16 prill 2020

Fshehje faktesh nga frika e një kryengritjeje popullore
Mbyllet uebsiti i Regjistrimit Civil dhe universiteteve mjekësore u ndalohet publikimi i statistikave

Organizata Muxhahedine e Popullit të Iranit (PMOI / MEK) shpalli të enjten, më 16 prill 2020, se numri i vdekjeve nga Koronavirusi e ka tejkaluar shifrën 30,000 në 294 qytete. Numri i viktimave në provincën Teheran është 4,970, Qom 2,810, Isfahan 2,145, Mazandaran 1,910, Alborz 1,135, Golestan 1,050, Azerbaixhani Lindor 950, Kermanshah 845, Fars 790, Hamedan 750, Kurdistan 490, Provinca Qendrore 490, Zanjan 450, Khorasan Verior 315, Chaharmahal dhe Bakhtiari 276, Ilam 250, Kohgiluyeh dhe Boyer-Ahmad 170, dhe Khorasan Jugor 105.

Regjimi klerikal ka marrë masa të paprecedent për ta fshehur numrin tronditës të viktimave të Koronavirusit sepse është i tmerruar nga zemërimi dhe kryengritjet e popullit. Sipas urdhrit të Ministrisë së Inteligjencës, portali i Regjistrimit Civil të vendit është mbyllur për të mos lejuar daljen e informacioneve lidhur me numrin e vdekjeve. Regjistrimi Civil për Teheranin, i cili publikon një tabelë mujore me numrin dhe shkaqet e vdekjeve në provincë, nuk e ka publikuar tabelën për muajin mars 2020. Tabela është publikuar çdo muaj gjatë 11 muajve të parë të vitit të fundit të kalendarit iranian (që mbaron më 20 mars 2020). Sipas agjencisë zyrtare të lajmeve të regjimit, që “tre ditë më parë, universitetet e shkencave mjekësore nuk pranojnë t’i japin statistikat e të vdekurve apo të infektuarve nga Koronavirusi në asnjë provincë.”

Duke komentuar lidhur me rritjen e numrit të vdekjeve nga Koronavirusi përtej pragut 30,000, situatën tronditëse e të dhimbshme të punëtorëve fëmijë, dhe infektimin e shumë prej tyre, Znj. Maryam Rajavi, Presidentja e zgjedhur e Këshillit Kombëtar të Rezistencës së Iranit (NCRI), tha se masakrimi i anëtarëve të guximshëm të MEK dhe i të rinjve rebelë nga teokracia fetare është zgjeruar tashmë në vrasjen masive të fëmijëve të këtij kombi, në mesin e tragjedisë së Koronavirusit. E vetmja rrugëdalje është ta çrrënjosim regjimin e lig klerikal dhe ta pastrojmë atdheun tonë si nga Koronavirusi, ashtu edhe nga virusi i mullahëve.”

16 prill 2020

Khorramabad, lagjja Falakedin – 15 prill 2020

Raportet dhe filmimet nga Irani tregojnë se të mërkurën, forcat represive të regjimit iranian kanë sulmuar dhe ua kanë shembur shtëpitë të varfërve në provincën Khorramabad të Iranit perëndimor. Kjo ka ndodhur në mesin e krizës së koronavirusit,  i cili deri tani ua ka marrë jetën afërsisht 30,000 njerëzve.

Të martën, prokurori i Khorramabad sulmoi lagjen e varfër Falak-e-din dhe nisi t’i shembë shtëpitë që këta njerëz të varfër i kishin ndërtuar me mjetet e veta pas dëmtimeve nga përmbytjet. Pas këtij sulmi vijuan një seri përplasjesh mes forcave të sigurisë dhe banorëve që po përpiqeshin të mbronin shtëpitë e tyre. Forcat e regjimit filluan t’i godisnin egërsisht banorët dhe lënduan disa të moshuar nën rrënojat e shtëpive.

