Ka shumë arsye për të besuar se Irani është më afër përmbysjes së diktaturës teokratike se ç’ka qenë ndonjëherë. Këtë besim e ndajnë shumë personalitete të spikatura ndërkombëtare që morën pjesë në Samitin Global për Lirinë e Iranit. Ky event lidhi bashkë mërgimtarë iranianë dhe mbështetësit e tyre politikë nga 30,000 lokacione të ndryshme në mbi 100 shtete.
Esenca e këtij mesazhi njihet mirë nga qindra ligjvënësit dhe ekspertët perëndimorë, që përfaqësojnë një gamë të gjerë partish politike, të cilët e kanë konsoliduar tashmë mbështetjen e tyre për NCRI. Afërsisht 1,000 personalitete politike u lidhën në livestream ose morën pjesë në tubimet e njëkohësishme që u zhvilluan në zona historike të Uashington D.C., Parisit, Berlinit, e qyteteve të tjera. Mes folësve në samit ishin: Kryebashkiaku Rudy Giuliani, Senatori Joseph Lieberman, Z. Netw Gingrich, ish-Kryetar i Dhomës së Përfaqësuesve të SHBA, Z. Stephen Harper, ish-Kryeministër i Kanadasë, Z. Sid Ghazali, ish-Kryeministër i Algjerisë, Z. Pandeli Majko dhe Z. Sali Berisha, ish-Kryeministra të Shqipërisë, Znj. Michèle Alliot-Marie, Z. Giulio Terzi, Z. John Baird, Znj. Anna Fotyga, ish-Ministra të Jashtëm të Francës, Italisë, Kanadasë, dhe Polonisë, përkatësisht, Z. Riad Yassin dhe Z. Khaled al-Yamani, ish-Ministra të Jashtëm të Jemenit, dhe Z. Jawad Anani, ish-Ministër i Jashtëm i Jordanisë.
Mesazhi i përbashkët i folësve dhe pjesëmarrësve në samit ishte potenciali i vërtetë për ndryshim regjimi në Iran.
“Regjimi i mullahëve është shteti terrorist numër një dhe për këtë arsye është e nevojshme të veprohet tani për ta hequr qafe një sistem të quajtur republikë islamike,” tha Z. Giulio Terzi, ish-Ministër i Jashtëm i Italisë, në mesazhin e tij për Samitin për Lirinë e Iranit.
Z. Terzi gjithashtu shtjelloi situatën kritike të regjimit dhe rolin kyç të Znj. Maryam Rajavi duke thënë: “Regjimi është shumë i frikësuar, dhe lëvizja udhëhiqet nga Madamë Rajavi, dhe frymëzohet nga programi i saj me 10 pika për demokracinë në Iran.”
Z. Terzi bëri thirrje për mbylljen e ambasadave iraniane duke thënë: “Ambasadat e regjimit iranian, të cilat veprojnë si platforma lëshimi për terrorizmin, duhet të mbyllen menjëherë.”
Ambasadori Terzi bëri gjithashtu thirrje që mullahët të mbahen përgjegjës për Masakrën e 1988-ës në Iran.
