Tuesday, January 31, 2023

Në Mënyrë që të Ndalen Njëherë e Mirë Ekzekutimet në Iran, Bota Duhet t’u Kërkojë Llogari Mullahëve për Masakrën e 1988-ës

 

To Stop Executions in Iran Permanently, World Should Hold Mullahs To Account for 1988 Massacre Ndalojini ekzekutimet në Iran

Regjimi iranian ekzekutoi një grua dhe tre burra të martën. Më parë, më 5 gusht, është ekzekutuar Mostafa Salehi, i cili ishte arrestuar gjatë protestave të mëdha të 2018-ës në Iran. Ekzekutimet e pandalura dhe shkeljet e të drejtave njerëzore që kryhen nga mullahët do të vazhdojnë për sa kohë që ata të gëzojnë pandëshkueshmëri lidhur me masakrën e 1988-ës ndaj të burgosurve politikë.

Që kur mori pushtetin në 1979-ën, regjimi iranian nisi shtypjen ndaj çdo zëri disident. Me fjalë të tjera, ekzekutimet në Iran janë një mjet politik që u shërben mullahëve për të ruajtur pushtetin. Qëllimi i Drejtësisë së regjimit, ndryshe nga vendet e tjera, është t’i forcojë edhe më shumë themelet e regjimit. Me qindra avokatë të burgosur, si për shembull Nasrin Sotudeh, nuk ekziston një “qendër e vërtetë avokatësh të pavarur” apo një sistem mbrojtjeje.

Pavarësisht veprimtarive të tyre paqësore, dhjetëra mbështetës të Organizatës Muxhahedine të Popullit të Iranit (PMOI/MEK) janë ekzekutuar mes viteve 1979 dhe 1981. Njëkohësisht me fillimin e rezistencës së organizuar kundër regjimit, regjimi i mullahëve nisi një spastrim politik me qëllimin për ta ruajtur pushtetin e vet dhe për ta qetësuar shoqërinë e trazuar iraniane.

Kështu, 30,000 të burgosur të pafajshëm u ekzekutuan vetëm pse i kishin ruajtur idetë e tyre, edhe pse të gjithë ishin gjykuar më përpara nga Drejtësia e regjimit dhe ishin dënuar me burgim. Të ashtu-quajturat “komisione të vdekjes,” të cilat ishin përgjegjëse për dërgimin e të burgosurve tek trekëmbëshi, bënin thjesht një pyetje: Për çfarë akuzoheni? Nëse personi përgjigjej “MEK” apo “mbështetës i MEK,” apo fjalën “Mojahed” fati i tij apo i saj ishte i vulosur.

Lidhur me këtë, Amnesty International ka listuar disa nga pyetjet që bënin “komisionet e vdekjes” në llogarinë e saj në Twitter në gjuhën Farsi: “A je gati t’i refuzosh “hipokritët” [termi që përdorin mullahët për MEK] dhe udhëheqësit e tyre?

A je gati të shkelësh në një fushë të minuar për t’i ndihmuar forcat ushtarake të Republikës Islamike?

A je i gatshëm t’u bashkohesh skuadrave të ekzekutimit?”

Përgjigjja ‘jo’ ndaj këtyre pyetjeve rezultonte gjithashtu në ekzekutim.