Raportet nga Irani tregojnë se regjimi i mullahëve ka ekzekutuar edhe një grua tjetër. Ky ekzekutim i ditëve të fundit e çon në 109 numrin e grave të ekzekutuara gjatë mandatit të Hassan Rouhani-t si president. Ky ekzekutim, ashtu si edhe të tjerët, e hedh poshtë edhe një herë mitin e moderimit në regjimin e mullahëve dhe tregon natyrën e vërtetë mizogjiniste të tij.
Sipas agjencisë shtetërore të lajmeve ROKNA, gruaja e ekzekutuar e identifikuar si Razieh, një 37-vjeçare kryetare familjeje, ka qenë në pritje të ekzekutimit për katër vite. Sipas ROKNA, Razieh është ekzekutuar për vrasje të supozuar nga shkaku i varfërisë. Politikat e gabuara ekonomike të regjimit i kanë zhytur njerëzit edhe më thellë në moçalin e varfërisë brenda në Iran. Si rrjedhim, Razieh është një tjetër viktimë e regjimit të mullahëve.
Dy javë pasi ka dëmtuar kyçin e këmbës, e burgosura politike Saba KordAfshari nuk ka marrë ende kujdesin dhe trajtimin e duhur mjekësor në burgun Evin.
Saba KordAfshari e ka dëmtuar kyçin e këmbës dy javë më parë. Të mërkurën, 14 tetor 2020, ajo e hapi vetë allçinë, pasi nuk mund të ecte më pa bastun. Por pa se kyçin e kishte shumë të ënjtur e të mavijosur.
Shoqet e burgut e çuan në klinikë, por stafi kishte ndërmend ta transferonte në një spital të qytetit rreth mesditës. Ky është orari më i keq për ta çuar një pacient në spital.
Kështu që Saba KordAfshari protestoi dhe refuzoi të shkonte në spital në kohë dreke, për t’iu shmangur një udhëtimi të padobishëm drejt një spitali të mbushur me pacientë me C0VID-19.
E burgosura politike Saba KordAfshari vuan gjithashtu nga komplikacione të ndryshme gastro-intestinale, si dhe nga ulçeri i stomakut.
Google ka bllokuar llogarinë e Hausa TV të regjimit iranian, e cila mbulon vendet afrikane, në YouTube dhe Gmail. Javën e shkuar, Tëitter bllokoi llogarinë e këtij rrjeti për shkak se kishte shkelur rregullat e Tëitter.
Hausa TV është përfaqësuesi jashtë shtetit i radios dhe televizionit të regjimit, dhe ka nisur të operojë zyrtarisht në vitin 2018.
Një fëmijë iranian ka kryer vetëvrasje për shkak se nuk mund të kishte një telefon celular që ta përdorte për të studiuar nga shtëpia gjatë karantinës.
Nëna e tij ka thënë: Ngaqë nuk kishim mundësi t’i blinim një telefon celular në mënyrë që të merrte pjesë në klasat online, ai vrau veten.
Në një zhvillim të ngjashëm, më 14 shtator, Mani, një djalë 14-vjeçar nga Kermanshah në Iranin perëndimor, ndërkohë që punonte si hamall për të fituar para për blerjen e një telefoni celular për klasat online, i ndjekur nga agjentët kufitarë të regjimit, ka rënë nga mali dhe ka humbur jetën.
Një nxënës tjetër 12-vjeçar në Abadan të Iranit jug-perëndimor, i identifikuar si Meysam, ka kryer vetëvrasje pasi ishte detyruar ta shiste telefonin celular për shkak të varfërisë së familjes.
Të hënën, Drejtësia e regjimit iranian ka dënuar një mësues me 45 goditje kamxhiku për faktin se ka vizatuar karikatura të Ministrit të Arsimit. Ky dënim erdhi pas një kallëzimi që Ministri i Arsimit dhe Zëvendësi i tij kishin bërë kundër këtij mësuesi.
Në solidaritet me këtë person, shumë mësues në mbarë vendin kanë deklaruar në mediat sociale gatishmërinë e tyre për të marrë përsipër dënimin e tij me kamxhik.
