Tubimi i Madh për Lirinë e Iranit në Paris, korrik 2017 – foto fajli

Për një kohë tepër të gjatë, ligjvënësit perëndimorë kanë patur tendencën të supozojnë që regjimi aktual i Iranit është i fiksuar në vend, me shumë pak perspektivë për t’u përmbysur nga populli i vet. Por kjo ide është mbështetur nga vetë propaganda e regjimit iranian. Me anë të mediave të tij shtetërore dhe gazetarëve miqësorë me prezencë ndërkombëtare, Teherani e ka përhapur rregullisht mesazhin se nuk ka alternativë të vlefshme ndaj diktaturës teokratike, dhe se grupet opozitare ekzistuese ose janë pa mbështetje brenda vendit, ose shkojnë kundër interesave perëndimore.

Kjo propagandë nisi të rrëzohej nga fundi i 2017-ës. Në atë kohë regjimi e gjeti veten në mesin e një kryengritjeje mbarëkombëtare, ku iranianë nga sfonde të larmishme etnike e socio-ekonomike iu bashkuan thirrjeve të hapura për ndryshim regjimi. Ajo kryengritje zgjati për një pjesë të madhe të Janarit 2018 dhe i dha shkëndijën asaj që Presidentja e zgjedhur e NCRI-së Maryam Rajavi e ka quajtur “një vit plot kryengritje.” Kjo lëvizje mbarëkombëtare u shty në prapaskenë pas vdekjes së disa dhjetëra protestuesve paqësorë, por mbeti e varrosur vetëm deri në shpërthimin e protestave mbarëkombëtare të nëntorit 2019.

Kjo kryengritje e rigjallëruar rezultoi edhe më e përhapur sesa pararendësja e saj. Ndërkohë që në rastin e parë, protestat u zhvilluan në rreth 150 vende, ky numër arriti në rreth 200 qytete në 2019-ën. Fakti që slloganet e Organizatës Muxhahedine të Popullit të Iranit (PMOI-MEK) si “vdekje diktatorit” u përqafuan edhe më gjerë nga publiku shkaktoi panik në radhët e regjimit klerikal. Autoritetet represive si Korpusi i Gardës Revolucionare Islamike u përgjigjën shpejt me plumba, dhe pas vetëm pak ditësh, 1,500 protestues kishin vdekur.

Mijëra të tjerë u arrestuan, duke shënuar kështu fillimin e një vale të re shtypjeje ndaj disidentëve në Iran. Këto kryengritje ushqyen ankthin e mullahëve lidhur me një Rezistencë të organizuar, dhe me njësitë e rezistencës të MEK, rritja e vazhdueshme të cilave e ka sfiduar qartë propagandën më thelbësore e më jetëgjatë të regjimit. Në fillim të 2018-ës, ndërkohë që kryengritja e parë vazhdonte ende, Lideri Suprem i regjimit Ali Khamenei paralajmëroi publikisht për rolin e luajtur nga MEK. Dhe që atëherë kanë dalë shumë paralajmërime të tjera të tilla.

Ndërkohë, vetë MEK ka ruajtur një rrjet të gjerë brenda Iranit, i cili fitoi rëndësi ndërkombëtare në vitin 2003 kur qe i pari që ekspozoi aspekte kyçe të programit klandestin bërthamor të Iranit. MEK ka vazhduar gjithashtu të shpërndajë informacione rreth krimeve dhe politikave shkatërrimtare të regjimit tek popullsia iraniane e cila është shpesh e etur për akses në media të pavarura e të huaja për shkak të censurës famëkeqe të regjimit.

Maryam Rajavi, Presidentja e zgjedhur e Rezistencës Iraniane, në Tubimin për Lirinë e Iranit në Ashraf 3- 13 korrik 2019

Çdo vit opozita iraniane zhvillon tubimin e përvitshëm “Liri për Iranin”, ku dhjetëra mijëra iranianë dhe mbështetës të rezistencës nga e gjithë bota marrin pjesë për të shprehur dëshirën e tyre për një Iran të lirë e demokratik.

Gjithashtu, çdo vit, qindra politikanë të shquar, personalitete, aktivistë të të drejtave njerëzore, udhëheqës fetarë, parlamentarë, kryebashkiakë, dhe qytetarë nga i gjithë globi i bashkohen këtij eventi për të shprehur mendimet e tyre lidhur me situatën në Iran.

