Politika ndaj Iranit: Është e Domosdoshme të Vihen Sanksione dhe t’i Kërkohet Llogari Regjimit

Nga
Shkrimtar i stafit
-

Maryam Rajavi, Presidentja e zgjedhur e NCRI

Samiti Trans-Atlantik

Maryam Rajavi: Mbrojtja e të drejtave njerëzore për të gjithë popullin iranian, sanksione gjithëpërfshirëse kundër diktaturës fetare, dhe njohja e rezistencës dhe betejës së popullit iranian për liri

Maryam Rajavi: Masakra e 1988-ës dhe vrasjet e nëntorit 2019 duhet t’i referohen Këshillit të Sigurimit të OKB. Ka ardhur koha t’ia heqim pandëshkueshmërinë Khamenei-t dhe zyrtarëve të regjimit. Ata duhet të përballen me drejtësinë

Në prag të seancës vjetore të Asemblesë së Përgjithshme të Kombeve të Bashkuara, një samit ndërkombëtar online me titull “Samit Trans-Atlantik mbi Politikën ndaj Iranit, Koha për t’i Kërkuar Llogari Regjimit Iranian,” mblodhi bashkë iranianë nga 10,000 lokalitete në vende të ndryshme të botës.

Mes personaliteteve që folën në këtë samit ishin 30 ligjvënës amerikanë nga Dhoma e Përfaqësuesve dhe Senati, dhe nga të dy partitë, duke përfshirë Senator Ted Cruz, Senator Roy Blunt, Senator Marco Rubio, Senator Bob Menendez, dhe personalitete si Rudy Giuliani, ish-kryetar i bashkisë së New York City, Gjenerali James Jones, Këshilltar për Sigurinë Kombëtare i Presidentit Obama (2009-2010), Newt Gingrich, Kryetari i 50-të i Dhomës së Përfaqësuesve të SHBA, Joseph Lieberman, ish-senator amerikan, si dhe një delegacion parlamentarësh britanikë, dhe Amb. Giulio Terzi, ish-Ministër i Jashtëm i Italisë.

Znj. Maryam Rajavi, Presidentja e zgjedhur e Këshillit Kombëtar të Rezistencës së Iranit (NCRI) dhe folësja kryesore në këtë samit, bëri homazhe për Navid Afkari-n, një hero kombëtar rebel që është ekzekutuar ditët e fundit nga regjimi, dhe tha: “I gjendur përballë ekzekutimeve dhe masakrave, populli i Iranit nxit Kombet e Bashkuara, dhe në veçanti Këshillin e Sigurimit të OKB, që t’i rikthejë sanksionet e përcaktuara në gjashtë rezolutat e OKB kundër regjimit klerikal në Iran. Përndryshe, Khamenei do të vazhdojë ta shkatërrojë kombin pasi mbijetesa e regjimit është e varur nga vrasjet dhe shtypja. Nëse Khamenei do t’i ndalte ekzekutimet, ai do ta humbte kontrollin e situatës, dhe kryengritjet që ziejnë në thellësi të shoqërisë iraniane do të shpërthenin e do ta përmbysnin fashizmin fetar të mullahëve.”

Znj. Rajavi theksoi rolin e Khamenei-t në vdekjen tragjike të mbi 105,000 njerëzve që kanë humbur jetën nga Koronavirusi, shifër që e rendit Iranin si vendin me numrin më të lartë të viktimave per kapita në botë, dhe shtoi: “Askush nuk e besoi në fillim se regjimi klerikal e kishte qëlluar dhe rrëzuar qëllimisht avionin ukrainas atëherë kur ndodhi ngjarja. Po kështu, është e vështirë të besohet se Khamenei dhe Rouhani po i dërgojnë qëllimisht njerëzit drejt vdekjes duke i ekspozuar ndaj Koronavirusit. Por në fakt, ata kanë ndërmarrë strategjinë e shkaktimit të viktimave njerëzore në masë, për ta mbrojtur regjimin e tyre nga protestat e popullit iranian dhe nga rreziku i përmbysjes.”

Znj. Rajavi shtoi: “Vlera e aseteve të grumbulluara nga institucionet dhe fondacionet e kontrolluara nga Khamenei shkon në mbi një trilion dollarë. Të gjitha këto prona, asete dhe burime i përkasin popullit të Iranit por deri tani, për shëndetin dhe kujdesin mjekësor të popullit nuk është caktuar as edhe një qindarkë nga kjo shumë… Koronavirusi është aleati më i fortë i mullahëve; burgosja dhe ekzekutimet janë veglat më thelbësore të pushtetit të tyre, dhe Korpusi i Gardës Revolucionare Islamike (IRGC) është makineria vrasëse më e besueshme për të mbështetur sundimin e tyre… Nëse nuk ke ndërmend ta shtypësh popullin, të ndezësh luftëra dhe të eksportosh terrorizmin, një ushtri duhet të të mjaftojë. Mos ia impononi popullit të Iranit shpenzimet astronomike të IRGC-së. Shpërbëjeni IRGC-në dhe paratë që përdoren për të shpenzojini për shëndetësinë dhe kujdesin mjekësor, dhe paguani rrogat e infermierëve, punëtorëve, mësuesve, dhe punonjësve të sektorit publik.”

