Ndërtesa e gjykatës së regjimit në Isfahan të Iranit qendror
Duke filluar nga ora 9 e mëngjesit të së mërkurës, 29 korrik, familjarët e të burgosurve të dënuar me vdekje të cilët janë arrestuar gjatë kryengritjes mbarëkombëtare të dhjetorit 2017 dhe janarit 2018, u grumbulluan jashtë ndërtesës së gjykatës së regjimit në qytetin Isfahan të Iranit qendror, për të protestuar ndaj vendimeve të padrejta për t’i ekzekutuar njerëzit e tyre. Gjatë këtij tubimi, familjarët e të burgosurve bënë thirrje për një gjykim të drejtë e me dyer të hapura, me praninë edhe të medias, për të garantuar një proces të drejtë.
Një zyrtar i regjimit nga gjykata shkoi në vendin e këtij grumbullimi dhe i kërcënoi familjarët e të burgosurve duke i paralajmëruar: “Mos mbani tubime. Do t’ju kushtojë!”
Nga frika e zgjerimit të këtyre protestave, autoritetet lokale dërguan me shpejtësi forcat e sigurisë që t’i sulmonin mizorisht familjarët e të burgosurve të cilët po mbanin një tubim paqësor. Shumë prej tyre i goditën me shkopinj ndërkohë që forcat e sigurisë shpërndanin turmën.
Diplomati Terrorist i Regjimit Iranian, Assadollah Assadi
Gjykimi do të nisë më 27 nëntor 2020
Të enjten, më 30 korrik 2020, një gjykatë në Anversë të Belgjikës zhvilloi seancën e dytë dëgjimore paraprake për çështjen e Assadollah Assadi-t, diplomatit terrorist të regjimit klerikal, i cili, duke vepruar nën urdhrat e udhëheqjes më të lartë të regjimit iranian, ishte në proces të realizimit të komplotit terrorist për të shpërthyer një bombë në tubimin e madh të iranianëve më 30 qershor 2018 në Villepinte të Parisit. Së bashku me Assadi-n do të gjykohen edhe tre bashkëpunëtorët e tij, Amir Saadouni, Nasimeh Naami dhe Mehrdad Arefani.
Paneli me tre gjykatës ia referoi çështjen e katër terroristëve të burgosur Degës Speciale të Anti-Terrorizmit të Anversës. Kjo gjë shënoi përfundimin e fazave paraprake të gjykimit të Assadi-t dhe bashkëpunëtorëve të tij, gjykim për parandalimin e të cilit regjimi klerikal nuk ka kursyer asnjë përpjekje. Gjyqi do të fillojë më 27 nëntor 2020.
Më herët, më 15 korrik, seanca e parë në gjykatë miratoi padinë e prokurorit federal kundër këtyre terroristëve, dhe ra dakord me kërkesën e prokurorit federal për t’i gjykuar Assadi-n dhe bashkëpunëtorët e tij për dy akuzat “akt i tentuar terrorist me qëllim vrasjen” dhe “pjesëmarrje në një grup terrorist.”
Kjo është hera e parë që një diplomat në Europë ndiqet penalisht për përfshirje direkte në terrorizëm. Regjimi klerikal, i xhindosur nga transferimi në masë i PMOI/MEK në Shqipëri, i tmerruar nga kryengritja e dhjetorit 2017, dhe i shqetësuar lidhur me ndikimin ndërkombëtar në rritje të Këshillit Kombëtar të Rezistencës së Iranit (NCRI) dhe Presidentes së zgjedhur të tij, Znj. Maryam Rajavi, tentoi ta vriste atë së bashku me disa nga zyrtarët më të spikatur amerikanë e europianë që merrnin pjesë në tubimin në Villepinte.
Znj. Maryam Rajavi, Presidentja e zgjedhur e Këshillit Kombëtar të Rezistencës së Iranit (NCRI), dëshmoi për shtatë orë duke paraqitur dokumente që e bënë të qartë se vendimi për këtë operacion madhor terrorist ishte marrë gjatë një seance të Këshillit Suprem të Sigurisë Kombëtare të regjimit, të kryesuar nga Hassan Rouhani, dhe ishte miratuar me urdhër direkt nga Udhëheqësi Suprem i regjimit, Ali Khamenei. Znj. Rajavi theksoi se, përveç Assadi-t dhe terroristëve të tjerë të arrestuar si autorë të këtij krimi, duhet të ndiqen penalisht edhe organizatorët e vërtetë, konkretisht Khamenei, Rouhani, Zarif, dhe Ministri i Inteligjencës Mahmoud Alavi. Kjo është e domosdoshme për ta ndalur terrorizmin e shfrenuar të mullahëve, tha ajo.
