Pas 17 vitesh burg, mëngjesin e sotëm, Mostafa Salimi u var në burgun e Saqqez nga regjimi kriminal i mullahëve.
Salimi ishte arrestuar në vitin 2003 dhe ishte dënuar me 15 vite burg dhe ekzekutim. Ai u arratis gjatë kryengritjes në burgun e Saqqez më 27 mars 2020, së bashku me një numër të madh të burgosurish të tjerë. E arrestuan pak ditë më vonë dhe e varën mëngjesin e sotëm në burgun e Saqqez.
Rezistenca Iraniane i shpreh ngushëllimet e saj të afërmve dhe miqve të Mostafa Salimi, si dhe banorëve të Saqqez. Rezistenca nxit Komisioneren e Lartë të OKB-së për të Drejtat e Njeriut dhe raportuesit specialë, si dhe organizatat ndërkombëtare të të drejtave të njeriut që ta dënojnë këtë ekzekutim të urryer.
Organizata Muxhahedine e Popullit të Iranit (PMOI / MEK) shpalli sot, më 11 prill 2020, se numri i vdekjeve nga Koronavirusi e ka tejkaluar shifrën 25,000 në 263 qytete të Iranit. Numri i viktimave në Teheran është 3,200, Qom 2,480, Khorasan Razavi 2,270, Gilan 2,150, Isfahan 1,910, Khuzestan 1050, Alborz 970, Kermanshah 695, Hamedan 650, Azerbaixhani Lindor 610, Lorestan 590, Fars 515, Kurdistan 405, Kerman 380, Qazvin 375, Provinca Qendrore 345, Sistan e Baluchestan 255, Khorasan Verior 250, Chaharmahal e Bakhtiari 204, dhe Hormozgan 55.
Dje, Mohammad Reza Qadir, drejtori i Universitetit të Shkencave Mjekësore në Qom, tha për agjencinë zyrtare të lajmeve të regjimit se 300 pacientë janë shtruar në spital për shkak të problemeve akute të frymëmarrjes që dyshohet se vijnë nga infektimi me Koronavirus. 19 prej tyre janë fëmijë.
Hossein-Ali Shahriari, një deputet nga Zahedan, tha për televizionin shtetëror TV 5 të premten më 10 prill 2020: “Nëse i heqim karantinat më herët nga ç’ishte planifikuar, do të kemi një kulm më të lartë të përhapjes. Ka shumë rezultate pozitive në Sistan e Baluchestan, madje edhe në kaq pak ditë po ndodh kështu, dhe jemi të shqetësuar se do të ketë një kulm më të lartë. Numri i vdekjeve brenda stafit tonë mjekësor ka qenë më i lartë sesa në kohën e luftës.”
Organizata Muxhahedine e Popullit të Iranit (PMOI / MEK) shpalli të premten, më 10 prill 2020, se numri i vdekjeve nga Koronavirusi në 261 qytete të Iranit e ka tejkaluar shifrën 23,900. Numri i viktimave në Qom është 2,300, Khorasan Razavi 2,150, Isfahan 1,870, Mazandaran 1,800, Khuzestan 1,025, Golestan 900, Hamedan 625, Ardabil 520, Fars 480, Zanjan 405, Yazd të paktën 380, Provinca Qendrore 325, Sistan e Baluchestan 240, Kohgiluyeh e Boyer-Ahmad 160, Ilam 185, Bushehr 130, dhe Khorasan Jugor 60.
Në spitalet e Teheranit, duke përfshirë spitalin Khomeini, numri i të shtruarve është aq i lartë sa pacientëve u duhet të flenë në korridore pa marrë kujdesin mjekësor apo ilaçe. Seksioni i emergjencës e ka tejkaluar kapacitetin dhe refuzon të transferojë pacientë të tjerë në spital. Pajisjet e frymëmarrjes janë në mungesë në spitale dhe të kushtueshme për t’u përdorur (ndonjëherë shkojnë deri në 20 milion toman). Infermierët dhe stafi mjekësor ankohen për mungesën e maskave, dorezave, dhe dezinfektuesve. Edhe këto mjete gjenden rrallë në treg dhe shiten me çmime të larta. Plani i ekzaminimeve që po reklamohet është vetëm propagandë dhe nuk ka baza shkencore.
