Deklaratë nga 24 Anëtarë të Parlamentit Europian mbi të Drejtat Njerëzore në Iran, Thirrje për Lirimin e Menjëhershëm të të Burgosurit Politik Saeid Sangar

Nga
Mohammad Sadat Khansari
-

Njëzet e katër anëtarë të Parlamentit Europian kanë bashkë-firmosur një deklaratë nën iniciativën e Miqve të një Irani të Lirë (FoFI) të Parlamentit Europian, lidhur me situatën alarmuese të të drejtave njerëzore në Iran, pas një shtimi të madh kohët e fundit të ekzekutimeve e arrestimeve masive në mbarë vendin, që në dhjetor 2020. Më poshtë vijon një fragment nga njoftimi për shtyp si dhe deklarata e plotë e nënshkruar nga parlamentarët europianë.

Njoftim për Shtyp

24 anëtarë të Parlamentit Europian kanë bashkë-firmosur një Deklaratë urgjente mbi të Drejtat Njerëzore në Iran, duke bërë thirrje për lirimin e menjëhershëm të të Burgosurit Politik Saeid Sangar

Bruksel, Belgjikë, 12 shkurt 2021 – Njëzet e katër anëtarë të Parlamentit Europian kanë bashkë-firmosur një deklaratë, me iniciativën e Miqve të Një Irani të Lirë (FoFI) të Parlamentit Europian, lidhur me situatën alarmuese të të drejtave njerëzore në Iran, në vijim të një shtimi të madh kohët e fundit të ekzekutimeve e arrestimeve masive në mbarë vendin që në dhjetor 2020.

Kjo deklaratë mbi të drejtat njerëzore në Iran fokusohet në rastin urgjent për t’i shpëtuar jetën të burgosurit politik Saeid Sangar. Deklarata lexon: “Një rast i tillë urgjent është rasti i të burgosurit politik Saeid Sangar nga qyteti Piranshahr. Sistemi gjyqësor iranian së fundmi e ka dënuar atë me 11 muaj të tjerë në burg në Urmia, edhe pse ai e kishte mbaruar dënimin e tij 20-vjeçar për mbështetjen ndaj opozitës iraniane pro-demokracisë, Organizatës Muxhahedine të Popullit të Iranit (PMOI/MEK), pa asnjë lirim të përkohshëm.”

  1. Sangar, 47 vjeç, është një nga aktivistët politikë që janë burgosur më gjatë në Iran. Ai është arrestuar në vitin 2000 dhe është dënuar me 18 vite burg për “moharebeh” (luftë kundër Zotit) dhe për “kontakte me MEK”. Ai është marrë në pyetje dhe torturuar në izolim në burgun Evin për tre vite, dhe sipas raporteve, ka përjetuar 13 ekzekutime të rreme.

Raporti i Raportuesit Special të OKB Konfirmon Përkeqësimin e Situatës së të Drejtave Njerëzore në Iran

Nga
Mansoureh Galestan
-

UN Agrees to Extension on Iran Special Rapporteur's Mandate

Javaid Rehman, Raportuesi Special i OKB për të Drejtat e Njeriut në Iran

Raporti më i fundit i Raportuesit Special të OKB për të drejtat njerëzore në Iran nënvizon një tendencë në rritje të dhunimit të të drejtave njerëzore nga regjimi klerikal. Dhunimet e vazhdueshme të të drejtave njerëzore në Iran zgjojnë nevojën për një përpjekje të përbashkët ndërkombëtare për t’i kërkuar llogari regjimit për krimet e tij kundër njerëzimit.

Regjimi ka ekzekutuar 27 individë në janar 2021. Këto ekzekutime vijnë pas një vargu prej qindra ekzekutimesh të tjera që në 2020-ën.

Raporti i referohet në veçanti ekzekutimit të kampionit kombëtar iranian të mundjes, Navid Afkari, i cili u ekzekutua më 12 shtator 2020, dhe ekzekutimit të Mostafa Salehi, i varur më 5 gusht 2020.

Mostafa dhe Navid ishin arrestuar të dy gjatë protestave madhore të 2018-ës në mbarë Iranin.

Mostafa Salehi (majtas), Navid Afkari (djathtas)

Por siç theksohet në raportin e Z. Rehman, në Iran dhunimet e të drejtave njerëzore dhe privimi i njerëzve nga e drejta e jetës nuk përfshijnë vetëm ekzekutimet jashtë-gjyqësore.

