Përkujtimi i Martirëve të Kryengritjes së Nëntorit 2019 dhe të MEK në Kampin Ashraf në Shtator 2013

Nga
Shkrimtar i stafit
-

 

Shkruar nga Sekretariati i Këshillit Kombëtar të Rezistencës së Iranit (NCRI)

3 shtator 2020

Teheran- Përkujtimi i dëshmorëve të kryengritjes së nëntorit 2019 – 29 gusht 2020

Pas thirrjes javën e shkuar nga Z. Massoud Rajavi, Lideri i Rezistencës Iraniane, për të përkujtuar martirët e kryengritjes së nëntorit 2019 gjatë muajit të shenjtë të Muharram-it, Njësitë e Rezistencës dhe mbështetësit e Organizatës Muxhahedine të Popullit të Iranit (PMOI/MEK) kanë shkruar sllogane, kanë ngjitur postera dhe kanë shpërndarë fletushka në Teheran e qytete të tjera iraniane, duke përfshirë Karaj, Sanandaj, Behbahan, Rasht, Isfahan, Shiraz, Neyshabur, Qom, Mashhad, Ahvaz, Dehdasht, Tabriz, dhe Khorramabad, për t’i përkujtuar këta heronj të rënë. Ata nderuan gjithashtu kujtimin e 52 martirëve të MEK, të cilët u masakruan në Kampin Ashraf të Irakut nga Forca terroriste Quds e IRGC-së më 1 shtator 2013.

Disa nga slloganet e shfaqura në publik gjatë fushatave të javës së shkuar ishin: “E vetmja rrugë drejt lirisë është të ngriheni, dhe të revoltoheni për të fituar lirinë tuaj,” “Dëshmorët e MEK në Kampin Ashraf janë simbole të qëndresës dhe rezistencës. Ne do ta vazhdojmë rrugën e tyre,” “Poshtë Khamenei, rroftë Rajavi,” “Të kujtojmë dëshmorët e Kampit Ashraf, simbole të sakrificës dhe rezistencës,” “MEK është e vendosur për ta përmbysur regjimin klerikal anti-iranian,” “Njësitë e Rezistencës do ta përmbysin regjimin klerikal,” “Poshtë Khamenei, rroftë MEK, rroftë Rajavi,” “Massoud Rajavi: MEK i është përkushtuar çlirimit të atdheut.”

Neyshabur, Rasht, dhe Karaj – Nderimi i kujtimit të dëshmorëve të kryengritjes së nëntorit 2019– 1 shtator 2020

Ahvaz dhe Behbahan – Veprimtaritë e mbështetësve të MEK – Përkujtimi i martirëve të kryengritjes së nëntorit 2019 – 1 shtator 2020

Qytete të ndryshme – Përkujtimi i martirëve të kryengritjes së nëntorit 2019- 1 shtator 2020

Teheran – Ngjitja e posterit të Maryam Rajavi-t, shënimi lexon: MEK është e vendosur ta përmbysë regjimin klerikal anti-iranian – 29 gusht 2020

Abadan dhe Arak – Lavdi MEK-ut, Rroftë Liria – 29 gusht 2020

Teheran- Përkujtimi i martirëve të kryengritjes së nëntorit 2019 – 29 gusht 2020

Tabriz, Shiraz, Mashhad, Karaj, dhe Ardabil – Veprimtaritë e mbështetësve të MEK: Protesta dhe kryengritje deri në arritjen e lirisë – 29 gusht 2020

Teheran dhe Shiraz – Shpërndarja e fletushkave në mbështetje të MEK, ku lexohet: MEK është e vendosur ta përmbysë regjimin klerikal anti-iranian – 27 gusht 2020

Rasht – “Rroftë MEK, poshtë teokracia e urryer që sundon Iranin” – 27 gusht 2020

Teheran – Një poster me foton dhe mesazhin e Z. Massoud Rajavi, liderit të Rezistencës Iraniane: Massoud Rajavi: MEK i është përkushtuar çlirimit të atdheut të vet.”- 27 gusht 2020

Teheran – Ngjitja e fletushkave nga mbështetësit e MEK: “Bashkatdhetarëve të rinj, bashkohuni me Njësitë e Rezistencës” – 26 gusht 2020

Teheran – Një poster i Maryam Rajavi-t në një vendkalim publik – 26 gusht 2020

Mashhad – Veprimtaritë e Njësive të Rezistencës në mbështetje të grevave të punëtorëve – 26 gusht 2020

Qom – Shpërndarja e fletushkave ku lexohet: “Poshtë Khamenei, rroftë liria” – 26 gusht 2020

Isfahan – Shkrim në mur nga mbështetësit e MEK: “Poshtë Khamenei, rroftë Rajavi” – 26 gusht 2020

Publikohet “1000 Yje,” një libër për rolin e Grave Iraniane në Lëvizjen e Rezistencës.