Shumë garnizone, si ato në Birjand, Quchan, Bojnourd, dhe Torbat-e-Jam, kanë një numër të madh ushtarësh të infektuar me virusin. Megjithatë, regjimi po përpiqet ta fshehë këtë çështje në mënyrë që të mos lejojë arratisjen e ushtarëve.
Ndërkohë që, duke nisur nga e shtuna, 11 prill 2020, Khamenei dhe Rouhani do t’i detyrojnë njerëzit t’i rikthehen punës, Alireza Zali, kreu i Taskforcës Kombëtare të Luftimit të Koronavirusit (NCCT) në Teheran, tha për ILNA (agjenci shtetërore lajmesh), “Rreth 86.4 përqind e njerëzve preferojnë vënien e më shumë kufizimeve në Teheran në mënyrë që sëmundja të mbahet nën kontroll.”
Zëdhënësi i Ministrisë së Jashtme të regjimit iranian refuzon ndihmat e SHBA-së për luftimin e koronavirusit
Zëdhënësi i Ministrisë së Jashtme të regjimit iranian, Abbas Mousavi, i ka refuzuar ndihmat e SHBA-së ndërkohë që vazhdon të pretendojë se mullahët kanë probleme nga sanksionet për luftimin e koronavirusit. Ai tha: “Nuk i kemi bërë dhe nuk do t’i bëjmë asnjë kërkesë Shteteve të Bashkuara për të sjellë ilaçe dhe ndihma mjekësore në Republikën Islamike të Iranit. Politika jonë është e tillë që të mos u kërkojmë ndihmë liderëve të regjimit amerikan.”
The Spokesman for the Iranian regime’s Foreign Ministry rejects U.S. aids for coronavirus outbreak
Shpërndarje ushqimesh për njerëzit në nevojë në Babol
Paketim ushqimesh nga banorët vendas për t’u ardhur në ndihmë nevojtarëve në situatën e shpërthimit të koronavirusit në Iran.
Iran Coronavirus news: Distributing food for the people in need in Babol
Rastet e koronavirusit nuk janë kontrolluar sipas udhëzimeve të ministrisë së shëndetësisë: thotë një zyrtar
Qom—Rastet e koronavirusit nuk janë kontrolluar sipas udhëzimeve të ministrisë së shëndetësisë, thotë një zyrtar në Qom:
“Më 19 shkurt pati disa pacientë që vdiqën në terapi intensive në një nga spitalet tona.
Diagnoza jonë ishte se duhej të ekzaminoheshin për koronavirusin dhe këmbëngulëm në këtë diagnozë. Kishim patur një rast një javë më parë, një pacient i diagnostikuar me korona, në fakt, me diagnozën e COVID19 ose infeksion me koronavirus. Nuk u kontrollua sipas atyre udhëzimeve, ndërkohë që kishim raste të ngjashme në 15 provinca të tjera në të njëjtën kohë, por Qom e kërkoi këtë ekzaminim me këmbëngulje, dhe u bë. Kishte raste edhe në provinca të tjera, por ne e ekzaminuam dhe arritëm në një përfundim. Po të ishin përpjekur të kryenin një testim, në kundërshtim me protokollet e Ministrisë së Shëndetësisë, pa dyshim që do ta kishin diagnostikuar me koronavirus.
Si përfundim, diagnoza e parë ishte në Qom. Nuk do të thotë që rasti i parë ishte në Qom, por që u diagnostikua për herë të parë në Qom.
Mendoj se të gjitha vendet duhet të jenë mirënjohës ndaj mjekëve të Qom të cilëve u shkoi në mend kjo sëmundje dhe bënë diagnozën e cila u konfirmua, duke krijuar kështu ndjeshmërinë në mbarë vendin për të qenë të ndërgjegjshëm që kjo sëmundje po përhapet edhe në Iran.”
Coronavirus cases were not checked according to Health ministry instructions: An official says
***
Maryam Rajavi: Përkujtojmë mjekët dhe infermierët që kanë humbur jetën duke u kujdesur për pacientët me Koronavirus
Përkujtojmë mjekët dhe infermierët që kanë humbur jetën duke u kujdesur për pacientët me koronavirus. Ata vënë në rrezik jetën e vet ndërkohë që të drejtat bazë u janë shkelur për vite të tëra nën sundimin e mullahëve. Të gjithë ndihemi borxhlinj ndaj këtyre grave e burrave vetëmohues.
