Agjentë të Ministrisë së Inteligjencës të regjimit klerikal kanë shkatërruar varrin e Navid Afkari, kampionit të mundjes të cilin e ekzekutuan me nxitim më 12 shtator, 2020.

Pak orë pas arrestimit të babait dhe vëllait të Navid Afkari pranë varrit të tij, Elham Afkari, e motra, shpalli se varri i vëllait të saj ishte shkatërruar.

Të enjten më 17 dhjetor, babai dhe vëllai i kampionit të mundjes Navid Afkari, u arrestuan pasi kishin shkuar të pastronin varrin dhe ta përgatisnin atë për vendosjen e një guri varri.

Pak orë më vonë, Elham Afkari, motra e Navid-it, postoi një foto në llogarinë e saj në Instagram, ku thoshte se varri i vëllait të saj ishte shkatërruar.

Ajo shkruante: “Frikësoni, shkatërroni, arrestoni! Çfarë do të bëni me kujtimin e Navid-it në zemrat e të gjithëve?”

Familjes Afkari po u bëhet presion nga shërbimet e inteligjencës që të mos vendosin gur varri në varrin e birit të tyre.

Elham Afkari shkruan gjithashtu në postimin e saj në Instagram se: “Kjo nuk është fushë beteje. Ky është varri i Navid-it tonë. Ata e kanë sulmuar dhe shkatërruar.”

Koronavirusi i ri, i njohur gjithashtu si COVID-19, ua ka marrë jetën mbi 188,100 njerëzve në mbarë Iranin, sipas opozitës iraniane PMOI/MEK

Raportim nga PMOI/MEK

Iran, 19 dhjetor 2020—Mbi 188,100 njerëz kanë vdekur nga koronavirusi i ri në 470 qytete të shpërndara në të 31 provincat e Iranit, sipas raporteve të mbledhura nga opozita iraniane Organizata Muxhahedine e Popullit të Iranit (PMOI/MEK), deri mbasditen e të shtunës sipas kohës lokale, 19 dhjetor. Numri zyrtar i vdekjeve i deklaruar nga regjimi është 53,448, më pak se një e treta e shifrës së vërtetë.

Numri i vdekjeve nga koronavirusi në provinca të ndryshme është: 46,206 në Teheran, 12,935 në Razavi Khorasan, 11,070 në Isfahan, 7585 në Lorestan, 7093 në Azerbaixhan Perëndimor, 6711 në Gilan, 5717 në Fars, 4662 në Golestan, 4525 në Hamedan, 3994 në Kerman, 3971 në Kermanshah, 3246 në Kurdistan, 2844 në Semnan, 2292 në Ardabil, 1950 në Zanjan, and 1334 në Kohgiluyeh& Boyer Ahmad. Kjo është krahas raporteve të marra nga provincat e tjera.

Edhe pse numri global i viktimave të Covid-19 po i afrohet shifrës 1.7 milion, më në fund ka një dritë në fund të tunelit. Qeveritë në mbarë botën kanë nisur të blejnë dhe të shpërndajnë vaksina të cilat kanë rezultuar të efektshme në testet klinike, dhe mund ta reduktojnë gradualisht impaktin e përgjithshëm të koronavirusit para se t’i japin fund plotësisht pandemisë. Ky fund nuk do të vijë në të njëjtën kohë për të gjithë, por vendet e zhvilluara e kanë nisur tashmë rrugën drejt shërimit.

Por ka një përjashtim të dukshëm, që është Irani. Atje, mediat shtetërore vazhdojnë t’u thonë qytetarëve se me shumë mundësi do të duhet të presin deri në verë për disponibilitetin e një vaksine. Kjo sepse diktatura teokratike e Iranit ka vendosur me sa duket t’u shmanget vaksinave që janë tashmë të disponueshme në tregun e hapur, dhe në vend të tyre, të krijojë një tjetër vaksinë brenda në vend.

Kjo ndërkohë që shpërthimi i koronavirusit në Iran ka qenë më i rëndi në Lindjen e Mesme, dhe një nga më të rëndët në botë, menjëherë që pas shpalljes publike të ekzistencës së tij në shkurt. Ka prova që tregojnë se kjo shpallje është bërë me vonesë, dhe autoritetet e regjimit ia kanë fshehur informacionet publikut në mënyrë që të nxisnin pjesëmarrjen në zgjedhjet kombëtare dhe në festimet e përvjetorit të Republikës Islamike. Këto me sa duket u shndërruan në evente super-përhapëse të promovuara nga shteti, dhe e shtynë vendin në rrugën drejt situatës aktuale, me mbi 50,000 vdekje të regjistruara zyrtarisht.

Komisionerja e Lartë e Kombeve të Bashkuara për të Drejtat Njerëzore nxori një deklaratë të hënën ku dënon ekzekutimin e nxituar të një gazetari iranian, Ruhollah Zam, të cilit i ishte hedhur përsipër akuza e vagullt e “përhapjes së korrupsionit mbi tokë,” dhe më pas ishte torturuar për të bërë një rrëfim të rremë.

Deklarata e të hënës nga Michelle Bachelet është paraprirë nga shprehje të ngjashme zemërimi nga ana e qeverive dhe politikë-bërësve europianë, të cilat nisën menjëherë pas ekzekutimit të shtunën. Por pavarësisht të gjitha këtyre, Presidenti i regjimit iranian Hassan Rouhani e pa të përshtatshme që të deklaronte publikisht të hënën se i duket “me pak gjasa” që ky incident të rezultojë në tensione të konsiderueshme në marrëdhëniet iraniano-europiane.

Qëndrimi moskokëçarës i Rouhani-t simbolizon qartë pandëshkueshmërinë që regjimi i tij pret tashmë, edhe me zgjerimin e vazhdueshëm të listës iraniane të abuzimeve ndaj të drejtave njerëzore e krimeve kundër njerëzimit. Shumë nga këto incidente kanë rezultuar në një rritje të duhur të shqyrtimit kritik të regjimit nga ana e të huajve, por fatkeqësisht kjo rrallë ka çuar në një rritje të ngjashme të presionit që ushtrohet mbi regjimin lidhur me çështje të tilla.

Rrahja e të burgosurave politike femra në burgun Qarchak
Thirrje për aksion urgjent për të shpëtuar të burgosurit e dënuar me vdekje, dhe që një delegacion ndërkombëtar të vizitojë burgjet e Iranit

Të enjten më 17 dhjetor, një i burgosur me emrin Shahab Javid u ekzekutua në Burgun Qendror të Qom. Gjatë viteve të fundit atë e kishin torturuar psikologjikisht duke u shtirur sikur do ta ekzekutonin në tre raste. Ekzekutimi i tij është kryer ndërkohë që thuhet se paditësit e kanë tërhequr akuzën. Torturuesit e regjimit i kishin bërë presion që të shkruante një letër pendimi, por ai nuk kishte pranuar, duke ngulur këmbë në pafajsinë e tij.

Shahab Javid është një nga 15 të burgosurit e dënuar me vdekje për akuza financiare dhe për përplasje me Forcat e Sigurisë së Shtetit. 14 të burgosurit e tjerë, sipas raporteve, do të ekzekutohen së shpejti.