Znj. Rajavi rikujtoi kryengritjet e 2017-ës dhe 2019-ës, duke vënë në dukje përshkallëzimin në shtypjen dhe vrasjen e mbështetësve dhe protestuesve të MEK, duke përfshirë masakrën ndaj 1,500 të rinjve e adoleshentëve gjatë kryengritjeve të nëntorit 2019. Ajo përmendi gjithashtu arrestimet në masë, torturimet, dhe dënimet me vdekje që janë dhënë së fundmi për të arrestuarit e akuzuar për moharebeh (luftë kundër Zotit), dhe tha: “Regjimi klerikal është në luftë me popullin e Iranit dhe me komunitetin botëror. … Politikat e gabuara ndërkombëtare që u vijnë në ndihmë vrasësve të popullit iranian, duke e lejuar fashizmin fetar të shkelë të drejtat e popullit të Iranit dhe të përhapë luftë e terrorizëm në Lindjen e Mesme,” duhet të marrin fund.

Presidentja e zgjedhur e NCRI-së parashtroi një përqasje politike tre-degëshe përballë regjimit të mullahëve, të përbërë nga: mbrojtja e të drejtave njerëzore për të gjithë popullin e Iranit, sanksione gjithëpërfshirëse kundër diktaturës fetare, dhe njohja e Rezistencës dhe betejës së popullit iranian për liri në Iran.

Znj. Rajavi shtoi: ‘Është gabim të mendohet se një reduktim i sanksioneve ndërkombëtare do të rezultojë në braktisjen e sjelljes luftarake nga regjimi. Është ironik fakti se terrorizmi i regjimit iranian e ka bastisur Europën pikërisht nën rrethanat e krijuara nga JCPOA.”

Në Samitin Trans-Atlantik mbi Politikën ndaj Iranit morën pjesë qindra personalitete të shquara politike nga SHBA dhe Europa. Disa nga personalitetet që folën direkt në samit apo dërguan mesazhe mbështetjeje përfshijnë: Kryebashkiakun Rudy Giuliani, ish-Kryetarin e Dhomës së Përfaqësuesve Newt Gingrich, ish-Këshillitarin amerikan për Sigurinë Kombëtare Gjeneral James Jones, Gjeneralin Jack Keane, Senatorin Joseph Lieberman, Senatorin Robert Torricelli, Senatoren Kelly Ayotte, ish-kryeministrin shqiptar Pandeli Majko, Kryetarin e Partisë Republikane të Shqipërisë Fatmir Mediu, Kryetaren e Komitetit të Politikës së Jashtme të Lëvizjes Socialiste për Integrim dhe ish Ministren shqiptare për Integrimin Europian Klajda Gjosha, Ambasadorin Robert Joseph, ish-Ministrin e Jashtëm italian Giulio Terzi, parlamentarin britanik dhe ish-ministrin e Brexit David Jones, Anëtarin e lartë të Parlamentit Britanik Bob Blackman, Kryetarin e Komitetit të Rregullave në Senatin Amerikan Roy Blunt, anëtarin e lartë të Komitetit të Senatit për Marrëdhëniet me Jashtë Bob Menendez, Kryetarin e Nënkomitetit të Sentatit për Kushtetutën në Komitetin e Gjyqësisë dhe anëtarin e Komitetit të Marrëdhënieve me Jashtë Ted Cruz, anëtaren e Komitetit të Senatit për Marrëdhëniet me Jashtë Jeanne Shaheen, Kryetarin e Komitetit të Zgjedhur të Senatit për Inteligjencën dhe Kryetarin e nënkomiteteve për të drejtat njerëzore dhe çështjet e grave Marco Rubio, Kryetarin e Nënkomitetit të Përhershëm të Senatit për Hetimet dhe anëtarin e Komitetit të Marrëdhënieve me Jashtë Rob Portman, anëtaren e Komitetit të Senatit për Shërbimet e Armatosura dhe kryetaren e Nënkomitetit për Ujin dhe Energjinë Martha McSally, Kryetarin e Komitetit të Punëve të Jashtme të Dhomës së Përfaqësuesve Eliot Engel, Rep. Ted Yoho, Rep. Sheila Jackson-Lee, Rep. Tom McClintock, Rep. Raul Ruiz, Rep. Judy Chu, Rep. Paul Gosar, Rep. Lance Gooden, Rep. Janice Schakowsky, Rep. Kathleen Rice, Rep. Tom Emmer, Rep. Dan Crenshaw, Rep. David Joyce, Robert Aderholt, Rep. French Hill, Rep. Brad Schneider, Rep. Don Bacon, Rep. Glenn Grothman, Rep. Jody Hice, si dhe përfaqësuesit Mikie Sherrill dhe Rob Woodall që dërguan deklarata të shkruara mbështetjeje për këtë tubim.

