Qeveria e Iranit Ka Frikë nga Përgjigjja ‘JO’ e Popullit

Nga
Shkrimtar i stafit
-

 

Irani do të zhvillojë së shpejti zgjedhjet presidenciale, dhe që tani, zyrtarët e qeverisë e mediat shtetërore flasin për ‘JO-në’ e madhe të popullit ndaj këtyre zgjedhjeve dhe shprehin frikë.

Por situata këtë herë është edhe më e keqe se në zgjedhjet e mëparshme. Këtë herë, qeveria detyrohet t’i bindë forcat e veta që ta mbështesin e të jenë të pranishme në skenën e këtyre zgjedhjeve.

Lidhur me këtë, e përditshmja shtetërore Shargh shkroi më 17 prill: “Qeveria, fraksionet e saj politike, madje edhe figurat individuale të saj e kanë humbur hegjemoninë dhe nuk janë më të afta t’i vënë njerëzit në të njëjtën vijë me idetë, besimet dhe shijet e tyre në mënyrë që të angazhohen në aksion politik. Kjo situatë është më e dhimbshme për reformistët sesa për çdo grupim tjetër.”

Shqetësimet e mediave të tilla që janë të lidhura me grupimin politik të liderit suprem të Iranit, Ali Khamenei, vijnë për shkak të urrejtjes së popullit, dhe slloganeve si ‘reformistë, principalistë, loja mbaroi’, të cilat kanë qenë fytyra e vërtetë e protestave këto vitet e fundit, dhe që tregojnë vullnetin për ta përmbysur regjimin.

 

 

 

Mediat Shtetërore e Pranojnë që Regjimi i Iranit po i Përdor Vaksinat COVID-19 për të Nxjerrë Fitime

Nga
Shamsi Saadati
-

Mbi 257,600 njerëz kanë humbur jetën për shkak të shpërthimit të koronavirusit të ri, i cili është përhapur në mbarë Iranin për shkak të politikës çnjerëzore të regjimit klerikal lidhur me Covid-19. Sipas mediave shtetërore, regjimi e vazhdon këtë politikë çnjerëzore duke mos siguruar vaksina ose duke e përdorur vaksinimin për t’i plaçkitur edhe më tej njerëzit.

Kohët e fundit, regjimi ka shpallur planin për t’ua lejuar kompanive private që të importojnë vaksina dhe t’ua shesin ato popullit. Këto të ashtu-quajtura kompani private janë kompanitë frontale të lidhura me Gardën Revolucionare (IRGC) apo me Liderin Suprem të regjimit, Ali Khamenei. Me pak fjalë, nën regjimin e mullahëve, Irani është i vetmi vend ku njerëzit po vaksinohen me ngadalësi dhe duhet të paguajnë për përshpejtim të vaksinimit.

“Një vaksinim me pagesë jashtë radhës nënkupton korrupsion, mungesë besimi nga populli, diskriminim, treg të zi, dhe një tjetër problem të paparashikuar,” shkruante e përditshmja shtetërore Javan të hënën. “Ndërkohë që numri i viktimave rritet çdo ditë, dhe boja e zezë e Covid-19 përhapet mbi hartën e vendit tonë, zëdhënësi i Taskforcës Kombëtare për Luftimin e Koronavirusit [NCCTF] flet qartë për marrje parash për ndryshim të prioriteteve,” shkruan e përditshmja Javan, duke nënvizuar se “duke u dhënë përparësi vaksinave për të pasurit, vetëm sa do të njolloset imazhi i drejtësisë në shëndetësi. Kjo do të paraqesë një pengesë serioze në vënien nën kontroll të sëmundjes.”

“Me vendimet e saj të fundit që kanë krijuar një situatë kritike dhe e kanë rritur numrin e vdekjeve nga më pak se 100 në mbi 400, NCCTF ka treguar se është më e efektshme në përhapjen e sëmundjes sesa në luftimin e saj. Tani, me planin për t’i dhënë përparësi vaksinimit të të pasurve në mesin e Pandemisë së Shekullit, ajo ka demonstruar diskriminim shoqëror e klasor dhe pabarazi,” shton artikulli i Javan.