Tubimi i përvitshëm i Rezistencës Iraniane lidh bashkë zërat e lirisë nga 30,000 lokacione në Iran, Ashraf-3 dhe mbi 100 shtete
1,000 liderë politikë, parlamentarë, dhe figura fetare e kulturore nga e gjithë bota morën pjesë në këtë event
Maryam Rajavi: Teokracia në pushtet do të përmbyset së shpejti, dhe populli e Rezistenca Iraniane janë të angazhuar për të ndërtuar një Iran demokratik e të lirë. Ne nuk kërkojmë pushtetin me çdo kusht; ne kërkojmë lirinë dhe drejtësinë dhe një republikë demokratike, laike dhe jo-bërthamore
Fjalime e mesazhe nga 8 senatorë amerikanë dhe 10 anëtarë të Dhomës së Përfaqësuesve të SHBA
Fjalime nga ish-kryeministrat e Kanadasë, Algjerisë dhe Shqipërisë, si dhe nga ish-ministrat e jashtëm të Francës, Italisë, Kanadasë, Polonisë, Jemenit, Jordanisë, dhe Algjerisë
Mbasditen e sotme u zhvillua tubimi i përvitshëm i Rezistencës Iraniane ku morën pjesë personalitete që kërkojnë një Iran të lirë, mbështetës të Rezistencës Iraniane, dhe iranianë që kërkojnë përmbysjen e fashizmit fetar që sundon Iranin. Ky tubim online lidhi bashkë iranianë nga 30,000 lokacione në Iran, në Ashraf-3 të Shqipërisë, si dhe në mbi 100 shtete nga 5 kontinente. Gjithashtu, duke zbatuar kufizimet e vendosura për shkak të pandemisë së koronavirusit, u zhvillua edhe një demonstratë e madhe në Berlin dhe tubimit iu bashkuan edhe grumbullime e demonstrata nga iranianë në qytete të ndryshme të botës.
Rreth 1,000 personalitete, duke përfshirë liderë politikë, parlamentarë, figura kulturore dhe fetare, morën pjesë në tubim, duke mbështetur thirrjen e popullit iranian për përmbysjen e diktaturës fetare dhe planin me 10 pika të Znj. Maryam Rajavi për Iranin e së ardhmes.
Znj. Maryam Rajavi, Presidentja e zgjedhur e Këshillit Kombëtar të Rezistencës së Iranit (NCRI), e nisi fjalimin e saj në këtë tubim duke përshëndetur banorët e rebeluar të Behbahan si dhe miliona bashkatdhetarët që e përmbytën Twitter-in me postimet e tyre ku shprehej zemërimi ndaj dënimeve çnjerëzore me vdekje të dhëna kundër protestuesve të rinj të arrestuar gjatë kryengritjes së nëntorit. Mbrëmjen e shkuar, banorët e Behbahan organizuan protesta, thirrën kundër regjimit, dhe konfrontuan sulmin e egër të forcave represive.
Në fjalën e saj, Znj. Rajavi theksoi se të gjitha shenjat tregojnë se teokracia në pushtet është në një pozitë nga ku do të përmbyset. Populli dhe Rezistenca Iraniane janë të angazhuar për të ndërtuar një Iran demokratik e të lirë. Ajo tha: Ne nuk kërkojmë pushtetin me çdo kusht, ne kërkojmë lirinë dhe drejtësinë dhe një republikë demokratike, laike e jo-bërthamore. Populli ynë duhet të gëzojë të drejtën për të qenë të shëndetshëm, për të patur strehim, punësim, për të organizuar e formuar sindikata, për të patur autonomi të minoriteteve etnike, të drejtën për pjesëmarrje të barabartë në menaxhimin e punëve të shoqërisë, barazinë gjinore dhe sovranitetin popullor, dhe një Iran ku nuk do të ketë ndëshkim kapital.
