Teksa regjimi klerikal në Iran përballet me krizën më të vështirë të jetës së tij dhe lufton për mbijetesë, ai nuk sheh asnjë zgjidhje tjetër për krizën ekzistenciale, përveçse duke e shkatërruar apo duke njollosur imazhin e alternativës së tij demokratike, Këshillit Kombëtar të Rezistencës së Iranit (NCRI), dhe lëvizjes kryesore opozitare iraniane Organizata Muxhahedine e Popullit të Iranit (PMOI-MEK).
Kryengritja e popullit iranian në fillim të janarit 2018 dhe në nëntor 2019 paralajmëroi për një epokë të re në Iran, si për regjimin në pushtet, ashtu edhe për rezistencën. Njësitë e rezistencës të MEK kanë luajtur rol të rëndësishëm në organizimin, nxitjen dhe drejtimin e kërkesave të kryengritjes për ndryshim regjimi. Lideri Suprem i regjimit Ali Khamenei e ka fajësuar publikisht MEK-un për rolin e saj kyç.
Një ekonomi e falimentuar, papunësia e lartë, varfëria, izolimi rajonal dhe ndërkombëtar i regjimit, shtimi i krizave brenda regjimit, dhe gjendja shpërthyese e shoqërisë së bashku me tendencën në rritje të rinisë për ta mbështetur MEK-un e kanë detyruar regjimin t’i shfrytëzojë të gjitha burimet e tij për ta diskredituar opozitën e tij demokratike, si i vetmi mjet për të mbijetuar. Në aleancë me regjimin klerikal, monarkistët dhe mbështetësit e Shah-ut të rrëzuar që ndodhen jashtë Iranit po i përdorin gjithashtu të gjitha mjetet e tyre për ta ndihmuar regjimin që ta diskreditojë opozitën demokratike duke përhapur lajme të rreme e duke lobuar në mbështetje të regjimit.
Ingrid Betancourt, ish-kandidate presidenciale e Kolumbisë, e shtjelloi këtë çështje në fjalimin e saj më 19 korrik 2020, në tubimin e përvitshëm të Samitit Global për Lirinë e Iranit.
Punëtorët e HEPCO, kompanisë prodhuese të makinerive industriale në Arak, dolën në grevë të dielën për të protestuar rrogat e papaguara që nuk u janë dhënë për më shumë se dy muaj. Punëtorët u grumbulluan përpara zyrës së menaxhimit të kompanisë.
Protestuesit mbanin pankarta ku lexohej: “Menaxherët e kompanisë janë Daesh (ISIS) industrial,” “Kërkojmë heqjen e CEO-s aktual,” “Duam punësim,” “Koronavirusi është justifikim, ata duan ta mbyllin fabrikën.”
Sipas raporteve, siguria e kompanisë u përpoq të mos i lejonte punëtorët që të zhvillonin protestën e tyre.
E themeluar në 1975-ën, HEPCO ka qenë një nga prodhueset e para dhe më të mëdha të materialeve të ndërtimit në Iran e në Lindjen e Mesme. Kur ishte në kulmin e saj, kjo kompani prodhonte mbi 3,000 copë makineri të rëndë në vit. Pas revolucionit të 1979-ës, HEPCO kaloi në duart e organizatave e personave të lidhur me zyrtarët e regjimit dhe me Gardën famëkeqe Revolucionare. Në 2006-ën, kompania iu shit sektorit privat si pjesë e planeve të regjimit për “privatizim”, që ishin në të vërtetë hile për t’i vënë zyrtarët e regjimit dhe personat e lidhur me ta në kontroll të burimeve jetike të vendit.
Që atëherë, kompania ka qenë në rënie konstante, duke hequr punëtorë, duke vonuar rrogat, e duke shpërfillur të drejtat bazë të punonjësve të saj.