Artikulli i të përditshmes Javan pohon se regjimi, “edhe në situatat më kritike, mendon se si të gjenerojë të ardhura nga frika dhe ankthi i popullit.”

Mbi 257,600 njerëz kanë humbur jetën për shkak të shpërthimit të koronavirusit të ri, i cili është përhapur në mbarë Iranin për shkak të politikës çnjerëzore të regjimit klerikal lidhur me Covid-19. Sipas mediave shtetërore, regjimi e vazhdon këtë politikë çnjerëzore duke mos siguruar vaksina ose duke e përdorur vaksinimin për t’i plaçkitur edhe më tej njerëzit.

Kohët e fundit, regjimi ka shpallur planin për t’ua lejuar kompanive private që të importojnë vaksina dhe t’ua shesin ato popullit. Këto të ashtu-quajtura kompani private janë kompanitë frontale të lidhura me Gardën Revolucionare (IRGC) apo me Liderin Suprem të regjimit, Ali Khamenei. Me pak fjalë, nën regjimin e mullahëve, Irani është i vetmi vend ku njerëzit po vaksinohen me ngadalësi dhe duhet të paguajnë për përshpejtim të vaksinimit.

“Një vaksinim me pagesë jashtë radhës nënkupton korrupsion, mungesë besimi nga populli, diskriminim, treg të zi, dhe një tjetër problem të paparashikuar,” shkruante e përditshmja shtetërore Javan të hënën. “Ndërkohë që numri i viktimave rritet çdo ditë, dhe boja e zezë e Covid-19 përhapet mbi hartën e vendit tonë, zëdhënësi i Taskforcës Kombëtare për Luftimin e Koronavirusit [NCCTF] flet qartë për marrje parash për ndryshim të prioriteteve,” shkruan e përditshmja Javan, duke nënvizuar se “duke u dhënë përparësi vaksinave për të pasurit, vetëm sa do të njolloset imazhi i drejtësisë në shëndetësi. Kjo do të paraqesë një pengesë serioze në vënien nën kontroll të sëmundjes.”

“Me vendimet e saj të fundit që kanë krijuar një situatë kritike dhe e kanë rritur numrin e vdekjeve nga më pak se 100 në mbi 400, NCCTF ka treguar se është më e efektshme në përhapjen e sëmundjes sesa në luftimin e saj. Tani, me planin për t’i dhënë përparësi vaksinimit të të pasurve në mesin e Pandemisë së Shekullit, ajo ka demonstruar diskriminim shoqëror e klasor dhe pabarazi,” shton artikulli i Javan.

Artikulli i të përditshmes Javan pohon se regjimi, “edhe në situatat më kritike, mendon se si të gjenerojë të ardhura nga frika dhe ankthi i popullit.”

E burgosura politike Maryam Akbari Monfared privohet nga telefonatat me familjen

Nga
Shkrimtar i stafit
-

Political prisoner Maryam Akbari Monfared deprived of calling her family

E burgosura politike Maryam Akbari Monfared privohet nga telefonatat me familjen

Të burgosurës politike Maryam Akbari Monfared i është ndaluar të flasë në telefon me familjen e saj të dielën, më 18 prill 2021.

Maryam Akbari duhej t’i telefononte familjes së saj në orën 6 të pasdites të dielën. Por agjenti që e monitoron dhe e shoqëron gjatë telefonatave erdhi një orë me vonesë. Kjo shkaktoi protestë nga ana e Maryam Akbari dhe si rezultat, agjenti reagoi duke ia ndërprerë menjëherë telefonatën. Asaj nuk iu lejua të telefononte prapë dhe ta vazhdonte bisedën me familjen.

Të burgosurën politike Maryam Akbari Monfared e zhvendosën papritmas në burgun e Semnan më 9 mars 2021. Që prej kësaj zhvendosjeje me dhunë e forcë nga burgu Evin, ajo është përballur me një dyfishim të presionit e kufizimeve.

Znj. Akbari Monfared mbahet në mes të të burgosurve të rëndomtë në pavijonin e përgjithshëm të burgut Semnan, në shkelje të parimit të ndarjes së krimeve.