Duke sjellë në kujtesë faktin që deri tani, koronavirusi ua ka marrë jetën të paktën 72,000 njerëzve në Iran, Znj. Rajavi tha: Trendi abnormal në rritje i numrit të viktimave të koronavirusit në Iran është produkt i politikave kriminale të (liderit suprem të mullahëve, Ali) Khamenei dhe (presidentit të tij, Hassan) Rouhani. Strategjia e shkaktimit të viktimave në masë si barrierë kundër rrezikut të një kryengritjeje dhe përmbysjes përfundimtare është e planifikuar pikërisht për ta qetësuar dhe shkurajuar shoqërinë iraniane, duke e bërë të pashpresë e të paralizuar. Ata i rikthyen njerëzit në punë pa u ofruar asnjë ndihmë në parandalim e trajtim. Në të njëjtën kohë, ata fajësojnë popullin për përhapjen e virusit, duke pretenduar se njerëzit nuk i kanë zbatuar protokollet e higjienës. Mullahët i kanë shkatërruar themelet e shëndetësisë së vendit. Ministri i Shëndetësisë i regjimit thotë se, që nga fillimi i shpërthimit të sëmundjes (në shkurt), për herë të parë vetëm 300 milion Euro i janë dhënë ministrisë në qershor. Kjo do të thotë vetëm 3.5 Euro për person për t’u përballur me pandeminë. Kjo shumë e varfër nuk mund të krahasohet me atë të asnjë vendi tjetër. Por edhe ky buxhet i limituar shpërdorohet në labirintet e korrupsionit të përhapur gjerë të regjimit, ndërkohë që 15 institucionet dhe fondacionet nën kontrollin e Khamenei-t kanë asete që shkojnë deri në një trilion dollarë në total.
Duke iu referuar fillimit të gjykimit të diplomatit të regjimit klerikal dhe tre bashkëpunëtorëve të tij në Belgjikë për komplotin terrorist për të shpërthyer një bombë në tubimin iranian në Villepinte në qershor 2018, ajo tha: Për herë të parë, është zhvilluar një gjyq për një diplomat-terrorist në shërbim. Megjithatë, organizatorët e vërtetë, konkretisht Khamenei, Rouhani, Zarif, dhe Ministri i Inteligjencës Mahmoud Alavi, duhet gjithashtu të ndiqen penalisht. Kjo është e domosdoshme për të ndaluar terrorizmin e shfrenuar të mullahëve. Ajo u bëri thirrje të gjitha qeverive dhe komuniteteve ndërkombëtare që të mbajnë anën e popullit iranian në përballjen me rrezikun më të madh për paqen dhe sigurinë në botë.
Mes folësve në tubim ishin: Kryebashkiaku Rudy Giuliani, Senatori Joseph Lieberman, Z. Newt Gingrich, ish-Kryetar i Dhomës së Përfaqësuesve të SHBA, Z. Stephen Harper, ish-Kryeministër i Kanadasë, Z. Sid Ghazali, ish-Kryeministër i Algjerisë, Z. Pandeli Majko dhe Z. Sali Berisha, ish-Kryeministra të Shqipërisë, Znj. Michèle Alliot-Marie, Z. Giulio Terzi, Z. John Baird, Znj. Anna Fotyga, ish-ministra të jashtëm të Francës, Italisë, Kanadasë, dhe Polonisë përkatësisht, Z. Riad Yassin dhe Z. Khaled al-Yamani, ish-ministra të jashtëm të Jemenit, dhe Z. Jawad Anani, ish-Ministër i Jashtëm i Jordanisë.
Gjithashtu, në samit folën dhe dhanë mesazhet e tyre edhe tetëmbëdhjetë ligjvënës amerikanë, duke përfshirë Sen. McSally, Sen. Ben Cardin, Sen. John Cornyn, Sen. Todd Young, Sen. Mike Braun, Sen Marco Rubio, Sen. Bob Menendez, Sen. John Boozman, dhe anëtarët e Dhomës së Përfaqësuesve Paul Gosar, Lance Gooden, Tim Burchett, David Trone, Tom Emmer, Don Bacon, Ralph Norman, Mario Díaz-Balart.