Le Monde më 10 tetor citoi autoritetet belge duke thënë se diplomati terrorist i burgosur i Iranit, Assadollah Assadi , ka vepruar nën udhëzimet e shtetit iranian në komplotin e parandaluar me bombë në 2018-ën kundër tubimit të opozitës iraniane në Paris. Kjo tregon se ky veprim përbën një akt terrorizmi të sponsorizuar nga shteti.
“Më 20 shkurt, Jaak Raas, kreu i shërbimit të inteligjencës [belge], i ka shkruar prokurorit federal në atë kohë se ‘sulmi i propozuar është konceptuar në emër të Iranit, dhe nën udhëheqjen e tij; nuk ka qenë iniciativë personale e Assadi-t,’” lexon artikulli.
Assadi ka mbajtur pozicione të larta në regjim. Kështu që përfshirja e tij në këtë sulm terrorist nuk ka qenë vendim apo iniciativë personale. Lidhur me këtë, Le Monde shkruan: “Assadolah Assadi është figura qendrore në këtë çështje. 49-vjeçari ka qenë diplomat në Irak nga 2003 në 2008, para se të caktohej sekretar i tretë në ambasadën iraniane në Vienë në vitin 2014. Sipas Sigurisë së Shtetit, ai ka vepruar kryesisht për llogari të ‘Departmentit 312’, një shërbim i Ministrisë së Inteligjencës dhe Sigurisë (MOIS) që gjendet në listën e organizatave të klasifikuara si terroriste nga Bashkimi Europian.”
Më 1 korrik 2018, Gjermania e arrestoi Assadi-n para se ai të hynte në Austri, ku mbante postin e sekretarit të tretë në ambasadën e regjimit. Përpara Assadi-t ishin arrestuar tre terroristë të tjerë, në Belgjikë dhe Francë. Çifti terrorist i arrestuar në Belgjikë ishin rrugës për në Paris për të marrë pjesë në tubimin e përvitshëm “Irani i Lirë” të Këshillit Kombëtar të Rezistencës së Iranit (NCRI). Ky çift terrorist, Nasimeh Naami dhe Amir Sadouni, kishin me vete 500 gram eksplozivë TATP. Assadi ua kishte dorëzuar personalisht eksplozivët operativëve të tij në Luksemburg, për të kryer operacionin.
Lidhur me këtë, Le Monde shkruan: “Ekspertët belgë janë kategorikë: vala e shokut e shkaktuar nga bomba mund të ishte përhapur mbi njëqind metra, duke ua marrë jetën një numri të madh viktimash e duke krijuar një lëvizje paniku potencialisht fatale, nisur nga numri i njerëzve të pranishëm.”
Në këtë event merrte pjesë presidentja e zgjedhur e NCRI-së, Znj. Maryam Rajavi, qindra politikanë të njohur amerikanë e europianë, si dhe mbi 100,000 njerëz.
Të xhindosur nga zhvendosja e suksesshme e anëtarëve të Organizatës Muxhahedine të Popullit të Iranit (PMOI/MEK) në Shqipëri, dhe pas protestave të mëdha iraniane të cilat i shkundën themelet e regjimit, mullahët vendosën të merrnin në shënjestër alternativën e vetme të vlefshme ndaj sundimit të tyre.
Kohët e fundit është zbuluar se Assadi i ka kërcënuar autoritetet dhe dëshmitarët belgë me sulme të mundshme terroriste nga grupet proksi të Teheranit, për të cilët ka thënë se “e ndjekin” nga afër rezultatin e gjyqit të Assadi-t. Assadi ka deklaruar se këto grupe do të hakmerreshin nëse vendimi i gjykatës më 27 nëntor nuk do të ishte në favor të Assadi-t.