Ky tubim virtual global nisi të premten në orën 17:00 dhe vazhdoi deri në orën 22:00.

Folësit në këtë samit kërkuan drejtësi për mbi 30,000 anëtarë të MEK e aktivistë të tjerë, të burgosur politikë që u masakruan në 1988-ën. Ata bënë thirrje që t’i jepet fund politikës së paqësimit dhe kërkuan që personat që e kanë urdhëruar dhe kryer këtë krim të madh, persona të cilët mbajnë poste të larta aktualisht në regjim, të vihen para drejtësisë.

Folësit sollën në vëmendje gjithashtu ekzekutimin kriminal të kampionit të mundjes Navid Afkari dhe bënë thirrje për ndërhyrje ndërkombëtare për ta ndaluar valën e ekzekutimeve e dënimeve me vdekje që po jepen për protestuesit anti-regjim dhe sidomos për ata që janë arrestuar gjatë kryengritjes së nëntorit 2019.

Samiti u transmetua live në mënyrë satelitore në Iran dhe ishte i disponueshëm gjithashtu edhe në rrjetet sociale, përfshirë Twitter dhe Facebook, i transmetuar live në internet në pesë gjuhë të ndryshme.

 

Iran: Pasojat e Ekzekutimit të Navid Afkari; Përgjegjësia e BE-së

Nga
Shkrimtar i stafit
-

Kampioni i mundjes, Navid Afkari

Ekzekutimi i Navid Afkari, kampion iranian në mundje dhe tashmë hero kombëtar, vazhdon të ketë pasoja politike dhe shoqërore si për popullin iranian, ashtu edhe për regjimin, dhe sjell më tepër përgjegjësi për komunitetin ndërkombëtar.

Shoqëria e trazuar iraniane e ka vërtetuar se ka miliona të rinj trima si Navid, të cilët i shkundën themelet e regjimit gjatë protestave të mëdha të Iranit në 2018-ën dhe 2019-ën. Tani, ekzekutimi i Navid-it vetëm sa do t’i ushqejë edhe më shumë flakët e kryengritjes së popullit iranian. Lidhur me këtë, e përditshmja shtetërore Etemad shkroi të martën: “A nuk ishte e vetëdijshme Drejtësia për ndjeshmërinë dhe ankthin e shoqërisë iraniane? A nuk e dinin ata se ky rast [ekzekutimi i Navid-it] nuk është më një rast i rëndomtë, dhe çdo veprim i nxituar dhe i pamatur mund ta rrisë çmimin që duhet të paguajë sistemi?”

Tani regjimit i duhet të paguajë një çmim shumë të madh si shoqëror, ashtu edhe politik.

Në mesin e një izolimi gjithnjë e më të madh ndërkombëtar dhe pothuajse një javë para aktivizimit të mekanizmit “snapback” të OKB-së, ndërkohë që regjimi kishte investuar në politikën e paqësimit të Bashkimit Europian, ekzekutimi i Navid-it e distancon edhe më shumë BE-në nga regjimi.

Ambasada e Gjermanisë në Iran e ka dënuar fuqishëm ekzekutimin e Navid Afkari, siç kanë bërë edhe Ministrat e Jashtëm të Francës e të Mbretërisë së Bashkuar. Gjithashtu, udhëtimi i planifikuar i Ministrit të Jashtëm të regjimit, Mohammad Javad Zarif, për në Europë është anulluar. Ishte planifikuar që ai të shkonte në Berlin, Londër, dhe Paris për të forcuar politikën e paqësimit dhe për t’i gjetur një litar shpëtimi regjimit, i cili po shtypet nën peshën e sanksioneve.

Lidhur me këtë, e përditshmja shtetërore Hamdeli shkruan: “Nga njëra anë, delegacioni iranian do të pyetet vazhdimisht nga mediat europiane lidhur me këtë dënim. Nga ana tjetër, liderët europianë duhet të përgjigjen për udhëtimin e Zarif drejt vendeve të tyre, nisur nga incidentet e fundit.”

Gjatë 40 viteve të fundit, shtypja ndaj popullit dhe eksportimi i terrorizmit kanë qenë dy shtyllat e ekzistencës së regjimit, dhe mullahët nuk e kanë ndryshuar asnjëherë sjelljen në këtë aspekt.

Në verën e vitit 1988, mullahët masakruan mbi 30,000 të burgosur politikë. Kjo valë vrasjesh nuk ndaloi asnjëherë, dhe heshtja e komunitetit ndërkombëtar lidhur me këtë krim e ka trimëruar regjimin e mullahëve për t’i shtypur njerëzit nëpër rrugë. Vrasja e 1,500 protestuesve gjatë protestave mbarëkombëtare të Iranit në vitin 2019, dhe ekzekutimet e vazhdueshme të protestuesve të arrestuar si Navid Afkari apo Mostafa Salehi – i cili u ekzekutua më 5 gusht 2020 – dëshmojnë për këtë fakt.