Organizata Muxhahedine e Popullit të Iranit (PMOI-MEK) shpalli mbasditen e sotme, 21 korrik 2020, se Koronavirusi ua ka marrë jetën mbi 74,200 njerëzve në 347 qytete të Iranit. Numri i vdekjeve sipas disa provincave është: 18450 në Teheran, 5460 në Khorasan Razavi, 3288 në Mazandaran, 2880 në Lorestan, 2350 në Alborz, 1945 në Hamadan, 1838 në Fars, 1045 në Kerman, 855 në Hormozgan, 695 në Zanjan, 595 në Qazvin, 570 në Ilam, dhe 485 në Charmahal dhe Bakhtiari. Kjo është përveç raporteve të marra nga provincat e tjera.
Të hënën, më 20 korrik, Këshilli Kombëtar i Rezistencës së Iranit (NCRI) zhvilloi ditën e tretë të samitit të tij të përvitshëm.
Si pjesë të Samitit Global për Lirinë e Iranit 2020, i cili po bëhet online për shkak të pandemisë së koronavirusit, NCRI organizoi një konferencë, në ditën e tretë të samitit, lidhur me terrorizmin e regjimit iranian.
Qindra personalitete politike nga SHBA, Shqipëria dhe Europa, si dhe një numër anëtarësh të Kongresit Amerikan, morën pjesë dhe folën në konferencë. Një numër i madh i pjesëmarrësve në këtë konferencë online ishin nga Shqipëria. Konferencës iu bashkuan gjithashtu rreth 3000 anëtarë të Muxhahedinëve nga Kampi Ashraf. Rreth një mijë shqiptarë nga qytete të ndryshme morën pjesë në këtë konferencë online për të shprehur solidaritetin e tyre me rezistencën iraniane.
Folësja kryesore në këtë event ishte Znj. Maryam Rajavi, Presidentja e zgjedhur e NCRI. Ajo theksoi se “politika e duhur ndaj regjimit klerikal është vendosmëria,” dhe tha: “Politika e duhur mund të përmblidhet në një fjalë të vetme: vendosmëri. Kjo do të thotë të heqim dorë me vendosmëri nga çdo gjë që mundëson veprimtaritë terroriste të regjimit, dhe t’i përgjigjemi me vendosmëri çdo akti kriminal… E përsëris. Lavdi vendeve të guximshme si Shqipëria, që qëndroi e vendosur dhe e dëboi ambasadorin e regjimit iranian duke i dhënë një goditje të rëndë këtij regjimi. Paqe pastë gjithmonë populli shqiptar.”
Znj. Rajavi e përmbylli fjalimin e saj duke u bërë thirrje qeverive botërore e duke thënë: “Siç e thashë në fillim, terrorizmi është esenca dhe natyra themelore e këtij regjimi dhe është i pandashëm nga ai. Si rrjedhim, marrja fund e terrorizmit të tij është e pandashme nga marrja fund e vetë regjimit. Por të paktën mund të frenohet dhe ndalohet në tokën europiane me anë të disa masave e hapave politikë e taktikë.”
Në konferencë folën dhjetëra personalitete, duke përfshirë Rudy Giuliani ish-Kryebashkiak i New York, Senator John Cornyn (R-TX), Senator Ben Cardin(D-MD), Sen Mike Braun(R-IN), Sen Todd Young(R-IN), Tom Ridge, ish-Sekretar i Sigurisë Kombëtare, dhe anëtarët e Dhomës së Përfaqësuesve të SHBA Sheila Jakson-Lee(D-TX), Tom McClitock (R-CA), Ted Deutch (D-FL), David Trone (D-MD), si dhe disa ish-zyrtarë të SHBA.
Nga Shqipëria folën kryetari i Partisë Republikane Fatmir Mediu, Sekretarja e Komitetit të Punëve të Jashtme në Parlament Elona Gjebrea, Valentina Leska nga udhëheqja e Partisë Socialiste, dhe shumë politikanë e personalitete të tjera.