“Gjatë burgimit preventiv të tij, Assadolah Assadi ka refuzuar të bashkëpunojë me drejtësinë belge, por ka bërë kërcënime hakmarrjeje. Më 9 mars 2019, ai ka informuar drejtorin e burgut Beveren se dëshironte të takohej me një hetues. Pastaj i ka thënë atij se nëse do të dënohej, ‘grupe të armatosura’ ishin të gatshme për të vepruar kundër oficerëve të policisë, dëshmitarëve, apo mbështetësve të PMOI-së,” lexon artikulli i Le Monde.
Znj. Rajavi ka dëshmuar për shtatë orë duke paraqitur dokumente që deklarojnë se vendimi për këtë operacion madhor terrorist është marrë nga Këshilli Suprem i Sigurisë Kombëtare i regjimit, i cili kryesohet nga Rouhani, dhe është miratuar me urdhër direkt nga Lideri Suprem i regjimit, Ali Khamenei. Znj. Rajavi ka theksuar se, krahas Assadi-t e terroristëve të tjerë të arrestuar si autorë të këtij krimi, duhet të ndiqen penalisht edhe organizatorët e vërtetë, konkretisht Khamenei, Rouhani, Zarif, dhe Mahmoud Alavi. Kjo është e domosdoshme për ta ndaluar terrorizmin e shfrenuar të mullahëve, tha ajo.
Drejtësia e regjimit klerikal ka ekzekutuar edhe një grua tjetër të dëshpëruar mëngjesin e së dielës, 11 tetor 2020, në Burgun Qendror të Mashhad.
Kjo grua e dëshpëruar e cila është identifikuar si Razieh, 37 vjeç, ka qenë në pritje të ekzekutimit për katër vite. Razieh, një kryetare familjeje tejet e varfër, ka kryer vrasje për shkak të varfërisë. (agjencia shtetërore e lajmeve ROKNA – 12 tetor 2020)
Me këtë ekzekutim, numri i grave të ekzekutuara gjatë presidencës së Rouhani-t arrin në 109.
Drejtësia e mullahëve ka varur Mahtab Shafii, 32 vjeç, mëngjesin e 23 shtatorit 2020, në burgun Gohardasht në Karaj, që njihet ndryshe edhe si burgu Rajaiishahr.
Kreu i Policisë së Teheranit e ka mbrojtur poshtërimin publik dhe rrahjen e iranianëve të burgosur nga policia në rrugët e kryeqytetit.
Agjencia e lajmeve Tasnim, e cila është e lidhur me IRGC-në, ka cituar Hossein Rahimi-n, i cili ka thënë se ata që kritikojnë trajtimin brutal nga policia të “kriminelëve” të burgosur, duan të krijojnë “bujë” dhe “imitojnë intelektualët”.
“Ne arrestojmë shumë kriminelë çdo ditë dhe nuk do të kufizohemi nga buja e propaganda. Disa njerëz duan të jenë në qendër të vëmendjes, dhe disa imitojnë intelektualët,” tha Shefi i Policisë së Teheranit.
Assadollah Assadi, diplomati terrorist i regjimit iranian
Në qershor 2018, agjentët e regjimit iranian tentuan të kryenin një sulm të madh terrorist në tokën europiane. Ky komplot me bombë u parandalua fatmirësisht nga autoritetet europiane, por nëse do të kishte patur sukses, është pothuajse e sigurtë se do të kishte rezultuar nëe qindra, për të mos thënë mijëra vdekje, duke përfshirë figura të larta politike nga Shtetet e Bashkuara dhe Europa.
Zbulimi i këtij komploti çoi në arrestimin e një çifti iraniano-belg që kishin për detyrë transportimin e 500 gramëve eksploziv TATP, si dhe në arrestimin e një operativi të tretë i cili kishte fituar që më parë akses në vendin ku do të zhvillohej tubimi ndërkombëtar dhe i përvitshëm “Irani i Lirë” i Këshillit Kombëtar të Rezistencës së Iranit (NCRI). Shumë shpejt pas kësaj, organizatori i komplotit – një diplomat iranian i rangut të lartë i stacionuar në ambasadën e regjimit në Vienë – u arrestua në Gjermani dhe më pas u ekstradua në Belgjikë.