Mostafa Salehi (majtas), Navid Afkari (djathtas)

Tani, për sa i përket komunitetit ndërkombëtar, kryesisht fuqive europiane, dënimi i ekzekutimit të Navid-it apo anullimi i udhëtimit të Zarif nuk mjaftojnë dhe nuk do t’ua shpëtojnë jetën mijëra protestuesve të tjerë të burgosur. Fuqitë europiane duhet t’i dëbojnë ambasadorët e regjimit dhe agjentët e tij të inteligjencës nga vendet e tyre, t’i mbyllin ambasadat e mullahëve, dhe t’i japin fund tregtisë dhe marrëdhënieve me këtë regjim brutal. Nëse Europa do ta kishte dënuar më përpara vendimin për ndëshkimin me vdekje të Navid-it, ndoshta ai mund të ishte gjallë sot. Populli iranian pret masa të forta.

 

Samit Trans-Atlantik për Politikën ndaj Iranit

Nga
Shkrimtar i stafit
-

Koha për t’i Kërkuar Llogari Regjimit Iranian

E Premte, 18 Shtator 2020-17:00 CEST

Samitit online do t’i bashkohen iranianë nga e gjithë bota

Në vigjilje të seancës së përvitshme të Asemblesë së Përgjithshme të Kombeve të Bashkuara, parlamentarë nga parti të ndryshme dhe ish-zyrtarë të lartë nga të dy anët e Atlantikut do t’u bashkohen mijëra iranianëve në mbarë botën për të diskutuar masat represive të regjimit iranian brenda vendit, kërcënimin që ai përbën për Lindjen e Mesme dhe për pjesën tjetër të botës, dhe për të përcaktuar politikën e duhur që duhet ndjekur për t’iu kundërvënë në mënyrë të efektshme sjelljes agresive të Teheranit.

Ky samit do të zhvillohet në mesin e një debati të madh global lidhur me politikën ndaj Iranit, debat që përfshin rikthimin e gjashtë rezolutave të mëparshme të Këshillit të Sigurimit të Kombeve të Bashkuara.

Gjatë këtij samiti online do të flasin një numër senatorësh dhe anëtarësh Kongresi nga Shtetet e Bashkuara.

Pjesëmarrësit do të bëjnë thirrje për drejtësi për 30,000 të burgosurit politikë në Iran, kryesisht aktivistë të Organizatës Muxhahedine të Popullit të Iranit (PMOI/MEK), të cilët u masakruan në 1988-ën, masakër që nuk është hetuar kurrë nga komuniteti botëror. Ata bëjnë thirrje që t’i jepet fund pandëshkueshmërisë së liderëve të regjimit të cilët e kanë mbikëqyrur këtë masakër, dhe do ta nxisin botën që t’u kërkojë atyre llogari.

Pjesëmarrësit bëjnë thirrje për ndërhyrje ndërkombëtare për ta ndaluar valën e re të ekzekutimeve dhe dënimeve me vdekje për aktivistët që kanë marrë pjesë në protestat anti-regjim, veçanërisht në nëntor 2019.

Gazetarja amerikane  Trish Regan do ta moderojë këtë event në të cilin do të marrin pjesë, mes të tjerësh, folësit e mëposhtëm:

  1. Newt Gingrich. Ish-kryetar i Dhomës së Përfaqësuesve të SHBA;
  2. Gjenerali James L. Jones, ish-Këshilltar i Presidentit për Sigurinë Kombëtare, ish-Komandant Suprem i Aleancës, dhe Komandant i Korpusit Detar;
  3. Joseph Lieberman, Senator i Shteteve të Bashkuara (1989-2013), ish-kandidat për Zëvendës-President;
  4. Gjenerali Jack Keane, ish-Zëvendës-Shef i Shtabit në Ushtrinë e Shteteve të Bashkuara;
  5. Giulio Terzi; ish-Ministër i Jashtëm i Italisë;
  6. Rama Yade, ish-Sekretare e Shtetit për të Drejtat e Njeriut në Francë;
  7. David Jones, anëtar i lartë i Dhomës së Komunave dhe ish-Ministër për Brexit;
  8. Bob Blackman, anëtar i lartë i Dhomës së Komunave në Mbretërinë e Bashkuar; dhe
  9. Kelly Ayotte, ish-Senatore dhe Prokurore e Përgjithshme nga New Hampshire.

Nga Shqipëria:

Pandeli Majko, ish-Kryeministër i Shqipërisë

Fatmir Mediu, Kryetar i Partisë Republikane të Shqipërisë

 

Pjesë të përmbajtjes:

Veprimtaritë e Njësive të Rezistencës brenda Iranit do të paraqiten në samitin online, i cili do të ndiqet në mbarë Iranin.

