Në 2007-ën, regjimi iranian krijoi një organizatë, nën petkun e një Organizate Jo-Qeveritare (OJQ), me qëllimin e vetëm për të demonizuar grupin opozitar Organizatën Muxhahedine të Popullit të Iranit (PMOI/MEK).
Shoqata për Mbrojtjen e Viktimave të Terrorizmit (ADVT) është themeluar nga Ministria iraniane e Inteligjencës dhe Sigurisë (MOIS) dhe është e mbushur me agjentë të kësaj ministrie që kanë për qëllim të sajojnë akuzime kriminale kundër PMOI/MEK dhe të mos e lejojnë atë organizatë që të hiqet nga listat e zeza në Europë e në Shtetet e Bashkuara.
Statistikat mbi martesat e fëmijëve në Iran – Sipas raportit tre-mujor të Qendrës Kombeëtare të Statistikave të Iranit (NSC), mbi 7,000 vajza nën moshën 14 vjeç janë martuar në Iran nga prilli deri në qershor të 2020-ës. Shifra e publikuar nga NCS për numrin e vajzave të martuara në moshën nga 10 deri në 14 vjeç është, saktësisht, 7323. Gjatë po kësaj periudhe është regjistruar gjithashtu martesa e një vajze nën moshën 10 vjeç. (Raporti i NCS – 30 nëntor 2020)
NSC ka shpallur gjithashtu se midis viteve 2016 dhe 2019 janë regjistruar rreth 130,000 martesa fëmijësh nën 14 vjeç. Kjo do të thotë se ka 43,300 martesa fëmijësh nën-14 vjeç në vit.
Koronavirusi i ri, i njohur gjithashtu si COVID-19, ua ka marrë jetën mbi 174,700 njerëzve në mbarë Iranin, sipas opozitës iraniane PMOI/MEK
Mbi 174,700 njerëz kanë vdekur nga koronavirusi i ri në 465 qytete të shpërndara në të 31 provincat e Iranit, sipas raporteve të mbledhura nga opozita iraniane, Organizata Muxhahedine e Popullit të Iranit (PMOI/MEK), deri mbasditen e së mërkurës sipas kohës lokale, 2 dhjetor. Numri zyrtar i vdekjeve i deklaruar nga regjimi qëndron në shifrën 48,990, afërsisht një e katërta e shifrës së vërtetë.
Iran’s regime chooses survival over public health amid coronavirus outbreak
PËRMBAJTJA E KËSAJ FAQEJE DO TË PËRDITËSOHET ME TË REJAT MË TË FUNDIT
Diplomati i regjimit iranian në gjyq
Delegacioni i rezistencës iraniane mbajti një konferencë për shtyp përpara gjykatës.
Sot nisi seanca e dytë e gjyqit në Belgjikë. Në seancën e parë, prokurorët kërkuan një dënim me 20 vite burg për diplomatin terrorist të regjimit iranian, Assadolah Assadi. Dënimi me burg i kërkuar për tre terroristët e tjerë ishte 18 vite për Amir Saadouni dhe Nasimeh Naami, dhe 15 vite për Mehrdad Arefani.
Prokurorët kërkuan gjithashtu që këtyre tre personave të fundit t’u hiqet shtetësia belge.
Shënjestra më e rëndësishme në këtë komplot të parandaluar me bombë ishte Presidentja e zgjedhur e NCRI-së, Maryam Rajavi, dhe Saadouni-t e Naami-t u ishte thënë ta instalonin bombën sa më afër saj, theksuan prokurorët.
Të gjitha provat e mbledhura tregojnë se këtë operacion me bombë e ka komanduar Assadi, sipas prokurorëve.
Duke shpjeguar se si Assadi është arrestuar në Gjermani, prokurorët theksuan se ai nuk gëzon imunitet diplomatik.
Fakti që regjimi iranian nuk e lejoi Assadi-n të merrte pjesë në seancën e parë të këtij gjyqi, të bashkëpunonte, apo t’u përgjigjej pyetjeve, tregon se Teherani vetë qëndron prapa këtij operacioni terrorist.
