Të martën, 26 janar, sipas raporteve të grumbulluara nga grupi kryesor i opozitës iraniane, Organizata Popullore Muxhahedine e Iranit (PMOI / MEK), protesta të mëdha u mbajtën në qytetet kryesore iraniane nga pensionistët bazuar në një thirrje të mëparshme për të protestuar .Shumica e protestuesve nuk janë në gjendje të punojnë ose të fitojnë më shumë gjatë pensionit të tyre dhe vuajnë nga kushte të vështira të jetesës dhe sëmundje. Demonstruesit protestuan për pensionet e pakta që ata marrin dhe papërshtatshmërinë e tyre. Disa prej parullave në këto protesta përfshinin: “Ne nuk do të dorëzohemi derisa të marrim të drejtat tona”, “Ne cohemi kundër padrejtësisë”, “Të drejtat tona arrihen vetëm duke dalë në rrugë”, dhe “Tavolinat tona janë bosh, mjaft me premtimet. ”Forcat e sigurimit të regjimit sulmuan protestat të cilat u organizuan nga pensionistët e në qytete të ndryshme iraniane.Znj. Maryam Rajavi, Presidentja e zgjedhur e Këshillit Kombëtar të Rezistencës së Iranit (NCRI), përshëndeti pensionistët e ngritur.”Përshëndetje për pensionistët e privuar në Teheran, Kermanshah, Qazvin, Karaj, Sari, Rasht, Ahvaz, Neyshabour, Khorramabad, Ilam, Arak, Isfahan, Tabriz, Mashhad, Ardabil dhe qytete të tjera anembanë Iranit”, shkroi zonja Rajavi në një mesazh Ajo përmendi që pensionistët iranianë mbajtën protesta me thirrjet “Shtëpitë tona janë boshe, mjaft me premtime të zbrazëta” dhe “njerëzit janë të lodhur nga çmimet e larta dhe inflacioni”.“Problemet e jetesës dhe ndjenjat e diskriminimit dhe pabarazisë janë bërë dy fusha të rëndësishme për krijimin dhe rritjen e zemërimit shoqëror. Ky zemërim mund të çojë në një dhunë të verbër dhe është si të hedhësh benzinë në flakët e zemërimit, ”shkroi të martën shtetërorja Vatan-e Emrooz.E përditshmja “Aftab-e Yazd” gjithashtu paralajmëroi zyrtarët: “Ka dëmtime shoqërore. Injorimi i tyre do të ketë pasoja të pariparueshme për regjimin.”
Përmbledhja e protestave të Iranit: Rritja e pakënaqësisë publike nënvizon rezistencën e shoqërisë
Iran: Vrasja tronditëse e COVID-19 në 478 qytete tejkalon 207,300 njerëz
- Pavarësisht paralajmërimeve nga zyrtarët e regjimit për shpërthimin e katërt të COVID-19, regjimi po vonon blerjen e vaksinave. Prodhimi i vaksinave të brendshme kontrollohet nga zyra e Khamenei dhe Gardat Revolucionare (IRGC). Sot, Mostafa Ghanei, sekretari i Komitetit Shkencor Kombëtar të luftimit të Koronavirusit (NCCT) zbuloi se Ministria e Mbrojtjes, e cila është në kontroll të IRGC, ka monopolizuar prodhimin e vaksinës “Milad Noor”. “Vaksina Barakat” prodhohet gjithashtu nga Selia Ekzekutive e Direktivës së Imamit nën mbikëqyrjen e Khamenei.
Saeed Namaki, Ministri i Shëndetësisë së regjimit: Me mbi 1,100 pacientë COVID-19 të shtruar në spital, ne kemi një krizë në Provincën Mazandaran. Numri i të vdekurve në provincat Golestan dhe Gillan është i papranueshëm. Në jug, veçanërisht në Provincën Hormozgan, kemi një rritje të lehtë (në infeksione dhe vdekshmëri). Nëse kontraktojmë virusin më agresiv, do të kemi humbje të mëdha. (Agjencia e lajmeve IRNA, 27 janar 2021)Minoo Mohraz, anëtar i NCCT: alarmi është dhënë për shpërthimin e katërt të COVID-19. Në situatën aktuale, mënyra e vetme për të kontrolluar COVID-19 është vaksinimi. (Agjencia e lajmeve ISNA, 27 janar 2021)• Iraj Harirchi, Zëvendës Ministri i Shëndetësisë i regjimit: Kemi 1,800 deri në 2,000 pacientë COVID-19 në Teheran, çdo ditë, 5,400 prej të cilëve ndodhen në ICU dhe kjo është një shifër e rëndësishme. (TV Shtetëror, 26 Janar 2021)• Universiteti i Shkencave Mjekësore Ahvaz: Numri i infeksioneve dhe atyre që janë diagnostikuar pozitivisht për COVID-19 është dyfishuar në Khuzestan në muajin e kaluar. (ISNA, 27 janar 2021)
Pesë të burgosur politikë arabë nisin grevë urie në burgun Shaiban të Ahvaz-it
Pesë të burgosur politikë arabë kanë nisur një grevë urie në burgun Shaiban të Ahvaz-it, qendrës së provincës jug-perëndimore Khuzestan.