Gjykimi i Assadollah Assadi është planifikuar të fillojë më 27 nëntor. Dhe ndërkohë që data e gjykimit të tij afron, bota vazhdon të mësojë detaje të reja për sa i përket veprimeve të tij përpara dhe pasi ai u bë një nga diplomatët e parë iranianë që implikohet zyrtarisht në veprimtaritë terroriste të regjimit. Për shembull, ka dalë në dritë fakti se Assadi i ka marrë personalisht eksplozivët që do të përdoreshin kundër tubimit të NCRI-së, dhe më pas ua ka dorëzuar ata bashkë-komplotistëve të tij.
Këto fakte nuk e kanë ndaluar Teheranin ta mbrojë atë apo të protestojë me forcë kundër përpjekjeve të qeverisë belge për ta vënë atë para drejtësisë. Tentativa e regjimit për të ndërhyrë në ekstradimin e tij ishte një kujtesë e qartë se deri në çfarë mase zyrtarët iranianë presin pandëshkueshmëri nga komuniteti ndërkombëtar. Por vetëm ditët e fundit, sjellja e vetë Assadi-t ka zbuluar se sa larg është i gatshëm të shkojë regjimi për ta mbrojtur këtë pandëshkueshmëri.
Në transkriptet e bisedave të tij me autoritetet belge përfshihen kërcënime të dukshme nga ana e diplomatit terrorist në emër të grupeve të ndryshme të armatosura që veprojnë si proksi për Gardën Revolucionare (IRGC). Në një rast, Assadi i ka identifikuar këto grupe si me bazë në Liban, Irak, Siri, Jemen, si dhe brenda në Iran, dhe ka deklaruar se të gjitha këto grupe do të jenë “duke vëzhguar për të parë nëse Belgjika do t’i mbështesë apo jo.”
Vrojtuesit e rastësishëm mund ta kenë të vështirë ta kuptojnë se pse Assadi apo aleatët e tij e presin një mbështetje të tillë. Por kërcënimet e Assadi-t janë rezultat i politikës së gjatë të paqësimit e cila e ka trimëruar regjimin terrorist. Ndonëse çështja e Assadi-t më 27 nëntor do të jetë e para e llojit të vet, nuk është se autoritetet në Europë nuk kanë patur raste të tjera për të ndjekur penalisht kontribues të terrorizmit iranian të cilët janë pjesë e rangjeve të larta. Por në shumicën e rasteve ata kanë refuzuar, duke e lënë regjimin në tërësi, madje edhe në rastet kur ky regjim ka vrarë njerëz në tokën europiane.
Për shembull, në vitin 1990, përfaqësuesin e NCRI-së në Kombet e Bashkuara, Kazem Rajavi, e qëlluan për vdekje në trafik pranë shtëpisë së tij në Gjenevë. Dy nga autorët e këtij krimi u arrestuan më vonë në Paris, por në vend që t’i mbanin ata në pritje të një kërkese ekstradimi nga Zvicra, autoritetet franceze zgjodhën t’i dërgonin me shpejtësi në vendin e tyre dhe t’u shmangeshin tensioneve diplomatike që do të ishin ngritur në mënyrë të pashmangshme me Teheranin.
Vrasja e Dr. Rajavi ka mbetur e pandëshkuar për gati 30 vite, edhe pse vrasësit e tij dhe mbikëqyrësit e tyre politikë janë identifikuar pothuajse me siguri.
Histori të tilla kanë kontribuar pa dyshim në pritshmërinë e Assadi-t se mund t’i shpëtojë drejtësisë për kontributin e tij në terrorizmin iranian. Për t’i shkurajuar kërcënimet e Assadi-t, BE duhet t’i kërkojë llogari atij dhe eprorëve të tij në Iran për terrorizmin e tyre sistematik. Politika e paqësimit ka krijuar tek terroristët e mullahëve idenë se mund t’i shpëtojnë drejtësisë.