Në disa qytete të mëdha në SHBA, duke përfshirë Uashington DC, iranianë dhe personalitete ndërkombëtare do të jenë të pranishëm personalisht në evente.

E Premte, 18 Shtator 2020

11:00 paradite EST – 17:00 CEST

 

Iran: Emrat e 7 të burgosurve politikë, thirrje për aksion urgjent për lirimin e të rinjve, si dhe të mbështetësve e familjarëve të arrestuar të MEK

Nga
Shkrimtar i stafit
-

 

Njëkohësisht me dhënien e dënimeve me vdekje dhe me burgim të gjatë për protestuesit e arrestuar, regjimi i mullahëve ka arrestuar të rinj dhe familjarë e mbështetës të Mujahedin-e Khalq (MEK/ PMOI) në pjesë të ndryshme të vendit. MEK ka shpallur detajet e shtatë personave të arrestuar së fundmi.

  1. Zeinab Hamrang, 45 vjeç, nga Ardabil, është arrestuar nga agjentë të inteligjencës në Khoy në shtator 2020, gjatë një udhëtimi për në Azerbaixhanin Perëndimor, dhe është transferuar në burgun Evin.
  2. Esmail Kazemzadeh, 61 vjeç, nga Sarab, ka qenë i burgosur për pesë vite në vitet 1960. Ai është arrestuar gjatë një sulmi ndaj shtëpisë së tij në Sarab nga forcat represive të regjimit më 16 gusht 2020.
  3. Vahid Papi, 35 vjeç, një saldator nga Andimeshk, është arrestuar në gusht 2020.
  4. Sedigheh Morsali, 55 vjeç, është arrestuar gjatë një sulmi nga forcat represive ndaj shtëpisë së saj në Qom në gusht 2020. Sedigheh Morsali është motra e dëshmorit të MEK, Ali Morsali, i cili është ekzekutuar në vitin 1981.
  5. Aqdas Pour-Eshraq, një mësuese 64-vjeçare, është arrestuar në Narmak të Teheranit më 26 gusht, dhe po mbahet aktualisht në pavijonin 209 të burgut Evin. Ajo është motra e dëshmores së MEK, Soghra Pour-Eshraq, e cila është vrarë nga Garda Revolucionare në vitin 1983. Motra tjetër e saj është dëshmorja e MEK, Masoumeh Pour-Eshraq, e cila është vrarë gjatë sulmit me bombë në “Fondacionin Alavi” (bazë e MEK në Irak) në prill 2003.
  6. Esmail Namazi, 39 vjeç, nga Behbahan, është arrestuar në Behbahan në fund të qershorit 2020.
  7. Khadijeh (Yalda) Emamdoust, 47 vjeç, nga Ilam, është arrestuar në shtëpinë e saj në Isfahan në fund të qershorit 2020.

Rezistenca Iraniane i bën thirrje Këshillit të Sigurimit të OKB-së, Sekretarit të Përgjithshëm të OKB-së, Këshillit të të Drejtave të Njeriut dhe Komisioneres së Lartë për të Drejtat e Njeriut, si dhe organizatave të tjera që mbrojnë të drejtat njerëzore që të veprojnë urgjentisht për të siguruar lirimin e të gjithë të arrestuarve. Rezistenca përsërit edhe një herë se është nevoja të krijohet një komision ndërkombëtar i gjetjes së fakteve i cili të vizitojë burgjet e Iranit dhe sidomos të takohet me protestuesit e arrestuar. Të gjithë të burgosurit bëhen objekt i torturës dhe ekzekutimit.

Ekspertët e OKB Dënojnë Ekzekutimin e Navid Afkari nga Regjimi Iranian

Nga
Shahriar Kia
-

 

Maryam Rajavi, MEK, NCRINë një deklaratë të hënën, pesë ekspertë të të drejtave njerëzore në Kombet e Bashkuara, duke përfshirë Javaid Rehman, Raportuesin Special të OKB mbi situatën e të drejtave njerëzore në Iran, e kanë dënuar ekzekutimin e Navid Afkari, një kampion iranian në sportin e mundjes, i arrestuar gjatë protestave të mëdha të Iranit në 2018-ën.

“Është thllësisht shqetësues fakti që autoritetet duket se e kanë përdorur dënimin me vdekje kundër një sportisti si paralajmërim ndaj popullsisë brenda një klime të shtimit të trazirave shoqërore. Një mospërfillje kaq flagrante për të drejtën e jetës përmes ekzekutimeve të nxituara nuk është vetëm çështje shqetësimi brenda vendit. Ne i bëjmë thirrje komunitetit ndërkombëtar që të reagojë fort ndaj këtyre veprimeve të Republikës Islamike të Iranit,” lexon deklarata.