Në qershor 2019, “eventi Liri për Iranin 2019”, i cili është mbajtur tradicionalisht në Paris nga 2004 në 2018-ën, u organizua për herë të parë në Ashraf 3 të Shqipërisë, ku banojnë mbi 3,000 anëtarë të lëvizjes kryesore opozitare iraniane, Organizatës Muxhahedine të Popullit të Iranit (PMOI/MEK).

“Përveç dizajnit, peizazhit dhe arkitekturës mahnitëse, Ashraf 3 i ka dhënë kuptim një toke që më parë ishte e shkretë. Lindja e tij, si kryeqyteti i shpresës, simbolizon fillimin e ri të një Irani të ri, të lirë e të qytetëruar i cili mund të rindërtohet dhe të fitojë energji të reja nga duart e afta të vetë popullit iranian,” shkruante Washington Times më 24 korrik 2019.

Vitin e shkuar, Ashraf 3 mirëpriti qindra personalitete ndërkombëtare nga 47 kombe, të cilët erdhën për të mbështetur Planin me Dhjetë Pika të Znj. Maryam Rajavi, presidentes së zgjedhur të Këshillit Kombëtar të Rezistencës së Iranit (NCRI). Ata vizituan gjithashtu një ekspozitë gjigande në Ashraf 3, e cila bënte homazh historik për qindra mijëra heronjtë e rënë për kauzën e lirisë dhe demokracisë në Iran dhe tregonte historinë jashtëzakonisht prekëse të MEK, por njëkohësisht tregonte edhe vendosmërinë e popullit iranian për ta fituar demokracinë me çdo kusht.

Personalitete politike dhe përfaqësues të zgjedhur nga 47 vende, në tubimin e përvitshëm të Rezistencës Iraniane në Ashraf 3 – 12 korrik 2019

Disa nga folësit e eventit të vitit të shkuar në Ashraf 3 ishin personalitete të spikatura si Joseph Lieberman, ish-senator dhe kandidati demokratik për zëvendës-president në vitin 2000, Rudolph W. Giuliani, ish-Kryebashkiak i New York City, dhe këshilltar ligjor i Presidentit Donald Trump; Louis Freeh, ish-Drejtor i FBI-së; John Baird, Ministri i 10-të i Punëve të Jashtme në Kanada; Baronesha Verma, ish-Ministre Britanike për Energjinë & Ndryshimin e Klimës, dhe Ministre për Zhvillimin Ndërkombëtar; Bernard Kouchner, ish Ministër i Jashtëm i Francës, dhe bashkë-themelues i Doctors Without Borders (Mjekët Pa Kufij); Michèle Alliot-Marie, ish Ministre e Jashtme, e Mbrojtjes dhe e Brendshme e Francës; Sali Berisha, ish president dhe kryeministër i Shqipërisë; dhe Pandeli Majko, Ministër i Shtetit për Diasporën, ish-kryeministër i Shqipërisë.

“Kjo nuk është një dilemë për përmbysjen e një diktatori kur nuk e dimë nëse në vend të tij do të vijë një udhëheqës edhe më i tmerrshëm,” tha Rudy Giuliani, duke shtuar: “Është një zgjedhje midis një prej sponsorve më të tmerrshëm të terrorizmit në botë, që është regjimi aktual në Iran, dhe kemi MEK-un gati për t’ia zënë vendin.”

Në fjalimin e tij, Joseph Lieberman tha, “Ju nuk përfaqësoni thjesht një alternativë ndaj mullahëve iranianë. Ju përfaqësoni alternativën e duhur.”

Vlen të përmendet se pas këtij eventi, Ilir Meta, Presidenti i Republikës së Shqipërisë, vizitoi Ashraf 3 ku u takua dhe bisedoi me Znj. Rajavi, më 13 shtator 2019.

Presidenti shqiptar Ilir Meta viziton Ashraf 3 dhe takohet me Maryam Rajavi-n – 13 shtator 2019

NCRI shpalli më 28 qershor 2020: “Këtë vit, nga shkaku i prevalencës së pandemisë së koronavirusit, komunitetet iraniane vendosën ta zhvillonin tubimin e tyre të përvitshëm online më 17 korrik. Ashtu si në vitet e mëparshme, shumë figura të spikatura do të marrin pjesë në këtë konferencë virtuale për të shpallur mbështetjen e tyre për një Iran të lirë.”

