Wednesday, February 1, 2023

Etiketimi i 13 Vrasësve të Dr. Kazem Rajavi nga Departamenti i Shtetit Është një Hap i Domosdoshëm dhe i Efektshëm për të Luftuar Terrorizmin

kazem rajavi, assassinated, swiss, Iran, NCRI

Dr. Kazem Rajavi

Etiketimi i 13 vrasësve të Dr. Kazem Rajavi nga Departamenti i Shtetit është një hap i domosdoshëm dhe i efektshëm për të luftuar terrorizmin. Ky hap duhet të plotësohet me ndjekjen penale dhe ndëshkimin e udhëheqësve të regjimit.

Znj. Maryam Rajavi, Presidentja e zgjedhur e Këshillit Kombëtar të Rezistencës së Iranit (NCRI), e ka mirëpritur etiketimin nga Sekretari amerikan i Shtetit të 13 vrasësve të Dr. Kazem Rajavi, martirit të madh të kauzës së të drejtave njerëzore. Ajo e ka përshkruar këtë si një hap të domosdoshëm e të efektshëm për të luftuar terrorizmin dhe për të mbrojtur sigurinë e vendeve europiane. Znj. Rajavi shtoi se ky etiketim duhet të plotësohet me etiketimin e liderëve të regjimit klerikal, duke përfshirë liderin suprem Ali Khamenei, Ali Fallahian, Ministër i Inteligjencës në atë kohë, Ali Akbar Velayati, këshilltar i Khamenei-t dhe Ministër i Jashtëm në atë kohë, dhe Hassan Rouhani, Sekretar i atëhershëm i Këshillit Suprem të Sigurisë Kombëtare, si organizatorë të vrasjes së Dr. Rajavi-t në prill 1990, pranë Gjenevës.