Njoftimi për Shtyp i Ambasadës së Regjimit Iranian, një Reagim plot Frikë ndaj Pasojave Ndërkombëtare të Ekspozimit të Veprimtarive të Saj Terroriste

Nga
Shkrimtar i stafit
-

Assadollah Assadi, diplomati terrorist nga ambasada iraniane në Vienë

Pas zbulimeve të fundit lidhur me komplotin terrorist të regjimit klerikal kundër Rezistencës Iraniane në Paris në qershor 2018, dhe lidhur me Assadollah Assadi, diplomatin terrorist të regjimit që kërcënon autoritetet belge me terrorizëm, siç është raportuar nga Reuters dhe media të tjera të mëdha europiane, duke përfshirë Le Monde nga Franca, De Standard, Le Soir dhe De Morgan nga Belgjika, si dhe Korrieri i Italisë, ambasada e regjimit iranian ka pretenduar nga frika se Assadi “nuk përbën asnjë kërcënim për Belgjikën” dhe se “Çdo aluzion për hakmarrje që bëhet nga mediat është krejtësisht absurd…dhe ka për qëllim t’i përkeqësojë marrëdhëniet Iran-Europë.”

Sipas një raporti nga Reuters më 9 tetor 2020, Assadi, në një takim me zyrtarë të policisë belge më 12 mars 2020, ka thënë,”(Belgjika) nuk e kupton se çfarë do të ndodhë në rastin e një verdikti të pafavorshëm. (Dhe se) “çështja e tij po ndiqet me vëmendje nga grupe të pazbuluara në Iran dhe në vendet fqinje… Assadi i ka thënë policisë se grupe të armatosura në Irak, Liban, Jemen, dhe Siri, si dhe brenda në Iran, janë të interesuara në rezultatin e çështjes së tij dhe do të jenë duke ‘vëzhguar nga prapaskenat për të parë nëse Belgjika do t’i mbështesë apo jo.’”

Le Monde, në botimin e 10 tetorit, shkruan, “Më 20 shkurt 2020, Jaak Raes, Administrator i Përgjithshëm i Shërbimit të Përgjithshëm të Informacionit dhe Sigurisë në Belgjikë, i ka shkruar prokurorit federal se sulmi (mbi tubimin e Rezistencës) ka qenë i planifikuar dhe i udhëhequr nga regjimi iranian. Kjo nuk ka qenë iniciativë e Assadi-t.”

Gazeta flamande e Belgjikës, De Morgen, duke cituar gazetën De Standard, raportoi më 12 tetor: “Një shënim nga Këshilli i Sigurimit të Shtetit tregon se sulmi ishte planifikuar dhe kryer nga regjimi iranian dhe si rrjedhim nuk ka qenë veprim i ndërmarrë në kapacitet personal. Gjithashtu, Assadi njihet si një agjent i fshehtë i shërbimit iranian të inteligjencës.”

 

Eventi Online i Opozitës Iraniane: Një Politikë e Efektshme ndaj Iranit

Nga
Mahmoud Hakamian
-

The National Council of Resistance of Iran (NCRI)-US Office hosted an online conference discussing what is the most effective policy on the regime ruling Iran.

Zyra në SHBA e Këshillit Kombëtar të Rezistencës së Iranit (NCRI) ka zhvilluar një konferencë online ku është diskutuar se cila është politika më e efektshme ndaj regjimit që sundon Iranin.

Politika më e efektshme përballë regjimit që sundon Iranin ishte tema e një eventi të rëndësishëm online të zhvilluar nga Këshilli Kombëtar i Rezistencës së Iranit (NCRI) të mërkurën, më 14 tetor, dhe ku morën pjesë personalitete prestigjoze amerikane të cilët ndanë mendimet e tyre lidhur me këtë temë në zhvillim e sipër.

Kjo temë po bëhet edhe më e domosdoshme tani që protestat në mbarë Iranin po shtohen gradualisht teksa koronavirusi i ri ua merr jetën gjithnjë e më shumë njerëzve në numra të paprecedent, dhe zyrtarët e lartë të regjimit paralajmërojnë për një kryengritje jo shumë larg në të ardhmen.