Duke iu referuar ekzekutimit së fundmi nga regjimi iranian të Mostafa Salehi-t, baba i dy fëmijëve, i cili ishte arrestuar gjithashtu në 2018-ën, ekspertët vunë në dukje se: “Ekzekutimi i Afkari, që është ekzekutimi i dytë i një protestuesi në dy muajt e fundit, së bashku me shpeshtësinë alarmuese të dënimeve me vdekje që u jepen protestuesve, ngre shqetësime lidhur me përgjigjen e ardhshme të autoriteteve ndaj protestave dhe ndaj çdo shprehjeje kundërshtimi apo opinioni të ndryshëm.”

Mostafa Salehi

Iran: Emrat e 56 Dëshmorëve të Kryengritjes Mbarëkombëtare të Nëntorit 2019, Duke Përfshirë 20 Dëshmorë nga Mahshahr

Nga
Shkrimtar i stafit
-

Deri tani janë publikuar emrat e 811 dëshmorëve të kryengritjes

Znj. Maryam Rajavi i ka lavdëruar të rinjtë e Mahshahr për kryengritjen e tyre dhe e ka përshkruar masakrën e kryengritjes së nëntorit 2019 në Iran si dhe torturimin brutal të të burgosurve si një shembull të qartë të krimeve kundër njerëzimit. Ajo i bëri thirrje komunitetit ndërkombëtar që të marrë masa të menjëhershme për t’ua shpëtuar jetën të burgosurve dhe që të krijojnë një komision ndërkombëtar për të hetuar vrasjet, për të vizituar burgjet dhe për t’u takuar me të burgosurit.

Sot, Organizata Muxhahedine e Popullit të Iranit (PMOI/MEK) ka publikuar emrat e 56 dëshmorëve të tjerë të kryengritjes mbarëkombëtare të popullit iranian në nëntor 2019. Njëzet prej tyre janë nga Mahshahr, dhe janë masakruar nga forcat shtypëse kryesisht nëpër fushat me kallamishte të këtij qyteti. Deri tani janë publikuar emrat e 811 dëshmorëve të kësaj kryengritjeje. MEK pati shpallur më 15 dhjetor 2019 se numri i dëshmorëve të rënë në nëntor është mbi 1,500.

Nga frika e pasojave të krimeve të tyre kundër njerëzimit, liderët dhe organet e ndryshme të regjimit, duke përfshirë Rouhani-n, Këshillin Suprem të Sigurisë, Ministrinë e Brendshme, parlamentin, forcat e zbatimit të ligjit dhe zyrat mjeko-ligjore, i janë shmangur raportimit të shifrës së vërtetë të viktimave duke ia kaluar autoritetin njëri-tjetrit me shpresën se kjo do të harrohej me kalimin e kohës. Kjo ka ndodhur pavarësisht thirrjeve të forta brenda dhe jashtë vendit gjatë dhjetë muajve të fundit që nga kryengritja e nëntorit.

Disa të Burgosur Mbështetës të MEK Dënohen për Luftë Kundër Zotit në Burgun Evin, Janë në Rrezik Ekzekutimi

Nga
Shkrimtar i stafit
-

prisoner, evin, MEK, execution, urgent, ncri

Thirrje urgjente komunitetit ndërkombëtar për të shpëtuar jetën e tyre
Kryegjyqtari: Trazirat nuk duhet dhe nuk mund të ndikojnë në pikëpamjen e gjykatësit

Ditët e fundit, regjimi anti-njerëzor i mullahëve ka dënuar disa mbështetës të MEK me pretekstin se kanë bërë luftë kundër Zotit në gjyqe false në burgun Evin.

Ky veprim është ndërmarrë për shkak se regjimi është i tmerruar nga mbështetja e gjerë e të rinjve për Organizatën Muxhahedine të Popullit të Iranit (PMOI/MEK) dhe Rezistencën Iraniane, dhe me qëllimin për të krijuar një atmosferë terrori e frike për të parandaluar shpërthimin e kryengrijteve popullore. Këta të burgosur gjenden në rrezik ekzekutimi.

Pak më parë, disa të burgosur politikë janë dënuar me vdekje. Tani, ata janë në pritje të ekzekutimit, pas miratimit të dënimeve të tyre nga gjykata supreme e mullahëve.

Reagimi i Pacipë i Regjimit Iranian Ndaj Ambasadorit Gjerman

Nga
Mohammad Sadat Khansari
-

 

Një mbështetëse e NCRI proteston kundër ekzekutimit të Navid Afkari – Berlin

Regjimi iranian e ka thirrur dhe paralajmëruar Z. Hans Udo-Muzel, ambasadorin e Gjermanisë në Iran, për faktin se ai e ka dënuar ekzekutimin e kampionit iranian të mundjes, Navid Afkari.

Agjencia shtetërore e lajmeve IRNA raportoi të hënën se ambasadori i Gjermanisë është thirrur nga Drejtori i Përgjithshëm i Çështjeve Europiane në Ministrinë e Punëve të Jashtme.