Shkruar nga Shahriar Kia

Mbështetësit e MEK në një tubim në Londër, korrik 2019

Regjimi iranian shpërndan rregullisht informacione të rreme lidhur me lëvizjen kryesore opozitare ndaj tij, Organizatën Muxhahedine të Popullit të Iranit (PMOI-MEK), dhe kohët e fundit ka filluar të shtiret online si anëtarë të kësaj organizate. Ndërkohë që strategjitë keqinformuese të regjimit vazhdojnë dhe marrin trajta të ndryshme, bëhet gjithnjë e më e rëndësishme që komuniteti ndërkombëtar të jetë vigjilent dhe t’i amplifikojë zërat që e kundërshtojnë këtë keqinformim.

Regjimi iranian, me veprimtaritë e ndryshme malinje dhe keqinformimin e vazhdueshëm, përpiqet ta portretizojë situatën sikur nuk ekziston një alternativë e vlefshme ndaj regjimit.

Ky portretizim ka qenë një aspekt kyç i keqinformimit të regjimit, dhe fatkeqësisht ka patur sukses falë një infrastrukture globale mediatike e cila është shpesh bashkëfajtore, dhe disa politikave perëndimore që shpesh kanë tendencën t’i paqësojnë mullahët e Iranit.

Rasti më i fundit ishte një çështje gjyqësore në Gjermani. Në maj, Këshilli Kombëtar i Rezistencës së Iranit bëri një padi kundër Frankfurter Allgemeiner Zeitung për faktin se kjo e fundit kishte përhapur gënjeshtra lidhur me situatën në kompleksin në Shqipëri, të njohur si Ashraf-3, ku strehohen anëtarët e MEK. Në qershor u dha verdikti që pohonte se ishin shkelur standardet e duhura gazetareske dhe se FAZ duhet t’i heqë deklaratat e paligjshme nga artikulli i saj.

Megjithatë, ato deklarata ishin të lidhura ngusht me disa akuzime të paraqitura nga një artikull në Der Spiegel një vit më parë. Edhe këto u ndëshkuan në një çështje ligjore, dhe u vendos që botuesi do të duhej të paguante 250,000 euro për secilën deklaratë nëse i përsëriste ato, qoftë të paraqitura si fakte apo si dyshime. Por vetë ekzistenca e rastit të fundit është një shenjë që tregon se nga rasti i parë nuk janë marrë mësimet e duhura, dhe kjo duhet t’i bëjë politikëbërësit ndërkombëtarë të ndalen e ta mendojnë mirë se çfarë duhet bërë me deklaratat publike që vijnë nga regjimi iranian.

Por gjithsesi, askush që vlerëson demokracinë e lirinë nuk duhej t’i kishte marrë seriozisht fjalët e atij regjimi gjatë gjithë këtyre 40 viteve të fundit. Zyrtarët e tij e kanë gënjeshtrën në majë të gjuhës, dhe kjo aftësi është vënë në provë shumë herë, sidomos kur gjenden përballë krizave madhore të cilat ekspozojnë dobësinë e regjimit dhe mospërfilljen e tij për mirëqenien e popullit të vet.

Tubimi i ardhshëm për Lirinë e Iranit, kongresi i përvitshëm i Rezistencës Iraniane, është një tjetër temë që përbën shqetësim për regjimin dhe kjo është arsyeja pse regjimi ka nisur që tani të përhapë informacione të rreme lidhur me këtë konferencë. Një grup email-esh të dërguara gjoja nga zyrtarë të MEK tek mbështetësit e Rezistencës Iraniane në të vërtetë janë dërguar nga llogari të rreme të krijuara nga Ministria e Inteligjencës dhe Sigurisë (MOIS) e regjimit iranian, zbulohet në një deklaratë të re të publikuar nga Këshilli Kombëtar i Rezistencës së Iranit (NCRI).

Këto email-e të rreme ishin nën emrin e zyrtarëve të MEK dhe NCRI dhe kishin për qëllim përhapjen e keqinformimit.

Të shtunën, më 20 qershor 2020, me rastin e fillimit të vitit të 40-të të rezistencës së popullit iranian kundër fashizmit fetar që sundon Iranin, u mbajt një konferencë online që lidhi rreth 2,000 lokacione në mbarë botën.

