Nga Shahriar Kia

Përmbytjet e fundit në Iran kanë shkaktuar qindra miliona dollarë dëme për bujqësinë iraniane, sipas një zyrtari të enjten.

Kreu i menaxhimit të krizës në ministrinë e bujqësisë, Mohammad Mousavi, llogarit se humbjet e sektorit të bujqësisë janë 47 trilion rial (rreth $350 milion) deri tani.

Regjimi Iranian është i bllokuar nga kriza të shumta, ku përfshihet edhe kaosi ekonomik që rezulton nga 40 vite keqmenaxhim e korrupsion. Por Regjimi, si gjithmonë, ia kalon fajin të tjerëve; qoftë grupeve kundërshtare brenda Regjimit apo “armiqve” të huaj, si SHBA.

Pak kohë pasi përmbytjet filluan ta bllokonin Shirazin, Regjimi Iranian dërgoi atje automjetet e armatosura të ushtrisë, si BMP-1 të prodhuar në Rusi, dhe forcat me motoçikleta.

Irani është goditur nga përmbytje shkatërrimtare që nga mesi i marsit dhe mbi 200 njerëz janë raportuar të vdekur.Regjimi nuk është përgjigjur me ndihma nga qeveria, por me dërgimin e forcave shtypëse, si Trupat e Gardës Revolucionare (IRGC) dhe Bassij, për të shtypur protestat e mundshme, si dhe duke kërcënuar me arrestim ata që përhapin lajme rreth përmbytjeve në mediat sociale.

Nga Shahriar Kia

Një protestues u vra dhe disa të tjerë u plagosën në Iran të mërkurën teksa Garda Revolucionare (IRGC) hapi zjarr mbi banorët e fshatrave përreth Susangerd dhe Dashte Azadegan në provincën Khuzestan.