Ndërsa Z. Majko tha: Është e vështirë që të parashikohen pasojat e krizave të brendshme në Iran. Unë besoj që pasoja më e qartë do të jetë radikalizmi. Do të jetë një situatë e paparashikueshme. Në Siri, tragjedia e këtij shteti ka filluar pikërisht kur nuk kishte një opozitë të bashkuar. Në Iran, Muxhahedinët janë një platformë e besueshme opozitare dhe një alternativë për Iranin që të ketë një marrëdhënie të re me botën.
Mediu tha:Komuniteti ndërkombëtar, dhe sidomos Shqipëria, si dhe Bashkimi Europian, duhet ta mbështesin popullin iranian në luftën e tij për një Iran të lirë e demokratik. Qeveria shqiptare është pozicionuar fuqishëm kundër regjimit iranian dhe veprimtarive të tij terroriste në atdheun tonë, si dhe në vende të tjera.
Znj. Elona Gjebrea theksoi se: Komuniteti ndërkombëtar si dhe Shqipëria duhet ta njohë të drejtën e popullit dhe rezistencës iraniane për të themeluar lirinë dhe demokracinë në Iran. Qeveria shqiptare ju ka mirëpritur tashmë dhe jam krenare që kam qenë pjesë e qeverisë që ju ka mbështetur në vendin tonë të bukur, këtu në Shqipëri, nën drejtimin e Kryeministrit Edi Rama, i cili ka shpallur se këto janë kërcënime serioze për paqen dhe sigurinë ndërkombëtare. Ne i kemi marra masat tona kundër ambasadorit iranian në Shqipëri si dhe tre diplomatëve të tjerë. Ne e dënojmë terrorizmin e regjimit iranian dhe mbështesim MEK-un dhe NCRI-në, alternativën demokratike iraniane ndaj tiranisë së mullahëve… Unë e mbështes Madamë Rajavi-n për planin e saj me 10 pika për të ardhmen e Iranit. Ky plan i ofron popullit të Iranit një shtet të lirë e demokratik.
Në fjalimin e tij, Z. Edmond Spaho tha: Opozita në Shqipëri e ka mbështetur dëbimin e diplomatëve iranianë, përfshirë ambasadorin e Iranit, për planifikim të akteve terroriste në Shqipëri. Asnjë përfaqësues i agjencive iraniane të inteligjencës dhe sigurisë nuk duhet të lejohet në vendin tonë, dhe do t’i mbështesim, po të jetë nevoja, veprime të tilla edhe në të ardhmen.
Znj. Valentina Leskaj theksoi në fjalën e saj se: Unë e mbështes NCRI-në. Dhe mbështes planin me 10 pika të Madamë Rajavi-t për një Iran të lirë, laik dhe demokratik. Është detyrimi ynë, do të thosha, të qëndrojmë në anën e duhur të historisë, të qëndrojmë në anën e njerëzve që luftojnë kundër regjimit të mullahëve në Iran. Unë besoj se komuniteti ndërkombëtar dhe sigurisht Europa do ta njohin të drejtën e popullit iranian për të themeluar lirinë dhe demokracinë në atdheun e tyre.
Figura 1Message from the Manz Municipality, a town near Ashraf 3, Albania
Figura 2Emiriana Sako, Mayor of Durrës, the town near Ashraf 3 in Albania
Ky tubim kishte mesazhin e qartë që politika e vetme e duhur kundër terrorizmit është vendosmëria. Duhet të mbyllen ambasadat, misionet, dhe entitetet frontale të regjimit iranian. Duhet të dëbohen agjentët dhe mercenarët e tij që veprojnë nën petkun e gazetarëve, biznesmenëve, dhe refugjatëve.