Kushtet sanitare në pavijonin e përgjithshëm të burgut të Semnan janë të mjerueshme. Pavarësisht përhapjes së gjerë të koronavirusit në burgje, të gjithë përdorin të njëjtat pantofla. Autoritetet e burgut nuk u japin detergjentë apo dezinfektantë të burgosurve.

Znj. Akbari Monfared ka një kohë shumë të kufizuar për të bërë telefonatat ditore të cilat bëhen në Zyrën e Sigurisë të burgut dhe në praninë e një roje.

Maryam Akbari Monfared ka tre vajza dhe po vuan dënimin për të 12-in vit në burg. Ajo është arrestuar më 31 dhjetor 2009, pas kryengritjes së madhe më 27 dhjetor atë vit, kryengritje e cila i shkundi shtyllat e regjimit. Në qershor 2010, Gjykata Revolucionare e Teheranit i dha asaj një dënim me 15 vite burg për Moharebeh me akuzën e supozuar të “anëtarësisë në Organizatën Muxhahedine të Popullit të Iranit,” një akuzë të cilën Znj. Akbari nuk e ka pranuar asnjëherë. Që nga dita e arrestimit, ajo është mbajtur në burg pa as edhe një ditë të vetme lirie. Ajo vuan nga keqfunksionimi i tiroideve dhe reumatizmi i kyçeve.

Motra dhe vëlliai i Maryam Akbari janë ekzekutuar gjatë masakrës së të burgosurve politikë në verën e vitit 1988. Dy vëllezër të tjerë të saj janë ekzekutuar gjatë ekzekutimeve masive në fillim të viteve 1980.

 

Gjykata e Teheranit merr në konsideratë të dënojë 5 persona me prerje gjymtyrësh për vjedhje

Nga
Shkrimtar i stafit
-

 

amputation

Paditësit në çështjen e “vjedhjeve seriale” nga shtëpitë e Teheranit perëndimor, kanë kërkuar prerje gishtash për pesë të akuzuarit, shkruan një agjenci shtetërore iraniane lajmesh.

ROKNA thotë se këta pesë persona po gjykohen nga Dega e 10-të e Gjykatës Penale të Teheranit. “Grupi me pesë anëtarë” është akuzuar për vjedhje në 22 shtëpi.

Të dyshuarit i kanë pranuar disa nga vjedhjet por kanë mohuar të kenë vjedhur nga 22 shtëpi. Sipas raportit, tetë paditësit kanë thënë në gjykatë se nëse këta persona nuk do të mund t’i kthejnë sendet e vjedhura, atëherë ata do të kërkojnë ndëshkimin maksimal, i cili është prerja e gishtave sipas ligjeve të Republikës Islamike.

Regjimi iranian i dënon rregullisht iranianët me prerje të gishtave për vjedhje.

Në janar, një deputet i lartë iranian pati thënë se duhet të jepen dënime me prerje gishtash për “hajdutët e sendeve të vogla” në mënyrë që të vihet nën kontroll krimi. Kjo ndërkohë që e theksoi edhe vetë se arsyeja prapa shtimit të vjedhjeve është inflacioni dhe papunësia e lartë në Iran.

 

Iran: Mediat Shtetërore Nënvizojnë Mundësinë e një Kryengritjeje Tjetër

Nga
Mansoureh Galestan
-

IRGC Political Deputy: Scope of Recent Uprising Greater Than 2009, 2018 Seditions.

Mediat shtetërore të Iranit të dielën dhe të hënën pohuan faktin që regjimi e ka shkatërruar ekonominë e Iranit dhe jetën e popullit, dhe paralajmëruan për një tjetër trazirë shoqërore. Iranianët tashmë përballen me një inflacion të shfrenuar, çmime tepër të larta, dhe me krizën e koronavirusit.

