Iran: Një nga qendrat e grumbullimit të plehrave ku punojnë fëmijë
12 qershori shënon Ditën Botërore Kundër Punës së Fëmijëve, por për fëmijët që punojnë në Iran, është thjesht një tjetër ditë e një jete të mjerë nën regjimin e mullahëve.
Qendra për Statistika dhe Informacione Strategjike e Ministrisë së Punës të regjimit iranian ka shpallur ekzistencën e gjysëm milioni punëtorësh fëmijë në Iran, sipas sondazheve në 2017-ën. Ka patur statistika të ndryshme për sa i përket numrit të fëmijëve në rrugë e punëtorëve fëmijë në Iran. Por sipas po këtij raporti, numri i punëtorëve fëmijë është rritur me 11.5 përqind në krahasim me 2015-ën.
Maryam Rajavi: Regjimi i Mullahëve e Përdor Koronavirusin si Zëvendësues për Ekzekutimin e të Burgosurve Politikë
Thirrje Kombeve të Bashkuara që t’ua shpëtojë jetën Ali Younesi-t dhe Amir Hossein Moradi-t
Në reagimin e saj ndaj infektimit me koronavirus të të burgosurit politik Ali Younesi, Znj. Maryam Rajavi, Presidentja e zgjedhur e Këshillit Kombëtar të Rezistencës së Iranit (NCRI), tha se sjellja e regjimit të mullahëve ndaj këtyre të burgosurve, pavarësisht gjithë paralajmërimeve të mëparshme e pozicioneve të marra nga agjenci e organizata të ndryshme ndërkombëtare, është një rast i qartë i një krimi kundër njerëzimit. Me sa duket, i gjendur nën presion të brendshëm e ndërkombëtar lidhur me arrestimin e Amir Hossein Moradi dhe Ali Younesi, dy studentë elitarë në Universitetin e Teknologjisë Sharif të Teheranit, regjimi i mullahëve ka ndërmend t’i vrasë ata duke përdorur koronavirusin. Regjimi po e përdor koronavirusin si zëvendësues për ekzekutimin e të burgosurve, sidomos të burgosurve politikë.
Znj. Rajavi i bëri thirrje Sekretarit të Përgjithshëm të Kombeve të Bashkuara, Këshillit të të Drejtave Njerëzore dhe Komisioneres së Lartë për të Drejtat e Njeriut, si dhe raportuesve përkatës të OKB-së e organizatave të tjera të të drejtave njerëzore që të ndërhyjnë menjëherë për t’u shpëtuar jetën zotërinjve Younesi dhe Moradi dhe për të marrë masa urgjente për sigurimin e lirimit të tyre.
Deri tani, shumë parlamentarë dhe personalitete, organizata, e shoqata që mbrojnë të drejtat njerëzore, duke përfshirë laureatë të Nobel-it, një grup anëtarësh të Parlamentit Europian, Komitetin Ndërkombëtar në Kërkim të Drejtësisë (i cili gëzon mbështetjen e 4,000 ligjvënësve në Europë dhe në Shtetet e Bashkuara), Amnesty International, ligjvënës e komitete parlamentare në Mbretërinë e Bashkuar, Itali, Australi, Kanada, Belgjikë, Rumani, Irlandë, e vende të tjera, si dhe Komitetin e Kryebashkiakëve Francezë dhe shumë personalitete të Lindjes së Mesme e kanë dënuar arrestimin e zotërinjve Younesi dhe Moradi dhe kanë kërkuar lirimin e tyre.
Sipas Rezistencës Iraniane, numri i vdekjeve nga COVID-19 në Iran e ka kaluar shifrën 50,900 sipas informacioneve të marra deri të enjten. Kjo është maja e ajsbergut. Politikat e gabuara të regjimit dhe keqmenaxhimi i kësaj krize do të rezultojnë në një tragjedi humanitare.
Regjimi iranian e ka mohuar ekzistencën e COVID-19 në Iran për muaj të tërë në mënyrë që të kishte një pjesëmarrje më të lartë në zgjedhjet e rreme parlamentare. Mullahët prisnin një pjesëmarrje të ulët dhe një bojkot të përgjithshëm, që kur konflikti i tyre me popullin pas dy kryengritjeve mbarëkombëtare në nëntor 2019 dhe janar 2018 arriti në një pikë të pakthyeshme, me njerëzit që bënin thirrje unanimisht për ndryshim regjimi.
