infektohen në grupe, kanë nevojë urgjente për përforcime.

Konfederata Italiane e Unioneve të Punëtorëve (CISL) Shpall në një Deklaratë Solidaritetin e Saj me Punëtorët  e Iranit

Nga
Mahmoud Hakamian
-

Shkruar nga MahmoudHakamian

Italian Confederation of Workers' Trade Unions (CISL) Announces its Solidarity With Iran’s Workers in a Statement Konfederata Italiane e Unioneve të Punëtorëve (CISL) Shpall në një Deklaratë Solidaritetin e Saj me Punëtorët e Iranit

Sekretari i Parë i Konfederatës Italiane të Unioneve të Punëtorëve (CISL) në provincën Marche të Italisë, që mbikëqyr 28 degët e unionit, ka nxjerrë një deklaratë ku dënon fort shkeljet e rënda të të drejtave ligjore të punëtorëve gjatë shpërthimit të koronavirusit në Iran.

Konfederata Italiane e Unioneve të Punëtorëve (CISL) është një nga unionet më të mëdha të punëtorëve në Itali. Ky union u ka bërë thirrje organizatave të punëtorëve dhe të drejtave njerëzore që të ushtrojnë presion mbi regjimin iranian për ta detyruar atë dhe liderët e tij që t’i respektojnë të drejtat ligjore të punëtorëve iranianë.

Kjo deklaratë është firmosur nga Z. Leonardo Piccnno, Sekretar i Parë i CISL më provincën Marche, i cili ka shpallur mbështetjen e tij dhe të 28 degëve të unionit në provincën Marche për protestat e punëtorëve iranianë.

Më poshtë është teksti i plotë i përkthimit në anglisht të deklaratës:

Iran: Përditësim Lidhur me Koronavirusin, Mbi 78,100 Vdekje, 28 Korrik 2020

Nga
Hamideh Taati
-

Organizata Muxhahedine e Popullit të Iranit (PMOI-MEK) shpalli mbasditen e sotme, më 28 korrik 2020, se Koronavirusi ua ka marrë jetën mbi 78,100 njerëzve në 347 qytete të Iranit. Numri i vdekjeve në provinca të ndryshme është: 5620 në Khuzestan, 3605 në Mazandaran, 3390 në Gilan, 3075 në Lorestan, 2087 në Golestan, 2025 në Hamadan, 1990 në Fars, 1920 në Kermanshah, 985 në Semnan, 970 në Hormozgan, 845 në Ardebil, dhe 625 në Qazvin. Kjo është përveç raporteve të marra nga provincat e tjera.

Heshtja ndaj masakrës së 1988-ës e ka lejuar regjimin e Iranit t’i vazhdojë krimet kundër njerëzimit

Nga
Mahmoud Hakamian
-

Khavaran Cemetery in southern Tehran, mass graves believed to hold many of those political prisoners, executed in 1988 massacreVarrezat Khavaran në Teheranin jugor, varre masive ku besohet se gjenden shumë nga të burgosurit politikë të ekzekutuar në masakrën e 1988-ës

Gjatë kryengritjes mbarëkombëtare të nëntorit 2019 në Iran, forcat shtypëse Basij të Gardës Revolucionare vranë mbi 1,500 protestues të paarmatosur, duke përfshirë 19 fëmijë, brenda vetëm tre ditësh nëpër rrugë.

Informatat e marra nga brenda Iranit tregojnë se shkalla e masakrës është shumë më e rëndë dhe torturimet e ekzekutimet vazhdojnë ende ndaj protestuesve të arrestuar gjatë kryengritjes.

Por kjo nuk është një tragjedi që ndodhi brenda një nate, apo një jave apo muaji. Trajtimi brutal i protestuesve iranianë është rezultat i faktit që regjimi ka mbi katër dekada që gëzon pandëshkueshmëri për krimet e tij kundër njerëzimit.

Më tronditësi nga këta krime është masakra e mbi 30000 të burgosurve politikë iranianë në verën e 1988-ës, që shënon këtë javë 32-vjetorin. Në atë kohë, lideri suprem i atëhershëm i regjimit Ruhollah Khomeini nxori një fatwa për t’i spastruar të gjitha burgjet nga kundërshtarët e regjimit. Brenda vetëm pak javësh, autoritetet iraniane gjykuan dhe ekzekutuan mbi 30,000 të burgosur në mbarë Iranin, shumica e të cilëve ishin mbështetës dhe anëtarë të Organizatës Muxhahedine të Popullit të Iranit (PMOI/MEK). Trupat e viktimave i varrosën në varre masive e të pashënuara, për të fshehur provat e këtij akti brutal.