Paga Minimale e Punëtorëve në Vitin e Ri Iranian Është Tre deri në Pesë Herë më e Ulët sesa Pragu i Varfërisë
Pagat minimale të punëtorëve rriten me gjysmën e inflacionit zyrtar dhe me një të pestën e inflacionit të vërtetë.
Pas një vonese prej 18 muajsh, Mohammad Shariatmadari, Ministri i Kooperativave, Punës dhe Mirëqenies Sociale, shpalli më 9 prill 2020: “Pas më shumë se 40 orësh negociatash mbi pagën minimale, Këshilli Suprem i Punës e ka rritur pagën minimale me 21 përqind krahasuar me vitin e shkuar, dhe kjo pagë ka shkuar në rreth $260.00” (faqja Tabnak, 9 prill 2020).
Maryam Rajavi: Këshilli i Sigurimit i OKB-së duhet ta dënojë fshehjen kriminale të fakteve nga regjimi iranian, fshehtësi e cila ka rezultuar në humbjen e jetës së njerëzve në Iran e në vende të tjera
Iran, Teheran, Spitali Masih Daneshvari – Shpërthimi i Koronavirusit
Maryam Rajavi: Edhe një herë Khamenei demonstroi rrugën pa krye në të cilën ndodhet regjimi klerikal, mospërfilljen e tij për jetët e njerëzve, dhe shqetësimin për ruajtjen e pushtetit
Numri i viktimave në Teheran është 3,050, Gilan 2,100, Khorasan Razavi 1,900, Isfahan 1,810, Khuzestan 1,000, Alborz 910, Kermanshah 670, Azerbaixhani Perëndimor 650, Hamedan të paktën 590, Lorestan 540, Kurdistan 390, Semnan 370, Kerman 365, Azerbaixhani Lindor 355, Kohgiluyeh dhe Boyer-Ahmad 135, Chaharmahal dhe Bakhtiari 100, dhe Bushehr 80.
Burimet mjekësore në Karaj tregojnë se numri i vdekjeve vetëm në atë qytet është mbi 800, dhe viktimat për të cilat shkaku i vdekjes është shpallur një sëmundje akute e frymëmarrjes kanë qenë të gjitha të infektuara me Koronavirus. Sipas këtyre burimeve, numri i vdekjeve (nga Koronavirusi) në provincën Alborz është mbi 20 në ditë, dhe kur shtohen edhe ato për të cilat shkaku i vdekjes nuk specifikohet, numri arrin në të paktën 30.
Znj. Maryam Rajavi, Presidentja e zgjedhur e Këshillit Kombëtar të Rezistencës së Iranit (NCRI), tha: Edhe një herë, Khamenei ka demonstruar rrugën pa krye ku ndodhet regjimi klerikal, dhe mospërfilljen e regjimit të tij për jetët e njerëzve. Ai e ka bërë të qartë se është i shqetësuar vetëm për ruajtjen e teokracisë në pushtet. Si gjithmonë, Khamenei është përpjekur ta largojë vëmendjen e njerëzve nga krimet e regjimit në katastrofën e Koronavirusit duke folur për armiq e teori konspirative. Kjo ndërëkohë që 80 milion iranianë jetojnë nën presionin dhe represionin e regjimit të mullahëve.
Lidhur me vrasjen e të burgosurve dhe kushtet e tmerrshme në burgjet e regjimit, sot Amnesty International shpalli se beson se 36 të burgosur janë vrarë nga forcat e sigurisë në burgjet iraniane. Duhet të kryhen menjëherë hetime të pavarura lidhur me vdekjet e të burgosurve iranianë. Personat përgjegjës duhet të përballen me drejtësinë.
Iran: mbi 30 të burgosur janë vrarë nga forcat e sigurisë gjatë protestave në burgje për shkak të COVID-19
Raporte se forcat e sigurisë kanë përdorur plumba dhe gaz lotsjellës në burgje, dhe i kanë zhveshur e rrahur të burgosurit pas shtypjes së protestave. Adoleshenti i dënuar me ekzekutim duket se është rrahur për vdekje pas pjesëmarrjes në protestë.