Deklarata e Ministrit Iranian të Inteligjencës Nxit Pa Dashje një Shqyrtim Ndërkombëtar

Nga
Shahriar Kia
-

Ministri iranian i Inteligjencës, Mahmoud Alavi, ka folur së fundmi në mediat shtetërore duke pohuar se, nëse “shtyhet” nga kundërshtarët perëndimorë, regjimi iranian mund t’i vihet prapa në mënyrë aktive prodhimit të një arme bërthamore. Ky ishte një largim i jashtëzakonshëm nga pozicioni i vjetër por tepër i dyshimtë i regjimit se programi i tij bërthamor është ekskluzivisht paqësor. Por nuk ishte i vetmi zbulim i jashtëzakonshëm që bëri Alavi të martën.

Në të njëjtën intervistë, Alavi pohoi se një numër filmash e serialesh televizive të kohëve të fundit janë prodhuar nga Ministria e Inteligjencës.

“Nisur nga eksperienca ime në këtë ministri, jemi marrë me veprimtari të lidhura me krijimin e filmave e serialeve për të edukuar publikun, për ta mbrojtur publikun nga spiunazhi, dhe për të arritur qëllimet e inteligjencës,” tha Alavi. “Filmat Rubah (Dhelpra), MajerayehNimrouz (Çështja Nimrouz), Cyanur (Cianur), Emkan-e Mina, Ruz-e Sefr (Dita Zero), ShabikeMah Kamel Shod (Nata e Hënës së Plotë), dhe serialet televizive Puzzle, Ëndrra që u Interpretua Mbrapsht, Saregh-e Ruh (Hajduti i Shpirtrave), dhe KhaneyehAmn (Shtëpi e sigurtë) janë rezultat i këtij bashkëpunimi me miqtë tanë të dashur.”

Në këtë mënyrë, ai e pranoi se propaganda e regjimit penetron në media, gjë që ishte mohuar me kohë në deklaratat e mëparshme publike. Krahas pohimit të ambicieve të fshehta për armë bërthamore, ky është një hap i madh drejt vërtetimit të narrativave opozitare për sa i përket si natyrës, ashtu edhe funksionit të infrastrukturës propadandistike të Teheranit.

Këshilli Kombëtar i Rezistencës së Iranit (NCRI) ka publikuar shumë raporte gjatë viteve, ku përshkruhen në detaje operacionet e propagandës të Ministrisë së Inteligjencës. Mes këtyre raporteve gjenden edhe përshkrime të filmave e programeve televizive të prodhuara nga shteti kohët e fundit, si ato që Alavi identifikoi me emër. Më specifikisht, NCRI ka zbuluar se ky proliferim përqendrohet tek konflikti në rritje midis regjimit iranian dhe lëvizjes së organizuar opozitare, Organizata Muxhahedine e Popullit të Iranit (PMOI-MEK).

 

Zyrtari Iranian Konfirmon Strategjitë e Propagandës së Regjimit dhe Objektivat e Tij Bërthamore

Nga
Sedighe Shahrokhi
-

Ministri i Inteligjencës i regjimit iranian ka bërë bujë së fundmi në mediat ndërkombëtare me komente që shkojnë kundër një prej propagandave më të forta të regjimit për sa i përket programit kontroversal bërthamor të Iranit. Mediat shtetërore kanë cituar Mahmoud Alavi-n duke thënë se, nëse fuqitë perëndimore “e shtyjnë Iranin në atë drejtim, atëherë Irani nuk do të kishte faj” nëse fiton kapacitete armësh bërthamore.

Pozicioni zyrtar i regjimit ka qenë gjithmonë se nuk ka asnjë qëllim tjetër për lëndën bërthamore përveç gjenerimit të energjisë dhe kërkimit shkencor. Por deklarata e Alavi-t tregon se regjimi e ka mashtruar botën për sa i përket ambicieve të tij bërthamore.

Sigurisht, ky incident mbart mësime për ata politikë-bërës që janë përgjegjës për formulimin e përgjigjeve amerikane e europiane ndaj provokimeve bërthamore të Iranit. Por kjo duhet t’u shërbejë si mësim edhe më i madh atyre që kanë ndikim mbi reagimet perëndimore ndaj veprimtarive të tjera malinje të Iranit. Deklaratat e fundit të Alavi-t, përveç të vërtetave që propaganda iraniane mezi i fsheh, ekspozojnë edhe mënyrën e fshehtë të funksionimit të kësaj propagande.

Duke u larguar qëllimisht nga narrativa e një programi bërthamor ekskluzivisht paqësor, Alavi ekspozoi taktikën që Irani përdor për ta ndryshuar mënyrën se si e prezanton veten në varësi të nevojave praktike të momentit.