Për shkak të një fushate ndërkombëtare të udhëhequr nga Organizata Muxhahedine e Popullit të Iranit (PMOI / MEK) dhe Këshilli Kombëtar i Rezistencës së Iranit (NCRI) që publikoi statistikat e vërteta të COVID-19 dhe e rriti presionin mbi regjimin, ai u detyrua ta shpallte ekzistencën e virusit. Megjithatë regjimi nuk shpalli shpejt një karantinë mbarëkombëtare, dhe kur e bëri këtë, nuk ofroi mbështetje financiare. Kjo bëri që të shtohej presioni mbi më shumë iranianë, të cilët po luftonin kundër varfërisë dhe koronavirusit të ri. Nga frika e një kryengritjeje mbarëkombëtare dhe për të shmangur ndezjen e një shkëndije në shoqërinë e trazuar, regjimi i detyroi njerëzit t’i riktheheshin punës.
Iran: Numri i viktimave të koronavirusit në 330 qytete shkon mbi 50,900
Presidenti i Universitetit të Shkencave Mjekësore në Ilam: Numri i pacientëve të infektuar me virusin është në rritje. Numri i të shtruarve në spital po rritet me shpejtësi. Duhet të përgatitemi për një krizë
Drejtori i Përgjithshëm i Organizatës së Infermierëve të Iranit: Gjatë krizës së koronavirusit, mbi 7,000 infermierë në vend janë infektuar me këtë virus.
Mbi 150 anëtarë të stafit mjekësor të spitalit më të madh të IRGC-së janë infektuar me koronavirus
Komiteti i Epidemiologjisë i Ministrisë së Shëndetësisë: Shpërthimi më i lartë është në provincat Azerbaixhan Perëndimor, Khorasan Jugor, Khuzestan, Zanjan, Kurdistan, Kermanshah, Lorestan, Qazvin, dhe Qom. Shumë provinca janë në një situatë më të vështirë sesa në maj. Vala e dytë e shpërthimit të COVID-19 në Iran mund të nisë së shpejti.
Sipas Komitetit të Epidemiologjisë të Ministrisë së Shëndetësisë, raportuar nga e përditshmja shtetërore Sharqh, “Prevalenca e këtij virusi po rritet në shumë provinca të Iranit … Aktualisht, shpërthimi më i lartë i koronavirusit është në provincat Azerbaixhan Perëndimor, Khorasan Jugor, Khuzestan, Zanjan, Kurdistan, Kurdistan, Kermanshah, Lorestan, Qazvin, dhe Qom … Studimi i kësaj dukurie tregon se tani shumë provinca të Iranit kanë arritur në kushte më të ndërlikuara sesa në maj dhe së shpejti mund të shohin valën e dytë të shpërthimit të COVID-19 në Iran.”
Regjimi i mullahëve në Iran i konsideron gratë si gjysëm qenie njerëzore në krahasim me burrat
Regjimi misogjinist i mullahëve që sundon Iranin po ndërmerr një hap të ri në shtypjen sistematike kundër grave iraniane në vend duke nisur një iniciativë për vënien e gjobave, dërgimin e mesazheve kërcënuese dhe madje edhe konfiskimin e automjeteve në të cilat pasagjeret femra shihen që, sipas regjimit, nuk kanë zbatuar rregullat e hijab-it (mbulimit).
“Kur qytetarët marrin një mesazh me tekst që thotë: ‘Pronar i automjetit! Rregullat e hijab-it nuk janë zbatuar në automjetin tuaj,’ ata duhet të paraqiten menjëherë në një stacion policie; nuk ka rëndësi se në cilin qytet ndodhen apo se në cilin qytet e kanë marrë mesazhin për shkeljen e rregullave të hijab-it,” tha kreu i Policisë së Sigurisë të Teheranit, Ali Zolghadri, të mërkurën, më 10 qershor, sipas agjencisë së lajmeve Fars. Kjo agjenci është e lidhur me Gardën Revolucionare të regjimit (IRGC).
Protestë kundër regjimit iranian jashtë ambasadës së regjimit në Kabul – foto fajli
Të martën, qindra qytetarë afganë zhvilluan një protestë jashtë ambasadës së regjimit iranian në Kabul ndaj krimeve të regjimit kundër emigrantëve afganë, veçanërisht ndaj dy vrasjeve masive kohët e fundit të emigrantëve afganë në Iran.