Meqë Assadi punonte me Ministrinë e Inteligjencës dhe Sigurisë (MOIS) të regjimit, nuk mund të pretendohet se ky operacion ka qenë iniciativë e vetëm një personi, dhe në komplot ka qenë i përfshirë i gjithë regjimi.
Këngëtarja e famshme iraniane Ramesh është ndarë nga jeta në Los Angeles të Kalifornisë më 30 nëntor 2020. Ajo ka qenë një nga këngëtaret më të dashura për popullin në Iran gjatë viteve 1960 dhe 70.
Këngëtarja e famshme iraniane Ramesh lindi në 1946-ën në Teheran. Emri i saj në lindje ishte Azar Mohebbi Tehrani. Ajo e nisi karrierën e muzikës në vitin 1964 në një program të muzikës klasike në radio.
Kënga me titull “Lumi,” e frymëzuar nga tregimi i famshëm “Peshku i vogël i zi,” është një nga trashëgimitë e saj më të mëdha.
Ramesh këndoi dy këngë në 1979-ën dhe në 1980-ën në Iran. Por pas vënies së kufizimeve mbi këngëtaret femra nga regjimi klerikal, ajo u detyrua të largohej nga vendi. Ajo dha një koncert në Europë, dhe më pas hoqi dorë nga këndimi në protestë ndaj ndalimit që regjimi klerikal kishte vendosur për këngëtaret femra.
Presidentja e zgjedhur e NCRI-së, Maryam Rajavi, u ka shprehur ngushëllimet e saj bashkatdhetarëve admirues të Ramesh, dhe komunitetit të artit në Iran.
Më 1 dhjetor, faqja Hamshahri Online raportoi se kufoma e shtatë-vjeçarit Seyed Ali-Asghar Mousavizadeh ishte gjetur në bregun e portit Dayyer. Pak kohë më parë, edhe vëllai 11-vjeçar i Ali-Asghar, Mohammad, pati kryer vetëvrasje për shkak të mungesës së pajisjeve të nevojshme si tabletët dhe smartfonët, për pjesëmarrje në klasat mësimore online.
“Mbrëmjen e djeshme, banorët vendas na e pohuan me fjalë mbytjen e një fëmije shtatë-vjeçar në vendin e peshkimit të portit Dayyer në provincën Bushehr. Forcat shpëtuese të Bazës së Shpëtimit Detar të Dayyer u dërguan menjëherë në zonë. Ata nxorën nga uji kufomën e një fëmije të mbytur dhe ia dorëzuan atë urgjencës 115,” raporton agjencia e lajmeve ILNA.
Një nga pjesëtarët e stafit të urgjencës në Dayyer ka thënë, “Mbërritën në vendngjarje 30 minuta pas ndodhisë.” Provat dhe dëshmitarët okularë deklarojnë se fëmija i ndjerë është vëllai i vogël i Seyed Mohammad Mousavizadeh. Mohammad kishte kryer vetëvrasje për shkak të mungesës së një tableti, sipas rrjeteve sociale.
Pas shpërthimit të koronavirusit në Iran, autoritetet kanë treguar neglizhencë në trajtimin e krizës. Në prill, ndonëse vendi nuk kishte arritur në një pikë të pranueshme në vënien nën kontroll të virusit, zyrtarët i hoqën kufizimet dhe masat parandaluese, duke çuar kështu në valën e dytë të virusit vdekjeprurës. Sunduesit praktikisht i kanë detyruar qytetarët të zgjedhin midis vdekjes nga uria dhe asaj nga sëmundja.
48 anëtarë të Dhomës së Komuneve dhe Dhomës së Lordëve kanë marrë drejtimin në këtë iniciativë
Komiteti Ndërkombëtar i Parlamentarëve për një Iran Demokratik dhe Komiteti Britanik për Lirinë e Iranit (BCFIF) kanë nxjerrë një deklaratë ku nxisin Mbretërinë e Bashkuar dhe shtetet anëtare të BE-së që ta rishqyrtojnë politikën e tyre ndaj Iranit dhe të bëjnë më shumë për ta mbrojtur Europën nga terrorizmi shtetëror i Iranit, pas nisjes së gjyqit të një diplomati iranian të akuzuar për terrorizëm në Belgjikë javën e shkuar.