Gjatë javëve përpara kërcënimit të Alavi-t, Teherani me sa duket po mbështetej tek administrata e sapo-inauguruar Biden që t’i pezullonte me shpejtësi sanksionet ekonomike që kishte rivendosur paraardhësi i Biden. Duke këmbëngulur që qëllimet e tij ishin paqësore, regjimi me siguri priste që ta nxiste atë rezultat. Por SHBA nguli këmbë që Irani të rifillonte zbatimin e kushteve të paktit bërthamor të 2015-ës përpara se t’ia hiqte sanksionet. Kështu që regjimi tani po përpiqet të ushtrojë një presion më të dukshëm mbi administratën e re të SHBA.

Kërcënimi i Alavi-t nuk është shembulli i vetëm i këtij ndryshimi qëndrimesh. Një nga provokimet më të fundit ishte shpallja e planit të regjimit për të prodhuar metal uraniumi, një substancë që praktikisht nuk ka funksion tjetër veçse si pjesë e qendrës së një arme bërthamore.

 

 

Mediat Shtetërore Pasqyrojnë Xhindosjen dhe Dëshpërimin e Mullahëve për Shkak të Dënimit të Assadi-t

Nga
Mohammad Sadat Khansari
-

 

Ditët e fundit, mediat shtetërore të Iranit kanë pasqyruar dëshpërimin, dështimin dhe xhindosjen e regjimit për shkak të dënimit të diplomatit terrorist të regjimit, Assadollah Assadi.

“Të martën, Zëvendës Ministri dhe Drejtori për Europën Perëndimore i Ministrisë së Jashtme [të regjimit] thirri ambasadorin belg në Teheran dhe i deklaroi atij ankesat e mëdha të Republikës Islamike lidhur me verdiktin e paligjshëm të gjykatës në Anversa për Z. Assadi, diplomatin e vendit tonë,” shkruan agjencia shtetërore e lajmeve Entekhab të martën.

Më 4 shkurt, një gjykatë në Belgjikë e dënoi Assadi-n me 20 vite burg për faktin se kishte organizuar një komplot të dështuar me bombë me në shënjestër tubimin e përvitshëm të Rezistencës Iraniane në 2018-ën, në Francë. Bashkëpunëtorët e Assadi-t, Nasimeh Naami, Mehrdad Arefani, dhe Amir Saadouni, u dënuan me 18, 17, dhe 15 vite burg përkatësisht, dhe gjykata ua hoqi nënshtetësinë belge. Shënjestra e tyre ishte tubimi i përvitshëm “Irani i Lirë,” i zhvilluar nga Këshilli Kombëtar i Rezistencës së Iranit (NCRI), ku merrnin pjesë qindra politikanë të shquar perëndimorë, si dhe mbi 100,000 Iranianë e njerëz liri-dashës, kryesisht mbështetës të Organizatës Muxhahedine të Popullit të Iranit (PMOI/MEK).

Siç tha Znj. Maryam Rajavi, presidentja e zgjedhur e Rezistencës Iraniane, liderët europianë duhet:

  • “T’i mbyllin ambasadat dhe qendrat e tjera të regjimit në Europë, pasi të gjitha janë qendra terrorizmi.
  • T’i kërkojnë llogari Ministrit të Jashtëm të regjimit. Është vërtetuar se ministria e tij, si dhe ambasada e diplomati nën kontrollin e tij, kanë qenë të përfshira në planifikimin dhe përgatitjen për këtë komplot që mund të kishte rezultuar në një kasaphanë masive.
  • T’i etiketojnë Ministrinë e Inteligjencës dhe IRGC-në në tërësinë e tyre si entitete terroriste.
  • T’i ndjekin penalisht liderët e regjimit të cilët janë arkitektët e infrastrukturës së tij terroriste. Ata duhet të përballen me drejtësinë.
  • Agjentët dhe mercenarët e inteligjencës të mullahëve, nën çfarëdo mbulimi, duhet të ndiqen penalisht dhe të dëbohen. Dhënia e statusit të refugjatit apo nënshtetësisë për ta duhet të konsiderohet një prag që nuk duhet kaluar.
  • Çdo formë rinormalizimi i marrëdhënieve diplomatike me regjimin duhet të jetë e kushtëzuar në shpërbërjen e infrastrukturës terroriste të tij dhe në respektimin e të drejtave njerëzore të popullit të Iranit.”

Dy aktiviste në Iran dënohen me 10 vite për veprimtaritë e tyre

Nga
Shkrimtar i stafit
-

Student activist Soha Mortezaii sentenced to six years in prison

SohaMortezaii

Dy gra aktiviste në Teheran dhe Sanandaj janë dënuar me një total prej 10 vitesh burgim për veprimtaritë e tyre në promovim të të drejtave njerëzore në Iran.

