Pasojat e shtimit të protestave në mbarë Iranin

Nga
Shkrimtar i stafit
-

Protests are growing across IranAutor:Aladdin Touran

Protestat po shtohen në mbarë Iranin

 

Në Iran po shtohet tensioni. Çdo ditë, komunitete e segmente të ndryshme të shoqërisë iraniane zhvillojnë demonstrata dhe protestojnë kundër korrupsionit të regjimit, politikave shkatërrimtare dhe shtypjes.

Të dielën, duke i dalë kundër një vale masash represive të regjimit iranian, pensionistët e Organizatës së Sigurimeve Shoqërore dolën nëpër rrugë dhe zhvilluan tubime protestuese në 13 qytete. Në katër muajt e fundit, pensionistët kanë organizuar protesta të rregullta, ndonjëherë edhe dy apo tre herë në javë.

Në të njëjtën ditë, të diplomuarit për mësuesi nga qytete të ndryshme u mblodhën në Teheran dhe zhvilluan një tubim të madh, për të protestuar kundër papunësisë dhe premtimeve të rreme e të papërmbushura të regjimit.

Ndërkohë, nxënësit e shkollave të nivelit të mesëm e të lartë zhvilluan demonstrata për disa ditë rresht në gjashtë qytete, duke protestuar kundër vendimit të regjimit për t’i anashkaluar protokollet e covid-it dhe për t’i detyruar nxënësit t’i bëjnë provimet në klasa.

Ajo që i bashkon të gjitha këto protesta është fakti që ato e shënjestrojnë direkt regjimin e mullahëve si burimin kryesor të të gjitha problemeve të vendit. Pensionistët thërrisnin: “Punëtorët e burgosur duhet të lirohen,” “Nuk do të votojmë, kemi dëgjuar shumë gënjeshtra,” “Po përballemi me diskriminimini dhe koronavirusin, dhe askush nuk mendon për ne,” “pensionistët ngrihen kundër diskriminimit dhe tiranisë.”

Autoritetet e regjimit janë të alarmuar nga përshkallëzimi i situatës së protestave. “Për sa i përket protestave [shoqërore], ajo që ka rëndësi është se çështja po shndërrohet nga kërkesa të thjeshta në formë qytetare në një çështje sigurie,” paralajmëroi e përditshmja shtetërore Mostaghel më 9 maj.

Pas shtypjes së kryengritjes së nëntorit 2019, regjimi i vari shpresat tek përhapja e koronavirusit për të parandaluar shpërthimin e protestave të mëtejshme shoqërore. Lideri suprem i regjimit Ali Khamenei shkoi deri në atë pikë sa ta quante përhapjen e covid-it si një “bekim.”

Por në situatën aktuale, ku sipas Mostaghel, “varfëria dhe mjerimi u kanë hyrë familjeve deri në palcë” deri në atë pikë sa “studentët po kryejnë vetëvrasje,” as pandemia e koronavirusit nuk mund ta mbajë nën kontroll zemërimin e popullit. Këtë fakt e dëshmon përshkallëzimi gradual i protestave gjatë katër muajve të fundit. Pensionistët e filluan lëvizjen e tyre protestuese në pak qytete. Por në javët që vijuan, kësaj lëvizjeje iu bashkuan komunitete nga shumë qytete të tjera. Dhe atmosfera u përhap edhe tek komunitetet iraniane nga të gjithë sektorët e shoqërisë, duke përfshirë punëtorët, mësuesit, studentët, kreditorët, dhe fermerët.

 

Paradoksi i Heqjes së Sanksioneve mbi Iranin në Bisedimet e Vienës

Nga
Shkrimtar i stafit
-

 

Ka dy lloje thashethemesh lidhur me bisedimet bërthamore që po zhvillohen midis Iranit dhe fuqive botërore në Vienë: zyrtarët iranianë po flasin për heqjen e sanksioneve ndërkombëtare, por homologët e tyre në negociata, kryesisht qeveria amerikane, thonë se duhet një rrugë e gjatë përpara se të kemi rezultate.

Ky raport i shkurtër do të analizojë labirintin e negociatave për të parë se në çfarë situate është tani pakti bërthamor i 2015-ës me Iranin (JCPOA), dhe se a do të arrijnë ndonjë rezultat së shpejti këto negociata apo jo.