1. Namik Kopliku, ish-deputeti Socialist dhe Kreu I Shoqatës së Miqësisë Shqiptaro-Muxhahedine, dërgoi një mesazh solidariteti në këtë konferencë. Në mesazhin e tij, Z. Kopliku tha:

Përshendetje të gjithëve! Jam shumë i nderuar të përshëndes këtë takim entuziast në emër të shoqatës së miqësisë së popullit shqiptar me moxhahedinët me organizatën MEK. Kjo organizatë u krijua në mënyrë të vetëdijshme si shprehje e miqësisë së popullit shqiptar me popullin iranian dhe për popullin shqiptar përfaqësuesit më të denjë janë muxhahedinët janë miqtë tanë të cilët prej katër vitesh i kemi në gjirin tonë. Të dashur vëllezër muxhahedinë jeni absolutisht të mirëpritur në vendin tonë. Ne e dimë shumë mirë se çfarë vuajtjesh i ka shkaktuar regjimi i mullahëve, regjimi mesjetar, regjimi poshtërues për vetë popullin iranian që tashmë është në pushtet në iran po për ne për popullin iranian ka një perspektivë. Kjo perspektivë ekziston brënda në iran, në rininë iraniane, në burrat dhe gratë e iranit, por ato kanë edhe një organizatë të mrekullueshme që është organizata e muxhahidinëve të cilët për momentin janë në shqipëri por jam krejt i sigurtë janë në zemrat e popullit iranian i cili pret që ky regjim mullahësh të përmbyset dhe populli iranian si dhe gjithë bota përparimtare të gëzojë lirinë demokracinë. Unë edhe personalisht kam pasur edhe histori personale në lidhje me vëllezërit e mij muxhahedinë edhe provokime qe vinë nga regjimi i iranit që vinë me të dërguarit e tij të herë pas hershëm ne shqipëri, por as nuk bëhet fjalë, është krejt e qartë se çfarë përfaqësojnë muxhahedinët për popullin iranian, për demokracinë dhe paqen në gjithë rajonin dhe në gjithë botën dhe çfarë përfaqëson një regjim despotik si regjimi i mollahëve në iran. Ne jemi të sigurtë që nën udhëheqjen e Madam Raxhavi kjo organizatë sa vjen edhe më shumë bëhet e mirëpritur në vendin e vet. Populli shqipëtar me vëllezërit muxhahedinë ndjehet në simbiozë, ndjehet në miqësinë, në fqinjësinë më të mirë të mundëshme. Si komunitet ata kanë tregu një vullnet të jashtëzakonshëm, aftësi të jashtëzakonshme, kemi qenë dëshmitarë në ndërtimin e kampit të tyre të mrekullueshëm ku nuk mungon asgjë në jetën që ata kanë organizuar, në jetën sociale, në proçeset shëndetsore, në proçeset sportive, në aktivitetet e tyre ku me dhjetra, me qindra shqipëtarë janë të ftuar dhe të themi të drejtën të befasuar nga mënyra se si e kanë organizuar jetën e tyre, nga shpejtësia, nga bukuria, nga thjeshtësia me të cilën ata ndërtuan qytezën e tyre e cila i ka ngrit akoma më shumë vlerat e këtij komuniteti. Unë do të dëshiroja për të mos u zgjatur më shumë të uroj sukses në këtë konferencë, të uroj më të mirën për popullin iranian që sa më shpejt të çlirohen nga ky regjim mesjetar në të cilin vuajnë dhe sa më shpejt të gëzojnë të mirat e demokracisë e prosperitetit, njëherësh sigurisht urimet më të mira për muxhahidinët për vëllezërit tanë që kemi sot në shqipëri, nesër në teheran, që sa më parë sakrificat e tyre të shpërblehen me mundësinë për ta udhëhequr, për ta drejtuar popullin iranian në misionin e tyre. Ju faleminderit të gjithëve shpresoj të takohemi sa më shpejt qoftë me vëllezërit muxhahedin qëftë me komunitetin që i përkrah vëllezërit e mij muxhahedinë në tiranë, në manzë ku kanë qytezën e tyre po pse jo në teheranin apo iranin demokratik. Ju faleminderit shumë.