Dy aktivistet e dënuara për ushtrimin e të drejtës themelore për liri shprehjeje janë Faranak Jamshidi dhe Soha Mortezaii.

FaranakJamshidi, aktiviste për mbrojtjen e mjedisit, është dënuar me 4 vite burg me akuzën e “anëtarësisë” në një grup opozitar kurd.

Dega e Parë e Gjykatës Revolucionare të Sanandaj e kishte zhvilluar seancën më 23 janar 2021, por avokati i Znj. Jamshidi u informua zyrtarisht për verdiktin më 2 shkurt.

Prova që u përdor për të vërtetuar anëtarësinë e Faranak Jamshidi ishte pjesëmarrja e saj në një protestë në favor të kurdëve sirianë dhe fakti që i ishte bashkuar një grupi në rrjetet sociale.

Faranak Jamshidi, e cila është anëtare e Shoqatës së Gjelbër të Kurdistanit, ishte arrestuar në shtëpinë e saj në Sanandaj, qendër e provincës Kurdistan, më 28 qershor. Pas 4.5 muajsh, atë e kishin liruar përkohësisht me kusht pas pagesës së 200 milion Toman më 10 nëntor.

 

Fuqitë Perëndimore Duhet të Kërkojnë Detajet e Plota të Ekzekutimeve që Irani Ka Bërë në Vitin 2021 Deri Tani

Nga
Mansoureh Galestan
-

 

Më 30 janar, aktivistët që monitorojnë Iranin regjistruan ekzekutimin e 27-të që nga fillimi i vitit. Nisur nga tendenca për fshehtësi e sistemit gjyqësor iranian, ka mundësi që në ditët dhe javët që vijnë të vijojnë të zbulohen ekzekutime të fshehta nga muaji i parë i vitit. Gjithsesi, nuk ka asnjë dyshim që regjimi iranian do të vazhdojë të kryejë varje të tjera të planifikuara gjatë kësaj kohe, duke rikonfirmuar kështu statusin e tij si vendi me shifrën më të lartë në botë për sa i përket ekzekutimeve per capita në vit.

Do të nevojiten analiza të detajuara në mënyrë që të kuptohet natyra e secilit rast, por praktikisht nuk ka dyshim që jo të gjitha këto raste e kapin standardin e “krimeve më të rënda,” gjë që mund t’i kishte justifikuar ato sipas ligjit ndërkombëtar.

Edhe në qoftë se (dhe kjo ka shumë pak mundësi) llogaritjet për janarin 2021 mbeten në shifrat aktuale dhe nuk tejkalohen nga muajt në vijim, totali i fundit të vitit do ta tejkalojë goxha shifrën 300 – gjë që është më shumë se ç’mund të pritet nga çdo vend tjetër përveç Kinës, popullsia e së cilës është më shumë se 17 herë ajo e Iranit.

Iran: Ministri i Inteligjencës Bën Pohimin e Paprecedent se Regjimi po Kërkon të Prodhojë një Bombë Bërthamore

Nga
Shkrimtar i stafit
-

Mahmoud Alavi, Ministri i Inteligjencës dhe Sigurisë (MOIS) i regjimit klerikal

Ndonëse ka korrur përfitime nga pakti bërthamor, regjimi nuk e ka ndalur asnjëherë projektin e armëve bërthamore

Në një intervistë me televizionin shtetëror, Mahmoud Alavi, Ministri i Inteligjencës dhe Sigurisë (MOIS) i regjimit klerikal, bëri pohimin e paprecedent se regjimi klerikal po kërkon të prodhojë një bombë bërthamore. Duke cituar fatwa-n absurde të Khamenei-t, ai tha: “Fatwa ndalon prodhimin e armëve bërthamore, por nëse ata e shtyjnë Iranin në ato drejtime, nuk e ka fajin Irani. Fajin e kanë ata që e shtynë Iranin në atë drejtim.” Ai iu referua gjithashtu disa prej hapave të ndërmarrë nga regjimi për të prodhuar një bombë atomike: “Në kërkim dhe zhvillim kemi bërë hapa të mëdhenj që duheshin testuar, dhe reduktimi i detyrimeve tona ndaj JCPOA-së na e ka dhënë mundësinë për t’i testuar ato.”(Televizioni shtetëror, 8 shkurt 2021)

Ambasadori Bloomfield: SHBA Ka Nevojë për “një Strategji Gjithëpërfshirëse” për t’i Dhënë Fund 41 Viteve Terrorizëm të Regjimit Iranian