Alireza Jafarzadeh – Zëvendës Drejtor i Zyrës Përfaqësuese në SHBA të Këshillit Kombëtar të Rezistencës së Iranit (NCRI)

Alireza Jafarzadeh – Zëvendës Drejtor i Zyrës Përfaqësuese në SHBA të Këshillit Kombëtar të Rezistencës së Iranit (NCRI), ishte folësi i parë dhe moderatori i këtij eventi. Ai tha: Pas katër ditësh, embargo e armëve konvencionale nuk do të ekzistojë më dhe regjimi do të mund të blejë armë sa të dojë. Këtë mëngjes, Presidenti i regjimit Hassan Rouhani tha se të dielën që vjen, “embargo mizore e armëve do të hiqet,” duke shtuar se do të munden t’i “shesin armë kujtdo që të dëshirojmë” dhe “të blejmë armë nga kushdo që të dëshirojmë.”

Për sa i përket popullit të Iranit, mesazhi i tij është i qartë: Ai dëshiron ta përmbysë regjimin. Ai ka thënë: “armiku ynë është këtu në Iran, jo në Amerikë.”

 

Iran: Nën Presidencën e Hassan Rouhani-t, 109 Gra të Ekzekutuara

Nga
Shamsi Saadati
-

 

Execution of a woman in Iran (file photo)Ekzekutimi i një gruaje në Iran (foto fajli)

Raportet nga Irani tregojnë se regjimi i mullahëve ka ekzekutuar edhe një grua tjetër. Ky ekzekutim i ditëve të fundit e çon në 109 numrin e grave të ekzekutuara gjatë mandatit të Hassan Rouhani-t si president. Ky ekzekutim, ashtu si edhe të tjerët, e hedh poshtë edhe një herë mitin e moderimit në regjimin e mullahëve dhe tregon natyrën e vërtetë mizogjiniste të tij.

Sipas agjencisë shtetërore të lajmeve ROKNA, gruaja e ekzekutuar e identifikuar si Razieh, një 37-vjeçare kryetare familjeje, ka qenë në pritje të ekzekutimit për katër vite. Sipas ROKNA, Razieh është ekzekutuar për vrasje të supozuar nga shkaku i varfërisë. Politikat e gabuara ekonomike të regjimit i kanë zhytur njerëzit edhe më thellë në moçalin e varfërisë brenda në Iran. Si rrjedhim, Razieh është një tjetër viktimë e regjimit të mullahëve.

Të burgosurës politike Saba Kord Afshari i mohohet kujdesi mjekësor në burgun Evin

Nga
Shkrimtar i stafit
-

Political prisoner Saba Kord Afshari denied medical care in Evin PrisonDy javë pasi ka dëmtuar kyçin e këmbës, e burgosura politike Saba KordAfshari nuk ka marrë ende kujdesin dhe trajtimin e duhur mjekësor në burgun Evin.

Saba KordAfshari e ka dëmtuar kyçin e këmbës dy javë më parë. Të mërkurën, 14 tetor 2020, ajo e hapi vetë allçinë, pasi nuk mund të ecte më pa bastun. Por pa se kyçin e kishte shumë të ënjtur e të mavijosur.

Shoqet e burgut e çuan në klinikë, por stafi kishte ndërmend ta transferonte në një spital të qytetit rreth mesditës. Ky është orari më i keq për ta çuar një pacient në spital.

Kështu që Saba KordAfshari protestoi dhe refuzoi të shkonte në spital në kohë dreke, për t’iu shmangur një udhëtimi të padobishëm drejt një spitali të mbushur me pacientë me C0VID-19.

E burgosura politike Saba KordAfshari vuan gjithashtu nga komplikacione të ndryshme gastro-intestinale, si dhe nga ulçeri i stomakut.

Google ka mbyllur llogarinë e rrjetit televiziv iranian

Nga
Shkrimtar i stafit
-

Google ka bllokuar llogarinë e Hausa TV të regjimit iranian, e cila mbulon vendet afrikane, në YouTube dhe Gmail. Javën e shkuar, Tëitter bllokoi llogarinë e këtij rrjeti për shkak se kishte shkelur rregullat e Tëitter.
Hausa TV është përfaqësuesi jashtë shtetit i radios dhe televizionit të regjimit, dhe ka nisur të operojë zyrtarisht në vitin 2018.

 

Vetëvrasja e një nxënësi 11-vjeçar për shkak të varfërisë në regjimin klerikal

Nga
Shkrimtar i stafit
-

Një fëmijë iranian ka kryer vetëvrasje për shkak se nuk mund të kishte një telefon celular që ta përdorte për të studiuar nga shtëpia gjatë karantinës.

Nëna e tij ka thënë: Ngaqë nuk kishim mundësi t’i blinim një telefon celular në mënyrë që të merrte pjesë në klasat online, ai vrau veten.

