23 prill 2020

Shkeljet e vazhdueshme të të drejtave njerëzore nga regjimi iranian, veçanërisht ekzekutimi i minorenëve dhe të burgosurve të tjerë ditët e fundit, dhe mos-lirimi i të burgosurve në mesin e përhapjes së koronavirusit, janë dënuar nga komuniteti ndërkombëtar.

Komisionerja e Lartë e OKB-së për të Drejtat e Njeriut Michelle Bachelet të mërkurën dënoi ekzekutimin e Shayan Saeedpour, që ishte ekzekutimi i dytë i një kundërvajtësi minoren në ditët e fundit nga autoritetet iraniane. Z. Saeedpour ishte riarrestuar pasi kishte marrë pjesë në një kryengritje në burgun e Saqqez kundër kushteve të burgut në mesin e krizës së koronavirusit. Përpara Shayan-it, më 18 prill, u raportua se ishte ekzekutuar edhe Majid Esmailzadeh në burgun e Ardabil në provincën Ardabil. Ai ishte arrestuar në vitin 2012 dhe ishte dënuar për një vrasje që supozohet se e ka kryer kur ka qenë nën moshën 18 vjeç. Gjithashtu, dënimi me vdekje për Danial Zeinolabedini-n, i cili ishte dënuar pavarësisht faktit që kishte qenë nën 18 vjeç në kohën e kryerjes së krimit, u miratua më 2 prill pasi u rrah nga zyrtarët e burgut Miandoab në provincën e Azerbaixhanit Perëndimor. Ai ishte transferuar atje së bashku me të burgosur të tjerë që kishin ngritur krye në burgun Mahabad më 28 mars në protestë ndaj kushteve të burgut dhe faktit që autoritetet nuk i kishin liruar ata përkohësisht për shkak të shpërthimit të koronavirusit.

“Ekzekutimi i këtyre dy kundërvajtësve fëmijë është absolutisht i ndaluar sipas ligjit ndërkombëtar për të drejtat e njeriut. Organe e ekspertë të shumtë të Kombeve të Bashkuara e kanë bërë të qartë në shumë raste se dhënia e dënimit me vdekje për krime të kryera nga njerëz që kanë qenë nën moshën 18 vjeç në kohën e krimit është rreptësisht e ndaluar,” tha Komisionerja e Lartë.

“Pavarësisht ndërhyrjeve dhe angazhimit të shpeshtë nga Zyra ime me Qeverinë e Iranit lidhur me këtë çështje, dënimet dhe ekzekutimet e kundërvajtësve fëmijë vazhdojnë. Kjo është një gjë për të ardhur keq dhe e dënueshme, nisur nga paligjshmëria e qartë e këtyre veprimeve. E përsëris thirrjen time drejtuar autoriteteve iraniane që t’i përmbushin detyrimet e tyre ndërkombëtare lidhur me të drejtat e njeriut, t’i ndalin menjëherë të gjitha ekzekutimet e kundërvajtësve minorenë dhe t’i ulin të gjitha dënimet e tilla me vdekje në dënime më të lehta,” shtoi ajo, duke iu referuar faktit që regjimi i mullahëve i ka shpërfillur kritikat ndërkombëtare dhe thirrjet për t’i dhënë fund shkeljeve të të drejtave njerëzore.

“Fakti që dy nga këta kundërvajtës fëmijë që kanë humbur jetën gjatë tre javëve të fundit kanë qenë të përfshirë në protesta të nxitura nga frika e përhapjes së COVID-19 në burgje ngre shqetësim të madh për mundësinë e ekzekutimeve të përshpejtuara për të burgosur të tjerë të dënuar me vdekje të cilët kanë qenë të përfshirë në këto protesta,” tha Bachelet.

Në një tjetër zhvillim, të mërkurën më 22 prill, regjimi iranian vari të paktën 11 të burgosur në burgjet Gohardasht, Kermanshah, Sanandaj dhe Dastgerd (Isfahan).