Jasem Heydari, Ali Khasraji, Hossein Seilavi, Ali Motiri, and Ali Mojaddam kanë qepur buzët dhe kanë nisur grevë urie të shtunën, më 23 janar 2021.
Të burgosurit politikë arabë po refuzojnë të ushqehen në protestë ndaj keqtrajtimit të të burgosurve nga rojat e burgut dhe autoritetet dhe ndaj faktit që ua kanë mohuar vizitat. Ata protestojnë gjithashtu kundër përdorimit të dënimit me vdekje.
Jasem Heydari, i lindur më 10 janar 1990, është qytetar arab i Ahvaz-it. Ai është arrestuar në qytetin Shush kur ishte vetëm 17 vjeç. Ai është dënuar me 7 vite burg për akuzën e “veprimit kundër sigurisë kombëtare.”
Gjermania do të Hetojë Rolin e Diplomatit Terrorist të Iranit, Assadi, në Orkestrimin e Terrorizmit dhe Spiunazhit
Një gjykatë në Anversa të Belgjikës do të shpallë verdiktin e saj lidhur me diplomatin terrorist të Iranit Assadollah Assadi dhe tre bashkëpunëtorët e tij për tentativën e tyre të dështuar për të shpërthyer një bombë në tubimin e opozitës në Francë, në 2018-ën. Tani, Assadi po përballet me akuza të reja dhe është subjekt i një hetimi nga autoritetet gjermane.
Ky informacion i ri konfirmon thënien e hershme të Rezistencës Iraniane se ambasadat e Iranit janë qendra të spiunazhit dhe terrorizmit në Europë.
Assadi dhe tre bashkëpunëtorët e tij tentuan në 2018-ën të shpërthenin një bombë në tubimin e përvitshëm “Free Iran” të Këshillit Kombëtar të Rezistencës së Iranit (NCRI) në Villepinte, në veri të Parisit, Francë.
Para se të arrestohej, Assadi punonte si sekretar i tretë i ambasadës së Iranit në Vienë. Provat tregojnë se Assadi ishte krye-oficeri i inteligjencës i regjimit iranian, dhe vepronte në shërbim të Ministrisë së Inteligjencës dhe Sigurisë (MOIS) të regjimit.
Policia e Gjermanisë e arrestoi Assadi-n më 1 korrik para se të hynte në Austri, ku shërbente si sekretar i tretë i ambasadës iraniane. Autoritetet gjermane gjetën një bllok të gjelbër në makinën e Assadi-t ku kishte informacione të rëndësishme lidhur me komplotin me bombë të 2018-ës, veprimet e udhëtimet e Assadi-t, dhe shumat e parave që ai u kishte paguar operativëve të ndryshëm.
Sipas Deutsche Welle Farsi, Gjykata Penale Federale (BKA) gjermane po heton veprimtaritë e Assadi-t me mision nga Prokurori i Përgjithshëm gjerman.
Sipas këtij blloku, Assadi ka bërë të paktën 289 vizita në vende të ndryshme. Njëqind e dyzet e katër prej këtyre vizitave kanë qenë në Gjermani.
“Hetimet e policisë gjermane, duke cituar dokumente të gjetura në makinën e Assadollah Assadi, një diplomat iranian që po gjykohet në Belgjikë, tregojnë se Berlini është bërë qendra e veprimtarive të inteligjencës të regjimit iranian në Europë. Assadollah Assadi u arrestua në korrik 2018 në shtetin e Bavarisë,” ka raportuar më 22 janar Al-Arabiya.