Kjo masakër nuk është hetuar kurrë nga komuniteti ndërkombëtar, dhe autorët e saj nuk janë vënë kurrë para drejtësisë. Kjo mungesë interesi nga komuniteti ndërkombëtar për t’i kërkuar llogari regjimit për krimin e tij kundër njerëzimit vetëm sa i ka nxitur zyrtarët iranianë që të vazhdojnë të përdorin shtypjen, torturën dhe ekzekutimin si mjetet kryesore për mbajtjen e pushtetit.

Raportohen protesta në qytete të ndryshme të Iranit

Nga
Zolal Habibi
-

Storeowners protesting and marching in the city of Qeshm, southern Iran – July 26, 2020Pronarët e dyqaneve protestojnë dhe marshojnë në qytetin Qeshm, në Iranin jugor – 26 korrik 2020

Pronarët e dyqaneve në qytetin Qeshm në jug të Iranit zhvilluan një protestë dhe marshim të dielën, më 26 korrik, në protestë ndaj vendimit të zyrtarëve vendorë për ta mbyllur doganën e qytetit e për t’i lënë paketat në port. Shumë nga artikujt po prishen për shkak të kësaj neglizhence.

 

“Kam blerë mallra nga India që në shkurt dhe ato kanë ardhur. Por e kanë mbyllur doganën për shkak të koronavirusit,” tha njëri nga pronarët e dyqaneve. “Dogana e Dubait është hapur vetëm një javë pas mbylljes për shkak të Covid-19. Ndërsa doganat në Iran vazhdojnë ende të mbyllura. Pronarët e dyqaneve në Qeshm janë në gjendje shumë të vështirë. Covid-19 e ka shkatërruar tregun dhe nga ana tjetër, ata i mbajnë të bllokuara në dogana mallrat e njerëzve.”

 

Të shtunën më 25 korrik, punonjësit e spitalit Beheshti në qytetin Shiraz, në Iranin jug-qendror, mbajtën një tubim jashtë spitalit për të protestuar ndaj faktit që pagat e tyre nuk janë rritur me 50 përqind siç është bërë për punonjësit e spitaleve që janë nën mbikëqyrjen direkte të Ministrisë së Shëndetësisë dhe strukturave të tjera të regjimit të mullahëve.

Protestuesit jashtë spitalit Beheshti janë dëgjuar duke thirrur, “Zyrtarë të pakualifikuar, jepni dorëheqjen, jepni dorëheqjen!”

Të dielën, banorët e fshatit Dab Heradan në provincën Khuzestan të Iranit jug-perëndimor, me një popullsi prej mbi 2,000 njerëzish, mbajtën një tubim për të protestuar ndaj faktit që në shtëpitë e tyre nuk ka ujë të rrjedhshëm dhe që zyrtarët nuk i kanë mbajtur premtimet në këtë aspekt. Ky tubim u mbajt jashtë  zyrës së guvernatorit të Khuzestan.

“Kemi patur shumë vështirësi dhe zyrtarët e fshatit refuzojnë të japin një përgjigje siç duhet për pyetjet tona,” tha një individ. “Aktualisht, jemi të detyruar të udhëtojmë shumë kilometra deri në një zonë pranë qytetit Ahvaz dhe ta blejmë ujin atje.”

Vlen të përmendet se banorët e Dab Heradan jetojnë në një nga provincat më të pasura me ujë të Iranit, e megjithatë nuk kanë ujë të pijshëm, as ujë për rutinën e përditshme, fermat, bagëtitë, apo nevojat e tjera të zakonshme.

Iran: Përditësim Lidhur me Koronavirusin, Mbi 77,600 Vdekje, 27 Korrik 2020

Nga
Hamideh Taati
-

Organizata Muxhahedine e Popullit të Iranit (PMOI-MEK) shpalli mbasditen e sotme, 27 korrik 2020, se Koronavirusi ua ka marrë jetën mbi 77,600 njerëzve në 347 qytete të Iranit. Numri i vdekjeve në provinca të ndryshme është: 19250 në Teheran, 5833 në Khorasan Razavi, 4230 në Qom, 3040 në Lorestan, 3530 në Mazandaran, 2435 në Sistan dhe Baluchistan, 2340 në Azerbaixhanin Perëndimor, 2280 në Azerbaixhanin Lindor, 2048 në Golestan, dhe 1955 në Fars. Kjo është përveç raporteve të marra nga provincat e tjera.