Presidenti Shqiptar Ilir Meta viziton Ashraf 3 dhe takohet me Maryam Rajavi-n – 13 shtator 2019
Në 2016-ën, Shqipëria mori një hap të guximshëm për të strehuar anëtarët e lëvizjes opozitare iraniane, Organizatës Muxhahedine të Popullit të Iranit (PMOI/MEK), të cilët gjendeshin nën sulme të vazhdueshme me raketa në Kampin Liberty në Irak. Kjo iniciativë e guximshme shënoi fillimin e një miqësie të gjatë mes popullit shqiptar dhe Rezistencës Iraniane.
Por nxiti gjithashtu edhe një valë të re sulmesh nga ana e regjimit iranian, sulme që si gjithmonë kanë për qëllim ose t’i eliminojnë fizikisht anëtarët e MEK në Shqipëri, ose t’ua njollosin reputacionin në sytë e popullit shqiptar.
Por pavarësisht fushatës denigruese të regjimit iranian, populli, shoqëria dhe politikanët shqiptarë kanë krijuar lidhje miqësore shumë të forta me anëtarët e MEK që janë sot në Ashraf 3, në Shqipëri.
Ashraf 3, shtëpia e 3,000 anëtarëve të lëvizjes opozitare iraniane, Organizatës Muxhahedine të Popullit të Iranit (PMOI/MEK).
Në kontrast me këtë, regjimi është përballur me një varg pengesash në fushatat e tij të terrorit dhe marrëdhënieve me publikun në Shqipëri. Më 19 dhjetor 2018, Shqipëria dëboi dy diplomatë të regjimit iranian, përfshirë ambasadorin Gholamhossein Mohammadnia, për “përfshirje në veprimtari që dëmtojnë sigurinë e vendit” dhe “shkelje të statusit të tyre diplomatik.” Sipas autoriteteve dhe politikanëve shqiptarë, këto masa tregojnë se sa i tmerruar është Teherani nga MEK.
Kjo pikë u theksua edhe më tej gjatë tubimit të përvitshëm të Rezistencës Iraniane, Samitit Global për Lirinë e Iranit 2020, që u mbajt online këtë vit për shkak të pandemisë së koronavirusit. Ky event lidhi bashkë 30,000 lokacione në 102 shtete dhe përfshiu fjalime e komente nga shumë politikanë e personalitete shqiptare, të cilët theksuan marrëdhëniet miqësore të politikanëve dhe shoqërisë shqiptare me MEK-un.
Pandeli Majko, ish-kryeministër socialist i Shqipërisë, e përshkroi MEK-un si një opozitë dhe alternativë të besueshme ndaj regjimit në Teheran, e cila mund të rindërtojë një marrëdhënie të re mes popullit iranian dhe botës e rajonit, dhe tha: “Statusi i marrëdhënies mes Shqipërisë dhe Iranit është pa dyshim diplomaci në nivelin zero. Shqipëria ka marrë një pozicion të qartë përballë të ardhmes së Iranit pasi ne mendojmë që liria do të jetë e ardhmja e këtij vendi e kombi të madh që është Irani. Ne besojmë se MEK janë një platformë besimi dhe marrëdhënieje mes Iranit dhe botës.”
“Shqipëria është shtëpia e juaj e dytë sot,” tha Sali Berisha, ish-kryeministër i Shqipërisë dhe lideri historik i Partisë Demokratike. Berisha e pohoi edhe një herë me forcë vendimin e mençur të qeverisë për ta dëbuar ambasadorin iranian dhe bëri thirrje për këputjen e plotë të lidhjeve diplomatike me regjimin e mullahëve, si një përgjigje e nevojshme ndaj akteve terroriste të planifikuara kundër MEK-ut.