Duke iu referuar abuzimeve të vazhdueshme të të drejtave të njeriut nga regjimi i mullahëve, Znj. Maryam Rajavi, Presidentja e zgjedhur e Këshillit Kombëtar të Rezistencës së Iranit (NCRI), theksoi se regjimi nuk ka sjellë gjë tjetër për Iranin dhe iranianët veçse shtypje, ekzekutime, varfëri, dhe korrupsion. Ajo tha se, në mënyrë që ta frikësojë dhe terrorizojë publikun dhe ta marrë nën kontroll situatën në mesin e katastrofës së koronavirusit, regjimi po i ekzekuton të burgosurit në vend që t’i lirojë ata.

Znj. Rajavi i bëri thirrje edhe një herë komunitetit ndërkombëtar, sidomos Sekretarit të Përgjithshëm të OKB-së, Komisioneres së Lartë për të Drejtat e Njeriut dhe Këshillit të të Drejtave të Njeriut, si dhe Raportuesve të OKB-së për të Drejtat Njerëzore e organizatave të tjera të të drejtave njerëzore që të ndërhyjnë menjëherë për t’i ndalur ekzekutimet, për të siguruar lirimin e të burgosurve, dhe për të parandaluar një katastrofë humanitare në burgjet e regjimit.

Siç ka thënë Znj. Rajavi: “Sot, jo vetëm liria e popullit të Iranit, por vetë jeta e shëndeti i tij, si dhe ekonomia e ekzistenca e vendit varen nga përmbysja e regjimit klerikal.”

23 prill 2020

Dy javë pasi Khamenei dhe Rouhani e detyruan klasën e ulët t’i rikthehej punës, nis vala e re e përhapjes së Koronavirusit, sidomos në Teheran e Khuzestan

Kreu i Taskforcës për Luftimin e Koronavirusit: Numri i pacientëve të jashtëm në Teheran të mërkurën ishte 6,390

Organizata Muxhahedine e Popullit të Iranit (PMOI / MEK) shpalli të enjten, më 23 prill 2020, se viktimat nga Koronavirusi e kanë tejkaluar numrin 34,200 në 296 qytete të Iranit.

Sipas personelit mjekësor në Rasht (Irani verior), drejtorët e spitaleve të qytetit ishin udhëzuar që në fillim që të shtronin në spital vetëm pacientët në gjendje kritike, dhe pacientët e tjerë me koronavirus t’i dërgonin në shtëpi me një recetë. Si rezultat, shumë njerëz kanë vdekur në shtëpitë e tyre, dhe emrat e tyre nuk janë regjistruar. Vetëm në spitalin Razi, të paktën gjashtë njerëz vdesin nga Koronavirusi çdo ditë, por shkaqet e vdekjes raportohen ndryshe.

Në provincën e varfër Sistan dhe Baluchestan, shumë viktima, sidomos fshatarët dhe qytetarë pakistanezë e afganë, të cilët nuk kanë akses në spitale, kanë vdekur dhe janë varrosur në shtëpitë dhe fshatrat e tyre.

Në një zhvillim tjetër, më pak se dy javë pasi Ali Khamenei dhe Hassan Rouhani i detyruan njerëzit t’i riktheheshin punës, një valë e re e sëmundjes ka nisur në Teheran e në provinca të tjera. Zyrtarët e regjimit pretendojnë se kjo valë e re është shkaktuar nga udhëtimet me rastin e Novruzit (Vitit të Ri Pers) dhe mos-zbatimit të rregullave të distancimit social nga njerëzit.

22 prill 2020

Ish Kryekomandanti i IRGC, Jafari: E kthejmë rrezikun e Koronavirusit në një mundësi, ka viruse edhe më të rrezikshme në shoqëri të cilat nuk janë të prekshme

Sot, Hassan Rouhani, i irrituar nga ekspozimi i gënjeshtrave të tij, përsëriti retorikën e tij të tepruar e mburracake: “Pse duhet të kërkojmë për të meta dhe t’i zmadhojmë vazhdimisht? Ka plot kanale satelite që e bëjnë këtë, s’është nevoja për individë të brendshëm.” Rouhani shtoi: “Një pakicë e vogël i marrin udhëzimet nga jashtë vendit, dhe fatkeqësisht këta (individë të brendshëm) përsërisin atë çfarë u thuhet dhe veprojnë si zëdhënës për të huajt. Ata janë skeptikë për statistikat, trajtimin, dhe progresin e vendit, si dhe për efikasitetin e sistemit, dhe ditë e natë mundohen t’i bindin të tjerët.”