Presidenti i Iranit Hassan Rouhani pretendon se sanksionet janë hequr. Më 5 maj në mbledhjen e kabinetit, ai tha: “Si kreu i shtetit, deklaroj para popullit se sanksionet janë thyer dhe nëse do të jemi të gjithë të bashkuar, sanksionet do të hiqen së shpejti.”

“Si amerikanët, ashtu edhe europianët deklarojnë qartë se nuk kemi zgjedhje tjetër përveçse t’i heqim sanksionet dhe të rikthehemi tek JCPOA. Pothuajse të gjitha sanksionet kryesore janë hequr dhe vazhdojnë negociatat për disa detaje.” (faqja shtetërore e lajmeve online 55, 9 maj 2021)

Por pak para tij, zyrtarë të tjerë të regjimit kanë bërë deklarata që nuk përputhen me pretendimet e tij për sa i përket negociatave.

Abbas Araghchi, përfaqësues politik në Ministrinë e Punëve të Jashtme të Iranit, ka thënë: “Në përgjithësi, procesi po ecën, por kemi edhe sfida, edhe detaje të vështira. Duhet të biem dakord me ta fjalë për fjalë e shprehje për shprehje.” (IRNA, 30 prill 2021)

Nezam al-ddin Mousavi, deputet, tha më 19 prill lidhur me deklaratat e Rouhani-t: “Përsëri, Rouhani dhe grupi i tij po e keq-llogarisin çështjen e negociatave bërthamore dhe, në vend që ta ndjekin atë teknikisht dhe shkencërisht, e shohin si një vegël politike për punët e brendshme.”

 

Dënimi për Terrorizëm i Diplomatit Iranian Është i Sigurtë, por Çështjet e Lidhura me Të Mbeten Ende të Pazgjidhura

Nga
Mansoureh Galestan
-

Asadollah Assadi, një diplomat terrorist i regjimit iranian, po gjykohet në Belgjikë për akuza terrorizmi

U raportua javën e shkuar se Assadollah Assadi, diplomati iranian që orkestroi komplotin terrorist në zemër të Europës tre vjet më parë, nuk do ta apelojë dënimin e marrë në shkurt. Assadi është ndjekur penalisht së bashku me tre bashkë-konspiratorë të tij në një gjykatë federale belge dhe ka marrë dënimin më të gjatë me burg nga të katër të dënuarit, dënim me 20 vite.

Që në fillim të hetimeve mbi veprimtaritë e Assadi-t, ai dhe eprorët e tij në Teheran kanë argumentuar se duhej t’i ishte dhënë imunitet diplomatik mbi bazën e pozicionit të tij, pavarësisht seriozitetit të çështjes kundër tij. Në asnjë çast, ata nuk i kanë kundërshtuar hapur detajet e kësaj çështjeje, të cilat përfshijnë një raport që tregon se si ai ka siguruar lëndë të fuqishme plasëse nga Irani, e ka transportuar fshehtazi në Europë me anë të një avioni pasagjerësh duke përdorur një çantë diplomatike, dhe pastaj ua ka dorëzuar një çifti iraniano-belg me detyrën për ta çuar bombën në tubimin e përvitshëm të mërgimtarëve iranianë që po zhvillohej jashtë Parisit nga Këshilli Kombëtar i Rezistencës së Iranit.

Raportohet se Assadi i kishte udhëzuar bashkë-konspiratorët e tij që ta vendosnin bombën sa më afër Presidentes së NCRI-së, zonjës Maryam Rajavi, që të ishte e mundur. Rreth gjashtë muaj përpara tubimit të 30 qershorit 2018, Lideri Suprem i regjimit iranian Ali Khamenei ia kishte atribuar publikisht rezistencës iraniane kryengritjen mbarëkombëtare që po zhvillohej në atë kohë. Ai kishte thënë specifikisht se Organizata Muxhahedine e Popullit të Iranit (PMOI/MEK) kishte “planifikuar për muaj të tërë” t’i popullarizonte slloganet anti-qeveritare dhe t’ua ndryshonte drejtimin protestave fillestare, të cilat kishin fillimisht një fokus ekskluzivisht ekonomik, e t’i çonte drejt thirrjeve të hapura për ndryshim regjimi dhe qeverisje demokratike.