Maryam Rajavi në Konferencën për Terrorizmin e Regjimit Iranian – 21 korrik 2020
Maryam Rajavi: Terrorizmi është esenca dhe natyra themelore e këtij regjimi dhe është i pandashëm nga ai
Teokracia i fsheh dobësitë thelbësore të një regjimi mesjetar duke eksportuar terrorizmin dhe ekstremizmin. Si rrjedhim, ofrimi i lehtësimeve dhe incentivave vetëm sa i trimëron mullahët dhe intensifikon terrorizmin. E vetmja politikë e drejtë është vendosmëria. Mbyllini ambasadat, misionet, dhe entitetet frontale të regjimit iranian, dëboni agjentët dhe mercenarët e tij që veprojnë nën petkun e gazetarëve, biznesmenëve dhe refugjatëve.
Të hënën më 20 korrik 2020, në ditën e tretë të Samitit Global për Lirinë e Iranit, anëtarët e Mujahedin-e Khalq (MEK/PMOI) në Ashraf-3 zhvilluan një konferencë me titull “Terrorizmi i Regjimit Iranian – Mbyllni Ambasadat e Teheranit, Përjashtoni Agjentët dhe Operativët e Tij” ku mori pjesë edhe Znj. Maryam Rajavi, Presidentja e zgjedhur e Këshillit Kombëtar të Rezistencës së Iranit (NCRI). Ky tubim virtual i transmetuar live mblodhi bashkë qindra figura të shquara politike nga Shtetet e Bashkuara, Europa, dhe Shqipëria.
Në fjalimin e saj, Znj. Rajavi iu referua 450 rasteve të operacioneve terroriste jashtë vendit nga regjimi iranian dhe shtimit të këtyre veprimtarive që nga viti 2003, duke thënë: Regjimi klerikal është një kërcënim për interesat jetësore të popullit iranian si dhe të popujve në mbarë botën. Ndërkohë që kryen shtypje, ekzekutime dhe masakra brenda Iranit, dhe eksporton terrorizmin dhe luftënxitjen në Lindjen e Mesme, regjimi kërkon gjithashtu të prodhojë një armë bërthamore. Ajo shtoi: Terrorizmi është esenca dhe natyra themelore e këtij regjimi dhe është i pandashëm nga ai. … Nëse një ditë regjimi e braktis eksportin e fondamentalizmit dhe terrorizmit jashtë vendit dhe e limiton veten brenda kufijve të Iranit, ai do të shpërthejë përbrenda dhe do të dizintegrohet.”
Znj. Rajavi shtoi se, pas Luftës së Irakut në vitin 2003 dhe pushtimit të fshehtë të atij vendi nga regjimi iranian, filloi epoka e mega-terrorizmit të regjimit. Terrorizmi i regjimit në Afganistan, Jemen, Liban, dhe më shumë se kudo tjetër në Irak e Siri, ka qenë i tmerrshëm. Shpërthimet e bombave në turma të mëdha njerëzish, shkatërrimet e qendrave fetare apo shkollave, vrasjet e ekspertëve dhe shkencëtarëve, grabitjet, amputimet, dhe zhvendosjet e shpërnguljet e detyrueshme të miliona njerëzve kanë ndodhur në magnituda tronditëse.
Znj. Rajavi tha: Dy komplotet terroriste të planifikuara nga regjimi iranian në pranverë dhe verë të 2018-ës kundër Rezistencës Iraniane në Shqipëri dhe Francë janë projektet terroriste më të mëdha të historisë 40-vjeçare të regjimit në Europë. Ato tregojnë se regjimi nuk kursen asnjë lloj krimi për t’u përballur me këtë Rezistencë, të cilën e sheh si një kërcënim ekzistencial; duke shkuar madje deri në pikën që i përdor vetë zyrtarët e tij për të dorëzuar eksplozivët. … demonizimi kundër Rezistencës dhe MEK është ana tjetër e medaljes së terrorizmit të regjimit pasi e përgatit terrenin për këtë terrorizëm.