Në një zhvillim tjetër, sot, Gjeneral Major Mohammad Ali Jafari, ish-kryekomandanti i IRGC-së, përsëriti se regjimi dëshiron ta “kthejë rrezikun e koronavirusit në një mundësi.” Ai tha për agjencinë e lajmeve të IRGC-së, Fars, “Duhet ta marrim seriozish këtë ushtrim dhe ta përdorim si eksperiencë sepse në shoqëri ka koronaviruse të tjera më të rrezikshme të cilat nuk janë të prekshme dhe nuk i ndiejmë. Duhet aftësi për ta përdorur këtë mundësi.”

Më herët, më 11 prill 2020, Lideri i Rezistencës Iraniane Massoud Rajavi kishte deklaruar se për Khamenei-n, “Çdo vdekje është një mundësi e një bekim.”

Mohammad Hossein Ghorbani, zëvendës komisioner i shëndetit në parlamentin e regjimit dhe përfaqësues i Ministrisë së Shëndetësisë në Gilan, tha për agjencinë shtetërore të lajmeve Tasnim: “Heqja e kufizimeve mbi trafikun ndër-provincial është e rrezikshme dhe katastrofike. Nëse nuk merren masat e duhura, fillimi i një kulmi të ri nuk është larg realitetit.”

Ndërkohë, Mohammad Alikhani, kreu i Komisionit të Transportit në Këshillin e Qytetit të Teheranit, tha për të përditshmen shtetërore Shahrvand se 317 shoferë taksish janë infektuar me koronavirus, nga të cilët 19 kanë humbur jetën.

22 prill 2020

Iran: Karaj, burgu Gohardasht

Maryam Rajavi: Për të terrorizuar njerëzit dhe për ta marrë nën kontroll situatën, mullahët kanë nisur ekzekutimet

Thirrje komunitetit ndërkombëtar që të veprojë për t’i ndalur ekzekutimet, për të siguruar lirimin e të burgosurve, dhe për të parandaluar një katastrofë humanitare

Me ardhjen e muajit të shenjtë të Ramazanit dhe ndërkohë që koronavirusi përhapet nëpër burgje, fashizmi fetar në pushtet ka nisur një valë të re varjesh në mbarë vendin. Të mërkurën më 22 prill, regjimi vari të paktën 11 të burgosur në burgjet Gohardasht, Kermanshah, Sanandaj dhe Dastgerd (Isfahan).

Në Sanandaj është varur Loqman Ahmadpour, 30 vjeç, nga qyteti Baneh. Një ditë më parë, të burgosurin rebel Shayan Saeedpour, 17 vjeç në kohën e arrestimit, e transferuan nga burgu i Sanandaj në Saqqez, ku më pas e varën. Pesë të burgosur të tjerë në Sanandaj janë në pritje të ekzekutimit.

Mëngjesin e sotëm, shtatë të burgosur u varën në masë në burgun Gohardasht. Njëri prej viktimave kishte qenë në burg që në fillim të viteve 1990. Njëkohësisht, dy të burgosur të rinj janë varur në Dastgerd (Isfahan), dhe një i burgosur është varur në Kermanshah.

Znj. Maryam Rajavi, Presidentja e zgjedhur e Këshillit Kombëtar të Rezistencës së Iranit (NCRI), theksoi se regjimi i mullahëve nuk ka sjellë gjë tjetër për Iranin dhe iranianët përveç shtypjes, ekzekutimeve, varfërisë, dhe korrupsionit. Ajo tha, në mënyrë që ta frikësojë e terrorizojë publikun dhe ta vërë nën kontroll situatën në mesin e krizës së koronavirusit; regjimi po i ekzekuton të burgosurit në vend që t’i lirojë ata.