- Javad Dabiran, zëvendës drejtori i zyrës përfaqësuese të NCRI-së në Gjermani, ka thënë për Al-Arabiya: “Rezistenca Iraniane ka informacione specifike lidhur me celulat e fjetura të regjimit iranian në Europë, të cilat komandoheshin nga Assadi. MOIS e regjimit iranian ka një rrjet agjentësh në Europë që mbështeten nga ambasadat e regjimit të cilat i keqpërdorin lehtësirat e tyre diplomatike. Assadollah Assadika qenë në krye të rrjetit të inteligjencës të regjimit iranian në Europë.”
Javad Dabiran flet për çështjen e Assadollah Assadi
“40% dhe specifikisht 144 nga 289 takimet e Assadi-t me agjentët e tij janë zhvilluar në Gjermani. Kjo nënkupton dy gjëra. Së pari, një pjesë e madhe e rrjetit [të regjimit] ndodhet në Gjermani, dhe Gjermania është skenë e veprimtarive terroriste të regjimit iranian,” shtoi Z. Dabiran.
Më 7 dhjetor, NCRI pati publikuar një deklaratë që zbardhte komplotin terrorist të regjimit në Gjermani. Ky zbulim bazohet në një letër iraniane, drejtuar një personi të identifikuar si “Z. G.D.,” një iranian banues në Gjermani. Agjentët e MOIS të regjimit i kishin bërë presion Z. G.D. që të mblidhte informata dhe të “dërgonte foto dhe video nga të gjitha zyrat dhe shtëpitë [e Rezistencës Iraniane në Gjermani]” dhe “nga zyra e (Javad) Dabiran.”
Regjimi Iranian Ekzekuton Kampionin e Mundjes, dhe Vazhdon pa Pushim me Shkeljet e të Drejtave Njerëzore
Regjimi iranian ekzekutoi të hënën mundësin 30-vjeçar Mehdi Ali Hosseini në Iranin jug-perëndimor, pavarësisht thirrjeve ndërkombëtare kundër këtij akti. Ky ekzekutim konfirmon mospërfilljen absolute të mullahëve për standardet ndërkombëtare të të drejtave njerëzore, dhe trendi i shkeljeve të të drejtave njerëzore në Iran vazhdon të përkeqësohet.
Ekzekutimi i Mehdi Ali Hosseini erdhi vetëm pak muaj pas varjes brutale të kampionit kombëtar të mundjes në Iran, Navid Afkari, pavarësisht thirrjeve ndërkombëtare për mos-ekzekutimin e tij. Thjesht fjalët dënuese nuk patën efekt mbi regjimin. Në dhjetor, forcat e sigurisë shkatërruan gurin e varrit të Navid-it, duke treguar kështu se regjimi nuk ishte penduar për këtë krim. Arrestimi kohët e fundit i trajnerit të Navid Afkari-t dhe mbyllja e palestrës së tij e dëshmojnë gjithashtu këtë fakt.
Regjimi ka ekzekutuar mbi 35 të burgosur brenda tridhjetë ditëve të fundit. Ekzekutimet e vazhdueshme në Iran nënvizojnë faktin se mullahët nuk do ta ndryshojnë rrugën e shkeljeve të të drejtave njerëzore.
Të mërkurën, autoritetet varën tre të burgosur në Zahedan të Iranit jug-lindor.
Shkeljet e të drejtave njerëzore nga regjimi nuk përfshijnë vetëm burgjet. Të dielën, forcat e sigurisë hapën zjarr mbi njerëz të pafajshëm në provincën Sistan dhe Baluchistan për arsye se banorët kishin transferuar pak sasi lënde djegëse.
Komuniteti ndërkombëtar duhet të presë një rritje të numrit të ekzekutimeve dhe të shtypjes së vazhdueshme në Iran. Krahas nevojës së Teheranit për ta vënë nën kontroll shoqërinë e trazuar me anë të frikësimit, autorët e krimeve më të rënda të Iranit kundër njerëzimit mbajnë pozicione të larta në regjim.
Rritja e kredive martesore do të çojë në shtim të martesave të fëmijëve
Pas miratimit të një projektligji parlamentar për ta rritur sasinë e kredive martesore për vajzat nën 23 vjeç, zyrtarët dhe aktivistët iranianë kanë paralajmëruar për rritje të martesave të fëmijëve.
Rahim Zar’e, zëdhënësi për Komitetin e Shkrirjes së Buxhetit në Parlamentin Iranian pati thënë përpara kësaj se kreditë martesore, dikur 50 milion toman, ishin rritur në 70 milion toman dhe se “djemtë nën 25 vjeç dhe vajzat nën 23 vjeç do të merrnin 100 milion toman (rreth $4000) secili.”