Është thelbësore që komuniteti ndërkombëtar t’ia heqë këtë iluzion Assadi-t dhe kolegëve të tij, sidomos tani që ai ka tentuar të fusë edhe shantazhin në këtë çështje. Nëse Teherani nuk del nga kjo situatë me idenë e qartë se nuk mund të presë më pandëshkueshmëri për veprimtaritë e tij malinje, atëherë këto veprimtari do të vazhdojnë të intensifikohen.
Me pak fjalë, kërcënimet e Assadi-t, i gjithë procesi i këtij komploti të parandaluar me bombë dhe përpjekjet e regjimit për ta përdorur politikën e paqësimit për ta nxjerrë Assadi-n nga burgu, konfirmojnë terrorizmin sistematik dhe të sponsorizuar nga shteti të regjimit. Dhe e vetmja mënyrë për ta ndaluar këtë është të vepruarit me vendosmëri, jo vetëm duke i kërkuar llogari Assadi-t, por edhe duke ndjekur penalisht të gjithë liderët e lartë të regjimit, të cilët janë të përfshirë thellë në terrorizëm.
Spitali i Jamit në Teheran – Njerëzit protestojnë pas vdekjes së z. Shajarian
Media shtetërore e regjimit të shtunën, ndërsa iu referuan protestave pas vdekjes së mjeshtrit të muzikës tradicionale persiane, Mohammad Reza Shajarian, reflektoi frikën e regjimit.
Protestat shpërthyen pasi Z. Shajarian ndërroi jetë të premten. Njerëzit në rrugë brohorisnin parulla të tilla si “TV Kombëtar është një turp” dhe “Vdekje diktatorit”. Nga frika se këto protesta mund të jenë nisja e një raundi tjetër të protestave të mëdha, regjimi mbajti varrimin e Z. Shajarian nën masa të larta sigurie.
I njëjti regjim dhe media e tij që për vite me radhë censuroi z. Shajarian dhe privoi njerëzit nga dëgjimi i zërit të tij të jashtëzakonshëm, tani shtiren sikur po mbajnë zi për të. Kjo nuk është gjë tjetër veçse një përpjekje kriminale për të vjedhur një personazh tjetër të njohur dhe një përpjekje e dëshpëruar për të shuar shoqërinë e inatosur.
E përditshmja shtetërore Hamdeli të shtunën shkruajti: “Shumica e njerëzve janë të shqetësuar për jetën e tyre, çmimet e larta, papunësinë, etj. Në këto momente nëse sistemi i Republikës Islamike vendos pengesa në rrugën e artistëve, fillimisht do të shtojë zemërimin e shoqërisë; dhe çdo pakujdesi do t’i shtojë kundërshtarët [e regjimit]. Kështu që, nuk duhet të pritet që njerëzit dhe shoqëria të jetojnë në paqe. Sepse tymi që ngrihet nga ky zjarr do të dëmtojë sytë e të gjithëve.”
Ekzekutimi i një gruaje në Iran (foto fajli)
Dy javë pasi ka dëmtuar kyçin e këmbës, e burgosura politike Saba KordAfshari nuk ka marrë ende kujdesin dhe trajtimin e duhur mjekësor në burgun Evin.
Google ka bllokuar llogarinë e Hausa TV të regjimit iranian, e cila mbulon vendet afrikane, në YouTube dhe Gmail. Javën e shkuar, Tëitter bllokoi llogarinë e këtij rrjeti për shkak se kishte shkelur rregullat e Tëitter.
Një fëmijë iranian ka kryer vetëvrasje për shkak se nuk mund të kishte një telefon celular që ta përdorte për të studiuar nga shtëpia gjatë karantinës.
Të hënën, Drejtësia e regjimit iranian ka dënuar një mësues me 45 goditje kamxhiku për faktin se ka vizatuar karikatura të Ministrit të Arsimit. Ky dënim erdhi pas një kallëzimi që Ministri i Arsimit dhe Zëvendësi i tij kishin bërë kundër këtij mësuesi.
Assadollah Assadi, diplomati terrorist i regjimit iranian
Spitali i Jamit në Teheran – Njerëzit protestojnë pas vdekjes së z. Shajarian