Znj. Rajavi i bëri thirrje sërish komunitetit ndërkombëtar, sidomos Sekretarit të Përgjithshëm të Kombeve të Bashkuara, Komisioneres së Lartë për të Drejtat e Njeriut dhe Këshillit të të Drejtave të Njeriut, si dhe Raportuesve të OKB-së për të Drejtat e Njeriut e organizatave të tjera të të drejtave njerëzorre që të ndërhyjnë menjëherë për t’i ndalur ekzekutimet, për të siguruar lirimin e të burgosurve, dhe për të parandaluar një katastrofë humanitare në burgjet e regjimit.

Sekretariati i Këshillit Kombëtar të Rezistencës së Iranit (NCRI)

22 prill 2020

22 Prill 2020

Jeta në nëntokë në Iran nën sundimin e mullahëve

Mes shpërthimit të koronavirusit në Iran, i cili deri më tani ka marrë jetën e mbi 33.400 njerëzve në të gjithë Iranin për shkak të mosveprimit dhe fshehjes nga ana e regjimit, publikimi i një video nga jeta e një grupi të “banorëve të varfër që jetojnë nën tokë”ka tronditur shoqërinë

Që nga shpërthimi i koronavirusit, regjimi iranian është përpjekur të fajësojë sanksionet që ka ndërmarrë qeveria e  Sh.B.A-së kundër Iranit si shkak për shkallën e lartë të vdekshmërisë së COVID-19 dhe krizave të tjera sociale siç është varfëria. Por ndëkohë institucionet financiare të regjimit kontrollojnë miliarda dollarë.

Kjo video zemëroi njerëzit pasi tregoi se si këta njerëz të varfër po diskriminohen nga sistemi demoniak i mullahëve.

Ky film tronditës është bërë në 16 Mars 2020, dhe u publikua në 20 Prill 2020, në faqen e internetit të drejtuar nga TV i shtetit të Hamshahrit. Edhe pse çështja e nëntokës së viktimave fatkeqe të varësisë nuk është e re, publikimi i këtij filmi ka tërhequr shumë vëmendjen në mediat sociale. Ajo ka shkaktuar një valë neverie të publikut.

Prania e vendeve të tilla në kontekstin e shpërthimit të gjerë të koronavirusit mund të jetë një nga shkaqet kryesore të përhapjes së kësaj sëmundje.

Ndërkohë, vetëm institucionet nën kontrollin e Liderit Suprem të regjimit, Ali Khamenei, kanë qindra miliarda dollarë, që janë kanë plaçkitur popullit iranian. Çdo ditë ekzistojnë gjithashtu shumë raporte për korrupsion të gjerë dhe kërkim të qirave nga grabitësit e regjimit.

E përditshmja Jomhuri – e Eslami, në redaksinë e saj nga mulla Massih Mohaxher, i cili është kryeredaktori i kësaj gazete që nga viti 1981, ka shkruar më 9 prill: “Duke marrë parasysh reçesionin ekonomik të shkaktuar nga koronavirusi, çfarë do të bëjnë institucionet e mëdha financiare, siç janë Ekzekutimi i Urdhrit të Imam Khomeinit, Fondacioni Mostazafan i Revolucionit Islamik dhe Astan Quds nëse nuk i shpenzojnë paratë e tyre për njerëzit e varfër?

Në një situatë të tillë, ekzistenca e vendeve të tilla është jo vetëm zemëruese për çdo qenie njerëzore që dëshmon këto skena, por tregon edhe thellësinë e tragjedisë dhe zinxhirëve të krizave për shkak të mbretërimit të mullahëve.

Në një nga rastet më të fundit të korrupsionit të regjimit, 4 8 miliardë dollarë humbën në qeverisjen e Hasan Rouhanit dhe kjo u zbulua gjatë luftrave të tyre të brëndshme për pushtet. Ky është rasti i ri i përvetësimit dhe korrupsionit të qeverisë Rouhani.

Ekzistenca e banorëve të nëndheshëm është një turp për mullahët, të cilët kanë shkatërruar Iranin.

Raportet dhe pamjet nga Irani tregojnë se të mërkurën, forcat shtypëse të regjimit iranian sulmuan dhe shkatërruan shtëpitë e njerëzve të varfër në provincën e Khoramabad në Iranin perëndimor. Shumë nga këta njerëz ishin njerëz të dëmtuar nga përmbytja dhe që jetonin në shtëpi të improvizuara.