Kjo demonstratë në Kabul ishte organizuar nga Partia e Solidaritetit e Afganistanit. Pjesëmarrësit dënuan sulmin nga forcat e regjimit mbi një automjet me emigrantë afganë, sulm që rezultoi në djegien për së gjalli të disa qytetarëve afganë. Një protestë e ngjashme është mbajtur edhe në provincën Helmand.
Raportet nga Irani tregojnë se më 4 qershor, forcat e regjimit iranian hapën zjarr mbi një makinë ku ndodheshin emigrantë afganë në Yazd të Iranit qendror, gjë që bëri që kjo makinë të përplasej e të merrte flakë. Tre emigrantë afganë vdiqën, dhe të tjerët u plagosën rëndë. Forcat e sigurisë të regjimit u larguan menjëherë nga vendngjarja.
Iran: I burgosuri politik kurd, Hedayat Abdollahpour, është ekzekutuar nga regjimi iranian
Regjimi iranian ka ekzekutuar në fshehtësi të burgosurin politik kurd Hedayat Abdollahpour 21 ditë më parë pa informuar familjen e tij.
Gjithashtu, regjimi ka refuzuar t’ia dorëzojë familjes trupin për varrosje, dhe e ka varrosur atë në një vend të fshehtë.
Sipas organizatës së të drejtave njerëzore Iran Human Rights Monitor (IRAN HRM), babait të Abdollahpour i është thënë dje, pas mbërritjes së tij në Njësinë e Implementimit të Gjykatës së Urmias, se djali i tij ishte ekzekutuar më 21 maj, pasi e kishin çuar në një vend të fshehtë më 9 maj.
Abdollahpour kishte qenë në pritje të ekzekutimit në burgun qendror në Urmia që në shkurt të 2017-ës, pas një gjyqi të padrejtë për akuzën e shpikur nga mullahët si “armiqësi kundër Zotit” në Degën e Dytë të Gjykatës Revolucionare të Urmias.
Ai ishte arrestuar më 15 qershor 2016, së bashku me dhjetëra të tjerë, pas një përplasjeje në fshatin e tij Qarah Soqol në Oshnavieh mes Partisë Demokratike të Kurdistanit Iranian dhe IRGC-së. Të arrestuarit ishin të dyshuar si mbështetës të grupit kurd.
Amnesty International kishte shkruar më parë se tre të burgosur të tjerë nga grupe të minoriteteve etnike – Hossein Silawi, Ali Khasraji, dhe Naser Khafajian – janë zhdukur me forcë kohët e fundit dhe rrezikojnë të ekzekutohen fshehurazi.
Njerëz nga të gjitha sferat e jetës po bëjnë protesta në qytete të ndryshme të Iranit
Raportet që vijnë nga qytete të ndryshme të Iranit tregojnë se njerëz nga të gjitha sferat e jetës po bëjnë protesta duke ngritur probleme specifike dhe kërkesa drejtuar regjimit të mullahëve në pushtet.
تجمع اعتراضی کشاورزان قهدریجان در اصفهان - ۲۰خرداد ۹۹ + فیلم
Fermerët në Isfahan, një qytet i madh në qendër të Iranit, mbajtën një tubim të martën, më 9 qershor, jashtë zyrës së guvernatorit të provincës, për të protestuar kundër politikave të zyrtarëve lokalë për ndryshimin e drejtimit të lumenjve për projektet e regjimit. Kjo gjë i ka lënë tokat e fermerëve vendas pa ujë të mjaftueshëm. Edhe fermerët e qytetit Qahderijan, që ndodhet gjithashtu në provincën Isfahan, mbajtën një protestë të ngjashme me të njëjtat kërkesa.