Znj. Rajavi shtoi: Deri tani, qeveritë perëndimore kanë bërë gabime katastrofike për sa i përket përballjes me terrorizmin e regjimit iranian. Për shembull, ato kanë rënë drejt e në kurthin e regjimit duke pranuar se terrorizmi është shenjë e fuqisë së tij. Por në të vërtetë, ka patur gjithmonë një lidhje direkte mes përshkallëzimit të kryengritjeve dhe intensifikimit të sfidave shoqërore e ekonomike të regjimit nga njëra anë, dhe përdorimit të terrorizmit nga ana tjetër. Në fakt, nuk ka qenë fuqia e regjimit ajo që e ka bërë të mundur zgjerimin e terrorizmit e fondamentalizmit të tij, por ka qenë politika e paqësimit. Mullahët e kanë interpretuar paqësimin e qeverive perëndimore apo faktin që ato e kanë bërë një sy qorr, si shenjë dobësie, që i ka inkurajuar për ta rritur agresionin.
Një tjetër gabim, shpjegoi Znj. Rajavi, ka qenë pritshmëria e gabuar se ndoshta fashizmi fetar do ta braktisë një ditë terrorizmin nëse i bëhen lëshime dhe i jepen incentiva. Ose, ndoshta nga kampi i barbarëve në pushtet do të ketë një shfaqje të papritur të moderuarish, të cilët do ta nxisin regjimin drejt reformimit e moderimit. Regjimi, sigurisht, vuri maska moderimi mbi një tufë vrasësish të urryer, pastaj i kapi të gjitha lehtësimet, e megjithatë refuzoi ta braktiste terrorizmin.
Znj. Rajavi e përshkroi politikën e duhur si qëndresë e vendosmëri, që do të thotë heqja dorë me vendosmëri nga gjithçka që i mundëson veprimtaritë terroriste të regjimit, dhe të përgjigjurit me vendosmëri ndaj çdo plani kriminal. Terrorizmi i regjimit, theksoi ajo, rritet dhe zgjerohet nën hijen e heshtjes, mohimit, shpërfilljes, bërjes së njërit sy qorr. Është koha që gjithë kjo mospërfillje për fatin, sigurinë dhe paqen e popujve të botës të marrë fund.
Pastaj ajo përmblodhi hapat e domosdoshëm që duhet të ndërmerren, duke theksuar mbylljen e ambasadave dhe zyrave përfaqësuese të regjimit, mbylljen e kompanive dhe qendrave kulturore, arsimore dhe fetare të lidhura me regjimin, dhe dëbimin e agjentëve e operativëve të regjimit të cilët funksionojnë nën mbulimin e veprimtarive tregtare, kulturore apo fetare, ose shtiren sikur janë gazetarë apo kundërshtarë, refugjatë, ose qytetarë.
Folës të tjerë në këtë event ishin Kryebashkiaku Giuliani, ish-Sekretar i Sigurisë Kombëtare Tom Ridge, Pandeli Majko ish-Kryeministër i Shqipërisë, ish-Nënsekretari amerikan i Mbrojtjes për Politikën John Rood, ish-Nënsekretari i Shtetit për Kontrollin e Armëve dhe Sigurinë Ndërkombëtare Robert Joseph, Senator Robert Torricelli, ish-Zëdhënësi i Departamentit të Shtetit Adam Ereli, Anëtarja e Kongresit Sheila Jackson Lee, ish-Kongresmeni Gjykatës Ted Poe, ambasador Marc Ginsberg, Shef i Shtabit të Ushtrisë së Shteteve të Bashkuara Gjenerali George Casey, anëtar i rangut të lartë në Dhomën e Lordëve të Mbretërisë së Bashkuar dhe rishikues i legjislacionit për anti-terrorizmin Lord Alex Carlile, Struan Stevenson, ish-President i Delegacionit të Parlamentit Europian për Marrëdhëniet me Irakun, deputeti britanik Bob Blackman, ish-Ministri i Jashtëm i Jemenit Riad Yassin, Sekretari i Përgjithshëm i Koalicionit Opozitar Sirian Nasr Hariri, kryetari i Partisë Republikane të Shqipërisë dhe ish-Ministër i Mbrojtjes Fatmir Mediu, Zëvendës Kryetari i Partisë Demokratike të Shqipërisë Edmon Spaho, Sekretarja e Komitetit të Punëve të Jashtme në Parlamentin Shqiptar dhe ish Zëvendës Ministre e Brendshme Elona Gjebrea, si dhe anëtarët e Parlamentit Shqiptar Valentina Leskaj, ish Zëvendës-Kryetare e Parlamentit Shqiptar dhe Zëvendës-Presidente e Asemblesë Parlamentare të Këshillit të Europës, si dhe Grida Duma, Endri Hasa, Orjola Pampuri, Fatbardha Kadiu, dhe ish-deputeti shqiptar Namik Kopliku, si dhe Diana Çuli, shkrimtare e shquar dhe aktiviste për të drejtat e grave në Shqipëri.