Shqetësimet lidhur me këtë rritje të ndikimit të MEK dhe NCRI me sa duket nxitën një rritje të përgjithshme në veprimtaritë terroriste me në shënjestër aktivistët e këtij koalicioni dhe personat e lidhur me të jashtë Iranit. Komploti terrorist i Parisit u parapri në mars 2018 nga një tentativë për të shpërthyer një bombë me anë të një kamioni në tubimin e MEK në Shqipëri, me rastin e Vitit të Ri pers. Për më tepër, në gusht të po atij viti, u ngritën akuza kundër dy shtetasve iranianë në Shtetet e Bashkuara për survejim mbi aktivistët e MEK dhe kritikues të tjerë të regjimit iranian, me sa duket për t’i paraprirë komploteve terroriste e tentativave të tjera për vrasje.

Saba Kord Afshari në grevë urie për lirimin e nënës së saj

Nga
Shkrimtar i stafit
-


Saba Kord Afshari on hunger strike to have her mother releasedSaba Kord Afshari recently ëhile on leave

 

Saba Kord Afshari ka nisur një grevë urie që të shtunën, 8 maj 2021, për të protestuar ndaj rritjes së presionit mbi familjen e saj dhe mbi familjet e të burgosurve të tjerë politikë. Ajo kërkon që nëna e saj, Raheleh Ahmadi, të lirohet nga burgu Evin.

Saba Kord Afshari ka vuajtur disa herë nga ulçera e stomakut. Për këtë arsye, greva e saj e urisë ka shkaktuar shqetësim serioz tek familja e saj.

Saba Kord Afsahri është transferuar jashtë pavijonit të grave të burgut Evin dhe dëbuar në burgun Qarchak më 9 dhjetor 2020. Znj. Kord Afshari është dënuar me 24 vite burg për faktin se ka protestuar kundër mbulimit të detyrueshëm të kokës.

Më 26 janar 2021, rojat e burgut e kapën për flokësh dhe e zvarritën nëpër dysheme për ta transferuar nga Pavijoni 8 në Pavijonin 6 ku mbahen të burgosurat e dënuara për krime të rrezikshme.

Audio e Zarif-it, Goditje Fatale dhe e Dhimbshme për Qeverinë e Iranit

Nga
Shkrimtar i stafit
-

 

Është e qartë nga bisedat, blogjet, artikujt e gazetave, diskutimet, reagimet, dhe shprehjet e shumë zyrtarëve iranianë, se publikimi i audios së ministrit të jashtëm të regjimit Mohammad Javad Zarif ka qenë një goditje kaq e madhe për të gjithë sistemin saqë edhe pas një jave, pasojat e saj vazhdojnë të ndihen.

Si rrjedhim, të dy fraksionet e regjimit po përpiqen të zbulojnë arsyen dhe personin që ka qenë përgjegjës për publikimin e audios. Procesi në vazhdim tregon se kjo temë do të ketë shumë pasoja tronditëse, të fshehta e të dukshme, për regjimin.

Disa nga të përditshmet shtetërore po e quajnë këtë goditje “Porta e Zarif-it,” duke theksuar se kjo do të ketë një impakt tek zgjedhjet e ardhshme presidenciale.

“Nisur nga kapaciteti i kësaj ngjarjeje për të bërë lajm, nuk duket se pasojat tronditëse të saj do të zhduken së shpejti nga peizazhi politik i vendit. Kjo situatë do të thotë se çështja (Porta e Zarif-it) nuk ka mbaruar, dhe pasojat e saj do të ndikojnë në atmosferën politike dhe shoqërore të Iranit në një kohë kritike, madje edhe më shumë në periudhën përpara zgjedhjeve presidenciale të 2021-it.” (Jahan-e-Sanat, 5 maj 2021)

Situata është kaq kritike saqë, sipas agjencisë shtetërore të lajmeve Tasnim, Zohreh Elahian, një anëtare e Komitetit të Sigurisë Kombëtare e Politikës së Jashtme të Parlamentit, në një letër drejtuar Zarif-it, i bëri atij 20 pyetje duke i kërkuar përgjigje.