Nga
Shkrimtar i stafit
-

 

Në korrik të këtij viti, në Shqipëri është botuar libri me titull “1000 Yje” nga Znj. Diana Çuli. Ky libër flet për rolin e grave iraniane në Lëvizjen e Rezistencës. Libri është botuar nga shtëpia botuese Toena dhe është shpërndarë në librari të qyteteve të ndryshme në Shqipëri dhe Kosovë.

Libri ‘1000 Yje” përbëhet nga 15 kapituj. Znj. Çuli nisi ta shkruante këtë libër pasi mësoi për rolin udhëheqës të grave në Rezistencën Iraniane për herë të parë në tubimin e madh në 2015-ën në Berlin.  Më pas, ajo studioi situatën politike në Iran dhe rolin e grave në diktaturat e monarkisë dhe të mullahëve. Me një penë të bukur dhe elokuente, ajo shkruan për vuajtjet e grave iraniane dhe për Rezistencën Iraniane përmes vrojtimeve të saj të drejtpërdrejta.

Në pjesë të ndryshme të këtij libri, Diana Çuli rrëfen për betejën e grave iraniane për liri dhe demokraci në Iran, dhe flet për rolin e grave tek Muxhahedinët nën udhëheqjen e Maryam Rajavi-t, Presidentes së zgjedhur të Rezistencës Iraniane, si dhe ndan mendimet e aspiratat e saj.

Znj. Diana Çuli lindi më 13 prill 1951 në Tiranë. Ajo u diplomua në Fakultetin e Filozofisë në Universitetin e Tiranës në vitin 1973. Në 1990-ën, ajo u bë presidente e Forumit të Pavarur të Gruas, ndërsa në vitin 2004, u bë presidente e Federatës Shqiptare të Grave. Që në 2006-ën, ajo ka përfaqësuar Parlamentin Shqiptar në Asemblenë Parlamentare të Këshillit të Europës dhe është aktiviste për të drejtat e gruas në Shqipëri.

Në 1970-ën, Diana Çuli publikoi librin e saj të parë, “Ndërgjegjja.” Ajo ka botuar shumë vepra letrare, duke përfshirë tetë libra, romane, dhe skenare.

Znj. Diana Çuli është njohur me Rezistencën Iraniane dhe Muxhahedinët, të cilët kanë ardhur në Shqipëri që në 2014-ën.  Nisur nga njohuritë e saj lidhur me Muxhahedinët dhe Rezistencën Iraniane, ajo e mbështet fort lëvizjen e udhëhequr nga Znj. Maryam Rajavi. Ajo ka marrë pjesë në shumë seminare të Komitetit të Grave të Këshillit Kombëtar të Rezistencës së Iranit në vendet europiane dhe në Shqipëri.

Komuniteti Botëror Mund t’i Ndalojë Ekzekutimet e Mëtejshme në Iran Duke Ndihmuar Navid Afkari-n dhe Duke i Kërkuar Llogari Regjimit për Krimet e Tij në të Shkuarën

Nga
Sedighe Shahrokhi
-

 

Drejtësia e regjimit iranian ka miratuar dënimin me vdekje për Navid Afkari Sangari, i arrestuar gjatë protestave mbarëkombëtare iraniane të 2018-ës në Shiraz. Ka patur thirrje të shumta për ta ndaluar ekzekutimin e tij, por megjithatë raportet e lajmeve tregojnë se mullahët do ta ekzekutojnë Navid-in. Ta lejosh regjimin ta bëjë këtë është njësoj sikur t’i japësh dritën jeshile regjimit për të vazhduar me abuzimet ndaj të drejtave njerëzore.