Seanca e parë e këtij gjyqi u mbajt të premten, më 27 nëntor 2020, dhe gjatë kësaj seance prokurori paraqiti çështjen e tij kundër katër të pandehurve, ku përfshihet një diplomat i regjimit iranian. Ata akuzohen për një komplot për të shpërthyer një bombë në tubimin Irani i Lirë më 30 qershor 2018, në Villepinte të rrethinave të Parisit. Në këtë event ndërkombëtar merrnin pjesë edhe disa parlamentarë britanikë.
Deklarata mbështetet nga 240 parlamentarë nga 19 vende të ndryshme europiane.
Kjo iniciativë e parlamentarëve që përfaqësojnë një spektër të gjerë tendencash politike, thekson:
“përveç procesit gjyqësor, i cili po zhvillohet në mënyrë të pavarur në Belgjikë, ne besojmë që është koha ta marrim përsëri në konsideratë të vepruarit kundër terrorizmit shtetëror iranian”.
“Duke patur parasysh përdorimin e mbulimit diplomatik nga regjimi iranian për të kryer akte terroriste, Teheranit duhet t’i jepen paralajmërimet e nevojshme praktike, si mbyllja e ambasadave të tij dhe dëbimi i ambasadorëve e diplomatëve të tij”, thonë në deklaratën e tyre parlamentarët europianë nga parti të ndryshme.
Populli i Iranit gjendet nën një presion shumë të madh ekonomik, krahas krizës së Covid-19. Njerëzve po u thyhen kockat nën gjithë këtë presion. E megjithatë, regjimi i mullahëve nuk merr asnjë masë për ta ndihmuar shoqërinë.
Sipas mediave shtetërore të shtunën, njerëzit po blejnë vetëm krahë e stomakë pulash për shkak të shtrenjtësisë së mishit të pulave.
Mehdi Yousef-Khani, president i Shoqatës së Tregtarëve të Mishit të Shpendëve dhe Peshkut, ka pohuar: “Me rritjen e çmimeve të mishit të shpendëve në 20 ditët e fundit, përdorimi i stomakëve, mëlçive dhe krahëve të pulave është trefishuar. Shumica e njerëzve nuk janë në gjendje të blejnë pula.” (Agjencia e lajmeve ILNA, 27 nëntor 2020)
Pavarësisht pretendimeve të rreme të presidentit të regjimit Hassan Rouhani se gjoja e kanë nën kontroll rritjen e çmimeve, tsunami i rritjes së çmimeve ka kapur tani edhe artikujt bazë ushqimorë të njerëzve.
Kjo situatë ka arritur deri në atë pikë saqë Lideri Suprem i mullahëve, Ali Khamenei, e ka pohuar se Covid-19 dhe problemet ekonomike kanë “krijuar barriera serioze për jetesën e njerëzve.” Ndërkohë, Khamenei, si autoriteti më i lartë i regjimit, është personi i parë që duhet fajësuar për fshehjen e fakteve lidhur me Covid-19 dhe për shkatërrimin e ekonomisë së Iranit.
Ndonëse Khamenei dhe Rouhani përpiqen të fajësojnë palë të tjera për çmimet e larta dhe refuzojnë të ofrojnë një zgjidhje konkrete, ata kanë rol direkt në rritjen e çmimit të të mirave.
“Qeveria e ka liçensuar tregun për t’ua rritur çmimet 20 artikujve. Që nga 21 nëntori ka nisur rritja e çmimit të qumështit, dhjetë llojeve të produkteve të bulmetit, gjalpit, katër produkteve në grupin e vajrave, dhe katër produkteve në grupin e inputit të gjësë së gjallë,” shkruan agjencia shtetërore e lajmeve Tasnim.
“Çmimi i pulave ka shkuar në 355000 rial për kilogram, vitrinat e dyqaneve janë plot, por nuk ka blerës, njerëzit thonë nuk e dimë kur do të ndalojë kjo rritje çmimesh,” shkruan agjencia e lajmeve Fars, një agjenci e lidhur me IRGC.
Pse vazhdon regjimi t’i rritë çmimet?
