Me rastin e të dyzetave të martirëve të protestave, njësitë e Rezistencës kanë shpërndarë dhe vendosur mesazhe dhe foto të znj. Maryam Rajavi, Presidentes së zgjedhur të NCRI-së, dhe z. Massoud Rajavi, Liderit të Rezistencës Iraniane, në Teheran e në qytetet Karaj, Isfahan, Tabriz, Shahr-e Ray, dhe Amol.
Bota duhet ta dënojë regjimin iranian dhe të bëjë të mundur aksesin e lirë në Internet për iranianët
Regjimi anti-njerëzor klerikal në Iran e ka bllokuar sërish aksesin në Internet në pjesën më të madhe të vendit, nga frika e zhvillimit të ceremonive me rastin e të dyzetave të protestuesve të vrarë në kryengritjen e nëntorit.
Foto të disa prej martirëve të protestave të Iranit – Nëntor 2019
Regjimi në Gjendje Vigjilence të Plotë nga Frika e Përkujtimit të Martirëve
Organizata e Muxhahedinëve të Popullit të Iranit (PMOI/MEK) ka publikuar emrat e 13 martirëve të tjerë të kryengritjes mbarëkombëtare të popullit iranian në nëntor, duke e çuar në 601 numrin e njerëzve të identifikuar deri tani.
Znj. Maryam Rajavi, Presidentja e zgjedhur e Këshillit Kombëtar të Rezistencës së Iranit (NCRI), ishte e pranishme në ceremonitë për kremtimin e lindjes së Jezu Krishtit në Arqipeshkvinë Metropolitane Tiranë-Durrës, të martën më 24 dhjetor 2019.
Mësuesit në shumë qytete të të Iranit iu përgjigjën një thirrje të mëparshme dhe filluan një grevë mbarëkombëtare të hënën, në 23 dhjetor 2019
Raportimi nga PMOI / MEK
Të dashur miq,
Gëzuar Krishtlindjet dhe Vitin e Ri!
Ditëlindja e Profetit të paqes dhe lirisë është një rast për botën që të nderojë vlerat njerëzore si vëllazëria dhe bujaria.
Urimet e mia më të mira për një Vit të Ri të gëzuar e plot bekime, shëndet e begati.
Maryam Rajavi: Khamenei e ka absolutisht gabim nëse mendon se regjimi i tij dekadent do të mbijetojë duke kryer krime kundër njerëzimit. Masakra e nëntorit sinjalizon fazën e fundit të sundimit të këtij regjimi
Maryam Rajavi: Khamenei e ka absolutisht gabim nëse mendon se regjimi i tij dekadent do të mbijetojë duke kryer krime kundër njerëzimit. Masakra e nëntorit sinjalizon fazën e fundit të sundimit të këtij regjimi
Në një grumbullim të Mujahedin-e Khalq (PMOI/MEK) në Ashraf-3 të Shqipërisë, me rastin e përkujtimit të ditës së 40-të për mbi 1,500 të vrarët gjatë kryengritjes së nëntorit, znj. Maryam Rajavi, Presidentja e zgjedhur e Këshillit Kombëtar të Rezistencës së Iranit (NCRI), tha se këta martirë ishin duarbosh e të pambrojtur përballë armikut të egër e mizor. Por i gjendur përballë këtyre të rinjve që kanë ngritur krye, regjimi nuk mund ta parandalojë përmbysjen e tij. Khamenei e ka absolutisht gabim nëse mendon se mund ta mbrojë regjimin e tij dekadent dhe ta vazhdojë sundimin e tij. Kjo masakër sinjalizon fazën e fundit të regjimit klerikal.
Znj. Rajavi theksoi se kryengritja e nëntorit 2019 i ka dhënë një goditje madhore, shkatërrimtare dhe të pashërueshme regjimit në tërësinë e tij. Protestuesit e zemëruar u konfrontuan me forcat shtypëse të regjimit duke shkatërruar qendrat e mullahëve për represion e plaçkitje… U shfaq perspektiva dhe rruga drejt fitores së kryengritjeve dhe çlirimit të Iranit.