Më 19 dhjetor 2018, Shqipëria dëboi dy diplomatë të regjimit iranian, përfshirë ambasadorin Gholamhossein Mohammadnia, për “përfshirje në veprimtari që dëmtojnë sigurinë e vendit” dhe “shkelje të statusit të tyre diplomatik.” Sipas autoriteteve dhe politikanëve shqiptarë, këto masa tregojnë se sa i tmerruar është Teherani nga MEK.
Personalitete dhe figura politike shqiptare folën në tubimin e përvitshëm të Rezistencës Iraniane, Samiti Global për Lirinë e Iranit 2020, i cili u mbajt online në lidhje me 30,000 lokacione në 102 shtete, në mbështetje të anëtarëve të MEK në Ashraf 3.
Lideri i opozitës Lulzim Basha tha se, gjatë dekadave, mullahët e Iranit kanë treguar një sjellje të dhunshme e agresive, të përsëritur e të paprovokuar, kundër vetë popullit të tyre, fqinjëve të tyre, dhe komunitetit global të kombeve. “Pasojat e kësaj sjelljeje kanë patur një kosto të lartë. Që nga vrasjet, tek torturimet ndaj qytetarëve iranianë, tek shtypja e dhunshme e manifestimeve politike në vitet 1999, 2009, dhe 2017, dhe vrasja e protestuesve të panumërt iranianë në nëntor 2019, tek marrja në shënjestër e personelit amerikan nga Libani në Irak, e deri tek strehimi, krijimi dhe dhënia e ndihmës për organizatat terroriste, regjimi iranian e ka konfirmuar që është i gatshëm të bëjë çfarëdo që të duhet për ta mbajtur pushtetin, në kurriz të jetëve të pafajshme dhe stabilitetit rajonal,” tha Basha.
Fatmir Mediu, lideri i Partisë Republikane të Shqipërisë, theksoi se populli shqiptar u qëndron përkrah anëtarëve të MEK në luftën e tyre për ta çliruar Iranin. “Mendoj se është koha që shqiptarët ta besojnë që, nëse ju kemi strehuar dhe ju kemi bërë të ndiheni si në shtëpinë tuaj, atëherë ju luftoni për një kauzë të drejtë. Ne duhet t’ju bashkohemi në veprimet tuaja,” tha ai.
“Jam shumë e lumtur dhe krenare që jam pjesë e qeverisë shqiptare që ka ndihmuar dhe mbështetur zhvendosjen e anëtarëve të MEK këtu në Shqipëri, nën udhëheqjen e kryeministrit tonë Edi Rama, që gjithashtu ka shpallur zyrtarisht se këto janë kërcënime serioze për paqen dhe sigurinë ndërkombëtare,” tha Elona Gjebrea, ish Zëvendës Ministre e Brendshme.
Shumë deputetë e personalitete të tjera politike shqiptare folën gjatë Samitit Global për Lirinë e Iranit, duke përfshirë ish-ministren shqiptare Drita Avdyli, deputeten Grida Duma, deputetin Edmond Spaho, ish-deputeten Valentina Leskaj, deputetin Endri Hasa, deputetin Namik Kopliku, deputeten Orjola Pampuri, dhe deputeten Fatbardha Kadiu.
Emiriana Sako, Kryetarja e Bashkisë së Durrësit, një qytet pranë Ashraf 3, tha: “Është në traditën tonë t’i hapim dyert për njerëzit që janë në rrezik. Gjatë tre viteve të fundit, anëtarët e MEK kanë krijuar marrëdhënie miqësore me komunitetet lokale. Ashraf 3 ka luajtur një rol pozitiv në zonë dhe u ka ofruar ndihmë humanitare banorëve vendas. Ju uroj një rikthim të shpejtë në vendin tuaj sapo të themelohet liria dhe demokracia.”
Në një mesazh për Samitin Global për Lirinë e Iranit, anëtarët e Bashkisë Manzë, një qytet fqinj me Ashraf 3, thanë: “Ne, si shumë shqiptarë, e mbështesim Ashraf 3, dhe i kuptojmë gënjeshtrat e mullahëve. Ne shpresojmë që rajoni dhe bota do të çlirohen nga mullahët. Urojmë që Irani dhe Shqipëria të kenë marrëdhënie miqësore.”
