Monday, February 6, 2023

Gjykata iraniane dënon gjashtë qytetarë Baha’i me 73 vite burg

Iran court sentences six Baha'is citizens to 73 years of prisonGjykata iraniane dënon gjashtë qytetarë Baha’i me 73 vite burg

Një gjykatë revolucionare në Iran ka dënuar gjashtë qytetarë Baha’i me një total prej 73 vitesh e 6 muajsh burg.

Borhan Esmaili, Maryam Bashir, Faranak Sheikhi, Hayedeh Ram, Minoo Bashir dhe Derna Esmaili, gjashtë qytetarë Baha’i banues në Shiraz dhe Borazjan, janë dënuar nga Gjykata Revolucionare e Dashtestan (Borazjan) me një total prej 73 vitesh e 6 muajsh burg.

Sipas verdiktit të dhënë nga Gjykata Revolucionare e Borazjan më 19 maj 2021, verdikt i cili u është njoftuar gjasthë qytetarëve Baha’i ditët e fundit, Borhan Esmaili, si i pandehur i parë, është dënuar me 11 vite burg me akuzën për “veprimtari propagande kundër regjimit duke përhapur besimet e sektit Baha’i dhe veprimtari kundër sigurisë kombëtare duke shpërndarë e promovuar idetë e sektit Baha’i”.

Pesë qytetaret e tjera Baha’i në këtë çështje, Maryam Bashir, Faranak Sheikhi, Hayedeh Ram, Minoo Bashir dhe Dorna Esmaili, janë akuzuar për “ndihmesë në veprimtaritë propagandistike kundër regjimit duke përhapur besimet e sektit Baha’i, duke krijuar e publikuar imazhe vulgare në rrjetet sociale, dhe veprim kundër sigurisë kombëtare duke publikuar idetë e sektit Baha’i.”

Ato janë dënuar me nga 12 vite e 6 muaj burg.