Protestat e mëdha të Iranit në nëntor 2019 filluan për shkak të një rritjeje të papritur të çmimit të lëndës djegëse. Kryengritja e nëntorit e shtyu regjimin deri në prag të përmbysjes dhe është bërë makthi i mullahëve. Pavarësisht përvojës së hidhur të nëntorit 2019, regjimi vazhdon t’i rritë çmimet, por pse?
Nga njëra anë, regjimit i duhet dëshpërimisht t’i rritë çmimet për të mbuluar defiçitin astronomik të buxhetit, por nga ana tjetër, ai është thellësisht i shqetësuar për sa i përket përgjigjes shoqërore.
Për të shmangur një tjetër kryengritje, regjimi iranian është përpjekur t’i rritë çmimet e artikujve në mënyrë të fshehtë. Regjimi e ka përdorur këtë metodë për vite të tëra për të rritur çmimet e ujit, elektricitetit, gazit, telefonave, dhe së fundmi edhe për çmimet e bukës.
Duke reduktuar kuotën e miellit nga qeveria për furrat e bukës, regjimi i detyron ato të blejnë miell nga tregu i hapur, ku mielli kushton tre herë më shumë. Kështu, regjimi e ka rritur çmimin e bukës pa e shpallur atë zyrtarisht. Kur njerëzit protestuan, regjimi e rriti zyrtarisht çmimin e bukës me 20 deri në 30 përqind.
Kur Khamenei flet për jetesën e njerëzve, ndonëse derdh lot krokodili për popullin, në fakt ai është tepër i shqetësuar për zemërimin e mundshëm shoqëror.
Kështu, nëse çmimet e larta janë kaq të rrezikshme për Khamenei-n dhe regjimin e tij, pse nuk veprojnë ata për t’i mbajtur nën kontroll? Përkundrazi, rritja po intensifikohet vazhdimisht dhe me shpejtësi.
Gjatë fjalimit të tij më 24 nëntor, Khamenei tha se nuk ka shpjegim për këto çmime të larta.
Ka vetëm një arsye prapa gjithë këtyre valëve të vazhdueshme të rritjes së çmimeve dhe vështirësive të popullit. Kjo arsye është korrupsioni i institucionalizuar i regjimit dhe keqmenaxhimi i ekonomisë, që e ka shkatërruar infrastrukturën ekonomike të Iranit.
Me fjalë të tjera, problemi i vërtetë në ekonominë e Iranit dhe e vetmja barrierë ndaj mirëqenies së njerëzve është vetë regjimi, i cili duhet të rrëzohet.
Gjyqi i Assadollah Assadi-t, “diplomatit terrorist” të regjimit iranian, dhe tre bashkëpunëtorëve të tij të akuzuar për terrorizëm, nisi të premten më 27 nëntor në Anversa të Belgjikës. Këta katër persona janë të akuzuar për komplotin për të shpërthyer një bombë në tubimin ndërkombëtar “Irani i Lirë” në mbështetje të Këshillit Kombëtar të Rezistencës së Iranit (NCRI) në rrethinat e Parisit më 30 qershor 2018. Seanca e ardhshme e gjyqit do të bëhet më 3 dhjetor 2020.
Ndërkohë që Assadi punonte si konsullor i tretë në ambasadën iraniane në Vienë, ai ishte gjithashtu zyrtar i lartë në Ministrinë famëkeqe të Inteligjencës dhe Sigurisë (MOIS).
Është hera e parë në histori që një diplomat iranian gjykohet për terrorizëm në Europë. NCRI dhe 24 pjesëmarrës të tjerë të eventit, duke përfshirë personalitete politike nga Europa dhe Amerika e Veriut, janë Palë Civile të kësaj çështjeje.
Prokurorët kanë theksuar rolin e regjimit iranian, sidomos të Ministrisë së Inteligjencës dhe Sigurisë, si një entitet terrorist dhe kanë shtuar se operacioni kishte për qëllim të shkaktonte numër maksimal vrasjesh.