Gjatë tërmetit të 2019-ës i cili shkatërroi një pjesë të madhe të bregut perëndimor të Shqipërisë, anëtarët e MEK në Ashraf 3 ofruan ndihma humanitare dhe donacione për njerëzit e zonës të prekur nga fatkeqësia. Znj. Maryam Rajavi, Presidentja e zgjdhur e Këshillit Kombëtar të Rezistencës së Iranit (NCRI), është takuar personalisht me banorët e Manzës të cilët ishin dëmtuar nga tërmeti. Z. Muharrem Sula, kryetari i bashkisë së qytetit, ka theksuar se, që nga themelimi i Ashraf 3, anëtarët e MEK kanë ndërtuar marrëdhënie të sinqerta me qytetarët shqiptarë në zonë.
Maryam Rajavi, Presidentja e zgjedhur e Këshillit Kombëtar të Rezistencës së Iranit (NCRI), takohet me viktimat e tërmetit në Shqipëri- dhjetor 2019.
Në mesazhin e lexuar nga Bashkia Manzë gjatë Samitit Global për Lirinë e Iranit thuhet: “Ne, si shumë shqiptarë, e mbështesim Ashraf 3, dhe i kuptojmë gënjeshtrat e mullahëve. Ne shpresojmë që rajoni dhe bota do të çlirohen nga mullahët. Urojmë që Irani dhe Shqipëria të kenë marrëdhënie miqësore.”
Figura të tjera sociale shqiptare që shprehën miqësinë e tyre me anëtarët e MEK në Ashraf 3 dhe mbështetjen e tyre për Rezistencën Iraniane në luftën për liri e demokraci në Iran, ishin: Sevim Arbana, kandidate për Çmimin Nobel për Paqen në 2005-ën dhe aktiviste e mirënjohur për të drejtat e grave, shkrimtarja Diana Çuli, kompozitori Zhani Ciko, avokatja Margarita Kola, si dhe Dashamir Uruçi, president i Unionit Shqiptar të Shoqërisë Civile.
Më parë, Presidenti i Republikës së Shqipërisë Ilir Meta kishte vizituar Ashraf 3 më 13 shtator 2019, dhe ishte takuar me Znj. Maryam Rajavi.
Gjithashtu, Arqipeshkvi George Anthony Frendo i katedrales qendrore katolike të Tiranës, Arqipeshkvisë Metropolitane të Shën Palit, e mirëpriti zonjën Rajavi në meshën e Krishtlindjeve në dhjetor 2019, ku ai ndau lutjen për popullin iranian i cili është “i shtypur, dhe duron dhimbjen e vuajtjen.”
Organizata Muxhahedine e Popullit të Iranit (PMOI-MEK) shpalli mbasditen e sotme, 29 korrik 2020, se Koronavirusi ua ka marrë jetën mbi 78,800 njerëzve në 347 qytete të Iranit. Numri i vdekjeve në provinca të ndryshme është: 19,600 në Teheran, 5,903 në Razavi Khorasan, 3,640 në Mazandarah, 2,320 në Azerbaixhanin Lindor, 2,020 në Fars, 1,155 në Kerman, 885 në Yazd, 865 në Ardabil, 815 në Markazi (Qendër), 735 në Zanjan, 630 në Ilam, 510 në Chaharmahal& Bakhtiari, dhe 405 në Kohgiluyeh& Boyer Ahmed. Kjo është përveç raporteve të marra nga provincat e tjera.
Autoritetet në Iran po i dërgojnë të burgosurit e dënuar me vdekje në Siri për të luftuar si mish për top për regjimin e Assad-it [Foto Fajli]
Raportim nga PMOI/MEK
Iran, 28 korrik 2020—Raportet tregojnë se të hënën, më 27 korrik, disa zyrtarë të Burgut Qendror të Karaj, që ndodhet në perëndim të kryeqytetit Teheran, së bashku me një delegacion personash që janë parë të veshur me cilësi të lartë, vizituan pavijonet e këtij burgu në kërkim të të burgosurve për t’i dërguar në Siri për të luftuar si mish për top në krah të forcave të regjimit të Assad-it.
Ky delegacion u kërkoi të burgosurve të dënuar për vrasje apo grabitje, atyre të dënuar me vdekje dhe burgim të gjatë, që të regjistroheshin për t’u dërguar në Siri ku do të luftojnë së bashku me forcat e regjimit iranian që përpiqen ta mbajnë Bashar Assad-in në pushtet në Damask. Këtyre individëve u është premtuar se do të lirohen nga burgu nëse bien dakord të luftojnë në Siri.
