Shkruar nga Sekretariati i Këshillit Kombëtar të Rezistencës së Iranit (NCRI)

18 maj 2020

Iran, kriza e koronavirusit

Ministria e Shëndetësisë e regjimit: Numri i të infektuarve në 24 orët e fundit është 2,294, numri më i lartë në një muaj e gjysëm

Numri i vdekjeve vetëm në spitalin Mofatteh në Varamin është 180

Zëdhënësi i Ministrisë së Shëndetësisë së regjimit shpalli sot se kanë vdekur 69 njerëz në 24 orët e fundit, dhe se numri i të infektuarve është 2,294, numri më i lartë në një muaj e gjysëm. Ai tha për agjencinë shtetërore të lajmeve IRNA: “Provinca Khuzestan vazhdon të ketë 25% të rasteve të infektimeve me virusin… Provincat Lorestan, Khorasan Verior, jugu i Kerman-it, jugu i Sistan dhe Baluchestan, dhe Kermanshah janë në një situatë alarmante… Nuk pritet që kjo sëmundje të largohet së shpejti nga vendi.”

Sipas Ministrisë së Shëndetësisë, “Numri total i infektimeve me koronavirus në Khuzestan ka arritur në rreth 7,000, ndërsa numri total i pacientëve në Khuzestan deri dy javë më parë ishte vetëm 2,000,” raportoi sot e përditshmja shtetërore Vatan-e-Emrooz.

E përditshmja Arman shkruan sot, “Sipas raporteve zyrtare, tendenca në rritje e koronavirusit në tetë provinca (Lorestan, Provinca Qendrore, Khorasan Verior, Kurdistan, Khuzestan, Gilan, Hormozgan dhe Chaharmahal e Bakhtiari) është më shqetësuese se kurrë. Azerbaixhani Lindor është në prag të një krize nga rritja e numrit të rasteve të reja, dhe zyrtarët kanë paralajmëruar se në ditët që do të vijnë, do të duhet të presin për pikun e dytë të krizës së sëmundjes në provincë. Gjithashtu, sot, Saeid Keshmiri, presidenti i Universitetit të Shkencave Mjekësore në Bushehr, tha për të përditshmen Arman: “Ditët e fundit, numri i pacientëve me koronavirus në provincë është rritur.”

Home  Women’s News

Më shumë se kurrë, pandemia e COVID-19 po kërcënon jetën e grave që janë të burgosura politike.

Më poshtë përshkruhet gjendja e disa të burgosurave politike, dënimet e reja me burg, dhe arrestimet e ditëve të fundit:

E burgosura politike Golrokh Ebrahimi Iraee

Golrokh Ebrahimi Iraee mbahet në burgun Qarchak në Varamin, ku jeta e saj është në rrezik.

Golrokh, një e burgosur politike, po mbahet në një godinë me kriminelet e rëndomta, në shkelje të rregullave të Iranit lidhur me ndarjen e të burgosurve. Për më tepër, sipas raporteve të besueshme, të paktën 100 gra në këtë godinë janë të infektuara me koronavirus.

Pas lirimit nga burgu, Golrokh është dënuar përsëri, këtë radhë me tre vite e shtatë muaj. Ajo ka qëndruar në burgun Qarchak që nga 9 nëntori 2019, dhe i është mohuar lirimi i përkohshëm.

Zyrtarët e burgut nuk kanë marrë ende asnjë masë për t’i mbrojtur të burgosurat nga Covid-19. Burgu Qarchak pranon të burgosura të reja, por nuk i implementon protokollet specifike për Covid-19, duke vënë kështu në rrezik edhe më shumë jetë.

Të burgosurat e tjera politike të arrestuara gjatë kryengritjes së nëntorit dhe që ndodhen gjithashtu në burgun Qarchak përfshijnë Nazanin Tusi, Gita Horr, Mojgan Eskandari, Samira Hadian, Maryam Alishahi, dhe Raha Ahmadi.