“Pasoja më e dëmshme e rritjes së inflacionit është ulja graduale e fuqisë blerëse të njerëzve, si dhe rritja e numrit të njerëzve që, me këtë inflacion të lartë dhe pamundësinë për të siguruar jetesën, bëhen çdo vit e më të varfër,” shkruante e përditshmja shtetërore Etemad të hënën. Etemad paralajmëron menjëherë zyrtarët e regjimti se “ulja e vazhduar dhe e shpejtë e fuqisë blerëse të popullit është si një bombë me sahat. Nëse nuk e ndalojmë në kohën e duhur, nuk do ta dimë se sa do ta dëmtojë shpërthimi i saj sistemin.”

Ndërkohë që regjimi i mullahëve dhe apologjetët e tij fajësojnë sanksionet për për të gjitha krizat ekonomike e shoqërore të Iranit, mediat shtetërore e refuzojnë këtë pretendim. “Ekonomia e Iranit ka rënë viktimë e oligarkisë gjatë këtyre dekadave të fundit,” shkruante e përditshmja shtetërore Setareh Sobh të hënën. “Qeveria është ende në shërbim të të njëjtës oligarki, dhe nëse kjo rrugë nuk ndryshohet, situata në Iran do të përkeqësohet në të ardhmen,” shton Setareh Sobh.

Iranianët po përballen edhe me valën e katërt të shpërthimit të Covid-19. Sipas lëvizjes së Rezistencës Iraniane, mbi 256,500 njerëz kanë humbur jetën për shkak të koronavirusit të ri. Numri i viktimave po rritet për shkak të politikës çnjerëzore të regjimit lidhur me Covid-19 dhe refuzimit të mullahëve për të siguruar vaksina të besueshme.


Gratë marrin pjesë në mënyrë aktive në protestën e 5-të mbarëkombëtare nga pensionistët iranianë

Nga
Shkrimtar i stafit
-

 

protests by Iranian pensionersGratë marrin pjesë në protestën në Mashhad

Protesta e pestë mbarëkombëtare nga pensionistët iranianë u mbajt në 17 qytete, përfshirë kryeqytetin Teheran të Dielën, 18 Prill 2021.

Gratë kryesisht morën pjesë në këto protesta dhe kishte një prani të jashtëzakonshme në protestat në Teheran dhe Mashhad.

Pensionistet dhe pensionistët iranianë po mbajnë protesta në kërkim të një zgjidhjeje për kushtet e tyre të tmerrshme të jetesës, pagat e ulëta dhe çmimet në rritje. Ata gjithashtu po bëjnë thirrje për bojkotin e zgjedhjeve të rreme presidenciale të regjimit.

Protesta e pestë mbarëkombëtare nga pensionistët iranianë u mbajt me sukses, pavarësisht frikës nga Forcat e Sigurisë së Shtetit dhe forcat e tjera shtypëse të regjimit. Shumë pensionistë morën mesazhe kërcënuese dhe u urdhëruan të mos marrin pjesë.

protests by Iranian pensionersGratë protestuese në Mashhad

Pensionistet dhe pensionistët iranianë mbajtën tubimet e tyre protestuese jashtë Departamentit të Përgjithshëm të Sigurimeve Shoqërore në qytetet e tyre. Protestuesit në Teheran marshuan gjithashtu në qendër të qytetit dhe hapën një mbulesë tavoline bosh për të protestuar për shportat e tyre të zbrazëta dhe kushtet e vështira të jetesës.

protests by Iranian pensionersPërhapja e një pëlhure tavoline të zbrazët në Teheran për të protestuar ndaj kushteve të tmerrshme të jetesës

 

Përveç Teheranit, Karaj, Isfahan, Ahvaz, Kerman, Kermanshah, Qazvin, Bandar Abbas, Mashhad, Rasht, Ardabil, Sari, Behshahr, Boroujerd, Dezful, Haft-Tappeh dhe Shush u organizuan këto protesta.

Forcat shtypëse të Sigurimit të Shtetit dhe agjentët e veshjeve civile parandaluan njerëzit të mos bënin video dhe fotografi nga tubimet e protestës.

Populli i Iranit: Grumbullimi i zemërimit për momentin e premtuar

Nga
Shkrimtar i stafit
-

 

Më parë media shtetërore iraniane ka shkruar për “krizën e mosbesimit” të popullit iranian ndaj qeverisë, por tani një nga këto media, faqja Ars Iran, po flet për një fenomen të ri të cilin e quan, “duke u bërë i pakuptimtë” dhe i ndjekur nga “Pashpresë”.