16 prill 2020

Të martën, Shoqata e Korrespondentëve të Akredituar në Kombet e Bashkuara (ACANU), organizoi një seminar online për të diskutuar situatën në burgjet e Iranit, dhe sidomos në godinat ku mbahen të burgosurit politikë, gjatë pandemisë së koronavirusit. Ky event theksoi fshehjen e përgjithshme të fakteve lidhur me infektimet dhe kushtet në këto burgje, si dhe rastet specifike të fshehjes së fakteve lidhur me rebelimet e organizuara nga disa grupe të burgosurish që janë të shqetësuar nga rrezikut i koronavirusit të ri.

Në këtë seminar foli një ish i burgosur politik iranian i cili ia doli të arratisej nga vendi vitin e shkuar ndërkohë që ishte në lirim me kusht. 31-vjeçari ishte mbajtur për muaj të tërë në izolim për faktin se kishte shfaqur në publik një foto të udhëheqëses së opozitës iraniane, Maryam Rajavi. Gjatë asaj kohe, ai ka parë kushte që pa dyshim e kanë përgatitur terrenin për përhapjen e shpejtë të një sëmundjeje kaq të rrezikshme sa Covid-19.

Tregimet e këtij ish të burgosuri për qelitë e ndyra, mbipopullimin e rëndë, mohimin e trajtimit mjekësor dhe mungesën e sapunëve e produkteve të pastrimit janë vërtetuar nga një numër raportesh të kohëve të fundit mbi burgjet në të cilat kanë ndodhur rebelimet lidhur me koronavirusin. Seminari vuri në dukje se përhapjet e sëmundjeve ngjitëse kanë ndodhur rëndom në këto burgje që përpara fillimit të pandemisë globale. Kjo gjë natyrisht hedh dyshime të mëdha mbi përpjekjet e hershme të regjimit iranian për të mohuar përhapjen e Covid-19 në sistemin e burgjeve.

15 prill 2020

Iran: Koronavirus

Gënjeshtra patetike nga Rouhani, zyrtari i regjimit pranon se 70 deri në 100 njerëz vdesin në Teheran çdo ditë, 800,000 të infektuar në mbarë vendin

Organizata Muxhahedine e Popullit të Iranit (PMOI / MEK) shpalli të mërkurën, më 15 prill 2020, se numri i vdekjeve nga koronavirusi e ka tejkaluar shifrën 29,000 në 278 qytete.

Numri i viktimave në Teheran është 4,700, Qom 2,750, Isfahan 2,120, Khuzestan 1,190, Golestan 1,030, Azerbaixhani Perëndimor 880, Azerbaixhani Lindor 775, Fars 770, Lorestan 660, Semnan 490, Provinca Qendrore 470, Bushehr 170, dhe Hormozgan 85.

Pavarësisht rritjes së numrit të të vdekurve, Rouhani përsëriti prapë gënjeshtrat e tij sot. Ai tha: “Nuk ka pacient që të jetë refuzuar nga ndonjë spital në asnjë provincë apo qytet të vendit. Nuk ka patur mungesa shtretërish, qoftë edhe në njësitë e trajtimit intensiv… Nuk dimë as edhe një rast të vetëm gjatë tre muajve të fundit ku dikush të mos jetë shtruar në spital për shkak të varfërisë…. Të gjithë (janë pranuar) me sigurimet e tyre dhe në rastet e vështirësive financiare, pacientëve nuk u është kërkuar të paguajnë…. Armiqtë tanë duhet t’i japin fund propagandës që thotë se vitin e shkuar qeveria ishte në situatë të keqe, dhe këtë vit do të jetë edhe më keq…. Ky vit do të jetë një vit i mirë… Ata i paraqesin rrethanat si të këqija dhe duan ta terrorizojnë popullin, por këto janë gënjeshtra të plota e pa bazë.”

