Mostafa Salehi (majtas), Navid Afkari (djathtas)

Gholam-Hossein Ismaili, zëdhënësi i Drejtësisë së regjimit iranian, shpalli të martën se kanë falur 157 të ashtu-quajtur “të dënuar për çështje sigurie.” Kjo është një masë e dëshpëruar e regjimit, në vigjilje të protestave madhore të Iranit nëntorin e shkuar, për ta qetësuar shoqërinë e trazuar.

“Në evolucionin e amnestisë dhe amnestive të propozuara, sidomos në amnestinë e fundit, baza e punës së ekspertëve është një rishikim i detajuar i çështjeve gjyqësore, monitorimi i veprimeve dhe sjelljes së të dënuarve gjatë dënimit në komisionet provinciale dhe qendrore të amnesitsë dhe duke konsideruar që në procesin e amnestisë të sigurohet që të dënuarit janë penduar dhe rehabilituar,” tha Esmaili gjatë një konference për shtyp të transmetuar në televizionin shtetëror të martën.

“Sepse në raste të tilla ku punojnë ekspertët, shohim që ata të cilëve u janë falur dënimet rrallë kryejnë krim përsëri, ose nuk kryejnë krim më kurrë,” shtoi Esmaili.

Puna e ekspertëve të cilës i referohet Esmaili është trajtimi çnjerëzor i të burgosurve nga regjimi, sidomos i atyre që janë arrestuar gjatë protestave madhore të Iranit në 2018 –ën dhe 2019-ën.

Kohët e fundit, Amnesty International ka publikuar një raport tronditës me titull “Duke Shkelur Njerëzimin,” ku jep detaje për torturat dhe keqtrajtimet e përdorura nga agjentët e regjimit kundër protestuesve të arrestuar.

“Tortura është përdorur për t’i ndëshkruar, frikësuar dhe poshtëruar të burgosurit. Gjiithashtu, është përdorur rregullisht për t’i detyruar të burgosurit të bëjnë “rrëfime” dhe deklarata inkriminuese, jo vetëm për përfshirjen e tyre në protesta, por gjithashtu për lidhjet e tyre të supozuara me grupe opozitare, mbrojtës të të drejtave njerëzore, media jashtë Iranit, si dhe me qeveri të huaja,” lexon raporti i Amnesty.

“Tetori shpalosi përqasjen e dhunshme të Forcave të Sigurisë së Shtetit ndaj qytetarëve iranianë, të cilët madje janë torturuar në publik,” shkruan Monitoruesi i të Drejtave Njerëzore në Iran (Iran HRM) në raportin e tij mujor të tetorit lidhur me abuzimet e vazhdueshme të të drejtave njerëzore në Iran.

Në vigjilje të përvjetorit të protestave kombëtare të Iranit në nëntor 2019, të cilat i shkundën themelet e regjimit, regjimi i ka shtuar masat shtypëse për ta qetësuar shoqërinë e trazuar. “Kjo vjen paralelisht me faktin që regjimi klerikal po i zgjeron planet e tij represive për ta vënë nën kontroll pakënaqësinë shoqërore gjithnjë në rritje, veçanërisht në vigjilje të përvjetorit të protestave të nëntorit 2019,” shkruan Iran HRM lidhur me këtë çështje.

Videot ku shfaqet Mehrdad Sepehri, një i ri në Mashhad të Iranit veri-lindor, të cilin e qëllonin me gaz lotsjellës deri në vdekje, kanë tronditur botën.

“Më 18 tetor, forcat SSF e lidhën një djalë të ri, Mehrdad Sepehri, në një shtyllë në rrugë në qytezën Hojjat në Mashhad. E torturuan atje në rrugë duke përdorur armë trullosëse dhe gaz lotsjellës, gjë që çoi në vdekjen e tij,” shkruan Iran HRM.

Të burgosurën politike kurde Sakineh Parvaneh e kanë transferuar në burgim të izoluar me urdhër të autoriteteve të burgut të Quchan.

Znj. Parvaneh e dërguan në një qeli të izoluar të hënën, më 9 nëntor 2020, si përgjigje ndaj grevës së urisë që ajo nisi që më 31 tetor në protestë ndaj Ajozhvendosjes së saj të mundshme përsëri në burgun e Isfahan-it. Në ditën e tetë të grevës së urisë, ajo qepi buzët.

E burgosura politike kurde SakinehParvaneh ka bërë gjithashtu kallëzim ndaj autoriteteve të burgut për faktin se e kanë torturuar dhe transferuar në spitalin psikiatrik Aminabad në Shahr-e Rey. Atë e kanë rrahur brutalisht disa herë deri tani në burgjet e Evin dhe Qarchak.

Më 25 qershor 2020, Sakineh Parvaneh publikoi historinë e arrestimit të saj në vjeshtën e 2019-ës.

Në një letër të hapur nga burgu, ajo shkruan se fillimisht ka kaluar dhjetë ditë në qendrat e paraburgimit në Marivan dhe Sanandaj, në provincën Kurdistan. Më pas, autoritetet e dërguan në burgun Evin të Teheranit. Gjatë kohës së saj në Pavijonin 209 të burgut Evin, ajo ka pësuar tortura të egra fizike gjatë marrjes në pyetje.

