Friday, March 29, 2024

Përmbledhje e Lajmeve të Fundit – 9 Maj 2020

May 9, 2020: Latest NewsIran: Përditësim mbi Koronavirusin, Më Shumë se 40,200 Vdekje,

Iran: Coronavirus Update, Over 40,200 Deaths, May 9, 2020, 6:00 PM CEST

Teheran, e premte mbrëma, 8 maj 2020

NUMRI I VIKTIMAVE (DERI MË 9 MAJ 2020, 6:00 PM CEST):

Organizata Muxhahedine e Popullit të Iranit (PMOI) shpalli mbasditen e sotme, më 9 maj 2020, se Koronavirusi ua ka marrë jetën mbi 40,200 njerëzve në 315 qytete të Iranit.
Numri i vdekjeve për disa provinca është: 6750 në Teheran, 3330 në Qom, 2070 në Khuzestan, 1250 në Golestan, 1050 në Hamedan, 1045 në Lorestan, 650 në Kurdestan, 341 në Chaharmahal & Bakhtiari, 170 në Hormozgan. Këta numra janë përveç rasteve të regjistruara në provinca të tjera.

***

Iran: 3600 Njerëz Janë Arrestuar pse Kanë Postuar Shifrat e Vërteta të Viktimave të COVID-19

Shpërthimi i koronavirusit në Iran ua ka marrë jetën afërsisht 40,000 njerëzve për shkak të fshehjes së fakteve dhe mosveprimit nga ana e regjimit. Në vend që t’i ndihmojë njerëzit, regjimi iranian i arreston ata që ekspozojnë realitetin e COVID-19 duke i akuzuar për “përhapje thashethemesh.”
Në vende të tjera, përveç faktit që ka transparencë nga ana e qeverisë, personat që i paralajmërojnë të tjerët për një krizë të tillë si ajo e koronavirusit nderohen si heronj. Në Iran nuk ndodh kështu.
Gjeneral Brigade Abolfazl Shekarchi, zëdhënësi i forcave të armatosura të regjimit, tha në televizionin shtetëror më 29 prill: “Rreth 3,600 njerëz që kishin postuar thashetheme në hapësirën virtuale janë arrestuar nga Forcat e Sigurisë së Shtetit (SSF) dhe Bassij. Armiqtë tanë vazhdojnë me antagonizmin e tyre, dhe kanë agjentë brenda vendit të cilët ndjekin politikat e tyre në vend.”

Iran: 3600 People Arrested for Posting the Real Figures of Fatalities of COVID-19

***

NCRI-SHBA, 8 Maj 2020, Analizë Politike Online: Domosdoshmëria e Zgjatjes së Afatit të Embargos së Armëve mbi Iranin nga OKB

UASHINGTON, DC – 8 maj 2020 – Sot, në një analizë politike online, me titull “Domosdoshmëria e Zgjatjes së Afatit të Embargos së Armëve mbi Iranin nga OKB,” Alireza Jafarzadeh, zëvendës drejtori i Zyrës Përfaqësuese në SHBA të Këshillit Kombëtar të Rezistencës së Iranit (NCRI-SHBA), mirëpriti letrën dy-paritake drejtuar Sekretarit të Shtetit Mike Pompeo nga një shumicë dërrmuese e Dhomës së Përfaqësuesve të SHBA. Ai tha se kjo letër shërben si një tregues i qartë i faktit që rreziku që vjen nga regjimi iranian është real, i vazhdueshëm, dhe jo një çështje partiake. Ai tha gjithashtu se letra ekspozon një nga të metat madhore të JCPOA-së, faktin që e lejon të skadojë në tetor embargon ndërkombëtare të armëve, të sanksionuar nga OKB, që është vënë mbi Teheranin.
Alireza Jafarzadeh: Rreziku që regjimi iranian përbën për popullin e Iranit dhe për botën e jashtme do të vazhdojë deri kur të ketë një ndryshim themelor në Iran. Kriza e COVID-19 është thjesht një tjetër provë për faktin që diktaturës fetare i intereson mbijetesa e vet më shumë sesa interesi më i lartë i iranianëve apo stabiliteti në rajon. Sjellja e saj nuk do të ndryshojë. Ka vetëm një zgjidhje, e cila është ndryshimi i regjimit terrorist e kleptokratik nga vetë populli i Iranit. Tani është koha që komuniteti ndërkombëtar të qëndrojë në anën e popullit iranian dhe ta njohë të drejtën e tij për ta ndryshuar regjimin represiv e për të themeluar lirinë dhe demokracinë në Iran.

NCRI-US, May 8, 2020 Online Policy Briefing: The Imperative of Extending the UN's Iran Arms Embargo

 ***

Më 2 maj 2020, forcat kufitare të regjimit iranian vranë 50 punëtorë afganë duke i hedhur në ujë

Më 2 maj, forcat kufitare të regjimit iranian në zonën e Saleh-Abad të Iranit jug-perëndimor kapën një grup punëtorësh afganë të cilët kishin hyrë në Iran për të kërkuar punë, dhe vranë 50 prej tyre pasi i kishin rrahur me lopata dhe pinca.
“Punëtorët afganë u arrestuan nga forcat kufitare të zonës së Saleh-Abad kur hynë në tokën e Iranit. Në fillim, forcat kufitare ua thyen duart e këmbët, pastaj hodhën 50 njerëz në ujë,” tha Abdul-Ghani Nouri, Guvernatori i Golan në Harat të Afganistanit. Megjithatë, po atë ditë, presidenti i regjimit Hassan Rouhani foli për trajtimin e mirë të imigrantëve dhe shërbimin mjekësor falas ndaj tyre.
“Për sa i përket trajtimit të pacientëve, ne nuk mendojmë a janë iranianë apo jo-iranianë. Nuk e marrim parasysh fenë e tyre. I shohim të gjithë pacientët si të barabartë dhe madje i trajtojmë falas shtetasit e huaj,” tha Rouhani.
Ndërkohë, një i mbijetuar ka përshkruar sjelljen mizore të forcave të regjimit iranian, duke thënë, “Në fillim na rrahën e na torturuan. Pastaj na futën në një automjet dhe na çuan te deti. Kishte një shtëpi atje. Pronari nuk i lejoi të na hidhnin në ujë. Na çuan në një vend tjetër dhe na hodhën në det.”

On May 2, 2020, Iran regime's border forces killed 50 Afghan workers by throwing them into the water