Edhe në të shkuarën ka patur raporte të ngjashme. Një i burgosur i liruar nga një burg në një tjetër provincë të Iranit, i cili ishte dënuar me burgim të gjatë për një krim të rëndomtë, ka qenë dëshmitar i kësaj gjëje. “Më sugjeruan të shkoj e të luftoj në Siri. Na premtuan se nëse shkonim në vendet që janë nën sferën e ndikimit të Iranit, si Siria, në këmbim do të na lironin nga burgu. Sigurisht, nëse do të mbijetonim. Disa të burgosur që ishin të dënuar me vdekje apo që kishin burgim të gjatë pranuan duke e ditur se nuk kishin zgjidhje tjetër. Nëse dikush refuzon të shkojë në Siri, ai ekzekutohet ose përballet me vdekjen në burg. Nëse bie dakord, ndoshta mund të ketë një shans për t’i shpëtuar ekzekutimit,” tha ky i burgosur.
“Nëse një i burgosur rikthehet nga vendi ku e kishin dërguar, e dërgojnë në një luftë tjetër në një shtet tjetër, si Libani apo… Pastaj e kthejnë në Iran dhe i japin një shtëpi në një qytet shumë larg qytetit të tij. Gjithashtu, ai nuk ka të drejtë të kontaktojë me familjen e tij. Si rezultat, ky individ bëhet pjesë e Gardës Revolucionare (IRGC) dhe dërgohet në luftë sa herë që është nevoja,” vazhdoi i burgosuri.
Për sa i përket rasteve të tjera specifike ku kishte qenë dëshmitar vetë, ai tha: “Kam parë dy raste me sytë e mi. Një individ mbante emrin Rauf. Familjes së tij dhe të burgosurve të tjerë u ishte thënë se e kishin ekzekutuar. Ai ishte dënuar me vdekje për përgatitje dhe posedim të lëndëve narkotike. Atë e dërguan direkt nga inteligjenca [e IRGC] në Siri. Ai më tha se do të shkonte në Siri, por ne do të na gënjenin e do të na thonin se e kishin ekzekutuar.”
Presidenti i Regjimit Iranian, Rouhani, Ka Dhënë Urdhër për Zhvillimin e Ceremonive të Ashura në Mesin e Rritjes së Numrit të Vdekjeve nga COVID-19
Informacionet e analizuara nga Rezistenca Iraniane tregojnë se pothuajse 80,000 njerëz kanë humbur jetën nga pandemia e COVID-19 në Iran. Paralelisht me përpjekjet për ta minimizuar pandeminë, dhe me të detyruarit e njerëzve që t’i rikthehen punës, presidenti i regjimit Hassan Rouhani flet tani për zhvillimin e ceremonive fetare të “Ashura” në mesin e pandemisë.
Pavarësisht numrit të vdekjeve që rritet çdo ditë, madje edhe po të merren për bazë vetë statistikat e fabrikuara të regjimit, Rouhani bën thirrje për zhvillimin e ceremonive të Ashura dhe kortezheve të përmortshme për Imamin e tretë të Islamit Shi’it, Hossain-ibn-Ali.
Znj. Maryam Rajavi, presidentja e zgjedhur e Këshillit Kombëtar të Rezistencës së Iranit (NCRI), ka thënë: Vendimi i Khamenei-t dhe Rouhani-t për t’i zhvilluar ceremonitë e përmortshme gjatë muajit Moharram dhe dërgimi i qëllimshëm i njerëzve në altarin e vdekjes është vazhdimësi e strategjisë së viktimave njerëzore në masë si barrierë kundër rrezikut të kryengritjes dhe përmbysjes së regjimit.
Kjo ndërkohë që pelegrinazhi i Haxhit është pezulluar për herë të parë për të shpëtuar jetët e myslimanëve. Shkatërrimi i sistemit të shëndetësisë së vendit duke refuzuar t’i marrë në punë infermierët që janë gati për të shërbyer është një pjesë tjetër e strategjisë së regjimit. Kjo është veçanërisht e vërtetë pasi infermierët që kanë bërë sakrifica të stërmëdha në gjashtë muajt e fundit dhe po infektohen në grupe, kanë nevojë urgjente për përforcime.