Në mars 2020, atë e dërguan në burgun Qarchak si ndëshkim për faktin se kishte shkruar graffiti në muret e Evin. Gjatë këtij transferimi e kanë rrahur brutalisht dhe e kanë mbajtur në burgim të izoluar me gjymtyrët në pranga. Më pas, për ta shtuar presionin mbi këtë të burgosur politike kurde dhe për t’ia thyer guximin, autoritetet e Burgut Qarchak e dërguan atë në spitalin psikiatrik të Aminabad në Teheran. Pas 25 ditësh, e kthyen në seksionin e karantinës të burgut Qarchak.

Më 25 maj 2020, Gjykata Revolucionare e Teheranit e dënoi Sakineh Parvaneh me 5 vite burg dhe e privoi nga anëtarësimi në çdo grup politik për tre vite. Atë nuk e kanë lejuar të përfaqësohej ligjërisht nga askush gjatë procedurave të gjyqit.

Image credit: Hengaë

Policia iraniane ka qëlluar për vdekje një të ri kurd në Iranin perëndimor. 29-vjeçari, baba fëmijësh, i identifikuar si Khosrow Sharifi, ka ndërruar jetë në spital dje nga plagët e rënda.

Sipas një raporti nga Organizata Hengaw, Sharifi është qëlluar për vdekje nga policia në Baneh, dhe më pas është dërguar në spital.

Një person i afërt me familjen Sharifi ka thënë për Hengaw se Khosrow Sharifi, i cili e përdorte makinën e tij si taksi, po transportonte pasagjerët më 28 tetor pranë zonës kufitare Kileh në Iranin perëndimor, kur policia ia ndaloi makinën dhe nisi ta qëllonte.

Një burim i informuar tha se Sharifi-n e kanë çuar në spitalin Kowsar në Sanandaj, dhe ka qenë në terapi intensive për 10 ditë.

Burimi thotë se familja Sharifi kishte bërë kallëzim në Gjykatën e Saqqez kundër forcave të policisë përgjegjëse për të shtënat.

Nuk është publikuar asnjë raport zyrtar që të shpjegojë se pse është marrë në shënjestër taksisti i ri por disa burime thonë se ai kishte në makinë hamej kufiri apo kolbar. Regjimi i kategorizon kolbar-ët si “kontrabandistë” dhe i qëllon e vret rregullisht ata.

Rojat e burgjeve po i lënë “të vdesin urie sistematikisht” të burgosurit politikë iranianë në mënyrë që t’ua thyejnë vullnetin, t’i detyrojnë të bëjnë rrëfime të rreme, dhe të japin deklarata publike pendimi, sipas koordinatorit të Fushatës për Ndryshim në Iran, Struan Stevenson.

Dënimet publike me kamxhik për dy të rinj janë kryer sot në qytetin Golbahar në Iranin veri-lindor.

Një zyrtar gjyqësor në provincë e ka shpallur ndëshkimin publik duke thënë se dënimet me kamxhik për dy të rinj të akuzuar për vjedhje janë kryer në publik në qytetin Golbahar.

Në komentet e tij të transmetuara nga mediat shtetërore, Prokurori Publik dhe Revolucionar i Golbahar ka thënë se këta dy persona janë goditur secili 74 herë.
Golbahar ndodhet 35 km në veri-perëndim të Mashhad.

Qindra persona rrahen me kamxhik si rutinë në Iran çdo vit, ndonjëherë në publik. Në rastin më të fundit, rojat e burgut rrahën katër të burgosur muajin e shkuar në Burgun Qendror të Karaj pranë kryeqytetit iranian, Teheran.

Këta katër të burgosur, të gjithë nën moshën 30 vjeç, janë rrahur me kamxhik të mërkurën më 21 tetor. Dy nga të burgosurit janë identifikuar si Behrouz Momeni dhe Mohsen Torkashvand, të cilët janë akuzuar për vjedhje dhe janë dënuar me rrahje me kamxhik. Nuk është e qartë pse janë rrahur dy të burgosurit e tjetër.

Sipas ligjit iranian, mbi 100 “shkelje” janë të dënueshme me rrahje me kamxhik. Këto shkelje përfshijnë vjedhje, sulm, vandalizëm, shpifje dhe mashtrim. Ato mbulojnë gjithashtu akte që nuk duhet të kriminalizohen, si tradhëtia bashkëshortore, marrëdhëniet intime para martesës, “shkeljet e moralit publik” dhe marrëdhëniet seksuale mes personave të të njëjtit seks, me pëlqimin e të dy personave.

Regjimi jep rregullisht dënime me kamxhik për protestuesit, disidentët, dhe për personat e akuzuar për tradhëti bashkëshortore dhe vjedhje, mes të tjerash. Rrahja me kamxhik është një ndëshkim mizor e poshtërues dhe është i barasvlefshëm me torturën.