Tahar Boumedra – Regjimi i Iranit po e Keqpërdor Koronavirusin për të Zbutur Sanksionet Ekzistuese
Në një artikull në Euroneës, Z. Tahar Boumedra, ish-Kreu i Zyrës së të Drejtave të Njeriut në Misionin e Ndihmës të Kombeve të Bashkuara për Irakun (UNAMI), foli rreth shpërthimit të koronavirusit në Iran dhe rreth fushatës kriminale të regjimit për t’ua marrë jetën njerëzve në përpjekje për t’i hequr sanksionet.
Një zyrtar i qytetit të Teheranit thotë se zyrtarët iranianë të shëndetësisë po e fshehin shkallën e vërtetë të krizës së COVID-19
— Nëse është nevoja duhet të jepni dorëheqjen por thoni të vërtetën për COVID19.
— Zyrtarët e shëndetit dhe Presidenti nuk po flasin hapur për epideminë dhe nuk po u përgjigjen pyetjeve të njerëzve.
Regjimi nuk do t’ia dijë për njerëzit e infektuar me koronavirus
Është një djalë i ri që ka rënë. Kemi një orë që telefonojmë 115-ën dhe 110-ën. Ka 20-30 minuta, dhe 115 thotë nuk ka të bëjë me ne, e 110 thotë të njëjtën gjë.
The regime doesn't care about coronavirus infected people
Maryam Rajavi: Sot, ndryshimi i regjimit në Iran është i domosdoshëm jo vetëm për lirinë dhe demokracinë në këtë vend, por edhe për shëndetin e çdo individi në Iran dhe për mbrojtjen e shtëpive, qyteteve e fshatrave të tyre kundër fatkeqësive natyrore
Iran: Paralajmërim për një Katastrofë të Madhe në Burgje
Thirrje për aksion urgjent për të liruar të burgosurit, sidomos të burgosurit politikë
Në burgjet e regjimit iranian, të burgosurit janë në rrezik infektimi me koronavirus për shkak të mospërfilljes kriminale të regjimit.
Pavarësisht pandemisë së Koronavirusit, regjimi çnjerëzor klerikal refuzon t’i lirojë të burgosurit, sidomos të burgosurit politikë.
“Ka vetëm një zgjidhje për koronavirusin & tiraninë. Përmbysja e mullahëve”: Njësitë e Rezistencës të MEK
Rrjeti i PMOI/MEK brenda Iranit ekspozon paaftësinë e regjimit iranian gjatë shpërthimit të koronavirusit në Iran.
Ata vënë postera të liderit të Rezistencës Iraniane, Massoud Rajavi, dhe të Presidentes së NCRI-së, Maryam Rajavi, nëpër qytete.
Shkruajnë gjithashtu graffiti nëpër mure:
Mashhad—Poster i Maryam Rajavi-t: “Ka vetëm një zgjidhje për koronavirusin, për varfërinë, për shtypjen dhe tiraninë. Kjo zgjidhje është përmbysja e diktaturës fetare të mullahëve në tërësinë e saj.”
Isfahan—Postera të Presidentes së NCRI-së Maryam Rajavi dhe liderit të Rezistencës Iraniane Massoud Rajavi: “Do të rezistojmë dhe do ta luftojmë virusin e teokracinë në pushtet. Ky është qëllimi i jetës sonë.”
Teheran—Poster i Massoud Rajavi-t: “I uroj kombit të madh të Iranit përmbysjen e regjimit, liri dhe lumturi.”
Teheran—Poster i Massoud Rajavi-t: “Protesta në çdo rrugë e shesh!”
Teheran—Poster i Massoud Rajavi-t: “Populli iranian ka zgjedhur ta përmbysë Khamenei-n.”
Teheran— “Lirojini të gjithë të burgosurit politikë sa më shpejt të jetë e mundur.”
Rasht— “Khamenei, mullah i lig, ti je virusi i vërtetë”
Kerman— “Poshtë Khamenei dhe lavdi Rajavi-t”
Mehrshahr— “Lavdi Organizatës Muxhahedine të Popullit të Iranit dhe poshtë Khamenei.”
Rafsanjan—Massoud Rajavi: “Objektet dhe pajisjet shëndetësore duhet të jenë në dispozicion të popullit.”
Qom— “Shpërthimi i Koronavirusit ka ndodhur për faj të regjimit iranian & mullahëve.”