Ndërkohë, zyrtarët dhe ekspertët e regjimit, si dhe mediat shtetërore i refuzojnë vazhdimisht shifrat zyrtare të viktimave dhe paralajmërojnë për rritjen e përmasave të pandemisë në Iran. Komiteti i Shëndetësisë i Këshillit të Qytetit të Teheranit tha sot për të përditshmen Sharq, “Sipas shifrave që disponoj, 70 njerëz në rastin më të mirë, dhe mbi 100 në rastin më të keq vdesin nga Covid-19 në Teheran çdo ditë.” Pra, numri i viktimave është 4,000 deri në 6,000 vetëm në Teheran.

14 prill 2020

Deklaratat e IRGC-së se kartelet e kontrolluara nga Khamenei kanë ofruar ndihma, kanë për qëllim zbutjen e zemërimit dhe urrejtjes së publikut.  

Regjimi mashtron duke e deklaruar më të ulët nga ç’është vërtet numrin e vdekjeve dhe të të infektuarve.

Maryam Rajavi: Populli iranian nuk po u kërkon bamirësi mullahëve. Pasuria e tij, e vjedhur nga IRGC, fondacionet e kontrolluara nga Khamenei dhe fondacioni Astan-e Quds Razavi, duhet të vihet në shërbim të popullit.

Presioni i madh i ushtruar nga populli dhe Rezistenca iraniane dhe impakti i tij brenda regjimit për sa i përket fondacioneve të kontrolluara nga Khamenei, ka arritur deri në atë pikë sa, sot, në një refren të koordinuar e të përgatitur posaçërisht, Zëdhënësi i Ministrisë së Shëndetësisë iu bashkua Drejtësisë, IRGC-së, dhe medias duke thënë, “Fondacioni Mostazafan, Astan-e Quds Razavi, dhe sidomos Ekzekutimi i Urdhrit të Imam Khomeini-t (EIKO) kanë ofruar mbështetje të madhe për Taskforcën e Luftimit të Koronavirusit. Veprimet e ndërmarra nga EIKO kanë qenë mbresëlënëse për sa i përket shpejtësisë, cilësisë, dhe sasisë!”

Organizata Muxhahedine e Popullit të Iranit (PMOI / MEK) shpalli sot se numri i vdekjeve nga Koronavirusi e ka tejkaluar shifrën 28,200 në 273 qytete të vendit. Numri i viktimave në Provincën Teheran është 4,550, Qom 2700, Khorasan Razavi 2,400, Gilan 2,310, Isfahan 2,030, Alborz 1060, Golestan 970, Kermanshah 770, Fars 690, Semnan 460, Chahar Mahal dhe Bakhtiari 260, Ilam 230, Bushehr 150, dhe Hormozgan 65.

Ndërkohë që regjimi përpiqet ta zvogëlojë numrin e të vdekurve dhe të të infektuarve duke publikuar statistika të rreme, madje duke i çuar shifrat edhe më poshtë nga ç’i kishte deklaruar ditët e mëparshme, dhe duke i detyruar njerëzit t’i rikthehen punës për të bërë sikur e ka nën kontroll përhapjen e koronavirusit, Ministri i Shëndetësisë i regjimit tha sot, “Komponenti i së ardhmes i këtij virusi është i paparashikueshëm, dhe është e mundur të përballemi me valë të forta të pandemisë në vjeshtë ose në dimër… Raporti i shtretërve të spitaleve me popullsinë është 1.6 shtretër për çdo 1,000 persona, më pak se në çdo vend europian, ku për shembull, Franca ka një raport prej 6.6 shtretërish për çdo 1,000 persona… Koronavirusi është i ri, dhe nuk e dimë ende nëse ngrohja e motit do të kontribuojë në frenimin e tij. Shpresojmë ta frenojmë valën e parë nga fundi i majit ose fillimi i qershorit, por nuk duhet të mendojmë se duke bërë kështu, ky virus i egër do të na lërë rehat… duhet të përgatitemi për ditë shumë më të vështira.”