Dënime të reja me burg për aktivistet civile

Në një tjetër formë presioni mbi aktivistët civilë, regjimi po jep dënime të reja në mesin e krizës së koronavirusit.

Gjykata Revolucionare e Teheranit zhvilloi një seancë në mungesë më 13 maj 2020, kundër Jila Makvandi.

E arrestuar në Teheran më 12 nëntor 2019, kjo aktiviste civile është dënuar me gjashtë vite burg.

Jila Makvandi shkruan, “Jam dënuar, në mungesë, me gjashtë vite – pikërisht siç më kishte kërcënuar agjenti i inteligjencës i IRGC-së gjatë marrjes në pyetje!”

Në gusht 2018, agjentët e Ministrisë së Inteligjencës ia bastisën shtëpinë dhe e vunë nën presion për faktin se kishte protestuar kundër hixhabit të detyrueshëm.

Urdhër arresti për një përkthyese e studiuese

Dega e Zbatimit të Gjykimit në Nowshahr ka nxjerrë një urdhër arresti për Mojgan Kavousi, një përkthyese dhe studiuese. Mojgan është njëra nga të arrestuarit gjatë kryengritjes së nëntorit 2019.

Më herët, dënimi i Mojgan Kavousi ishte rritur deri në gjashtë vite e katër muaj burg gjatë procesit të apelimit.

Nxjerrja e urdhër arresteve për të dënuarit e bën shumë të vështirë për ta që të aplikojnë për lirim me kusht apo të kërkojnë leje.

Shkruar nga Sekretariati i Këshillit Kombëtar të Rezistencës së Iranit (NCRI)

17 maj 2020

Zyrtarët e regjimit e pohojnë dhe paralajmërojnë për përkeqësimin e situatës në Khuzestan, Lorestan, Chaharmahal dhe Bakhtiari, Kohgiluyeh-Boyer-Ahmad, Kermanshah, Sistan-Baluchestan, dhe Kerman

• Mbi 13,000 pacientë me koronavirus janë të shtruar vetëm në spitalet e mbuluara nga sigurimet shoqërore
• Rrogat e punëtorëve dhe punonjësve janë vonuar për tre muaj

Dje, Seyed-Razi Nouri, deputet në parlamentin e regjimit nga qyteti Shush, tha për agjencinë e lajmeve Fars, e cila është e lidhur me IRGC-në: “Përhapja e virusit në provincën Khuzestan është akute. Numri i të infektuarve me koronavirus në provincë është 434, pra një numër i lartë.”

Sipas të përditshmes shtetërore Eqtesad-24, Ministri i Shëndetësisë i regjimit tha sot: “Po shohim një rritje të rasteve me COVID-19 në provinca si Khuzestan, Lorestan, Chaharmahal dhe Bakhtiari, Kohgiluyeh dhe Boyer-Ahmad; provincat fqinje me Khuzestan-in mund të përballen me një shpërthim të Koronavirusit.”

Shkruar nga Sekretariati i Këshillit Kombëtar të Rezistencës së Iranit (NCRI)

16 maj 2020

Mbi 42,100 të vdekur nga koronavirusi (COVID-19) në Iran – Numri i vdekjeve nga koronavirusi në Iran sipas burimeve të PMOI MEK

Provinca Khuzestan është në situatë kritike; spitalet janë plot me pacientë e me trupa viktimash

Maryam Rajavi, duke i shprehur ngushëllimet e saj popullit të Khuzestan, tha se Ali Khamenei dhe Hassan Rouhani janë përgjegjësit kryesorë për një numër kaq të madh jetësh të humbura të bashkatdhetarëve tanë. Ata e kanë shkatërruar provincën më të begatë e më të pasur të Iranit me politikat e tyre çnjerëzore dhe kanë shkaktuar rritjen e përhapjes së virusit.

Situata në Khuzestan është kritike, dhe regjimi i ka mbyllur me ngurrim 16 qytete. Spitalet janë plot me pacientë, shumë prej të cilëve janë në gjendje kritike. Gjatë ditëve të fundit është raportuar se mbi 1,000 njerëz kanë vdekur në qytete të ndryshme të provincës, gjë që është nën hetim.