Iran: Përditësim Lidhur me Koronavirusin, Mbi 73,600 Vdekje, 20 Korrik 2020
Organizata Muxhahedine e Popullit të Iranit (PMOI-MEK) shpalli mbasditen e sotme, më 20 korrik 2020, se koronavirusi ua ka marrë jetën mbi 73,600 njerëzve në 346 qytete të Iranit. Numri i vdekjeve sipas disa provincave është: 5470 në Khuzestan, 3410 në Isfahan, 3255 në Mazandaran, 2835 në Lorestan, 2195 në Azerbaixhanin Perëndimor, 1805 në Fars, 1465 në Kurdistan dhe 760 në Ardebil. Kjo është përveç raporteve të marra nga provincat e tjera.
Ashraf 3 – Shqipëri: Përkujtimi i 32-Vjetorit të Masakrës së 1988-ës ndaj të Burgosurve Politikë
Në ditën e dytë të Samitit Global për Lirinë e Iranit, të dielën më 19 korrik 2020, u mbajt një konferencë ndërkombëtare online me titull “Masakra e 1988-ës, Një Krim Kundër Njerëzimit, Mbetet e Pandëshkuar 32 Vite më Vonë,” me rastin e 40-vjetorit të themelimit të Këshillit Kombëtar të Rezistencës së Iranit (NCRI) dhe të 32-vjetorit të masakrës ndaj 30,000 të burgosurve politikë. Ky event u zhvillua në Ashraf 3 me pjesëmarrjen e Maryam Rajavi-t, Presidentes së zgjedhur të NCRI. Në këtë grumbullim folën disa avokatë dhe figura politike ndërkombëtare, si dhe disa anëtarë të MEK, të cilët kanë vuajtur në burgjet e mullahëve dhe kanë qenë dëshmitarë të masakrës.
Gjatë fjalimit të saj në tubim, Znj. Maryam Rajavi e quajti masakrën e 1988-ës, “Krimi më i madh i pandëshkuar kundër njerëzimit.” Me anë të fatwa-s së tij që sanksiononte masakrën e 1988-ës, Khomeini kishte ndërmend ta asgjësonte brezin e PMOI/MEK, për të garantuar pushtetin e tij, ashtu siç kanë bërë mongolët, në Iran. Për këtë arsye, tha ajo, që në fillim kur u zbuluan detajet e masakrës, ne kemi bërë thirrje që organizatorët dhe autorët e këtij krimi të madh kundër njerëzimit të ndiqen penalisht.
Znj. Rajavi tha se NCRI është themeluar për të mos lejuar askënd ta uzurpojë rezultatin e vuajtjes dhe sakrificave të martirëve, siç ndodhi gjatë revolucionit anti-monarkik në 1979-ën, dhe për të garantuar një të ardhme demokratike për Iranin. Le t’u hedhim një sy planeve dhe rezolutave të Këshillit Kombëtar të Rezistencës së Iranit dhe të qeverisë tranzitore, të cilat janë adoptuar që më shumë se katër dekada më parë. Ato shkëlqejnë vërtetë dhe janë përligjur me kalimin e kohës, shtoi ajo. Plani bën thirrje për:
Të drejtën universale të votës dhe respektimin e votës së popullit, me deklaratën se regjimi fashist fetar i mullahëve nuk është i aftë të ndryshohet, të bëjë reforma dhe as të negociojë.