Konfederata Italiane e Unioneve të Punëtorëve (CISL) Shpall në një Deklaratë Solidaritetin e Saj me Punëtorët e Iranit
Sekretari i Parë i Konfederatës Italiane të Unioneve të Punëtorëve (CISL) në provincën Marche të Italisë, që mbikëqyr 28 degët e unionit, ka nxjerrë një deklaratë ku dënon fort shkeljet e rënda të të drejtave ligjore të punëtorëve gjatë shpërthimit të koronavirusit në Iran.
Konfederata Italiane e Unioneve të Punëtorëve (CISL) është një nga unionet më të mëdha të punëtorëve në Itali. Ky union u ka bërë thirrje organizatave të punëtorëve dhe të drejtave njerëzore që të ushtrojnë presion mbi regjimin iranian për ta detyruar atë dhe liderët e tij që t’i respektojnë të drejtat ligjore të punëtorëve iranianë.
Kjo deklaratë është firmosur nga Z. Leonardo Piccnno, Sekretar i Parë i CISL më provincën Marche, i cili ka shpallur mbështetjen e tij dhe të 28 degëve të unionit në provincën Marche për protestat e punëtorëve iranianë.
Më poshtë është teksti i plotë i përkthimit në anglisht të deklaratës:
Organizata Muxhahedine e Popullit të Iranit (PMOI-MEK) shpalli mbasditen e sotme, më 28 korrik 2020, se Koronavirusi ua ka marrë jetën mbi 78,100 njerëzve në 347 qytete të Iranit. Numri i vdekjeve në provinca të ndryshme është: 5620 në Khuzestan, 3605 në Mazandaran, 3390 në Gilan, 3075 në Lorestan, 2087 në Golestan, 2025 në Hamadan, 1990 në Fars, 1920 në Kermanshah, 985 në Semnan, 970 në Hormozgan, 845 në Ardebil, dhe 625 në Qazvin. Kjo është përveç raporteve të marra nga provincat e tjera.
Varrezat Khavaran në Teheranin jugor, varre masive ku besohet se gjenden shumë nga të burgosurit politikë të ekzekutuar në masakrën e 1988-ës
Gjatë kryengritjes mbarëkombëtare të nëntorit 2019 në Iran, forcat shtypëse Basij të Gardës Revolucionare vranë mbi 1,500 protestues të paarmatosur, duke përfshirë 19 fëmijë, brenda vetëm tre ditësh nëpër rrugë.
Informatat e marra nga brenda Iranit tregojnë se shkalla e masakrës është shumë më e rëndë dhe torturimet e ekzekutimet vazhdojnë ende ndaj protestuesve të arrestuar gjatë kryengritjes.
Por kjo nuk është një tragjedi që ndodhi brenda një nate, apo një jave apo muaji. Trajtimi brutal i protestuesve iranianë është rezultat i faktit që regjimi ka mbi katër dekada që gëzon pandëshkueshmëri për krimet e tij kundër njerëzimit.
Më tronditësi nga këta krime është masakra e mbi 30000 të burgosurve politikë iranianë në verën e 1988-ës, që shënon këtë javë 32-vjetorin. Në atë kohë, lideri suprem i atëhershëm i regjimit Ruhollah Khomeini nxori një fatwa për t’i spastruar të gjitha burgjet nga kundërshtarët e regjimit. Brenda vetëm pak javësh, autoritetet iraniane gjykuan dhe ekzekutuan mbi 30,000 të burgosur në mbarë Iranin, shumica e të cilëve ishin mbështetës dhe anëtarë të Organizatës Muxhahedine të Popullit të Iranit (PMOI/MEK). Trupat e viktimave i varrosën në varre masive e të pashënuara, për të fshehur provat e këtij akti brutal.
Kjo masakër nuk është hetuar kurrë nga komuniteti ndërkombëtar, dhe autorët e saj nuk janë vënë kurrë para drejtësisë. Kjo mungesë interesi nga komuniteti ndërkombëtar për t’i kërkuar llogari regjimit për krimin e tij kundër njerëzimit vetëm sa i ka nxitur zyrtarët iranianë që të vazhdojnë të përdorin shtypjen, torturën dhe ekzekutimin si mjetet kryesore për mbajtjen e pushtetit.