"There’s one solution for the coronavirus & tyranny. Overthrowing the mullahs": MEK Resistance Units
The Washington Times: Grupi disident pretendon se numri i vdekjeve nga koronavirusi në Iran është mbi 20,000
Këshilli i mërguar Kombëtar i Rezistencës së Iranit (NCRI) deklaroi të mërkurën se qeveria nuk ka qenë e sinqertë lidhur me numrin e vdekjeve, dhe thotë se ky numër është mbi 20,000 deri më sot, ndërsa të infektuarit janë mbi 500,000 nga 83 milion iranianë.
Ekspertët e regjimit e shohin në rritje kurbën e koronavirusit, por Rouhani këmbëngul t’i nxjerrë njerëzit në punë
Maryam Rajavi: Khamenei dhe Rouhani nuk duan t’ia dinë për jetën dhe shëndetin e njerëzve; Ata kanë për qëllim vetëm ta shpëtojnë regjimin e tyre nga një kryengritje
Sot, gjatë një mbledhjeje të kabinetit, Hassan Rouhani, duke ripërsëritur gënjeshtrat e tij të mëparshme, e mbrojti paturpësisht planin e kabinetit të tij për t’i nxjerrë njerëzit sërish në punë. Ai tha: “Jemi ende në procesin e kontrollimit të përhapjes së virusit … Nuk jemi shumë në ankth. Spitalet tona dhe departamentet mjekësore janë në gatishmëri. Të gjitha spitalet kanë shtretër dhe ICU (njësi të kujdesit intensiv) bosh.”
Duke pranuar paaftësinë e regjimit, Rouhani shtoi: “T’u themi njerëzve të rrinë në shtëpi për shkak të kësaj sëmundjeje ngjitëse, do të ishte gjëja më e lehtë për qeverinë, por nuk është e mundur. Ka disa që janë punëtorë mëditës, nëse nuk punojnë një ditë, nuk marrin të ardhura, dhe nuk mund të sigurojnë jetesën… Çfarë duhet të bëjmë për ta? Çfarë duhet të bëjmë për njerëzit bizneset e të cilëve kanë qenë të mbyllura gjatë dy muajve të fundit, të cilëve u duhet të paguajnë fatura, borxhe e qira?… Më përpara, lufta jonë ishte të qëndronim në shtëpi, por tani është të vazhdojmë me veprimtaritë ekonomike. Nuk kemi zgjedhje tjetër.”
Kjo ndërkohë që, dje, Ministri i Shëndetësisë në kabinetin e Rouhani-t, duke folur në parlamentin e regjimit, tha se “Tani jemi në fazën e menaxhimit të shpërthimit të virusit” dhe ende nuk e kemi “kontrolluar dhe frenuar atë. Nuk duhet të kemi iluzione apo t’i llogarisim gjërat gabim.”
Lidhur me komentet e Rouhani-t sot, Znj. Maryam Rajavi, Presidentja e zgjedhur e Këshillit Kombëtar të Rezistencës së Iranit (NCRI) tha: Për Khamenei-n dhe Rouhani-n, jeta dhe mirëqenia e njerëzve nuk kanë asnjë vlerë. Ata duan vetëm ta mbrojnë regjimin e tyre nga rreziku i një kryengritjeje. Vendimi për t’i nxjerrë njerëzit në punë është krim kundër njerëzimit dhe do të shkaktojë viktima të panumërta. Impakti vdekjeprurës i këtij vendimi nuk do të mbetet vetëm brenda kufijve të Iranit dhe do të sjellë rrezikun e një vale të re të shpërthimit të virusit në rajon e në vende të tjera.
Znj. Rajavi bëri thirrje për masa të efektshme ndërkombëtare dhe përsëriti se ekzistojnë shuma të mëdha parash që i përkasin popullit iranian, të cilat janë vjedhur nga institucione të ndryshme të korruptuara nën kontrollin e Khamenei-t dhe IRGC-së, para të cilat mund të mbulojnë shpenzimet e punëtorëve dhe rrogëtarëve deri sa të mbarojë kriza e Koronavirusit, dhe që duhet t’u hiqen nga duart mullahëve e të vihen në dispozicion të popullit iranian.