Planin e Paqes, politikat e paqes, dhe lëvizjen paqësore kundër luftënxitjes së Khomeini-t, dhe Planin për autonominë e minoriteteve etnike brenda kuadrit të unitetit dhe integritetit territorial të Iranit.
Planin për Ndarjen e Fesë nga Shteti dhe Planin për Liritë dhe të Drejtat e Grave.
Znj. Rajavi theksoi se Plani për të formuar Frontin e Solidaritetit Kombëtar për të përmbysur tiraninë fetare të mullahëve specifikon se kushdo që kërkon një republikë dhe një sistem politik demokratik bazuar në ndarjen e fesë nga shteti, është pa dyshim me ne.
Në konferencë folën personalitete e juristë të shquar si Baronesha Boothroyd, ish-Kryetare e Dhomës së Komunave, Giulio Terzi, ish-Ministër i Punëve të Jashtme i Italisë, Saleh ِAl-Qallab, ish-ministër i informacionit i Jordanisë, Geoffrey Robertson QC, avokat i të drejtave njerëzore, Profesor Alan Dershowitz, avokat i shquar amerikan i të drejtave civile, Ingrid Betancourt, ish-senatore dhe kandidate presidenciale e Kolumbisë; Ambasador Lincoln Bloomfield, ish-Asistent i Sekretarit Amerikan të Shtetit për Çështjet Politiko-Ushtarake, Ambasador Ken Blackwell, ambasador i SHBA në Komisionin e OKB-së për të Drejtat e Njeriut, Sir Geoffrey Bindman QC, përfaqësues i Komisionit Ndërkombëtar të Juristëve për Misionet e të Drejtave Njerëzore, Henri Leclerc, avokat i shquar francez dhe President Nderi i Ligës së të Drejtave Njerëzore, Alejo Vidal Quadras, ish Zëvendës President i Parlamentit Europian, Struan Stevenson, ish-President i Delegacionit të Parlamentit Europian për Marrëdhëniet me Irakun, Tahar Boumedra, ish-kryetar i Zyrës së të Drejtave Njerëzore në UNAMI, Steve McCabe, MP, Els Van Hoof, kryetare e Komitetit të Punëve të Jashtme në Parlamentin Belg, Senator Lucio Malan, Zëvendës-Kryetar Nderi i Partisë italiane Populli i Lirisë, Renata Polverini, anëtare e Dhomës së Deputetëve të Italisë, dhe ish-Presidente e rajonit të Lazio-s, Senator Leo Housakos, anëtar i Senatit Kanadez, Taissir Tamimi, ish-kryegjyqtar islamik i Autoritetit Kombëtar Palestinez, dhe Lars Rise president i Komitetit të Miqve të një Irani të Lirë në Norvegji.
Organizata Muxhahedine e Popullit të Iranit shpalli të dielën më 19 korrik 2020, se numri i vdekjeve nga Koronavirusi në 346 qytete të Iranit e ka kaluar shifrën 73,200. Numri i viktimave në Teheran është 18,200, Mazandaran 3,220, Gilan 3,320, Azerbaixhan Lindor 2,135, Golestan 1,885, Bushehr 775, dhe Provinca Qendrore 770.
Zëdhënësja e Ministrisë së Shëndetësisë të regjimit tha: Sipas statistikave të kontrolluara nga shteti për ditën e sotme, numri i vdekjeve gjatë 24 orëve të fundit është 209, dhe numri i pacientëve në terapi intensive është 3,556, numri më i lartë që nga fillimi i përhapjes së koronavirusit. Ajo tha për IRNA sot se provincat Azerbaixhan Lindor, Ilam, Bushehr, Khorasan Razavi, Khuzestan, Zanjan, Golestan, Mazandaran, Kerman, dhe Fars janë të kuqe.