Sikur vetëm këto pyetje të marrim parasysh, është e qartë se sa kritike dhe e rrezikshme është bërë situata për regjimin pas publikimit të audios.

Iran: Tubime Mbarëkombëtare nga Pensionistët dhe Studentët Pavarësisht Masave Represive

Nga
Shkrimtar i stafit
-

Isfahan – Protest rally in front of the Social Security Organization – May 9, 2021

Isfahan – Protestë përpara Organizatës së Sigurimeve Shoqërore – 9 maj 2021

“Nuk do të votojmë më, kemi dëgjuar shumë gënjeshtra; Poshtë Rouhani; Lironi punëtorët e burgosur”

Pavarësisht masave represive të regjimit klerikal, të dielën më 9 maj 2021, pensionistët në Teheran dhe 12 qytete të tjera dolën përsëri nëpër rrugë për të protestuar kundër kushteve të papërballueshme të jetesës dhe pagave nën pragun e varfërisë. Në Teheran, forcat represive dhe agjentët me veshje civile u mblodhën përpara Organizatës së Sigurimeve Shoqërore për të parandaluar zhvillimin e tubimit të pensionistëve.

Krahas Teheranit, pensionistët u mblodhën jashtë zyrave të sigurimeve shoqërore edhe në Borujerd, Karaj, Tabriz, Mashhad, Rasht, Khorramabad, Sanandaj, Isfahan, Kermanshah, Shiraz, Shush, dhe Marand. Ata thërrisnin: “Vetëm duke dalë nëpër rrugë mund t’i fitojmë të drejtat tona,” “Pagat i kemi në rial, ndërkohë që shpenzimet i kemi në dollarë,” “Sigurime Shoqërore, emri nuk përputhet me veprat,” “Pensionistët ngrihen kundër shtypjes”, “Po përballemi me krizën e koronavirusit dhe me diskriminimin, por askush (regjimi) nuk do t’ia dijë për ne,” “Nuk do të votojmë më, kemi dëgjuar shumë gënjeshtra,” “Poshtë Rouhani,” dhe ”Punëtorët e burgosur duhet të lirohen.”

Njëkohësisht, për disa ditë rresht, studentët janë grumbulluar përpara Departamenteve të Arsimit në Bandar Abbas, Tabriz, Kerman, Mashhad, Qom, dhe Karaj, duke protestuar kundër zhvillimit të provimeve në klasa, gjë që do të çonte në përhapjen e COVID-19 mes studentëve e familjeve të tyre. Ata thërrisnin: “Nuk i duam provimet në klasa.” Forcat represive të Sigurisë së Shtetit dhe agjentët me veshje civile tentuan t’i ndalonin këto tubime dhe të parandalonin përhapjen e lajmeve për to. Ata ua konfiskuan celularët njerëzve që po filmonin. Disa studentë u arrestuan në Mashhad.

Tehran – Protest rally in front of the Social Security Organization – May 9, 2021

Teheran – Protestë përpara Organizatës së Sigurimeve Shoqërore – 9 maj 2021

Karaj – Protest rally in front of the Social Security Organization – May 9, 2021 Karaj – Protestë përpara Organizatës së Sigurimeve Shoqërore – 9 maj 2021

Isfahan – Protest rally in front of the Social Security Organization – May 9, 2021 Isfahan – Protestë përpara Organizatës së Sigurimeve Shoqërore – 9 maj 2021

Shiraz – Protestë përpara Organizatës së Sigurimeve Shoqërore – 9 maj 2021

Tabriz – Protestë përpara Organizatës së Sigurimeve Shoqërore – 9 maj 2021

Rasht – Protestë përpara Organizatës së Sigurimeve Shoqërore – 9 maj 2021

Sanandaj – Protestë përpara Organizatës së Sigurimeve Shoqërore – 9 maj 2021

 Kermanshah – Protestë përpara Organizatës së Sigurimeve Shoqërore – 9 maj 2021

 Hashtgerd dhe Bandar Abbas- Protestë kundër zhvillimit të provimeve në klasa- 9 maj 2021

Përmbledhje e Protestave në Iran: Populli Zhvillon Protesta në Mesin e Pandemisë së COVID-19

Nga
Shamsi Saadati
-

 

According to reports tallies by the People’s Mojahedin Organization of Iran (PMOI/MEK), as Iran’s economic and social crises deepen, more protests are held across the country.  Sipas raporteve të mbledhura nga Organizata Muxhahedine e Popullit të Iranit (PMOI/MEK), ndërkohë që krizat ekonomike dhe shoqërore të Iranit thellohen, gjithnjë e më shumë protesta zhvillohen në mbarë vendin.