Në samitin global folën gjithashtu këto personalitete të shquara: Guvernatori Tom Ridge ish Sekretar amerikan i Sigurisë Kombëtare, Michael Mukasey, ish-Prokuror i Përgjithshëm i Shteteve të Bashkuara, Louis J. Freeh, ish-Drejtor i FBI, ish-senatorët Kelly Ayotte & Robert Torricelli, Theresa Payton, Drejtore e Teknologjisë së Komunikimeve dhe Informacionit në Shtëpinë e Bardhë gjatë presidencës së George W. Bush, Gilbert Mitterrand, President i Fondacionit France Liberty; Rama Yade, ish-Ministre e Francës për të Drejtat Njerëzore, Z. David Jones, ish Sekretar britanik i Brexit; Theresa Villiers, ish-Sekretare britanike e Shtetit për Mjedisin, Ushqimin dhe Çështjet Rurale, Baronesha Verma, ish-ministre britanike dhe anëtare e Dhomës së Lordëve, Z. John Perry, ish-ministër irlandez, Z. Lulzim Basha, kryetar i Partisë Demokratike të Shqipërisë, Z. Fatmir Mediu, kryetar i Partisë Republikane dhe ish-Ministër i Mbrojtjes i Shqipërisë, Z. Ahmed Al-Jarallah kryeredaktor i gazetave Al-Seyassah të Kuvaitit, Znj. Hoda Nasser nga Egjipti, Z. Bassam Al Omoush ish Ministër i Jordanisë dhe ambasador në Iran, Kimmo Sasi, ish-Ministër finlandez për Transportin dhe Komunikimet, dhe ambasadorët Robert Joseph, Lincoln Bloomfield, Kenneth Blackwell, si dhe personalitete si Ingrid Betancourt ish-kandidate presidenciale e Kolumbisë, Linda Chavez, Patrik Kennedy, dhe zotërinjtë Matthew Offord, David Amess, dhe Bishop John Prichard, nga Dhoma e Komunave e Mbretërisë së Bashkuar, dhe Luís Leite Ramos, Zëvendës-President i PPE në Parlamentin Europian, zotërinjtë Martin Patzelt dhe Thomas Nord nga Parlamenti Gjerman, Philippe Goslen nga Parlamenti Francez, Senatorët Lucio Malan, Renata Polurini dhe Roberto Rampi nga Senati dhe Parlamenti Italian, Z. James Bezan dhe Znj. Judy Sgro nga Parlamenti Kanadez, Z. Michał Kamiński, Zëvendës-Kryetar i Senatit Polak, Z. Jean Francois Legaret, ish-Kryebashkiak i Paris 1, Gjenerali James Conway, Komandant i Korpusit Detar të SHBA, Gjenerali George Casey, ish Shef i Shtabit në Ushtrinë Amerikane, Jack Kane, ish Zëvendës Shef i Shtabit, Z. Ad Melkert ish Përfaqësues Special i Sekretarit të Përgjithshëm të OKB-së në Irak, Tahar Boumedra, ish-përfaqësues i UNAMI për të drejtat njerëzore në Irak.
Sekretariati i Këshillit Kombëtar të Rezistencës së Iranit (NCRI)
Nga frika e përhapjes së kryengritjes, regjimi klerikal e ndërpreu internetin në Khuzestan dhe arrestoi dhjetëra të rinj.
Që në orët e para të mbrëmjes së të enjtes, më 16 korrik 2020, një numër i madh njerëzish në Behbahan (në Iranin jug-perëndimor) dolën nëpër rrugë duke thirrur “Nuk e duam sundimin e mullahëve”. Protestuesit u grumbulluan në Sheshin e Bankës Melli, përballë ndërtesës së Bankës Melli, që është i njëjti lokacion të cilit protestuesit i vunë zjarrin gjatë kryengritjes së nëntorit 2019 si një simbol i plaçkitjeve e grabitjeve të regjimit.
Njerëzit thërrisnin, “Iranianët më mirë vdesin sesa të pranojnë poshtërimin”, “Turp të kenë Basij, lëreni rehat popullin,” “Basij të paturpshëm,” “Mos kini frikë, jemi të gjithë bashkë,” “Mullahët duhet të zhduken,” “As për Gazan as për Libanin, e jap jetën për Iranin,” “Khamenei, ti je djalli, dhe Irani nuk është trashëgimi e babait tënd,” dhe “Ti, kriminel i keq i larë në gjak, zhduku nga vendi im.”