Të enjten, një fushatë ndërkombëtare e detyroi regjimin iranian t’i pezullonte përkohësisht dënimet me vdekje për tre persona që kanë marrë pjesë në protestat mbarëkombëtare të Iranit nëntorin e shkuar. Këto dënime ishin miratuar nga Gjykata Supreme e regjimit dy ditë më parë, dhe kishin shkaktuar protesta të gjera në mediat sociale. Raportohet se një hashtag në persisht me kuptimin “mos ekzekutoni” është përdorur pesë milion herë dhe ka fituar mbështetjen e njerëzve nga të gjitha sferat e jetës, ligjvënësve të huaj, dhe mbrojtësve ndërkombëtarë të të drejtave njerëzore, përpara se drejtësia t’i përgjigjej presionit.
Por kjo përgjigje konsistoi vetëm në një deklaratë të mjegullt lidhur me mundësinë e pezullimit të dënimeve me vdekje. Nuk shprehte asnjë angazhim të vërtetë ndaj drejtësisë, dhe duket e bërë posaçërisht për të shmangur një pjesë të kritikave me shpresën se do ta bëjë këtë çështje të fshihet nga vetëdija publike. Komuniteti ndërkombëtar nuk duhet ta lejojë të ndodhë këtë gjë. Dhe pas më shumë se 40 vitesh gjatë të cilave janë përballur me të njëjtat sjellje nga regjimi iranian, politikë-bërësit veteranë patjetër që nuk duhet të gënjehen nga hilet e regjimit.
Rouhani: 25 milion njerëz janë infektuar, dhe 35 milion do të infektohen, numri i shtrimeve në spital në të ardhmen do të dyfishohet
Ndërkohë që Rouhani fajëson popullin për shpërthimin e ri të Koronavirusit, zyrtarët e Ministrisë së Shëndetësisë të regjimit, Jahanpour dhe Mohraz, deklarojnë se shkaku ka qenë rihapja dhe heqja e kufizimeve.
Në Neyshabur, numri i të infektuarve, të shtruarve në spital dhe të vdekurve është rritur shumë krahasuar me pak ditë më parë
15 deri në 20% e banorëve të Kerman janë të infektuar me Koronavirus, dhe e gjithë provinca është e kuqe. Por Taskforca Kombëtare për Luftimin e Koronavirusit (NCCT) në Teheran refuzon të vërë kufizime.
Në Yazd, numri i pacientëve me koronavirus është trefishuar, dhe në Qom, të gjitha spitalet janë të zëna me pacientë me koronavirus, dhe së shpejti provinca do të jetë sërish e kuqe.
Teksa regjimi klerikal në Iran përballet me krizën më të vështirë të jetës së tij dhe lufton për mbijetesë, ai nuk sheh asnjë zgjidhje tjetër për krizën ekzistenciale, përveçse duke e shkatërruar apo duke njollosur imazhin e alternativës së tij demokratike, Këshillit Kombëtar të Rezistencës së Iranit (NCRI), dhe lëvizjes kryesore opozitare iraniane Organizata Muxhahedine e Popullit të Iranit (PMOI-MEK).
Të hënën, më 20 korrik, Këshilli Kombëtar i Rezistencës së Iranit (NCRI) zhvilloi ditën e tretë të samitit të tij të përvitshëm.
Maryam Rajavi në Konferencën për Terrorizmin e Regjimit Iranian – 21 korrik 2020
Iran: Përditësim Lidhur me Koronavirusin, Mbi 73,600 Vdekje, 20 Korrik 2020
Ashraf 3 – Shqipëri: Përkujtimi i 32-Vjetorit të Masakrës së 1988-ës ndaj të Burgosurve Politikë
Organizata Muxhahedine e Popullit të Iranit shpalli
Mohammad Rajabi-Saeed Tamjidi -Amirhossein Moradi
Organizata Muxhahedine e Popullit të Iranit (PMOI-MEK)