Një zëdhënës i Ministrisë së Shëndetësisë tha sot për televizionin zyrtar shtetëror, “Në asnjë pjesë të vendit tonë nuk ka situatë normale … dhe mund të mos jemi në gjendje të deklarojmë një situatë normale së shpejti.” Ai shtoi: “Në provincën Khuzestan mund të supozojmë që situata në shumicën e qyteteve është e jashtëzakonshme.”

Sipas agjencisë shtetërore të lajmeve ISNA, sot, Zyra e Guvernatorit të Khuzestan shpalli se “Zyrat, bankat dhe shoqatat e panevojshme në 16 qytete të Khuzestan-it janë mbyllur deri më 20 maj, për të parandaluar përhapjen e koronavirusit. Izolimi përfshin qytetet Ahvaz, Karun, Bavi, Hamidiyeh, Ramhormoz, Masjed-e-Soliman, Haftgol, Dashte Azadeghan, Mahshahr, Hendijan, Dezful, Shush, Shushtar, Gotvand, Abadan dhe Khorramshahr.”

Presidenti i Universitetit të Shkencave Mjekësore në Ahvaz tha për televizionin shtetëror se “Pas rihapjes më 11 prill, numri i pacientëve tanë është rritur që me 21 prill.”

Ferydoon Hemmati, guvernatori i regjimit në Hormozgan, tha sot për të përditshmen shtetërore Hamshahri: “Rritja në përhapjen e koronavirusit në Hormozgan ditët e fundit është alarmuese.”

“Kemi rrezikun e COVID-19 në shumicën e pjesëve të vendit, sidomos në Teheran … Rreziku i epidemisë së koronavirusit në metropolin e Teheranit nuk është ulur, dhe vala e epidemisë vazhdon në Teheran,” tha kreu i trajtimit të sëmundjeve infektive në Ministrinë e Shëndetësisë, i cituar nga e përditshmja shtetërore Javan, sot.

Pavarësisht kësaj, Taskforca Kombëtare për Luftimin e Koronavirusit (NCCT) shpalli sot: “Shkollat në të gjitha nivelet e arsimit në mbarë vendin do të hapen për një muaj që nga sot.”

Ndërkohë që Khuzestan është shndërruar në një fushë vdekjesh, në fjalimin e tij sot, Rouhani nuk e përmendi aspak këtë provincë, dhe tha paturpësisht: “Që nga dita e parë që u ndeshëm me virusin, jemi përballur edhe me një rrezik tjetër, dhe e kam ndier këtë rrezik nga mediat e huaja. Pashë se ato duan ta izolojnë vendin me këtë sëmundje dhe të krijojnë kaos.” Duke mbrojtur rihapjen e punëve dhe normalizimin e situatës, ai shpalli se vendet e lutjeve do të hapen pas Ramazanit, duke shtuar: “Duhet ta përgatisim popullin që të jetojë me koronavirusin për pak muaj.”

Në një tjetër pohim, Rouhani përmendi mungesën e besueshmërisë së sistemit të regjimit për testimin e pacientëve, për të cilin ai mburrej. “I infektuari është anëtar i një organizate. Por ai caktohet tek një agjenci tjetër. Ka rezultuar pozitiv. Por ka rezultuar negativ në klinikën e agjencisë së vet dhe i është thënë se mund të shkojë në punë… Njëra agjenci përdor skaner CT, ndërsa tjetra teston gjakun dhe pështymën, ose PCR apo serologji. Individët shkojnë tek një mjek dhe u thuhet t’i lënë metodat e tjera, mushkëritë tuaja janë mirë; nuk jeni të infektuar,” tha Rouhani.