Pas një presioni shumë të madh shoqëror e ndërkombëtar, regjimi i Iranit ka vendosur t’i lirojë përkohësisht disa nga të burgosurit për shkak të koronavirusit. Bota e ka fajësuar regjimin për neglizhencën e tij dhe fshehjen e fakteve lidhur me shpërthimin e koronavirusit si dhe për ankthin e familjeve të të burgosurve nga përhapja e virusit në burgje.
Gjiithashtu, kryegjyqtari i regjimit shpalli se do të lirohen 90,000 të burgosur, por asnjë burim i pavarur nuk e ka konfirmuar lirimin e kaq shumë të burgosurve. Rebelimet javët e fundit në burgje të ndryshme të vendit treguan se kjo deklaratë e regjimit ishte thjesht një manovër, dhe asnjë i burgosur politik nuk do të lirohet.
Komuniteti ndërkombëtar, organizatat, aktivistët civilë e politikë kanë kërkuar herë pas here që regjimi t’i lirojë përkohësisht të burgosurit në mënyrë që ata të mos përballen me përhapjen e virusit vdekjeprurës në burgje. Megjithatë, pavarësisht kërkesave të komunitetit ndërkombëtar, drejtësia e regjimit ka refuzuar t’i lirojë të burgosurit politikë, madje as me garancinë e një pagese të madhe. Përkundrazi, regjimi nuk ka lejuar krijimin e lehtësirave shëndetësore në burgje.
Kjo gjë ka shkaktuar kryengritje të shumta nëpër burgje, si në Abadan ku më 3 prill, rojat e burgut hapën zjarr mbi të burgosurit, gjë që rezultoi në 20 vdekje e rreth 100 plagosje.
Nga 27 deri më 29 mars, ngjarje të ngjashme ndodhën edhe në Saqqez, Tabriz dhe në burgun Adel Abad në Shiraz, ku rojat hynë në burg dhe sulmuan të burgosurit.
Më 4 prill, një dëshmitar nga Ahvaz tha: “Ky burg është si një grup magazinash. Në secilën magazinë ruhen 1000 të burgosur. Gjithsej këtu mbahen rreth 8000 të burgosur.”
Për t’i detyruar rojat t’i hapin dyert e burgut, të burgosurit u vunë zjarrin qelive, por rojat prapë nuk pranuan t’i hapnin dyert, dhe një i burgosur 25-vjeçar vdiq për shkak të zjarrit.
Më 30 mars, shtatë të burgosur, Mohammad Tamoli, Mohammad Lafteh, Mohammad Salamat, Ali Khafaji, Majid Zobeydi, Shahin Zoheyri dhe Seyedreza Khorassani (Maghinami), u qëlluan për vdekje nga forcat represive dhe rojat e burgut, dhe shumë të tjerë u plagosën. Regjimi është përpjekur ta fshehë këtë krim të tmerrshëm dhe ta parandalojë zbardhjen e tij.
Të martën më 31 mars, të burgosurit e burgut Sheyban në Ahvaz u rebeluan kundër regjimit nga frika e përhapjes së koronavirusit nëpër burgje. Forcat e IRGC-së dhe rojat speciale të burgut i sulmuan të burgosurit dhe për orë të tëra u dëgjuan të shtëna nga brenda objektit. Dëshmitarët thanë se, kur u errësua, në burg hynë ambulancat të cilat i transferuan të plagosurit, të shoqëruar nga ushtarakë.
Në një konferencë virtuale në Gjenevë të shtunën më 4 prill, zëdhënësi i OKB-së për të drejtat e njeriut, Rupert Colville, shprehu shqetësim për të burgosurit pas raporteve që tregojnë për trazira në burgje nga shkaku i frikës nga përhapja e koronavirusit.
“Siç e shihni, në Iran e në disa vende të tjera po shohim rebelime, të burgosurit që janë të frikësuar, që janë të shqetësuar nga humbja e madhe e kontaktit me familjarët, e kështu me radhë. Pra ka shumë, shumë probleme lidhur me këtë,” tha Colville.