Në një zhvillim të ngjashëm, më 14 shtator, Mani, një djalë 14-vjeçar nga Kermanshah në Iranin perëndimor, ndërkohë që punonte si hamall për të fituar para për blerjen e një telefoni celular për klasat online, i ndjekur nga agjentët kufitarë të regjimit, ka rënë nga mali dhe ka humbur jetën.

Një nxënës tjetër 12-vjeçar në Abadan të Iranit jug-perëndimor, i identifikuar si Meysam, ka kryer vetëvrasje pasi ishte detyruar ta shiste telefonin celular për shkak të varfërisë së familjes.

Një mësues dënohet me 45 goditje kamxhiku për faktin se ka vizatuar karikatura

Nga
Shkrimtar i stafit
-

Të hënën, Drejtësia e regjimit iranian ka dënuar një mësues me 45 goditje kamxhiku për faktin se ka vizatuar karikatura të Ministrit të Arsimit. Ky dënim erdhi pas një kallëzimi që Ministri i Arsimit dhe Zëvendësi i tij kishin bërë kundër këtij mësuesi.
Në solidaritet me këtë person, shumë mësues në mbarë vendin kanë deklaruar në mediat sociale gatishmërinë e tyre për të marrë përsipër dënimin e tij me kamxhik.

Kërcënimet dhe Plani Terrorist i Assadi-t Tregojnë për Terrorizmin Iranian të Sponsorizuar nga Shteti

Nga
Shahriar Kia
-

 

Shkruar nga Shahriar Kia

Le Monde më 10 tetor citoi autoritetet belge duke thënë se diplomati terrorist i burgosur i Iranit, Assadollah Assadi , ka vepruar nën udhëzimet e shtetit iranian në komplotin e parandaluar me bombë në 2018-ën kundër tubimit të opozitës iraniane në Paris. Kjo tregon se ky veprim përbën një akt terrorizmi të sponsorizuar nga shteti.

“Më 20 shkurt, Jaak Raas, kreu i shërbimit të inteligjencës [belge], i ka shkruar prokurorit federal në atë kohë se ‘sulmi i propozuar është konceptuar në emër të Iranit, dhe nën udhëheqjen e tij; nuk ka qenë iniciativë personale e Assadi-t,’” lexon artikulli.

Assadi ka mbajtur pozicione të larta në regjim. Kështu që përfshirja e tij në këtë sulm terrorist nuk ka qenë vendim apo iniciativë personale. Lidhur me këtë, Le Monde shkruan: “Assadolah Assadi është figura qendrore në këtë çështje. 49-vjeçari ka qenë diplomat në Irak nga 2003 në 2008, para se të caktohej sekretar i tretë në ambasadën iraniane në Vienë në vitin 2014. Sipas Sigurisë së Shtetit, ai ka vepruar kryesisht për llogari të ‘Departmentit 312’, një shërbim i Ministrisë së Inteligjencës dhe Sigurisë (MOIS) që gjendet në listën e organizatave të klasifikuara si terroriste nga Bashkimi Europian.”

Më 1 korrik 2018, Gjermania e arrestoi Assadi-n para se ai të hynte në Austri, ku mbante postin e sekretarit të tretë në ambasadën e regjimit. Përpara Assadi-t ishin arrestuar tre terroristë të tjerë, në Belgjikë dhe Francë. Çifti terrorist i arrestuar në Belgjikë ishin rrugës për në Paris për të marrë pjesë në tubimin e përvitshëm “Irani i Lirë” të  Këshillit Kombëtar të Rezistencës së Iranit (NCRI). Ky çift terrorist, Nasimeh Naami dhe Amir Sadouni, kishin me vete 500 gram eksplozivë TATP. Assadi ua kishte dorëzuar personalisht eksplozivët operativëve të tij në Luksemburg, për të kryer operacionin.

Lidhur me këtë, Le Monde shkruan: “Ekspertët belgë janë kategorikë: vala e shokut e shkaktuar nga bomba mund të ishte përhapur mbi njëqind metra, duke ua marrë jetën një numri të madh viktimash e duke krijuar një lëvizje paniku potencialisht fatale, nisur nga numri i njerëzve të pranishëm.”

Në këtë event merrte pjesë presidentja e zgjedhur e NCRI-së, Znj. Maryam Rajavi, qindra politikanë të njohur amerikanë e europianë, si dhe mbi 100,000 njerëz.