Duke shpjeguar këtë emër, kjo faqe në internet shkruante: “Një person shtëpia e të cilit është pranë vijës hekurudhore tronditet nga zhurma e trenit që kalon herët, në ditët e tij / saj të strehimit, por pas një kohe, ai as nuk e kupton kur treni vjen e shkon.”

“Shoqëria iraniane në përballjen me fenomenin e politikës dhe fatit shoqëror po bëhet “e pakuptimtë “. Kjo shoqëri jo vetëm që është indiferente ndaj ngjarjeve të rëndësishme politike, por në thelb nuk i sheh dhe nuk kujdeset për to. Ardhja dhe ikja e politikanëve, çfarë ligji miratohet nga parlamenti, çfarë vëllimi i ri dhe i madh i përvetësimeve zbulohen, me çfarë merren zyrtarët, etj. Eshtë bërë si ardhja dhe ikja e një treni që vjen pranë banorëve që kanë shtëpinë pranë një hekurudhe. ” (Asr-e-Iran, 15 prill 2021)

Duke u përpjekur të analizojmë arsyen e neglizhencës së njerëzve, nuk u lodhëm shumë për të gjetur arsyen. Në vend të saj arsyetimi janë mosmarrëveshjet fraksionale në trupin e qeverisë dhe premtimet e rreme të zyrtarëve.

“Njerëzit tanë gjithashtu toleruan kaq shumë premtime dhe shpresa, dhe ata shpërthyen në lot, paguan çmimin, por pastaj panë që ishin kthyer aty ku ishin në fillim, dhe ndoshta më keq, se ata ishin bërë të pakuptimtë ndaj premtimeve, fjalimeve dhe shfaqjeve të portave të një parajse.

Mediat Shtetërore: Irani në Prag të një Revolucioni

Nga
Mansoureh Galestan
-

iran-large-rally

Krizat ekonomike e sociale të Iranit e kanë shtuar urrejtjen e shoqërisë ndaj regjimit. Mediat shtetërore të Iranit dhe zyrtarët e regjimit e pranojnë që këto kriza kanë ardhur për shkak të skemave malinje dhe korrupsionit të regjimit, dhe paralajmërojnë për një reagim të egër nga populli.

“Deri muajin e fundit të vitit të shkuar, inflacioni po rritej. Terapia e shokut e ekonomisë, e cila nisi në fillim të 2018-ës dhe ka vazhduar deri në muajin e fundit të 2020-ës, është përshpejtuar me ritëm të lartë dhe e ka rritur në mënyrë drastike koston minimale të jetesës,” shkruante agjencia shtetërore e lajmeve ILNA më 16 prill.

ILNA më pas citon një raport nga Qendra Statistike e Iranit rreth çmimeve të të mirave, duke treguar se gjatë muajit të fundit, “çmimet e të mirave janë rritur me 1.8 përqind.”

“Kostot e transportit janë rritur me një mesatare prej 30% në [vitin pers] 1400. Çmimet e artikujve bazë ushqimorë në fund të marsit janë rritur me 25%,” shton ILNA.

Ndërkohë që shumë iranianë po vuajnë nga varfëria, zyrtarët dhe menaxherët e regjimit marrin paga astronomike. “Menaxherët organizacionalë si Sigurimet Shoqërore, të cilat janë në fakt organizata në pronësi të punëtorëve dhe duhet të paguhen në nivelin e pagave të punëtorëve, kanë rroga astronomike prej dhjetëra miliona Toman,” shkruan ILNA lidhur me këtë.