Sipas agjencisë shtetërore të lajmeve ISNA , Zëvendës Ministri i Sporteve dhe Rinisë, Mohammad Mehdi Tondgouyan, ka thënë se kjo kredi nuk do të ndihmojë në uljen e moshës së martesës por do t’i nxisë edhe më shumë martesat e fëmijëve.
“Sipas statistikave tona, duke marrë në konsideratë rrethana të pranueshme ekonomike, strehimi dhe punësimi, mosha më e mirë për martesë sipas burrave është mbi 26 vjeç dhe mbi 24 vjeç për gratë,” tha Zëvendës Ministri.
Tondgouyan shtoi se rritja e kredisë martesore vetëm sa do t’i rrisë “deviacionet” morale dhe numrin e “martesave sipërfaqësore dhe divorceve”, ngaqë njerëzit do të nxiten të bëjnë martesa vetëm për të marrë kredinë.
Ky zyrtar iranian bëri gjithashtu pyetjen pse kredia prej 100 milion toman i jepet vetëm grave nën 23 vjeç dhe burrave nën 25.
Iran: Shoferët, infermierët, punëtorët e hekurudhave protestojnë në qytete të ndryshme
Shoferët e kompanisë Shahdab në provincën Kerman janë në grevë
Shoferët e kompanisë Shahdab në Anomaly verior të provincës Kerman, kanë qenë në grevë për disa ditë. Të shtunën më 23 janar, pasi nuk iu lejua të hynin në minierë, ata zhvilluan një protestë përpara zyrës së guvernatorit të kontesë Bafgh.
“Shoferi i kamionit super të rëndë punon në këtë minierë me një rrogë bazë prej 19 milion rial (rreth $82),” tha njëri nga shoferët. “Të ardhurat tona mujore janë 35 milion (rreth $152) deri në 50 milion (rreth $217) rial. Kemi nëntë muaj që punojmë vetëm me premtime boshe.”
“Shoferët punojnë tre turne me vetëm 20 minuta pushim. Punojmë me makineri të rënda, por bonusin e kemi të ulët. Në kontratën tonë përmendet fjala ‘edukative.’ A është e mundur që një shofer me 10 vite eksperiencë të jetë ende në trajnim ndërkohë që klasat e trajnimit janë përfunduar për 15 ditë pa asnjë rrogë?” thotë njëri nga shoferët.
Pak Ditë Para Shpalljes së Verdiktit për Assadi-n, Regjimi Iranian u Drejtohet për Shpëtim Teorive Konspirative
Vetëm pak ditë para se një gjykatë në Anversa të Belgjikës të shpallë verdiktin për sa i përket diplomatit terrorist të burgosur iranian, Assadollah Assadi, më 4 shkurt, Ministria e Jashtme e regjimit po u drejtohet për shpëtim teorive konspirative dhe këmbëngul në të ashtu-quajturin “imunitet diplomatik” të Assadi-t, duke shprehur kështu frikën e mullahëve nga probabiliteti i lartë që Assadi të dënohet.
“Ky është një kurth i ndërlikuar që është bërë duke përdorur MEK-un [Organizatën Muxhahedine të Popullit të Iranit] për këtë diplomat iranian,” tha të dielën Saied Khatibzadeh, zëdhënësi i Ministrisë së Jashtme.
Autoritetet europiane e arrestuan Assadi-n së bashku me tre nga bashkëpunëtorët e tij ndërkohë që ata tentonin të shpërthenin një bombë në tubimin e opozitës iraniane në Paris në qershor 2018. Përpara arrestimit të tij, Assadi shërbente si sekretar i tretë në ambasadën iraniane në Austri.
Khatibzadeh konfirmoi frikën e regjimit nga gjykimi i Assadi-t, duke thënë “mund të krijojë një precedent të rrezikshëm.”
Bazuar në prova dhe në padinë e prokurorëve, Assadi kishte transferuar 500 gramë TATP me eksplozivitet të lartë në Europë me anë të një avioni pasagjerësh. Ai u ishte shmangur kontrolleve të sigurisë duke përdorur pasaportën e tij diplomatike. Assadi ua kishte dorëzuar eksplozivët çiftit Nasimeh Na’ami dhe Amir Saadouni dhe i kishte ngarkuar ata me detyrën për ta vendosur bombën “sa më afër të jetë e mundur” me zonjën Maryam Rajavi, presidenten e opozitës iraniane.
Khatibzadeh, zëdhënës për ekzekutuesin numër një në botë per capita, ankohet se Assadi është “burgosur në kushte çnjerëzore.”