Znj. Maryam Rajavi, Presidentja e zgjedhur e Këshillit Kombëtar të Rezistencës, i ka bërë thirrje Komisioneres së Lartë të OKB-së për të Drejtat e Njeriut, Raportuesit Special mbi situatën e të drejtave njerëzore në Iran, dhe organeve të tjera përkatëse ndërkombëtare që të veprojnë menjëherë për ta detyruar regjimin ta bëjë publike vendndodhjen dhe gjendjen e të arrestuarve e të burgosurve të plagosur që janë zhdukur. Ajo u bëri thirrje gjithashtu familjarëve e miqve të të burgosurve që të kërkojnë informacion mbi gjendjen e tyre dhe të ngulin këmbë deri sa ata të lirohen pa kushte. Regjimi klerikal duhet t’i lirojë të gjithë dhe kjo është e vetmja mënyrë për t’i shpëtuar
Parlamenti i regjimit bllokon mocionin urgjent për një karantinim një mujor mbarëkombëtar
Organizata Muxhahedine e Popullit të Iranit (PMOI / MEK) shpalli të martën, më 7 prill 2020, se numri i vdekjeve nga Koronavirusi në 245 qytete të Iranit është të paktën 20,400.
Ndërkohë, Parlamenti i regjimit ka bllokuar diskutimin e një mocioni urgjent me tre prioritete për një karantinim një mujor mbarëkombëtar në mënyrë që të parandalohet shtimi i vdekjeve. Mocioni, i nënshkruar nga 80 deputetë, kundërshtonte urdhrin e Hassan Rouhani-t për t’i rikthyer njerëzit në punë (javën që vjen). U bllokua sepse “shkel kushtetutën.”
Abdolreza Rahmani Fazli, Ministri i Brendshëm në kabinetin e Rouhani-t, përsëriti gënjeshtrat e tij të zakonshme duke thënë në Parlament: “Nuk ka vend për shqetësim, nisur nga masat e marra për kontrollimin e Koronavirusit. Ka ekspertizë të mjaftueshme; kurba e përhapjes është në rënie në të gjithë vendin.”
Megjithatë, Saeed Namaki, Ministri i Shëndetësisë i regjimit, duke folur në të njëjtën seancë, theksoi se “Nuk ka gjë më të keqe për ekonominë e vendit sesa vazhdimësia e përhapjes së koronavirusit.” Duke e shprehur në mënyrë indirekte kundërshtimin e tij (ndaj rihapjes së ekonomisë), ai theksoi, “Tani jemi në fazën e menaxhimit të shpërthimit të virusit dhe ende nuk e kemi “kontrolluar dhe frenuar virusin. Nuk duhet të kemi iluzione apo t’i llogarisim gjërat gabim.”
Namaki bëri thirrje për një mbledhje me dyer të mbyllura dhe pohoi për të parën herë se virusi ka hyrë në Qom e në Gilan në mënyrë të pavarur. Ai tha: “23 ekipe epidemiologësh po punojnë për të zbuluar se ku e ka patur origjinën sëmundja. Ajo që ka ndodhur në Gilan nuk ka lidhje me atë që ka ndodhur në Qom. I kemi hulumtuar të gjitha këto, dhe do të flasim për këtë gjë në një seancë me dyer të mbyllura …”
Në një deklaratë të publikuar më 27 mars, Rezistenca Iraniane zbardhi faktin se në fund të janarit, Koronavirusi ka qenë i pranishëm në Astara dhe Talesh (në Iranin veri-perëndimor). Në fillim të janarit, një numër i madh turistësh kinezë kishin shkuar në Astara dhe në zonën e lirë Bandar Anzali nga Republika e Azerbaixhanit.” Komiteti i Sigurisë dhe Antiterrorizmit i Këshillit Kombëtar të Rezistencës së Iranit (NCRI), në deklaratat e tij të datave 20 e 31 mars, si dhe 3 prill 2020, ka zbardhur dokumentat e shtrimit në spital të 11 pacientëve me Koronavirus në Teheran nga 25 janari deri më 7 shkurt 2020.
Alireza Zali, kreu i Taskforcës Kombëtare për Luftimin e Koronavirusit (NCCT) në Teheran, tha në televizionin shtetëror: “Kemi patur 28% rritje në numrin e shtrimeve në spital në seksionet e zakonshme, dhe 15% rritje në njësinë e kujdesit intensiv gjatë tre ditëve të fundit, ndërkohë që kemi liruar më pak pacientë ditët e fundit… Kurba është ende në rritje… Popullsia e Teheranit është e madhe dhe e shumëllojshme…kapacitetet tona nuk mund ta përballojnë një volum të tillë.” Pas një mbledhjeje të këshillit të qytetit të Teheranit, Zali tha për Agjencinë shtetërore të Lajmeve Fars: “Teherani është ende një nga pikat kyçe të shpërthimit të koronavirusit, dhe nuk ka pothuajse asnjë zonë të paprekur në qytet për shkak të volumit të trafikut mes zonave brenda qytetit.”
