• Nga frika e zemërimit dhe urrejtjes publike ndaj regjimit klerikal për mos-blerjen e vaksinës së COVID-19, Rouhani pretendon paturpësisht se: “Nuk kemi asnjë shqetësim për sa i përket prodhimit të vaksinave vendase dhe sigurimit të vaksinave të huaja. Nën këtë qeveri, kapaciteti i sistemit shëndetësor të vendit është dyfishuar në krahasim me më përpara.”
• Universiteti Iranian i Shkencave Mjekësore: Spitalet publike në Teheran janë mbi 40-vjeçare, dhe shumica duhet të rinovohen. Shumica e spitaleve në provincë (Teheran) nuk janë rezistente ndaj tërmeteve mbi gjashtë Richter.
• Minoo Mohraz, anëtare e Taskforcës Kombëtare për Luftimin e Koronavirusit (NCCR): Kulmi i fundit i COVID-19, i cili u përhap gjerësisht, ishte i njëjti mutacion britanik që kishte hyrë që më parë në vend.
• Saeed Namaki, Ministri i Shëndetësisë i regjimit: Ka ende zona delikate në veri të vendit, dhe duhet të jemi të kujdesshëm që të mos rikthehemi si më parë. Deri tani, nuk kemi gjetur asnjë gjurmë të virusit anglez. Sigurisht, kemi parë mutacione në virus.
• Universiteti i Shkencave Mjekësore në Kermanshah: Nga 4,500 infermierë aktivë në qendrat mjekësore të Kermanshah, 1,483 janë diagnostikuar me COVID-19

Mediat shtetërore të Iranit vazhdojnë t’i pranojnë krizat shoqërore dhe ekonomike në Iran, të nënvizojnë mosveprimin e regjimit, dhe t’i paralajmërojnë autoritetet për rrjedhorat e mundshme.

Popullit iranian i duhet të përballet me varfërinë dhe inflacionin e shfrenuar, krahas krizës së Covid-19.

“Muajin e shkuar, Banka Qendrore, si referencë zyrtare për statistikat e vendit, shpalli një prag varfërie prej 10 milion toman. 70 deri në 80 artikuj medicinalë të punëtorëve, si barna dhe shirupe, janë hequr nga librezat e sigurimeve shoqërore. Kur përballemi me probleme të tilla, e shohim që rrogat e punëtorëve prej 2.8 milion toman nuk ua mbulojnë atyre shpenzimet e jetesës,” shkroi të shtunën e përditshmja shtetërore Hamdeli.

Ndërkohë, “Mbi 70% e punëtorëve nuk kanë punë mjaftueshëm dhe nuk mund ta përballojnë më blerjen e mishit të kuq, madje as të mishit të bardhë, dhe janë detyruar t’i heqin këta artikuj nga lista mujore e blerjeve,” sipas agjencisë gjysëm-zyrtare të lajmeve ILNA, më 16 nëntor.

Arsyeja e këtyre çmimeve kaq të larta është keqmenaxhimi i regjimit, jo sanksionet.

Thirrje për aksion urgjent për t’ua shpëtuar jetën të dënuarve me vdekje dhe për të vizituar burgjet iraniane

Fashizmi fetar që sundon Iranin ka ekzekutuar të paktën 12 të burgosur në burgjet e Zahedan, Qom, Borujerd, Saqez, Gohardasht, Karaj, Sepidar, Ahvaz, dhe Esfarāyen javën e shkuar. Një nga të ekzekutuarit ishte një e burgosur femër që u var në burgun Sepidar në Ahvaz.

Këto janë vetëm disa nga dënimet me vdekje që janë bërë publike. Shumë të burgosur ekzekutohen në mënyrë të fshehtë. Një numër edhe më i madh të burgosurish janë në pritje të ekzekutimit.

Të mërkurën, 16 dhjetor, regjimi iranian u dënua për të 67-ën herë në Asemblenë e Përgjithshme të OKB-së për shkelje të rënda e sistematike të të drejtave njerëzore në Iran, duke përfshirë ekzekutimet jashtë-gjyqësore dhe zhdukjet me forcë.

Rezistenca Iraniane nxit Sekretarin e Përgjithshëm të OKB-së, Komisioneren e Lartë të OKB për të Drejtat e Njeriut, Këshillin e të Drejtave të Njeriut, dhe raportuesit përkatës të OKB-së, si dhe organizatat ndërkombëtare të të drejtave njerëzore që të marrin masa urgjente për t’i dhënë fund torturës dhe ekzekutimeve në Iran dhe që t’ia referojnë Këshillit të Sigurimit të OKB-së dosjen e shkeljeve brutale e sistematike të të drejtave njerëzore në Iran.

Soghra Khodadadi, drejtoresha e re e burgut Qarchak, ka kërcënuar se do t’i sulmojë sërish të burgosurat politike në këtë burg.

Të dielën, më 13 dhjetor, rojat anti-rebelim në burgun Qarchak që shoqëronin Soghra Khodadadi-n mësynë të burgosurat politike në pavijonin 8 të burgut Qarchak. Ata i rrahën me armë paralizuese e shkopinj dhe i lanë në pavijon pa asnjë kujdes mjekësor.

Të gjithë të burgosurat kishin mavijosje, dhe disa kishin edhe dhimbje gjoksi për shkak të rrahjes nga rojat.

Ndërkohë që koronavirusi i ri ua ka marrë jetën pothuajse 200,000 Iranianëve, mafia e medikamenteve e drejtuar nga IRGC ndalon blerjen e vaksinave të huaja për Covid-19.

Në këtë kohë kur bota e ka shumë të vështirë të sigurojë dozat e nevojshme të vaksinave të Covid-19 për ta vënë nën kontroll krizën e shëndetit, zyrtarët iranianë kanë nisur një tregti kriminale.

Ata ngulin këmbë në krijimin e ‘vaksinave të vendit,’ të cilat nuk do të jenë të arritshme deri në verën e ardhshme. Ç’është më e rëndësishmja, Korpusi i Gardës Revolucionare Islamike (IRGC) dhe vartësit e tij janë përfituesit kryesorë të industrisë iraniane të medikamenteve.

Ndërkohë, komentet kontradiktore të zyrtarëve i kanë bërë qytetarët konfuzë. Presidenti Hassan Rouhani pretendon se qeveria është e gatshme të blejë vaksina dhe Guvernatori i Bankës Qendrore të Iranit (CBI), Abdolnasser Hemmati, ua vë fajin sanksioneve.

Në deklaratën e 7 dhjetorit të CBI-së, Hemmati pretendon se: “Sanksionet amerikane nuk lejojnë transaksione bankare për blerjen e vaksinës nga COVAX.” Si përgjigje, një zëdhënës i COVAX e ka hedhur poshtë menjëherë këtë pretendim.

“Nuk ekziston asnjë barrierë ligjore për blerjen e vaksinave nga Irani përmes COVAX pasi Zyra e Thesarit Amerikan për Kontrollin e Aseteve të Huaja ka lëshuar një liçencë që mbulon blerjen e vaksinës së koronavirusit,” lexon deklarata.