Fakti që komuniteti ndërkombëtar nuk i kërkon llogari regjimit iranian për shkeljet e shumta të të drejtave të njeriut dhe për shtypjen e çdo zëri opozitar interpretohet nga regjimi i mullahëve si një dritë jeshile për të vazhduar me vrasjet e tij të panumërta. Ekzekutimi i Navid Afkari, që ndodhi pavarësisht thirrjeve ndërkombëtare kundër, tregon se mullahëve u duhen ekzekutimet për të garantuar mbijetesën e vet, si dhe vë në dukje faktin që mospërfillja ndaj shkeljeve të të drejtave të njeriut në Iran e ka trimëruar regjimin.

Regjimi Iranian e Ka Varrosur me Nxitim Navid Afkari-n, por Nuk do të Mundet t’i Fshehë Krimet e Tij

Nga
Mohammad Sadat Khansari
-

 

Miqtë dhe familjarët e Navid-it nderojnë kujtimin e tij

Regjimi iranian e ka varrosur me nxitim dhe në fshehtësi trupin e Navid Afkari, një kampion mundjeje që u ekzekutua të shtunën. Një javë më parë, mullahët shkatërruan një varr masiv të viktimave të masakrës së 1988-ës në Iranin jug-perëndimor. Por megjithatë, këto krime nuk do të mbulohen nga fshehtësia.

Navid Afkari Sangari ishte një kampion 27-vjeçar në sportin e mundjes. Ai ishte arrestuar gjatë protestave mbarëkombëtare të Iranit në 2018-ën në Iranin jug-perëndimor. Pas një torture mizore, ai ishte detyruar të bënte rrëfime të rreme dhe ishte akuzuar për vrasjen e një pjesëtari të forcave të sigurisë të regjimit. Në një letër të dërguar nga burgu, Navid ka dhënë detaje mbi torturat e tmerrshme që ka duruar. “Për rreth 50 ditë kam duruar torturat më të tmerrshme fizike e psikologjike. Më rrihnin me shkopinj, duke më goditur në krahë, këmbë, bark e shpinë. Më vinin një qese plastike në kokë dhe më torturonin derisa më merrej fryma në prag të vdekjes. Më kanë hedhur edhe alkool në hundë,” lexon letra.

Pavarësisht thirrjeve ndërkombëtare, regjimi iranian e ekzekutoi Navid-in. Ky ekzekutim u dënua ndërkombëtarisht. Regjimi e ka ekzeutuar Navid-in për ta frikësuar popullin dhe shoqërinë e trazuar e cila, me protestat e saj në 2018-ën dhe 2019-ën, i shkundi themelet e regjimit. Krahas kësaj, regjimit i nevojitej ky ekzekutim për të ngritur moralin e forcave të tij shtypëse të cilat janë të demoralizuara e të dëshpëruara.

Për të mos lejuar që varrimi i Navid-it të nxiste fillimin e një kryengritjeje të re, regjimi iranian e varrosi trupin e tij natën pa e lejuar familjen të mbante një ceremoni mortore për të, apo që të afërmit e miqtë të ishin të pranishëm në varrimin e Navid-it.

Fakti që komuniteti botëror nuk i ka kërkuar llogari regjimit të mullahëve për krimin e tyre më të rëndë në 1988-ën, si dhe për mizori të tjera të kryera prej tyre, e ka trimëruar këtë regjim që të vazhdojë me shkeljen e të drejtave njerëzore dhe ta ekzekutojë Navid-in pavarësisht thirrjeve ndërkombëtare.

Siç ka thënë Znj. Maryam Rajavi, presidentja e opozitës: “Megjithatë, ekzekutimi i Navid Afkari vetëm sa do t’i ushqejë edhe më shumë flakët e kryengritjes së popullit iranian dhe do ta hedhë regjimin e mullahëve në koshin e plehrave të historisë. Populli ynë nuk do ta falë dhe nuk do ta harrojë kurrë këtë krim. Khamenei dhe regjimi i tij nuk do të munden t’u shmangen pasojave të kësaj vrasjeje prej burracakësh.”

Për sa i përket komunitetit ndërkombëtar, Znj. Rajavi përsëriti edhe një herë: “Këshilli i Sigurimit i Kombeve të Bashkuara dhe shtetet e tij anëtare, Këshilli i të Drejtave të Njeriut i OKB-së, Komisionerja e Lartë e OKB-së për të Drejtat e Njeriut, Bashkimi Europian dhe të gjitha autoritetet ndërkombëtare të të drejtave të njeriut duhet të marrin masa praktike dhe të efektshme kundër regjimit në Iran për ekzekutimin e Navid Afkari dhe 120,000 njerëzve të tjerë të ekzekutuar mbi baza politike. Heshtja dhe mosveprimi u japin dritën jeshile këtyre krimeve dhe interpretohen si bashkëfajësi në këto krime.”