Të shtunën, më 8 maj, nxënësit e shkollave të mesme zhvilluan një tubim në lagjen Nasim Shahr të Teheranit, ku protestuan kundër zhvillimit të provimeve në klasa ndërkohë që kriza e Covid-19 vazhdon të shuajë deri në një mijë jetë në ditë në Iran.

Studentët iranianë i nisën protestat e tyre të martën në qytete të shumta iraniane, kundër zhvillimit të provimeve në klasa në vend të online, për shkak të pandemisë së Koronavirusit.

Të mërkurën, sipas Rezistencës Iraniane, në disa qytete forcat shtypëse të regjimit i kanë sulmuar studentët me shkopinj e spërkatëse lotsjellëse dhe ua kanë konfiskuar telefonat celularë. Në Yazd dhe Shahrekord janë arrestuar disa studentë.

Ndërkohë që vendet e tjera po e arrijnë objektivin e vaksinimit të përgjithshëm, regjimi e ka vonuar procesin e vaksinimit dhe refuzon ta karantinojë vendin. Ndërkohë, Irani po përjeton valën e katërt të pandemisë së koronavirusit. Zhvillimi i provimeve, refuzimi për të siguruar vaksina të çertifikuara, dhe detyrimi i njerëzve të dalin në punë janë pjesë e politikës çnjerëzore të regjimit për Covid-19, politikë që ka për qëllim ta vërë nën kontroll shoqërinë e trazuar.

Por protestat që vazhdojnë në Iran tregojnë se politika e regjimit deri tani ka dështuar.

Të shtunën, aksionerët e plaçkitur të Azovico në Teheran organizuan një protestë përpara Gjykatës Speciale për Korrupsionin Ekonomik. Në një zhvillim të ngjashëm të shtunën, investitorët e plaçkitur të “Anboh Sazan Maskan,” një kompani e strehimit masiv, zhvilluan një protestë përpara Bashkisë së Urmia-së, ku kërkuan të drejtat dhe shtëpitë e tyre.

 

Iran: Njësitë e Rezistencës të MEK vazhdojnë të nxitin bojkot të zgjedhjeve

Nga
Shamsi Saadati
-

MEK Resistance Units call for elections boycott across Iran - May 2021Njësitë e Rezistencës të MEK bëjnë thirrje për bojkot të zgjedhjeve në mbarë Iranin – maj 2021

Gjatë javës së fundit, rrjeti i Opozitës Iraniane e ka vazhduar fushatën e tij të gjerë në mbarë vendin kundër farsës së zgjedhjeve të mullahëve. Rrjeti i brendshëm i Organizatës Muxhahedine të Popullit të Iranit (PMOI/MEK), i njohur si Njësitë e Rezistencës, ka zhvilluar veprimtari anti-regjim në mbi 60 zona të 23 qyteteve iraniane.

Slloganet e tyre kishin në shënjestër farsën e zgjedhjeve presidenciale të qershorit. Këto sllogane përfshinin: “Jo sundimit të mullahëve, jo tiranisë fetare, jo represionit, jo plaçkitjes, dhe po lirisë e një republike demokratike,” “Vota jonë është për ndryshim regjimi, po një republike demokratike,” dhe “Demokraci dhe liri me Maryam Rajavi.”

Këto veprimtari janë mirëpritur nga publiku dhe “bojkoti i zgjedhjeve të mullahëve” është kthyer tashmë në një lëvizje të gjerë shoqërore.