Në kujtim të Mahmoud dhe Mehrdad Dashtinia, dy nga martirët e kryengritjes së nëntorit në Behbahan, të rinjtë e guximshëm të Behbahan-it thërrisnin: “Dashti, Dashti, pushoni në paqe.” Vëllezërit Dashti janë qëlluar dhe vrarë nga Garda Revolucionare gjatë kryengritjes së nëntorit të shkuar.
I tmerruar nga përhapja e protestave në zona të tjera, regjimi klerikal e ndërpreu internetin në provincën Khuzestan një orë pas fillimit të protestës në Behbahan.
Forcat e Sigurisë së Shtetit (SSF) u dërguan në vendngjarje dhe u përpoqën t’i shpërndanin njerëzit duke qëlluar me gaz lotsjellës. Por të rinjtë nëpër lagje e rrugica rezistuan duke i qëlluar ata me gurë. Disa njerëz u dërguan në spitale, të lënduar nga gazi lotsjellës. Dhjetëra të rinj u arrestuan gjatë përplasjeve me forcat e sigurisë.
Kreu i SSF në Behbahan, Koloneli Mohammad Azizi i IRGC-së, shpalli mëngjesin e sotëm se demonstruesit “jo vetëm që rezistuan pas mbërritjes së SSF, por gjithashtu thërrisnin me sllogane abuzive, dhe për këtë arsye policia mori masa të egra për t’i shpërndarë ata.” Ai kërcënoi se SSF do t’i ndëshkojë në mënyrë të rreptë këto veprimtari.
Duke përshëndetur popullin e rebeluar të Behbahan, Rezistenca Iraniane i bëri thirrje Sekretarit të Përgjithshëm të OKB-së, Këshillit të Sigurimit të OKB-së dhe Komisioneres së Lartë për të Drejtat Njerëzore, si dhe autoriteteve të tjera ndërkombëtare përkatëse që ta dënojnë fort represionin brutal të fashizmit fetar dhe të marrin masa të menjëhershme për të siguruar lirimin e të arrestuarve në Behbahan.
Të mërkurën më 15 korrik 2020 do të fillojë në Belgjikë gjykimi i Assadollah Assadi, një diplomat terrorist i regjimit klerikal i cili urdhëroi për shpërthimin e një bombe në një tubim të madh iranian në Villepinte të Parisit, më 30 qershor 2018. Kjo është hera e parë që një diplomat në Europë gjykohet për përfshirje të drejtpërdrejtë në terrorizëm. Pas dy vitesh, drejtësia belge e ka përfunduar hetimin e këtij komploti terrorist dhe ia ka dorëzuar gjykatës çështjen e Assadi-t dhe tre bashkëpunëtorëve të tij.
Assadi është një zyrtar i lartë i Ministrisë së Inteligjencës dhe Sigurisë (MOIS) të regjimit iranian, i cili ishte shef i stacionit të MOIS në Austri. Ai punonte nën petkun e konsullit të tretë, dhe u kishte dorëzuar personalisht një bombë të fuqishme TATP Amir Saadouni-t dhe Nasimeh Naami-t në Luksemburg më 28 qershor 2018, për ta shpërthyer në tubimin në Villepinte. Ky komplot i madh terrorist, i cili do të kishte lënë qindra viktima, u zbulua dhe u parandalua në fazat e tij të fundit. Amir Saadouni dhe Nasimeh Naami u arrestuan në Belgjikë më 30 qershor ndërkohë që po e transportonin bombën për në Villepinte. Mehrdad Arefani u arrestua në Villepinte, Paris, ndërsa Assadi u arrestua në Gjermani ditën tjetër dhe iu dorëzua autoriteteve belge.