تجمع اعتراضی کشاورزان قهدریجان در اصفهان -۲۰خرداد ۹۹+ فیلم
Një grup punëtorësh të bashkisë në rafinerinë Abadan mbajtën një tubim të hënën për të protestuar vonesat e gjata dhe mos marrjen e pagave të tyre. Punëtorët që morën pjesë në këtë tubim thanë: “Tani që kontrata e mëparshme ka mbaruar dhe kontrata e re u jep edhe më shumë përfitime menaxherëve, komiteti mbikëqyrës po përdor kërcënime dhe po na përjashton ne punëtorëve në mënyrë që të planifikojë një kontratë në të cilën punëtorët detyrohen të firmosin ‘dokumente të bardha.’ Kjo është kundër ligjit dhe ne punëtorët kemi refuzuar ta firmosim një dokument të tillë. Për shkak të rezistencës së punëtorëve përballë nënshkrimit të kontratës së re, komiteti mbikëqyrës nuk po i lejon ata të hyjnë në rafineri. Kjo nuk u ka lënë zgjedhje tjetër punëtorëve veçse të grumbullohen në protestë jashtë zyrës qendrore të rafinerisë.”
Punëtorët e rafinerisë Abadan duke mbajtur një tubim proteste – 8 qershor 2020
تجمع سپرده گذاران در تهران ۱۹خرداد ۹۹
Njerëzit që kanë investuar në Firmën Caspian Credit të regjimit, e cila është e lidhur me Gardën Revolucionare (IRGC), së bashku me individë të tjerë që kanë investuar në firma të tjera kreditore të regjimit, u grumbulluan të hënën në Teheran jashtë zyrës gjyqësore që është përgjegjëse për shqyrtimin e krimeve financiare dhe bankare. Vlen të përmendet që ky grumbullim ishte planifikuar që një muaj më parë.
تهران تجمع اعتراضی سپرده گذاران درتهران۱۹خرداد۹۹
Investitorët kërkojnë rikthimin e kursimeve të tyre nga këto firma të regjimit, të cilat përfshijnë Caspian, Arman-e Vahdat, Alboraz Iranian, AlfazTuous, Thamen al-Hojaj dhe TalayeShadi.
تجمع اعتراضی سپردهگذاران کاسپین به همراه سپردهگذاران سایر مؤسسات مالی اعتباری۱۹خرداد۹۹
Lajmet e Rreme të Regjimit Iranian në Veprim e Sipër
Joseph Goebbels, Ministri i Propagandës i Adolf Hitlerit, pati thënë: “Nëse thua një gënjeshtër aq të madhe sa duhet dhe e përsërit atë aq shpesh sa duhet, e gjithë bota do ta besojë.”
Regjimi iranian e ka implementuar plotësisht këshillën e Goebbels. Disa nga gënjeshtrat që regjimi iranian ka thënë gjatë 41 viteve të fundit as nuk do t’i kishin shkuar në mendje Goebbels-it. Përveç shtypjes, torturës, ekzekutimit, masakrave dhe eksportit të terrorizmit, regjimi ka përparuar edhe në demonizim e prodhim të lajmeve të rreme.
Regjimi iranian, për të justifikuar krimet e tij dhe për të ndjekur fushatën e demonizimit kundër opozitës së tij kryesore, Organizatës Muxhahedine të Popullit të Iranit (PMOI/MEK), ia ka kushtuar një pjesë të madhe të Ministrisë së Inteligjencës dhe Sigurisë (MOIS) kësaj pune. Regjimi ka shpërdoruar biliona dollarë nga pasuria kombëtare e popullit iranian për shkrimin, prodhimin dhe publikimin e mijëra librave, filmave e dokumentave të mbushur me lajme të rreme kundër MEK. Këta libra e filma kanë për qëllim përhapjen e gënjeshtrave për MEK dhe demonizimin e anëtarëve të kësaj organizate.
Sikur të shohësh vetëm njërën nga këto gënjeshtra e fabrikime, që MOIS e ka krijuar dhe ua ka shpërndarë agjencive shtetërore të lajmeve për publikim, e kupton vërtetësinë e këtij fakti.
Marjan, një këngëtare e famshme dhe e mirënjohur iraniane, e cila i ishte bashkuar MEK-ut dhe kishte vazhduar veprimtaritë e saj kundër regjimit iranian së bashku me Rezistencën Iraniane jashtë vendit, ka humbur jetën të dielën në një spital në Los Angeles. Vdekja e saj e ka trishtuar të gjithë popullin iranian, duke përfshirë artistë e sportistë brenda Iranit, të cilët kanë ndarë mesazhe ngushëllimi në mediat sociale.
Regjimi i mullahëve, i xhindosur nga këto veprime, ka reaguar në mediat e tij duke pyetur pse ka njerëz që vajtojnë për vdekjen e këngëtares së MEK.