Njësitë e Rezistencës kanë ngjitur gjithashtu postera e afishe nëpër vende publike, ku bëhet thirrje për një bojkot mbarëkombëtar të farsës së zgjedhjeve presidenciale të mullahëve. Shumë sllogane në afishet dhe graffiti janë të frymëzuara nga mesazhet e Maryam Rajavi, Presidentes së zgjedhur të Këshillit Kombëtar të Rezistencës së Iranit (NCRI), dhe udheheqësit të Rezistencës Iraniane, Massoud Rajavi.

Mungesa e Apelit në Çështjen e Terrorizmit të Regjimit Iranian dhe Provat për Terrorizmin e Sponsorizuar nga Shteti

Nga
Mahmoud Hakamian
-

 

Iranian diplomat-terrorist Aassadolah AssadiDiplomati terrorist iranian Aassadolah Assadi

Të mërkurën u raportua se diplomati terrorist i regjimit iranian, Assadollah Assadi, nuk do ta apelojë dënimin që iu dha në shkurt, në përfundim të çështjes gjyqësore belge që nisi nga një komplot me bombë në 2018-ën. Më 1 korrik të atij viti, Assadi u arrestua në Gjermani pasi ishte identifikuar si organizatori i komplotit për të shpërthyer lëndë plasëse në tubimin e Rezistencës Iraniane jashtë Parisit. Pas dy vitesh hetime dhe afërsisht dy muajsh procedura ligjore, ish-konsullori i tretë i ambasadës së regjimit në Vienë u dënua me 20 vjet burg me akuzën e komplotimit për të kryer vrasje terroriste. Tre bashkëpunëtorë të tij morën dënime nga 15 deri në 18 vjet burg.

Me refuzimin për ta apeluar këtë dënim, regjimi në fakt po e pohon fajin e Assadi-t. Por ndoshta regjimi po shpreson gjithashtu t’i shmanget rritjes së vëmendjes ndërkombëtare ndaj kësaj çështjeje dhe terrorizmit të regjimit në përgjithësi. Kjo shpresë sigurisht që ndahet edhe nga eprorët e ish-diplomatit në Teheran, të cilët patën protestuar me zë të lartë kundër ndjekjes penale të tij duke këmbëngulur në imunitetin e pakufizuar, por në fund të fundit, nuk i kundërshtuan faktet e çështjes.

 

 

 

Iran: Studentët protestojnë në Teheran dhe në 15 qytete të tjera

Nga
Shkrimtar i stafit
-

Students gathered to protest against taking in-person exams instead of online, given the Coronavirus pandemic.Studentët mblidhen për të protestuar kundër zhvillimit të provimeve në salla në vend të online, për shkak të situatës së pandemisë së koronavirusit.

Të mërkurën, më 5 maj 2021, studentët u mblodhën për të dytën ditë rresht në 15 qytete për të protestuar kundër zhvillimit të provimeve në salla në vend të online, për shkak të situatës së pandemisë së koronavirusit.

Masat represive të regjimit, si dërgimi i mesazheve kërcënuese në celularët e studentëve dhe kontaktimi i prindërve të tyre në qytete të ndryshme, dështuan në parandalimin e tubimeve.

Krahas Teheranit, studentët në u mblodhën edhe në qytetet Yazd, Qazvin, Karaj, Shahrekord, Shiraz, Zanjan, Semnan, Isfahan, Khorramabad, Borujerd, Ahvaz, Birjand, Tabriz, dhe Fooladshahr dhe protestuan përpara zyrave të Ministrisë së Arsimit. Ata thërrisnin: “Për shkak të koronavirusit, provimet në salla nuk janë të mundura,” “Nuk duam provime në salla,” “Mos kini frikë, jemi të gjithë bashkë, provimet në salla duhet të anulohen.”

Në disa qytete, forcat shtypëse të regjimit i sulmuan studentët me shkopinj dhe gaz lotsjellës, dhe ua konfiskuan celularët. Në Yazd dhe Shahrekord u arrestuan disa studentë.

Students gathered to protest against taking in-person exams instead of online, given the Coronavirus pandemic.Studentët mblidhen për të protestuar kundër zhvillimit të provimeve në salla në vend të online, për shkak të situatës së pandemisë së koronavirusit.

 

1...297298299...728Faqja 298 nga 728