Prokurorët në padinë e tyre i kërkojnë gjykatës ta dënojë Assadi-n me 20 vite, gjë që është dënimi maksimal sipas ligjit, dy prej të pandehurve që ishin caktuar për të shpërthyer bombën me 18 vite, ndërsa personin e katërt me 15 vite. Gjykatës i është kërkuar gjithashtu që ta heqë kombësinë belge për tre nga të pandehurit.
Diplomati Iranian Gjykohet në Belgjikë, i Akuzuar për Organizim Sulmi
27 nëntor 2020 – Një diplomat iranian dhe tre shtetas të tjerë iranianë filluan gjyqin në Belgjikë të premten, pasi dyshohet se kanë komplotuar për të shpërthyer një bombë në një tubim të 2018-ës të organizuar nga Këshilli Kombëtar i Rezistencës së Iranit (NCRI) me bazë në Paris, i cili është një grup opozitar në mërgim.
Prokurorët belgë e kanë akuzuar diplomatin e stacionuar në Vienë Assadolah Assadi dhe iranianët e tjerë për komplotin e dyshuar kundër këtij tubimi, ku folësi kryesor ishte avokati personal i Presidentit amerikan Donald Trump, Rudy Giuliani.
Assadi është arrestuar në Gjermani ndërkohë që ishte me pushime dhe i është dorëzuar Belgjikës.
Ai ka refuzuar të paraqitet në gjykatë në ditën e parë të gjyqit në Anversa, duke pretenduar imunitet diplomatik përmes avokatit të tij.
Një sulm ndaj Amnesty International është sulm ndaj Lëvizjes për Drejtësi dhe mund t’u shërbejë vetëm interesave të atyre që kanë dhënë urdhër për masakrën
Tre dekada pas masakrës së 1988-ës ndaj të burgosurve politikë në Iran, po shikojmë përpjekjet e Amnesty International për të ekspozuar detajet e këtij krimi të madh. Ky është një krim të cilin pasuesi i përcaktuar i Khomeini-t në atë kohë e pati përshkruar si krimi më i rëndë i kryer nga regjimi klerikal në historinë e tij dhe i pati quajtur kriminelë autorët e tij.
Fatkeqësisht deri më sot, komuniteti botëror, sidomos vendet që pretendojnë se mbrojnë të drejtat e njeriut, ka reaguar me heshtje dhe mosveprim ndaj këtij krimi të madh për shkak të politikës së paqësimit dhe interesave ekonomike e konsideratave politike. Po të mos ishin përpjekjet e familjeve të viktimave dhe veprimtaritë 32-vjeçare të Rezistencës Iraniane, dhe veçanërisht thirrja për drejtësi nga Znj. Maryam Rajavi, Presidentja e zgjedhur e Këshillit Kombëtar të Rezistencës së Iranit (NCRI), si dhe kontributet e mbështetësve të kësaj organizate, arritjet aktuale për sa i përket ekspozimit të kësaj masakre dhe krimi të madh nuk do të ishin realizuar.
Në 2007-ën, regjimi iranian krijoi një organizatë, nën petkun e një Organizate Jo-Qeveritare (OJQ), me qëllimin e vetëm për të demonizuar grupin opozitar Organizatën Muxhahedine të Popullit të Iranit (PMOI/MEK).
Këngëtarja e famshme iraniane Ramesh është ndarë nga jeta në Los Angeles të Kalifornisë më 30 nëntor 2020. Ajo ka qenë një nga këngëtaret më të dashura për popullin në Iran gjatë viteve 1960 dhe 70.
Më 1 dhjetor, faqja Hamshahri Online raportoi se kufoma e shtatë-vjeçarit Seyed Ali-Asghar Mousavizadeh ishte gjetur në bregun e portit Dayyer. Pak kohë më parë, edhe vëllai 11-vjeçar i Ali-Asghar, 
Diplomati terrorist iranian, Assadollah Assadi
Populli i Iranit gjendet nën një presion shumë të madh ekonomik, krahas 
Gjyqi i Assadollah Assadi-t, “diplomatit terrorist” të regjimit iranian, dhe tre bashkëpunëtorëve të tij të akuzuar për terrorizëm, nisi të premten më 27 nëntor në Anversa të Belgjikës. Këta katër persona janë të akuzuar për komplotin për të shpërthyer një bombë në 