Nga
Shamsi Saadati
-

 

Amb. Lincoln Bloomfield speaks to the online panel - February 4, 2021Amb. Lincoln Bloomfield flet në panelin online – 4 shkurt 2021

Më 4 shkurt, diplomati terrorist i burgosur i Iranit, Assadollah Assadi, u dënua me 20 vite burg nga një gjykatë belge për rolin e tij në orkestrimin e një komploti të dështuar me bombë që kishte në shënjestër tubimin e opozitës në Francë, në 2018-ën. Dënimi i Assadi-t dhe provat e gjetura në kohën e arrestimit të tij dhe të tre bashkëpunëtorëve të tij nënvizuan faktin se i gjithë regjimi ka qenë i përfshirë në komplotin terrorist të 2018-ës. Me fjalë të tjera, kjo ekspozoi terrorizmin shtetëror të regjimit.

Regjimi i përdor misionet diplomatike dhe të ashtu-quajturit diplomatë të tij për të kryer akte terroriste jashtë vendit. Vitet e fundit, një numër shtetesh europiane kanë përjashtuar diplomatë të regjimit, madje Shqipëria ka dëbuar vetë ambasadorin e regjimit, për rolin e tyre në implementimin e mandateve terroriste të regjimit.

Dënimi i Assadi-t ka ngritur alarmin në Perëndim, duke nënvizuar nevojën që Shtetet e Bashkuara dhe Europa të formojnë një “plan gjithëpërfshirës për t’i dhënë fund 41 viteve terrorizëm” të regjimit klerikal, siç u theksua nga Ambasadori Lincoln Bloomfield Jr., ish Ndihmës Sekretari amerikan i Shtetit për Çështjet Politiko-Ushtarake, gjatë një eventi online të enjten, më 4 shkurt.

“Le të kemi një strategji të re, të kemi mjete të reja, t’i çrrënjosim operacionet e informacionit në mesin tonë. Le t’i përballim me drejtësinë fajtorët për krime kundër njerëzimit dhe krime lufte,” tha Ambasadori Bloomfield, duke folur në një konferencë të zhvilluar nga zyra përfaqësuese në SHBA e Këshillit Kombëtar të Rezistencës së Iranit (NCRI).

Senator Robert Torricelli: Administrata Biden Duhet t’i Mendojë Seriozisht Disa Gjëra, për sa i Përket Negociatave me Regjimin e Iranit

Nga
Mahmoud Hakamian
-

Më 4 shkurt, një gjykatë belge dënoi diplomatin terrorist të Iranit, Assadollah Assadi, me 20 vite burg pasi ai kishte tentuar të hidhte në erë tubimin e opozitës në 2018-ën, në Paris. Arrestimi dhe çështja e Assadi-t, sidomos mënyra se si ai i ka përdorur privilegjet e tij diplomatike për të përhapur terrorizëm në Europë, konfirmoi se Ministria e Jashtme e regjimit dhe diplomatët e saj janë të përfshirë në terrorizëm. Me fjalë të tjera, komploti me bombë i 2018-ës ekspozoi terrorizmin shtetëror të regjimit.

Me shtimin e thirrjeve nga ana e apologjetëve të regjimit drejtuar administratës së re të Shteteve të Bashkuara që të hyjë në dialog me Teheranin, ka gjithashtu një shqetësim shumë të justifikuar për faktin se bërja e lëshimeve regjimit mund të rezultojë në shtimin e veprimeve destabilizuese nga ana e mullahëve të Teheranit.

Ky shqetësim është nënvizuar nga ish Senatori demokrat Robert Torricelli, gjatë një konference të enjten, pak orë pas dënimit të Assadi-t.

Senatori Torricelli theksoi se administrata Biden “duhet t’i mendojë seriozisht disa gjëra” për sa i përket marrëdhënieve me regjimin dhe negociatave me diplomatët e regjimit, kryesisht me Ministrin e Jashtëm Mohammad Javad Zarif.

“Nëse qëllimi i administratës Biden është të diskutojë sërish me Iranin mbi marrëveshjen bërthamore. Këtu ka disa gjëra që duhen menduar seriozisht. Kush do të jetë në atë tryezë? Zarif? Agjentët e tij? Ata që mund të kenë qenë në ato fletoret e këtij komploti, për të cilët tashmë kemi informacion? Po ata njerëz që morën vendimin ta dërgonin këtë armë në Europë për të na vrarë. Duhen menduar me seriozitet disa gjëra,” tha Senator Torricelli.

1...329330331...733Faqja 330 nga 733