“Ai ka patur akses të kufizuar në avokatin e tij dhe në kontakte me telefon me familjarët e tij,” pretendon ai.
Khatibzadeh flet për mungesë avokati për Assadi-n, ndërkohë që regjimi që ai përfaqëson ka ekzekutuar në mënyrë jashtëgjyqësore mijëra disidentë. Kryegjyqtari i regjimit Ebrahim Raisi dhe Ministri i Drejtësisë Alireza Avaii kanë luajtur një rol kyç në masakrën e 1988-ës ndaj mbi 30,000 të burgosurve politikë.
Khatibzadeh pretendon se Assadi ka imunitet diplomatik dhe se i janë mohuar “të drejtat,” ndërkohë që ai ka tentuar të kryejë vrasje masive në Europë.
Gjatë gjyqit të Assadi-t më 27 nëntor dhe 3 dhjetor, prokurorët kanë paraqitur prova të shumta, të gjetura në makinën e Assadi-t, duke përfshirë një bllok me kode për operacionin, duke konfirmuar kështu rolin e tij si komandant i këtij komploti terrorist.
Iran: Mundësi Mehdi Ali Hosseini Varet Pas Pesë Vitesh Burg
Thirrje ndërkombëtare për veprim të menjëhershëm për t’ua shpëtuar jetën të burgosurve të dënuar me vdekje
Pavarësisht protestave e thirrjeve të shumta nga brenda dhe jashtë vendit, të hënën më 25 janar 2021, fashizmi fetar që sundon Iranin ekzekutoi në burgun e Dezful një tjetër mundës iranian, Mehdi Ali Hosseini, lindur në Andimeshk.
Hosseini, 30 vjeç, dhe i burgosur që në 2015-ën, ishte i dyti mundës iranian i ekzekutuar nga regjimi klerikal gjatë muajve të fundit. Më herët, heroi kombëtar Navid Afkari u ekzekutua më 12 shtator 2020 për pjesëmarrje në protestat e gushtit 2018 në Shiraz, pavarësisht protestave globale kundër ekzekutimit të tij.
Më 14 janar, Komiteti Sportiv i Këshillit Kombëtar të Rezistencës së Iranit i kishte bërë thirrje komunitetit ndërkombëtar, sidomos Këshillit të të Drejtave të Njeriut të OKB dhe Komitetit Olimpik Ndërkombëtar, që të merrnin masa të menjëhershme për të shpëtuar jetën e Z. Hosseini.
Banorët vendas kërkojnë ujë të pijshëm, infermierët protestojnë ndaj pagave të ulëta në Iran
Banorët e një fshati në Iranin veri-perëndimor kanë zhvilluar një tubim për të kërkuar ujë të pijshëm, ndërsa infermierët në një spital të Teheranit kanë kërkuar paga më të larta në protestat e zhvilluara dje dhe sot.
Infermierët e Teheranit kërkojnë paga më të larta
Në Teheran, infermierët e spitalit Milad u mblodhën sot për të kërkuar paga më të larta. Një nga protestuesit tha se infermierët kanë vënë në rrezik jetën për të ofruar kujdes shëndetësor gjatë pandemisë, por rrogat e tyre nuk janë rritur.
Një zyrtar i shëndetësisë pati thënë në dhjetor 2020 se infermierët iranianë kanë marrë paga më të ulëta gjatë pandemisë së shfrenuar të COVID-19 në vend. Kryetari i Këshillit Suprem të Organizatës së Infermierëve ka thënë se, pavarësisht shtimit të ngarkesës së punës gjatë pandemisë, rrogat e infermierëve janë ulur dhe janë vonuar deri në katër muaj.
Banorët e Qazvin protestojnë ndaj dëmtimit të tubacioneve të ujit
Në Qazvin, banorët kanë protestuar ndaj mungesës së ujit të pijshëm gjatë ditëve të fundit. Sipas agjencisë shtetërore të lajmeve ILNA, banorët e fshatit Lat janë grumbulluar jashtë zyrës së kryebashkiakut. Raporti thotë se tubat e tyre prej katër kilometrash në zonat malore janë këputur nga fshatarët e provincës Gilan, në Iranin verior.
Një protestues, Hamdollah Hosseini, tha se ka pothuajse një dekadë që fshati Lat përballet me probleme të ujit për shkak të mosmarrëveshjeve me banorët e fshatit Nodeh në provincën Gilan.
Dimri i ftohtë dhe ndërprerja e ujit të pijshëm ka krijuar shumë probleme për banorët.