 

 

 

Iran: Shkaku i Kërcënimeve Bërthamore Gjithnjë e më Specifike të Regjimit Iranian

Nga
Mahmoud Hakamian
-

 

Iran's regime announced it will breach its commitments under 2015 nuclear deal with world powers. This a part of regime’s nuclear extortion. Javën e shkuar, regjimi iranian shpalli që po fillonte punën për pasurimin e uraniumit deri në 60 përqind. Në shërbim të këtij qëllimi, tha Zëvendës Ministri i Jashtëm Abbas Araqchi, “1,000 centrifuga të tjera me kapacitet 50 përqind më të madh do t’u shtohen makinerive ekzistuese në Natanz.” Kjo deklaratë nënvizon faktin që Teherani po i vazhdon, madje po i përshpejton shkeljet e tij ndaj Planit të Përbashkët Gjithëpërfshirës të Veprimit në po të njëjtën kohë kur partnerët e tij europianë në negociata po bëjnë çfarë të jetë e mundur për ta rikthyer në fuqi këtë pakt bërthamor të 2015-ës.

Kërcënimi për pasurim deri në 60 përqind është konfirmimi më i fundit për faktin që Irani nuk i merr negociatat seriozisht. Që kur u shfaq perspektiva e rikthimit të SHBA tek JCPOA, zyrtarët iranianë kanë këmbëngulur që sanksionet amerikane duhet të hiqen menjëherë dhe plotësisht, pa marrë parasysh statusin e shkeljeve gjithëpërfshirëse të paktit nga ana e Teheranit.

Zëvendës Sekretarja amerikane e Shtetit, Ëendy Sherman, tha gjatë seancës së saj të konfirmimit: “Faktet në terren kanë ndryshuar, gjeopolitika e rajonit ka ndryshuar, kështu që rruga që duhet ndjekur duhet të ndryshojë gjithashtu.” Një koment i tillë bëhet edhe i rëndësishëm nga fakti që Sherman ka qenë udhëheqëse e skuadrës amerikane në negociatat kur JCPOA po merrte formë nën administratën Obama. Nëse ajo e pohon nevojën për ndryshim, atëherë Teherani nuk ka se si të shpresojë që ta bindë botën se ka më shumë vlerë status quo-ja. E megjithatë, është pikërisht kjo ajo që Teherani po përpiqet të bëjë, për arsyen e thjeshtë që regjimi iranian nuk ka alternativë tjetër.

Sigurisht, Teherani do të kishte patur plot mundësi të tjera nëse do të kishte qenë ndonjëherë i gatshëm të negocionte në mirëbesim. Por ngurrimi i regjimit për të hedhur edhe një hap të vogël larg pozicionit që ka marrë që më përpara është dëshmi për faktin që kushtet e JCPOA-së ishin maksimumi absolult që Teherani do të kishte qenë i gatshëm të pranonte ndonjëherë. Kjo duhet të na alarmojë, duke marrë parasysh edhe se tërheqja e SHBA-së nga kjo marrëveshje në maj 2018 u mbështet nga një numër i madh komentatorësh e politikëbërësish, si brenda SHBA, ashtu edhe tek aleatët e tyre, veçanërisht në Lindjen e Mesme.

tetëdhjetë e katër tentativa vetëvrasjeje regjistrohen brenda një dite në kryeqytetin Teheran

Nga
Shkrimtar i stafit
-

suicide in Iran

Të paktën 84 njerëz kanë tentuar të vrasin veten vetëm brenda një dite në kryeqytetin iranian, Teheran, sipas agjencisë shtetërore të lajmeve Rokna.

Nga e enjtja, 15 prill, deri të premten, 16 prill, janë regjistruar 84 tentativa vetëvrasjeje në pjesë të ndryshme të Teheranit, nga të cilat 12 kanë rezultuar në vdekje.

Sipas raportit, tetë njerëz kanë kryer vetëvrasje duke gjymtuar veten, tre duke u vetë-varur, 15 me helmim dhe 11 me anë të mbidozës së drogës.

Raporti thotë se 58 viktima janë dërguar në spital pas tentativës për vetëvrasje, dhe 14 kanë refuzuar të shkojnë në spital. Njëri vdiq në vendngjarje, ndërsa të tjerët nuk kishin nevojë të dërgoheshin në spital.

Të paktën 10 deri në 12 njerëz kanë vdekur dhe 74 janë shpëtuar pas dërgimit në spital.

 

1...303304305...728Faqja 304 nga 728