Pandeli Majko, Ministër i Shtetit dhe ish-kryeministër flet në Samitin për Lirinë e Iranit

Nga
Shkrimtar i stafit
-

“E vetmja mundësi për regjimin iranian është të ndryshojë dhe të tejkalojë dallimet midis aleatëve. Irani nuk po vepron si një shtet. Ai po ndërhyn në punët e brendshme të vendeve. Po vepron në bazë të interesave të veta gjeopolitike dhe nuk respekton normat ndërkombëtare.

“Ne mendojmë se liria do të jetë e ardhmja e Iranit. Dhe ne besojmë se MEK krijon besim dhe shpresë midis Iranit dhe botës. Irani ka vaksinën për të ardhmen e vet. Është MEK dhe populli që luftojnë për liri. Ju jeni pjesë e familjes sonë dhe ne ju konsiderojmë pjesë e jona. ”

Pandeli Majko, former Albanian Prime Minister

Gratë kryefamiljare flenë nëpër vrima nën tokë për shkak të varfërisë

Nga
Shkrimtar i stafit
-

Disa kryefamiljare femra kanë gjetur strehim në periferitë e qyteteve për shkak të varfërisë dhe mungesës së strehimit të përshtatshëm. Ato jetojnë nëpër tunele e vrima poshtë ndërtesave të vjetëruara.
Këto gra janë pjesë e të paktën 38 milion iranianëve që jetojnë nëpër baraka e lagje të varfra.
Fjetja në rrugë, madje edhe në varre bosh – dhe tani edhe në vrima nën tokë – janë disa nga fenomenet që regjimi i mullahëve ia ka imponuar shoqërisë iraniane.
Mbi 80 përqind e iranianëve jetojnë poshtë pragut të varfërisë për shkak të politikave shfrytëzuese të regjimit. Sipas ekspertëve të regjimit, fytyra e varfërisë në Iran është femërore.

Lexo më shumë

Regjimi Iranian Masakron Kundërshtarët dhe Shpërndan Keqinformim Online për të Justifikuar Veten – Fjalimi i Theresa Payton në Samitin Global për Lirinë e Iranit

Nga
Mansoureh Galestan
-

 

Iran’s Regime Massacres Opponents and Spreads Disinformation Online to Justify It - Theresa Payton’s Speech at the Free Iran Global SummitSamiti Global për Lirinë e Iranit – 17 korrik 2020

19 korriku shënoi 32-vjetorin e masakrës së 1988-ës ndaj 30,000 të burgosurve politikë në Iran. Shumica e këtyre të burgosurve ishin anëtarë dhe mbështetës të Organizatës Muxhahedine të Popullit të Iranit (PMOI/MEK). Pas pranimit të detyruar të një armëpushimi me Irakun, dhe nga frika e shpërthimit të shoqërisë së mjeruar nga lufta, regjimi iranian e kreu këtë krim kundër njerëzimit me qëllimin për ta paralizuar forcën demokratike për ndryshim. Në fakt, regjimi ka kohë që persekuton, burgos dhe vret mizorisht anëtarë e mbështetës të MEK.

Njëkohësisht me vrasjen e disidentëve, regjimi iranian ka zhvilluar gjithashtu një fushatë demonizimi e keqinformimi ndaj kundërshtarëve të tij politikë, kryesisht MEK dhe Këshillit Kombëtar të Rezistencës së Iranit (NCRI). Regjimi e përdor fushatën e demonizimit për të:

1- Përgatitur terrenin dhe justifikuar vrasjet e terrorizmin e mëtejshëm kundër anëtarëve e mbështetësve të Rezistencës Iraniane.

2- Diskredituar alternativën e vlefshme ndaj tij dhe portretizuar këtë regjim si të pazëvendësueshëm.

3- Inkurajuar komunitetin ndërkombëtar që ta vazhdojë politikën e paqësimit.

Vitet e fundit, paralelisht me avancimin e teknologjisë kibernetike, regjimi ka përdorur platformat e rrjeteve sociale dhe internetin për të shpërndarë edhe më shumë keqinformim kundër MEK-ut dhe NCRI-së. Duke përdorur qindra llogari të rreme, regjimi përpiqet ta minimizojë impaktin e Rezistencës Iraniane mbi shoqërinë iraniane. Kjo është në fakt ana tjetër e medaljes së vrasjes së protestuesve në mes të ditës dhe mbylljes së internetit në mbarë vendin për ditë të tëra gjatë protestave mbarëkombëtare të Iranit në 2019-ën.

Lexo më shumë

1...391392393...733Faqja 392 nga 733