Tortura dhe keqtrajtimi

Regjimi i mullahëve e ka torturuar rëndë Navid Afkari-n për të nxjerrë rrëfime prej tij. Në një letër, Navid, kampion në mundje, ka përshkruar torturat e tmerrshme fizike dhe psikologjike që i kanë bërë. “Për rreth 50 ditë kam duruar torturat më të tmerrshme fizike dhe psikologjike. Më rrihnin me shkopinj, duke më goditur krahët, këmbët, barkun, dhe shpinën. Ma fusnin kokën në një qese plastike dhe më torturonin derisa më merrej fryma gati deri në vdekje. Më kanë hedhur edhe alkool në hundë,” lexon letra.

Siç ka thënë Znj. Maryam Rajavi, presidentja e zgjedhur e Këshillit Kombëtar të Rezistencës së Iranit (NCRI), “Ruajtja e heshtjes lidhur me torturat dhe krimet kundër njerëzimit është e barasvlefshme me shkallmimin e vlerave për të cilat kanë dhënë jetën dhjetëra miliona njerëz.”

Iran: Përditësim Lidhur me Koronavirusin, Mbi 98,300 Vdekje, 2 Shtator 2020

Nga
Hamideh Taati
-

 

NUMRI I VIKTIMAVE (DERI MË 2 shtator 2020):

Organizata Muxhahedine e Popullit të Iranit (PMOI / MEK) shpalli mbasditen e sotme, 2 shtator 2020, se Koronavirusi ua ka marrë jetën mbi 98,300 njerëzve në 410 qytete të Iranit. Numri i vdekjeve në provinca të ndryshme është: 23865 në Teheran, 6969 në Khorasan Razavi, 4585 në Qom, 4425 në Isfahan, 4300 në Lorestan, 2808 në Golestan, 2803 në Alborz, 2752 në Fars, 2006 në Kurdestan, 1554 në Khorasan Verior, 1314 në Hormozgan, 1213 në Bushehr, 849 në Gazvin, 635 në Kohgiluyehn dhe Boyer Ahmad. Kjo është përveç raporteve të marra nga provincat e tjera.

Njerëz nga të gjitha sferat e jetës vazhdojnë protestat në mbarë Iranin

Nga
Matin Karim
-

Protests by oil sector workers in IranProtestat nga punëtorët e sektorit të naftës në Iran

 

Punëtorët në industritë petrokimike dhe të naftës dhe në centralet elektrike të Iranit vazhduan sot grevën e tyre për të 32-tën ditë rresht në 19 qytete të 10 provincave, në 38 pika qendrore.

78 days protests by workers of the Haft Tappeh Sugar Cane Company in Shush, southwest Iran78 ditë protesta nga punëtorët e Kompanisë së Kallamsheqerit Haft Tappeh në Shush të Iranit jug-perëndimor

Të martën, më 1 shtator, punëtorët e Kompanisë së Kallamsheqerit Haft Tappeh vazhduan protestën e tyre përpara zyrës së guvernatorit në qytetin Shush të provincës Khuzestan, në Iranin jug-perëndimor, si dhe përpara zyrës së Kaab Omair, deputetit të Majlis (parlamentit) që përfaqëson qytetin Shush. Kjo grevë ka vazhduar për 79 ditë. Në këtë protestë, punëtorë të tjerë iu bashkuan kolegëve të tyre.

Çështjet më të rëndësishme të ngritura në kërkesat e punëtorëve gjatë kësaj greve janë si më poshtë:

  • Pagesa e menjëhershme e rrogave të vonuara dhe rinovimi i librezave të sigurimit
  • Rikthimi i menjëhershëm në punë i kolegëve të pushuar
  • Arrestimi i menjëhershëm i Omid Assadbeigi (CEO i Kompleksit Agro-Industrial të Kallamsheqerit Haft Tappeh) dhe burgim i përjetshëm për këtë individ të korruptuar
  • Heqja e menjëhershme e punëdhënësve të korruptuar nga Haft Tappeh
  • Rikthimi i menjëhershëm i pasurisë së vjedhur tek punëtorët
  • Dhënia fund karrierave të menaxherëve tashmë të dalë në pension

Protesta të Reja në Irakun Jugor Kundër Regjimit Iranian

Nga
Shahriar Kia
-

Muharram, Shi’ite, Iraq, Hashd, Maleki, Kazemi, October RevolutionProtesta në Irakun jugor

 

Njerëzit në Irak e kanë kthyer ceremoninë e zisë të Muharram-it në një tjetër kryengritje kundër ndërhyrjeve të regjimit iranian dhe grupeve terroriste proksi të tij. Këto protesta, të zhvilluara në provincat jugore të Irakut me një shumicë Shi’ite, treguan se populli i Irakut është i shqetësuar seriozisht lidhur me praninë e rrezikshme të regjimit iranian në Irak.