Kur mesazhet e ngushëllimit u shtuan, dhe kur iu bashkuan kësaj vale edhe disa sportistë e artistë brenda Iranit, MOIS nisi një fushatë të qartë mashtruese për t’i detyruar këta artistë të pozicionohen kundër MEK.
Të flasësh për MEK është krim në regjimin e mullahëve, e megjithatë MOIS ka publikuar një gazetë të rreme, të ngjashme me gazetën e MEK, që njihet si “Mojahed,” dhe në këtë gazetë të rreme ka shkruar për vdekjen e Marjan-it dhe ka publikuar aty foto të 16 sportistëve e artistëve, që jetojnë brenda Iranit, me ngushëllimet e tyre për vdekjen e Marjan-it.
Më pas MOIS e ka shpërndarë këtë gazetë të rreme në mediat e saj, në mënyrë që ato të pretendojnë sikur MEK i ka publikuar fotot e këtyre artistëve në gazetën e saj, në përpjekje për të treguar që këta artistë janë mbështetës të MEK.
Qëllimi i regjimit me publikimin e kësaj gazete të rreme është t’i bëjë presion këtyre artistëve që të pozicionohen kundër MEK. Mediat e regjimit, me publikimin e këtij lajmi të rremë, i kërcënuan artistët që kanë shprehur ngushëllimet e tyre për vdekjen e Marjan-it, duke shkruar: “Të gjithë e dinë që MEK është grupimi më famëkeq terrorist në popullin iranian, dhe ata që e mbështesin konsiderohen njësoj nga populli.”
Me fjalë të tjera, artistët dhe sportistët që thjeshtë kanë ndarë një mesazh ngushëllimi kërcënohen se do të konsiderohen si “terroristë”. MOIS e ka krijuar këtë gazetë të rreme, ndërkohë që MEK ka vite që nuk publikon më gazetë fizike, dhe të gjitha lajmet e opinionet e tyre janë online.
Aktualisht ka180 pacientë me koronavirus vetëm në spitalin Masih Daneshvari në Teheran, spital i cili deri më 21 maj kishte 70 pacientë
Numri i viktimave në Kashan është mbi 900
Zëvendës Presidenti i Universitetit të Shkencave Mjekësore në Isfahan: Në Isfahan, 1484 të vdekur, 400 pacientë të infektuar me koronavirus në dy ditë. 9.5 përqind e pacientëve të infektuar kanë vdekur
Ndërkohë që koronavirusi lë prapa gjithnjë e më shumë viktima dhe spitalet nuk mund të pranojnë pacientë të rinj në shumë vende, Rouhani gënjeu sot duke folur për agjencinë shtetërore të lajmeve IRNA: “Përveç pak provincave, kemi mundur ta vëmë nën kontroll koronavirusin, dhe janë dyfishuar përpjekjet për t’i nxjerrë ato provinca nga gjendja e kuqe.” Ai shtoi se shtimi i pacientëve javët e fundit ka ndodhur për shkak të shtimit të numrit të testimeve, gjë që e rrit identifikimin e pacientëve, por nuk është negative. Njerëzit nuk duhet të shqetësohen sepse, kur diagnostikohen herët, nuk është nevoja të shtrohen në spital.” Ai shtoi paturpësisht se “Disa kryetarë shtetesh të huaja po na kërkojnë të eksportojmë pajisje dezinfektimi e pastrimi, gjë që ne po e bëjmë patjetër.”
Iran: Një nga qendrat e grumbullimit të plehrave ku punojnë fëmijë
Maryam Rajavi: Regjimi i Mullahëve e Përdor Koronavirusin si Zëvendësues për Ekzekutimin e të Burgosurve Politikë
Iran: shpërthimi i koronavirusit – qershor 2020
Iran: Numri i viktimave të koronavirusit në 330 qytete shkon mbi 50,900
Regjimi i mullahëve në Iran i konsideron gratë si gjysëm qenie njerëzore në krahasim me burrat
Protestë kundër regjimit iranian jashtë ambasadës së regjimit në Kabul – foto fajli
Iran: I burgosuri politik kurd, Hedayat Abdollahpour, është ekzekutuar nga regjimi iranian
Njerëz nga të gjitha sferat e jetës po bëjnë protesta në qytete të ndryshme të Iranit
Lajmet e Rreme të Regjimit Iranian në Veprim e Sipër
Iran: shpërthimi i koronavirusit-qershor 2020