Znj. Maryam Rajavi, Presidentja e zgjedhur e NCRI, tha se dëshpërimi dhe histeria e zyrtarëve përballë MEK-ut dhe Rezistencës Iraniane, teksa i afrohen fundit të regjimit të tyre, është plotësisht e qartë dhe e kuptueshme. Refuzimi nga ana e parlamentit për të diskutuar një “mocion urgjent për karantinimin e vendit” është një tjetër tregues i bashkëpunimit mes Khamenei-t, Rouhani-t, dhe zyrtarëve të tjerë në marrjen e vendimit kriminal për t’i nxjerrë përsëri në punë njerëzit, gjë që është, në të vërtetë, një kurth vdekjeje. Znj. Rajavi vuri në dukje se ky është një krim kundër njerëzimit, sidomos për shkak se shumica dërrmuese e ekspertëve të regjimit theksojnë se Koronavirusi nuk është frenuar ende dhe se po përhapet në shumë zona. Si rrjedhim, rikthimi në mënyrën e zakonshme të jetës e punës, do t’ua marrë jetën një numri të stërmadh njerëzish.
Iran Human Rights Monitor (Iran HRM) ka publikuar raportin mujor për muajin e marsit, në të cilin fokusohet tek shpërthimi i koronavirusit në Iran, veçanërisht nëpër burgjet iraniane.
Duke iu referuar rebelimeve të vazhdueshme nëpër burgjet e Iranit, Iran HRM shkruan: “Shumë të burgosur në burgje të ndryshme të Iranit janë infektuar me këtë sëmundje. Gjashtë të burgosur kanë humbur tashmë jetën në Burgun e Teheranit të Madh (Fashafuyeh), ku mungon edhe higjiena më minimale. Të burgosurit që vuajnë nga koronavirusi nuk veçohen nga të tjerët në këtë burg.”
Sipas Iran HRM, muaji i marsit ka qenë i tëri nën hijen e shpërthimit të koronavirusit. Organizata Muxhahedine e Popullit të Iranit shpalli të hënën se koronavirusi ua ka marrë jetën tashmë më shumë se 19,500 iranianëve në mbarë vendin.
Të burgosurit në Iran kanë qenë veçanërisht të pambrojtur nga kjo përhapje e virusit. Ata nuk kanë mundur t’i shmangen virusit, pasi kur ai hyn në një burg, është e sigurtë që do të përhapet mes të burgosurve në kushtet e rënda jo higjienike ku ata mbijetojnë.
Regjimi iranian pati thënë në shkurt se të burgosurve do t’u jepej liridalje për shkak të krizës shëndetësore. Kryegjyqtari i regjimit, Ebrahim Raisi, pati thënë gjithashtu se nuk do të pranoheshin të burgosur të rinj në provincën e Teheranit. Megjithatë, kjo nuk ka ndodhur – ka patur një numër të burgosurish të rinj që janë pranuar.
Edhe në këtë situatë, të burgosurit politikë po diskriminohen dhe është shpallur se atyre nuk do t’u jepet liridalje.
Gjatë muajit mars, një numër të burgosurish nisën greva urie për shkak të vazhdimësisë së mbajtjes në burg dhe kushteve të fëlliqura ku ata mbahen. Më pas vijuan rebelimet dhe një numër të burgosurish mundën të arratiseshin. Ata donin thjesht të mbroheshin nga Koronavirusi.
“Qindra të burgosur nisën greva urie, duke u kërkuar autoriteteve që t’i dezinfektonin rregullisht burgjet, t’u jepnin maska e dezinfektues duarsh të burgosurve, t’i karantinonin ata që dyshohet se janë të infektuar dhe t’i jepnin liridalje sa më shumë të burgosurve që të jetë e mundur,” lexon raporti.
11 prill 2020
11 prill 2020
Shpërthimi i koronavirusit në Iran- prill 2020
11 prill 2020
9 prill 2020
9 prill 2020
8 prill 2020
Iran Human Rights Monitor (Iran HRM) ka publikuar