Regjimi klerikal, i zemëruar nga zhvendosja e Mujahedin-e Khalq (MEK / PMOI) në Shqipëri, i tmerruar nga kryengritjet e dhjetorit 2017 dhe janarit 2018, dhe i shqetësuar nga rëndësia në rritje në arenën ndërkombëtare e Këshillit Kombëtar të Rezistencës së Iranit dhe Presidentes së zgjedhur të tij, Znj. Maryam Rajavi, tentoi ta vriste zonjën Rajavi dhe folësit e spikatur amerikanë e europianë në këtë event. Më herët, regjimi klerikal kishte planifikuar një sulm terrorist ndaj festimeve të Novruzit në 2018-ën në Shqipëri, ku merrte pjesë Znj. Rajavi dhe një grup të ftuarish të huaj, atentat që u parandalua dhe çoi në dëbimin e ambasadorit të regjimit dhe tre diplomatëve të tjerë nga Shqipëria.
Gjatë dy viteve të fundit, regjimi klerikal ka bërë çdo përpjekje të mundshme për ta parandaluar gjykimin e Assadi-t dhe për të siguruar lirimin e tij. Masat e tilla si presioni diplomatik, incentivat ekonomike, marrja peng e shtetasve europianë dhe kërcënimet terroriste kanë dështuar dhe janë kthyer kundër tij.
Udhëheqësit Fetarë Britanikë Mbështesin Samitin Global për Lirinë e Iranit
Në vigjilje të Samitit Global për Lirinë e Iranit që do të zhvillohet të premten më 17 korrik, rreth 38 nga udhëheqësit më të spikatur fetarë të Britanisë e kanë mbështetur Rezistencën Iraniane dhe planin me dhjetë pika të Presidentes së zgjedhur të Këshillit Kombëtar të Rezistencës së Iranit (NCRI), Maryam Rajavi, për një Iran të lirë e demokratik në të ardhmen. Mes nënshkruesve të kësaj deklarate janë pesë kryepeshkopë të mëparshëm dhe aktualë, duke përfshirë Dr. Rowan Williams, ish Kryepeshkop i Canterbury, dhe një anëtar i dalluar i Dhomës së Lordëve.
Komunitete iraniane nga mbarë Europa, Amerika e Veriut dhe Australia do të bëhen bashkë për të drejtuar Samitin e përvitshëm Global për Lirinë e Iranit më 17 korrik. Në këtë event do të marrin pjesë personalitete të spiaktura dhe aktivistë për lirinë, së bashku me figura të shquara nga pesë kontinente, për të shprehur mbështetjen për një Iran të lirë ku vlerësohet jeta njerëzore dhe hiqet dënimi me vdekje, një komb në paqe me fqinjët e tij dhe i bashkuar në vendosmërinë e patundur për të mbrojtur të drejtat e njeriut. Një republikë demokratike, ku kutia e votimit është kriteri i vetëm për legjitimitet.
Në vigjilje të “Samitit Global për Lirinë e Iranit”, që do të zhvillohet të premten që vjen, një grup dypartiak figurash të shquara amerikane kanë deklaruar mbështetjen e tyre për Rezistencën Iraniane – Mojahedin-e-Khalq (MEK/PMOI) dhe Këshillin Kombëtar të Rezistencës së Iranit (NCRI). “Ka një zjarr shprese në këtë peizazh të errët. Organizata që ka bërë më shumë nga çdo entitet tjetër, duke përfshirë qeveritë, për t’i çliruar qytetarët iranianë nga tirania dhe botën nga terrorizmi i frymëzuar nga fondamentalizmi është Këshilli Kombëtar i Rezistencës së Iranit (NCRI). NCRI përpiqet pa reshtur për të siguruar që shpresa për demokraci dhe për marrjen fund të padrejtësive të mbetet gjallë,” shkruajnë ata në një deklaratë.