Rouhani ia la popullit në dorë ndihmën për të varfrit dhe për ata që kanë mbetur pa punë. Ai tha, “Ka disa probleme të tjera me të cilat duhet të na ndihmojë populli… Disa njerëz kanë humbur punën. Ne nuk kemi vende pune. Për disa, punësimi bëhet i disponueshëm pas tre muajsh. Ka punë të tjera që do të fillojnë pas një muaji. Ata kanë çeqe. Kanë dinjitet; jetojnë me qira dhe duhet ta paguajnë qiranë. Qeveria nuk mund t’i ndihmojë vetë.”

15 maj 2020

Ministria e Shëndetësisë e regjimit: Numri i pacientëve në 24 orët e fundit ishte 2102, numri i më i lartë në 40 ditë.

• Në mesin e krizës së koronavirusit, nga frika e një kryengritjeje popullore, vazhdojnë arrestimet e të rinjve, studentëve dhe mbështetësve të MEK e familjarëve të tyre, si dhe dënimet me burgim të gjatë për të burgosurit politikë.
• Maryam Rajavi i nxit sërish delegacionet ndërkombëtare të vizitojnë burgjet e Iranit dhe i bën thirrje Raportuesit Special mbi situatën e të Drejtave Njerëzore në Iran që të takohet me të burgosurit politikë.

Tani që njerëzit janë detyruar t’i rikthehen punës nga Ali Khamenei dhe Hassan Rouhani, numri i pacientëve është rritur eksponencialisht gjatë dy javëve të fundit, duke i dhënë një përmasë të re tragjedisë së koronavirusit. Një zëdhënës i Ministrisë së Shëndetësisë tha sot se numri i pacientëve të infektuar në 24 orët e fundit ka qenë 2,102, numri më i lartë në 40 ditë.

Gholamreza Shariati, guvernatori i Khuzestan-it, tha sot për agjencinë e lajmeve Borna: “Shtrimet në spital nga koronavirusi në Khuzestan janë rritur me 60%, ndërsa numri i pacientëve të jashtëm është rritur trefish.”

Sot, Qassem Saedi, një deputet i parlamentit të regjimit nga Dashte Azadeghan, tha për agjencinë e lajmeve të IRGC-së, Fars: “Situata e të infektuarve me virusin në Khuzestan është shumë kritike. Një e katërta e të gjithë pacientëve të vendit janë në Khuzestan. Fatkeqësisht, Ministria e Shëndetësisë ka bërë premtime boshe për ta ndihmuar provincën, dhe nuk kemi parë ende ndonjë veprim praktik. Nuk kemi as materialin (për të prodhuar maska), dhe qeveria nuk na e ofron. Kaq në vështirësi është populli i Khuzestan-it.”

Sot, agjencia zyrtare shtetërore e lajmeve Mehr shkroi: “Khuzestan është ngjitur në vendin e dytë në tabelën e epidemisë së koronavirusit nga fundi… Duket se ka ndërmend të marrë vendin e parë.” “Në provincën Khuzestan është shtuar edhe problemi i mungesës së ujit,” shton Mehr.

Përveç Khuzestan-it, edhe në provincat e tjera situata është kritike. Sot, Mohammad-Reza Ma’ mury, guvernatori i Maneh dhe Samolqan (një distrikt në Khorasan-in Verior), tha për agjencinë e lajmeve Mehr, “Kemi vetëm 32 shtretër në spitale dhe mungojnë shumë pajisje … Më shumë se një e treta e stafit mjekësor në Spitalin Poor Sina janë infektuar me virusin.” “Një nga problemet tona është mungesa e qendrave të duhura për trajtim mjekësor,” shtoi ai. Rouhollah Hosseinpour, guvernatori i Raz dhe Jargalan në Khorasan-in Verior, tha për agjencinë e lajmeve Fars sot se nuk ka spitale në qytet. Fars ka cituar edhe Massoud Sadegh, guvernatorin e qytetit Farooj (në Khorasan-in Verior), duke thënë se “një pjesë e madhe e stafit bashkiak janë të infektuar me koronavirusin” dhe se shtatë anëtarë të një familjeje në një fshat janë prekur nga kjo sëmundje.