Iran: Pas Varjes së Navid Afkari-t, Njësitë e Rezistencës dhe Mbështetësit e MEK i Bëjnë Thirrje Rinisë të Ngrihet

Nga
Shkrimtar i stafit
-

Shkruar nga Sekretariati i Këshillit Kombëtar të Rezistencës së Iranit (NCRI)

14 shtator 2020

Maryam Rajavi, MEK, NCRITëitterFacebookLinkedInPrintEmailMore11

“Kryengritja, Përgjigjja ndaj Ekzekutimit”

Ekzekutimi i protestuesit të ri dhe kampionit kombëtar të mundjes Navid Afkari është pasuar nga një valë zemërimi dhe urrejtjeje, sidomos nga ana e të rinjve të rebeluar. Gjatë dy ditëve të fundit, Njësitë e Rezistencës dhe mbështetësit e Mujahedin-e Khalq (MEK / PMOI) në Teheran dhe në Shiraz, që është qyteti ku jetonte Navid, si dhe në shumë qytete të tjera, përfshirë Isfahan, Karaj, Shahriar, Rasht, Mashhad, Marvdasht, Lahijan, Ahvaz, Kermanshah, Abadan, dhe Mahshahr, kanë ngjitur postera, pankarta dhe fletushka, dhe kanë shkruar sllogane në vende publike, duke rikonfirmuar përkushtimin e tyre për të vazhduar rrugën e Navid-it, për arritjen e lirisë dhe demokracisë në Iran.

Disa nga slloganet ishin: “Ne do ta vazhdojmë rrugën tënde Navid – mbështetësit e MEK,” “Përgjigjja ndaj ekzekutimit është të ngrihemi– Poshtë Khamenei, rroftë Rajavi,” “Maryam Rajavi: Të rinj trima në provincën Fars dhe në qytetin Kazerun, ngrihuni kundër dënimeve të padrejta për vëllezërit Afkari,” “Ngrihuni dhe revoltohuni si përgjigje ndaj ekzekutimit të Navid-it,” “Zjarri është përgjigjja ndaj ekzekutimit, Ne do të të përmbysim ty (Khamenei),” “E vetmja mënyrë për të parandaluar ekzekutimin e njerëzve si Navid, është të ngrihemi dhe të revoltohemi,” “Poshtë Khamenei, ne do të hakmerremi për ekzekutimin e Navid-it,” “Navid, rruga jote do të vazhdojë,” “U bëj thirrje të gjithë njerëzve liri-dashës në botë që të turren në ndihmë të popullit iranian për ta përmbysur regjimin çnjerëzor klerikal,” “Maryam Rajavi: Martirizimi i Navid-it do t’i ushqejë flakët e kryengritjes së popullit iranian për liri dhe do ta përmbysë përgjithmonë regjimin klerikal.”

Teheran- Veprimtaritë e Njësive të Rezistencës: “Përgjigjja ndaj ekzekutimit është të ngrihemi – Poshtë Khamenei, rroftë Rajavi”- 13 shtator 2020

Veprimtaritë e Njësive të Rezistencës në qytete të ndryshme- “Navid, ne do ta vazhdojmë rrugën tënde drejt lirisë” – 13 shtator 2020

Teheran – Shpërndarja e fletushkave në xhamat e përparmë të makinave – 13 shtator 2020

Teheran – “Poshtë Khamenei, do të paguash për ekzekutimin e Navid-it”- 13 shtator 2020

Qytete të ndryshme në Iran – “E vetmja mënyrë për të parandaluar ekzekutimin e njerëzve si Navid, është të ngrihemi e të revoltohemi – 12 shtator 2020

Teheran – “Përgjigjja ndaj ekzekutimit është të ngrihemi” – 13 shtator 2020

Shiraz – “Maryam Rajavi: Të rinj trima në provincën Fars dhe në qytetin Kazerun, ngrihuni kundër dënimeve të padrejta për vëllezërit Afkari” – 13 shtator 2020

Teheran- “Maryam Rajavi: Martirizimi i Navid-it do t’i ushqejë flakët e kryengritjes së popullit iranian për liri dhe do ta përmbysë përgjithmonë regjimin klerikal” – 13 shtator 2020

Qytete të ndryshme – Veprimtaritë e mbështetësve të MEK – “Poshtë Khamenei” – 12 shtator 2020

Veprimtaritë e mbështetësve të MEK në qytete të ndryshme si përgjigje ndaj ekzekutimit kriminal të Navid Afkari- “Zjarri është përgjigjja ndaj ekzekutimit, ne do të të përmbysim ty (Khamenei)” – 12 shtator 2020

Karaj – Veprimtaritë e Njësive të Rezistencës në përgjigje të ekzekutimit kriminal të Navid Afkari – 12 shtator 2020

1...372373374...728Faqja 373 nga 728