Ky grup dypartiak u kërkon gjithashtu edhe shteteve të tjera të dërgojnë ekspertë në Ashraf 3, në rezidencën e anëtarëve të MEK në Shqipëri. “Rekomandojmë që vendet që janë viktimizuar nga terrorizmi i sponsorizuar nga qeveria iraniane, duke përfshirë SHBA dhe aleatët e saj europianë, të dërgojnë ekipe ekspertësh për të studiuar provat në Ashraf 3, duke organizuar ndërkohë provat e veta për t’i përdorur në procedime gjyqësore ndërkombëtare,” lexon deklarata.
Kjo deklaratë, e firmosur nga të paktën 30 personalitete amerikane, do të prezantohet në Samitin Global për Lirinë e Iranit të premten, më 17 korrik 2020.
Vlen të përmendet që një shumicë dypartiake në Dhomën e Përfaqësuesve të SHBA ka sponsorizuar kohët e fundit H.Res.374, rezolutë e cila, ndërkohë që mbështet popullin iranian dhe Rezistencën, dënon regjimin e mullahëve për veprimtaritë e tij terroriste në Europë, veçanërisht për atentatin terroriste kundër tubimit “Irani i Lirë 2018 – Alternativa” në Paris.
Organizata Muxhahedine e Popullit të Iranit (PMOI/MEK) shpalli të martën, më 14 korrik 2020, se numri i vdekjeve nga koronavirusi në 343 qytete të Iranit është mbi 70,800. Numri i viktimave në Teheran është 17,630, Khuzestan 5,310, Isfahan 3,350, Lorestan 2,620, Sistan dhe Baluchestan 2,190, Golestan 1,795 Kerman 925, Qazvin 580, Chaharmahal dhe Bakhtiari 470.
Grupe që Mbrojnë të Drejtat Njerëzore dhe Ligjvënës Shprehin Solidaritetin e Tyre me Samitin Global për Lirinë e Iranit të NCRI dhe MEK
Dhjetëra organizata të të drejtave njerëzore, komitete parlamentare dhe shoqata që mbështesin Rezistencën Iraniane nga të dy anët e Atlantikut, në një deklaratë, kanë shpallur mbështetjen dhe solidaritetin e tyre për “Samitin Global për Lirinë e Iranit” të Këshillit Kombëtar të Rezistencës së Iranit, samit i cili do të zhvillohet më 17 korrik 2020. Më poshtë vijon teksti i plotë i deklaratës.
Një pjesë e deklaratës nga sponsorët e Samitit Ndërkombëtar Online në Mbështetje të të Drejtave Njerëzore, Lirisë & Drejtësisë në Iran lexon
Ne, sponsorët e këtij samiti të madh online, së bashku me mijëra parlamentarë e personalitete të tjera, mbështesim planin me 10 pika të Znj. Maryam Rajavi, Presidentes së zgjedhur të Këshillit Kombëtar të Rezistencës së Iranit, për të themeluar një republikë demokratike e të lirë, duke promovuar ndarjen e fesë nga shteti, pluralizmin, zgjedhjet e lira, dhe ekonominë e tregut.
Iran: Përditësim Lidhur me Koronavirusin, Mbi 69,800 Vdekje, 12 Korrik 2020, 6:00 PM CEST
Organizata Muxhahedine e Popullit të Iranit (PMOI-MEK) shpalli mbasditen e sotme, më 12 korrik 2020, se koronavirusi ua ka marrë jetën mbi 69,800 njerëzve në 342 qytete të Iranit. Numri i vdekjeve sipas provincave të ndryshme është: 17,450 në Teheran, 5,250 në Khorasan Razavi, 5,245 në Khuzestan, 2,530 në Lorestan, 2,155 në Sistan dhe Baluchistan, 2,070 në Azerbaixhanin Perëndimor, 1,760 në Golestan, 1,745 në Hamedan, 1,610 në Fars, 1,390 në Kurdistan dhe 880 në Kerman. Kjo është përveç raporteve të marra nga provincat e tjera.