Këto protesta treguan gjithashtu se si e ashtu-quajtura “thellësi strategjike” e regjimit iranian në Irak është shembur pas vitesh të tëra që ky regjim ka shpërdoruar pasurinë kombëtare të popullit iranian dhe ka përdorur Islamin Shi’ite për të promovuar dhe avancuar me politikat e tij luftënxitëse.

Ceremonitë e zisë të Muharram-it zhvillohen për të përkujtuar Imamin e tretë Shi’ite, Hossain-ibn Ali, i cili luftoi për liri dhe u vra pranë qytetit Karbala gati 14 shekuj më parë. Tani, protestuesit irakenë e nderojnë trashëgiminë e Hossain-ibn Ali duke u revoltuar kundër regjimit iranian dhe grupeve terroriste proksi të tij, të cilat e kanë privuar popullin e Irakut nga liria e tij e dëshiruar.

Protestuesit mbanin foto të atyre që janë vrarë që në fillim të kryengritjes së popullit iraken, e cila njihet si “Revolucioni i Tetorit.” Ata morën në shënjestër gjithashtu ndërhyrjet e regjimit iranian dhe veprimtaritë e grupeve terroriste proksi të tij, të cilat kanë vrarë aktivistë që në fillim të kryengritjes së popullit iraken.

 

Iranianët Jashtë Vendit dhe Mbi 100 Ligjvënës Nxisin OKB-në t’i Rivendosë Sanksionet mbi Regjimin Iranian

Nga
Mahmoud Hakamian
-

Anëtarë të diasporës iraniane dhe mbi 100 parlamentarë europianë e arabë i kanë bërë thirrje komunitetit ndërkombëtar t’i rivendosë sanksionet mbi regjimin iranian, njëkohësisht me zhvillimin e takimit të Komisionit të Përbashkët mes palëve që janë pjesë e paktit bërthamor të 2015-ës me Iranin, i njohur zyrtarisht si Plani i Përbashkët Gjithëpërfshirës i Veprimit (Joint Comprehensive Plan of Action – JCPOA), në Vienë.

Iranianët që mbështesin Këshillin Kombëtar të Rezistencës së Iranit (NCRI) dhe Organizatën Muxhahedine të Popullit të Iranit (PMOI/MEK) organizuan një protestë në Vienë. Protestuesit dënuan vizitën në Austri të zëvendës ministrit të jashtëm të regjimit iranian. Ata i bënë thirrje gjithashtu Austrisë dhe vendeve të tjera europiane që t’i rivendosin sanksionet e Këshillit të Sigurimit të OKB-së mbi regjimin iranian.

Asembleja e Përgjithshme e OKB-së: Mundësia më e Mirë për ta Mbajtur Përgjegjës Regjimin Iranian për Krimet e tij Serioze në të Shkuarën

Nga
Mohammad Sadat Khansari
-

 

Ndërtesa e Asemblesë së Përgjithshme të OKB-së në New York

Seanca e 75-të e Asemblesë së Përgjithshme të Kombeve të Bashkuara është e planifikuar të hapet më 15 shtator, ndërsa Debati i Përgjithshëm i nivelit të lartë do të nisë një javë më vonë. Duke qenë se Këshilli i Sigurimit ka refuzuar tani vonë ta zgjasë afatin e embargos së armëve ndaj regjimit, duket e sigurtë që kundërshtimet amerikane ndaj këtij vendimi do të përbëjnë një pjesë të konsiderueshme të debatit.

Kjo është e lidhur ngusht me çështje të tjera të ngjashme si reputacioni i Iranit si shteti kryesor që sponsorizon terrorizmin, dhe fakti që kohët e fundit ai ka shpalosur një raketë të re në përpjekje të qartë për ta provokuar Perëndimin lidhur me aksesin që regjimi ka fituar kohët e fundit në armë të avancuara. Rëndësia e këtyre çështjeve është shumë e madhe, sidomos po të kemi parasysh faktin që Asembleja e Përgjithshme do të zhvillohet pak a shumë në të njëjtën kohë me gjyqin në Belgjikë të një të ashtu-quajturi “diplomat” të regjimit iranian i cili ka organizuar një komplot për të shpërthyer një bombë pranë Parisit në 2018-ën.