Pronarët e dyqaneve protestojnë dhe marshojnë në qytetin Qeshm, në Iranin jugor – 26 korrik 2020
Pronarët e dyqaneve në qytetin Qeshm në jug të Iranit zhvilluan një protestë dhe marshim të dielën, më 26 korrik, në protestë ndaj vendimit të zyrtarëve vendorë për ta mbyllur doganën e qytetit e për t’i lënë paketat në port. Shumë nga artikujt po prishen për shkak të kësaj neglizhence.
“Kam blerë mallra nga India që në shkurt dhe ato kanë ardhur. Por e kanë mbyllur doganën për shkak të koronavirusit,” tha njëri nga pronarët e dyqaneve. “Dogana e Dubait është hapur vetëm një javë pas mbylljes për shkak të Covid-19. Ndërsa doganat në Iran vazhdojnë ende të mbyllura. Pronarët e dyqaneve në Qeshm janë në gjendje shumë të vështirë. Covid-19 e ka shkatërruar tregun dhe nga ana tjetër, ata i mbajnë të bllokuara në dogana mallrat e njerëzve.”
Të shtunën më 25 korrik, punonjësit e spitalit Beheshti në qytetin Shiraz, në Iranin jug-qendror, mbajtën një tubim jashtë spitalit për të protestuar ndaj faktit që pagat e tyre nuk janë rritur me 50 përqind siç është bërë për punonjësit e spitaleve që janë nën mbikëqyrjen direkte të Ministrisë së Shëndetësisë dhe strukturave të tjera të regjimit të mullahëve.
Protestuesit jashtë spitalit Beheshti janë dëgjuar duke thirrur, “Zyrtarë të pakualifikuar, jepni dorëheqjen, jepni dorëheqjen!”
Të dielën, banorët e fshatit Dab Heradan në provincën Khuzestan të Iranit jug-perëndimor, me një popullsi prej mbi 2,000 njerëzish, mbajtën një tubim për të protestuar ndaj faktit që në shtëpitë e tyre nuk ka ujë të rrjedhshëm dhe që zyrtarët nuk i kanë mbajtur premtimet në këtë aspekt. Ky tubim u mbajt jashtë zyrës së guvernatorit të Khuzestan.
“Kemi patur shumë vështirësi dhe zyrtarët e fshatit refuzojnë të japin një përgjigje siç duhet për pyetjet tona,” tha një individ. “Aktualisht, jemi të detyruar të udhëtojmë shumë kilometra deri në një zonë pranë qytetit Ahvaz dhe ta blejmë ujin atje.”
Vlen të përmendet se banorët e Dab Heradan jetojnë në një nga provincat më të pasura me ujë të Iranit, e megjithatë nuk kanë ujë të pijshëm, as ujë për rutinën e përditshme, fermat, bagëtitë, apo nevojat e tjera të zakonshme.
Ndërtesa e gjykatës së regjimit në Isfahan të Iranit qendror
Personalitete dhe figura politike shqiptare folën në tubimin e përvitshëm të Rezistencës Iraniane, Samiti Global për Lirinë e Iranit 2020, i cili u mbajt online në lidhje me 30,000 lokacione në 102 shtete, në mbështetje të anëtarëve të MEK në Ashraf 3.
![Authorities in Iran are sending death row inmates to Syria to fight as cannon fodders for the Assad regime [File Photo]](https://al.ncr-iran.org/wp-content/uploads/2020/07/7122f45e-8097-4615-8bfd-3e9ec44b2b10_690.jpg)
Autoritetet në Iran po i dërgojnë të burgosurit e dënuar me vdekje në Siri për të luftuar si mish për top për regjimin e Assad-it [Foto Fajli]
Presidenti i Regjimit Iranian, Rouhani, Ka Dhënë Urdhër për Zhvillimin e Ceremonive të Ashura në Mesin e Rritjes së Numrit të Vdekjeve nga COVID-19
Konfederata Italiane e Unioneve të Punëtorëve (CISL) Shpall në një Deklaratë Solidaritetin e Saj me Punëtorët e Iranit
Varrezat Khavaran në Teheranin jugor, varre masive ku besohet se gjenden shumë nga të burgosurit politikë të ekzekutuar në masakrën e 1988-ës
Pronarët e dyqaneve protestojnë dhe marshojnë në qytetin Qeshm, në Iranin jugor – 26 korrik 2020