Iran, Shush: Punëtorët e Kompanisë së Kallamsheqerit Haft Tappeh vazhdojnë me grevat dhe protestat e tyre
Si përgjigje ndaj politikave çnjerëzore të teokracisë që sundon Iranin, duke përfshirë plaçkitjen e pasurisë së kombit, protestat e punëtorëve në mbarë vendin kanë vazhduar edhe në korrik.
Greva e punëtorëve të fabrikës së Kallamsheqerit Haft-Tappeh hyri në ditën e 28-të të dielën, më 12 korrik 2020. Të premten, më 10 korrik, punëtorët u grumbulluan përpara zyrës së guvernatorit të Shush, duke vënë theksin tek uniteti dhe vazhdimësia e protestës së tyre derisa t’u plotësohen kërkesat.
Të martën më 9 korrik, stafi mjekësor i laboratorit në spitalin Al-Zahra në Rasht u grumbullua për të protestuar ndaj rrogave të papaguara për shtatë muaj.
Të premten më 10 korrik, për të dytën ditë rresht, fermerët e Hoveyzeh u grumbulluan për të protestuar ndaj bllokimit të ujit për vaditje. Tokat bujqësore të Hoveyzeh kanë një muaj që janë tharë e janë kthyer në shkretëtira për shkak të mungesës së ujit.
Të mërkurën më 8 korrik, shumë fermerë të dëmtuar nga përmbytjet në Sistan dhe Baluchestan, të cilët kanë pësuar humbje të rënda gjatë përmbytjeve të dhjetorit 2019, u grumbulluan në qytetin qendror të provincës, Zahedan, për të protestuar ndaj mos-rimbursimit të fermerëve për kompensimin e dëmeve.
Të enjten më 9 korrik, një grup punëtorësh bashkiakë të Mehriz u grumbulluan përpara bashkisë për të protestuar ndaj mos-marrjes së rrogave për dy muaj.
Të mërkurën më 8 korrik, punëtorët në Fabrikën e Sheqerit Fasa protestuan ndaj fabrikës për mos-marrjen e rrogave gjashtë muajt e fundit.
Për të dytën ditë rresht, shoferët e kamionçinave në Teheran mbajtën një tubim të mërkurën më 8 korrik përpara “Unionit Urban të Ngarkesave të Lehta” për të protestuar ndaj mos-marrjes së kompensimit të koronavirusit.
Të premten më 10 korrik, një grup njerëzish u grumbulluan në Darab për të protestuar ndaj situatës së tmerrshme ekonomike. Ata thërrisnin: “Rouhani ti nuk do t’ia dish, jep dorëheqjen.”
Të martën më 7 korrik, një grup punëtorësh të Bashkisë Saravan u grumbulluan përpara bashkisë për të protestuar ndaj mos-marrjes së rrogave.
Ka shumë arsye për të besuar se Irani është më afër përmbysjes së diktaturës teokratike se ç’ka qenë ndonjëherë. Këtë besim e ndajnë shumë personalitete të spikatura ndërkombëtare që morën pjesë në Samitin Global për Lirinë e Iranit. Ky event lidhi bashkë mërgimtarë iranianë dhe mbështetësit e tyre politikë nga 30,000 lokacione të ndryshme në mbi 100 shtete.
Të mërkurën më 15 korrik 2020 do të fillojë në Belgjikë gjykimi i 
Udhëheqësit Fetarë Britanikë Mbështesin Samitin Global për Lirinë e Iranit
Tubimi i Madh për Lirinë e Iranit në Paris- 2018
Grupe që Mbrojnë të Drejtat Njerëzore dhe Ligjvënës Shprehin Solidaritetin e Tyre me Samitin Global për Lirinë e Iranit të NCRI dhe MEK
Iran, Shush: Punëtorët e Kompanisë së Kallamsheqerit Haft Tappeh vazhdojnë me grevat dhe protestat e tyre