Presidentja e zgjedhur e NCRI-së shtoi se kryengritja e nëntorit u bë skena e një konfrontimi midis protestuesve, të rinjve dhe njësive të rezistencës nga njëra anëi, dhe nga ana tjetër, regjimit në tërësinë e tij, duke përfshirë forcat e tij shtypëse dhe aparatin e tij politik. Korpusi i Gardës Revolucionare Islamike (IRGC) mori kontrollin dhe komandën për shtypjen e protestave. Të gjitha forcat shtypëse vepruan nën komandën direkte të IRGC-së. E megjithatë, ata nuk ia dolën ta merrnin situatën nën kontrollin e tyre. Në orën 6:45 të mëngjesit të së dielës, më 17 nëntor, lideri suprem i mullahëve Ali Khamenei u turr për në skenën e ngjarjeve për ta dhënë personalisht urdhrin për një shtypje të përgjithshme të kryengritjes…. Regjimi dërgoi automjete, tanke dhe helikopterë me personel të armatosur në disa qytete.
Ajo vuri në dukje se kryengritja e ka shkatërruar pathyeshmërinë boshe të IRGC-së. Populli e kuptoi pushtetin dhe forcën e vet, duke e tmerruar palën tjetër. Tani, është regjimi ai që është i pushtuar nga frika e përhershme. Regjimi e ka pohuar se njësitë e rezistencës kanë punuar pa pushim gjatë dy viteve të fundit, dhe kanë ndikuar në drejtimin e kryengritjes. Dhe vërtet, veprimtaritë e njësive të rezistencës që nga janari 2018 kanë kërkuar sakrifica të mëdha për t’i mbajtur gjallë flakët e kryengritjes.
Znj. Rajavi theksoi se masakra e 1,500 të rinjve intensifikon zemërimin e kombit iranian dhe forcon vendosmërinë e popullit iranian për liri. Kryengritja e përgjakshme e nëntorit prishi gjithashtu disa mite dhe iluzione lidhur me regjimin. Ajo tregoi se askush në Iran nuk i ka varur shpresat tek ndryshimi nga brenda regjimit. E vetmja zgjidhje është të rrëzohet regjimi në tërësinë e tij, dhe kjo do të ndodhë pa dyshim.
Ajo tha se Këshilli i Sigurisë duhet t’i deklarojë liderët e regjimit si Khamenei, Rouhani, Ali Shamkhani, sekretari i Këshillit Suprem të Sigurisë, dhe Hossein Salami, komandanti i IRGC-së, si autorë të krimeve kundër njerëzimit në mënyrë që ata të përballen me drejtësinë. Kombet e Bashkuara duhet të dërgojnë menjëherë në Iran misione të gjetjes së fakteve për të hetuar situatën e të vrarëve, të plagosurve dhe të burgosurve.
Znj. Rajavi përsëriti se bota duhet ta mbështesë legjitimitetin e rezistencës së të rinjve të rebeluar të Iranit kundër Gardës mizore Revolucionare. Bota duhet ta njohë luftën e popullit të Iranit për ta rrëzuar këtë regjim. Kjo është po ajo e drejtë e deklaruar në Deklaratën Universale të të Drejtave të Njeriut, në Revolucionin Francez, dhe në Deklaratën e Pavarësisë së Amerikës.
Ajo e përmbylli fjalën e saj duke thënë se solidariteti dhe bashkëpunimi janë elementët thelbësorë për mbajtjen gjallë të kryengritjes. Është detyrë patriotike mbështetja për familjet e martirëve, kujdesi për të plagosurit, dhe ndihma ndaj njësive të rezistencës në çdo formë e në çdo shkallë që të jetë e mundur.
Sekretariati i Këshillit Kombëtar të Rezistencës së Iranit
23 dhjetor 2019
Në një raport të veçantë më 23 dhjetor 2019 lidhur me shtypjen vrastare ndaj protestave në Iran, Reuters konfirmoi numrin e vdekjeve prej 1500 që është shpallur nga Organizata e Muxhahedinëve të Popullit të Iranit (PMOI), e njohur ndryshe si Mujahedin-e-Khalq (MEK), më 15 dhjetor 2019.
20 dhjetor 2019-Deklaratë për Shtyp: Parlamentarët Europianë Mbështesin Protestat e Iranit
Shkruar nga Shkrimtar i Stafit më 22 dhjetor 2019.
Mbi 200 ligjvënës europianë kanë nënshkruar një deklaratë të përbashkët në mbështetje të protestave të fundit pro-demokracisë në Iran dhe në miratim të thirrjes së udhëheqëses së opozitës iraniane Maryam Rajavi drejtuar Kombeve të Bashkuara për të hetuar shtypjen vrastare të regjimit ndaj protestuesve të paarmatosur.