Të xhindosur nga zhvendosja e suksesshme e anëtarëve të Organizatës Muxhahedine të Popullit të Iranit (PMOI/MEK) në Shqipëri, dhe pas protestave të mëdha iraniane të cilat i shkundën themelet e regjimit, mullahët vendosën të merrnin në shënjestër alternativën e vetme të vlefshme ndaj sundimit të tyre.

Kohët e fundit është zbuluar se Assadi i ka kërcënuar autoritetet dhe dëshmitarët belgë me sulme të mundshme terroriste nga grupet proksi të Teheranit, për të cilët ka thënë se “e ndjekin” nga afër rezultatin e gjyqit të Assadi-t. Assadi ka deklaruar se këto grupe do të hakmerreshin nëse vendimi i gjykatës më 27 nëntor nuk do të ishte në favor të Assadi-t.

“Gjatë burgimit preventiv të tij, Assadolah Assadi ka refuzuar të bashkëpunojë me drejtësinë belge, por ka bërë kërcënime hakmarrjeje. Më 9 mars 2019, ai ka informuar drejtorin e burgut Beveren se dëshironte të takohej me një hetues. Pastaj i ka thënë atij se nëse do të dënohej, ‘grupe të armatosura’ ishin të gatshme për të vepruar kundër oficerëve të policisë, dëshmitarëve, apo mbështetësve të PMOI-së,” lexon artikulli i Le Monde.

Znj. Rajavi ka dëshmuar për shtatë orë duke paraqitur dokumente që deklarojnë se vendimi për këtë operacion madhor terrorist është marrë nga Këshilli Suprem i Sigurisë Kombëtare i regjimit, i cili kryesohet nga Rouhani, dhe është miratuar me urdhër direkt nga Lideri Suprem i regjimit, Ali Khamenei. Znj. Rajavi ka theksuar se, krahas Assadi-t e terroristëve të tjerë të arrestuar si autorë të këtij krimi, duhet të ndiqen penalisht edhe organizatorët e vërtetë, konkretisht Khamenei, Rouhani, Zarif, dhe Mahmoud Alavi. Kjo është e domosdoshme për ta ndaluar terrorizmin e shfrenuar të mullahëve, tha ajo.

Numri i grave të ekzekutuara në Iran gjatë mandatit të Rouhani-t si president i mullahëve arrin në 109.

Nga
Shkrimtar i stafit
-

Numri i grave të ekzekutuara gjatë presidencës së Rouhani-t arrin në 109

 

Drejtësia e regjimit klerikal ka ekzekutuar edhe një grua tjetër të dëshpëruar mëngjesin e së dielës, 11 tetor 2020, në Burgun Qendror të Mashhad.

Kjo grua e dëshpëruar e cila është identifikuar si Razieh, 37 vjeç, ka qenë në pritje të ekzekutimit për katër vite. Razieh, një kryetare familjeje tejet e varfër, ka kryer vrasje për shkak të varfërisë. (agjencia shtetërore e lajmeve ROKNA – 12 tetor 2020)

Me këtë ekzekutim, numri i grave të ekzekutuara gjatë presidencës së Rouhani-t arrin në 109.

Drejtësia e mullahëve ka varur Mahtab Shafii, 32 vjeç, mëngjesin e 23 shtatorit 2020, në burgun Gohardasht në Karaj, që njihet ndryshe edhe si burgu Rajaiishahr.

Regjimi iranian vari dy gra të tjera në Burgun Qendror të Mashhad më 2 dhe 18 gusht 2020.

Kreu i Policisë së Teheranit mbron poshtërimin publik tw “prishwsve tw rendit” në rrugë

Nga
Shkrimtar i stafit
-

Kreu i Policisë së Teheranit e ka mbrojtur poshtërimin publik dhe rrahjen e iranianëve të burgosur nga policia në rrugët e kryeqytetit.

Agjencia e lajmeve Tasnim, e cila është e lidhur me IRGC-në, ka cituar Hossein Rahimi-n, i cili ka thënë se ata që kritikojnë trajtimin brutal nga policia të “kriminelëve” të burgosur, duan të krijojnë “bujë” dhe “imitojnë intelektualët”.

“Ne arrestojmë shumë kriminelë çdo ditë dhe nuk do të kufizohemi nga buja e propaganda. Disa njerëz duan të jenë në qendër të vëmendjes, dhe disa imitojnë intelektualët,” tha Shefi i Policisë së Teheranit.

1...369370371...733Faqja 370 nga 733