Siç tha zonja Maryam Raxhavi, presidentja e zgjedhur e Këshillit Kombëtar të Rezistencës së Iranit (NCRI): “Mullahët janë asgjësues të ekonomisë së Iranit dhe burimeve të tij njerëzore dhe materiale”.

Siç tha zonja Maryam Rajavi, presidentja e zgjedhur e Këshillit Kombëtar të Rezistencës së Iranit (NCRI): “Mullahët janë asgjësues të ekonomisë së Iranit dhe burimeve të tij njerëzore dhe materiale”.

Prandaj, siç ka thënë vazhdimisht zonja Raxhavi: “Sot, jo vetëm liria e popullit të Iranit, por edhe vetë jeta dhe shëndeti i tyre, si edhe ekonomia dhe ekzistenca e vendit varen nga rrëzimi i regjimit klerik.”

21 prill 2020

Iran: Pacientët me koronavirus në një spital në Teheran

Organizata Muxhahedine e Popullit të Iranit (PMOI / MEK) shpalli të martën, më 21 prill 2020, se numri i vdekjeve nga Koronavirusi në 294 qytete të Iranit e ka tejkaluar shifrën 33,400.

Për ta fshehur numrin e vërtetë të viktimave, regjimi klerikal nuk është duke e publikuar numrin e vdekjeve veçmas për çdo provincë, duke nxitur kështu inatin e Këshillit të Qytetit të Teheranit. Një nga anëtarët e Këshillit, Nahid Khodakarami, tha për agjencinë zyrtare të lajmeve të IRGC-së, Fars: “Trafiku në Teheran është rritur shumë dhe mund të përballemi sërish me një tjetër kulm të përhapjes së koronavirusit në maj 2020. Vazhdojmë të këmbëngulim që statistikat e Teheranit, si kryeqytet, duhet të publikohen veçmas. Kemi nevojë t’i dimë statistikat e rasteve të reja të infektimeve, vdekjeve, si dhe atyre në gjendje kritike. Në mënyrë që të planifikojë dhe të kuptojë cilat janë prioritetet e saj për javën apo muajin e ardhshëm, dhe se ku duhet të fokusohet, administrata e qytetit duhet ta njohë më mirë lëvizjen e virusit në Teheran?”

Zëvendës Ministri i Shëndetit Iraj Haririchi tha për agjencinë e lajmeve Tasnim: “Në të gjithë botën, madje edhe në vendet që duket se janë të pastra nga ky virus, është shumë e mundur që të ndodhin kulme të dyta, të treta apo edhe më shumë të kësaj sëmundjeje; nëse e kemi kaluar tashmë një shpërthim të rëndë në Qom dhe Gilan, nuk do të thotë se çështja mbaroi vetëm pse epidemia ka nisur rënien. Nuk duhet të ndihemi të lehtësuar për faktin se në provincën Mazandaran, ku ka patur një kulm të përhapjes në një kohë të caktuar, kemi hyrë tani në fazën e menaxhimit të sëmundjes.”

Po shtohen gjithnjë e më shumë shqetësimet për pasojat e krizës së koronavirusit dhe për nevojën për të ndarë asete nga fondacionet e kontrolluara prej Khamenei-t për t’i menaxhuar këto pasoja. E përditshmja shtetërore Setareh Sobh shkruan: “Vendim-marrësit e ekonomisë duhet të mendojnë për inflacionin 40 përqind të vendit, i cili mund të rritet pas krizës (së koronavirusit) … duket se përqindja shqetësuese e inflacionit në vend është edhe më e rrezikshme sesa koronavirusi.”

Ish i ngarkuari me punë i regjimit në Angli, Seyed Jalal Sadatian, i cili ka qenë edhe deputet në parlament, tha për të përditshmen shtetërore Arman: “Jo vetëm qeveria por edhe pjesë të tjera të sistemit, si Astan-e Quds Razavi dhe Fondacioni Mostazafan, Qendra për Ekzekutimin e Urdhrit të Imam Khomeini-t, dhe Shtabi i Përgjithshëm i Forcave të Armatosura, duhet t’i vijnë në ndihmë kombit dhe të sjellin burimet e tyre.”