Por megjithatë, diskutimet mbi provokimet e regjimit iranian ndaj shteteve të tjera dhe financimeve të tij për terrorizmin nuk duhet të lejohen t’i eklipsojnë çështjet e tjera, si ato që nënvizojnë kërcënimin që regjimi i mullahëve përbën për popullin iranian. Këto dy kategori janë trajtuar përgjithësisht nga politikëbërësit perëndimorë sikur të ishin krejtësisht të ndara. Por komploti terrorist i 2018-ës demonstron se terrorizmi dhe tirania e Teheranit nuk kanë kufij.

Frika e Shtuar e Regjimit Iranian nga Hapësira Kibernetike dhe MEK

Nga
Shahriar Kia
-

 

Iran, Facebook, twitter, Instagram, snapshot, telegram, IRGCRegjimi iranian ka interes t’i bllokojë të gjitha platformat e rrjeteve sociale

 

Ndërkohë që i ka detyruar iranianët të zhvillojnë ceremoni zie të Muharram në mesin e krizës së COVID-19, Lideri Suprem i mullahëve zhvilloi një ceremoni zie virtuale i vetëm. Por kjo nuk i pengoi mullahët të shprehnin shqetësimin e tyre në rritje për rrjetet sociale, opozitën iraniane Mujahedin-e Khalq (PMOI ose MEK) dhe një kryengritje të mundshme.

Një mullah i quajtur Nasser Rafie, i cili supozohej të mbante zi për vdekjen e Imamit të tretë Shi’ite, Hussain-ibn Ali, shprehu frikën e madhe të regjimit nga roli i opozitës iraniane në ekspozimin e krimeve të regjimit dhe nga impakti i saj mbi shoqërinë iraniane në platformat e rrjeteve sociale.

Komentet e tij tregojnë se sa thelbësore por edhe tmerruese është çështja e platformave të mediave sociale për Khamenei-n dhe regjimin e tij. Khamenei e ka shprehur personalisht në disa raste shqetësimin e tij për mediat sociale dhe kanalet satelitore. Në një takim me ministrat e kabinetit më 23 gusht, ai e kritikoi qeverinë e Hassan Rouhani-t për faktin se nuk ka krijuar një rrjet kombëtar inteligjence “jashtë agjendës dhe për ngurrimin e qeverisë për të zhvilluar mbledhje të këshillit kibernetik.”

Gjithashtu, ai tha hapur se hapësira kibernetike po “menaxhohet dhe udhëhiqet nga jashtë vendit dhe nuk mund t’i lëmë njerëzit pa mbrojtje.” Sigurisht, për personin që u dha urdhër forcave të tij të sigurisë “të bëjnë gjithçka që munden” për t’i shtypur njerëzit gjatë protestave madhore në nëntor, gjë që rezultoi në 1500 vdekje, mirëqenia e njerëzve nuk ka asnjë vlerë, dhe me ‘njerëz’ ai nënkupton regjimin e mullahëve.

Mbi të gjitha, mullahët janë të tmerruar nga MEK dhe lidhja e kësaj organizate me njerëzit brenda Iranit. Lidhur me këtë, Rasoul Felahati, Udhëheqësi i Lutjeve të së Premtes i regjimit në qytetin Rasht të Iranit verior, tha të premten: “Ata [MEK] përdorin telefonin dhe hapësirën kibernetike për t’u lidhur me simpatizantët e tyre brenda vendit, dhe po planifikojnë të bëjnë disa lëvizje në muajt e ardhshëm.”

 

Agjencia e Sigurisë e Gjermanisë: Regjimi Iranian Vazhdon të Marrë në Shënjestër Disidentë Jashtë Vendit, Veçanërisht MEK-un

Nga
Mohammad Sadat Khansari
-

 

Departamenti Gjerman për Mbrojtjen e Kushtetutës

Departamenti Gjerman për Mbrojtjen e Kushtetutës, BundesamtfürVerfassungsschutz (BfV), në raportin e tij më të fundit vjetor ka vënë në dukje se regjimi iranian vazhdon t’i spiunojë e t’i shtypë disidentët iranianë, veçanërisht ata që janë të lidhur me Organizatën Muxhahedine të Popullit të Iranit (PMOI / MEK) brenda dhe jashtë Iranit.

Faqja në internet e Departamentit për Mbrojtjen e Kushtetutës publikoi të premten raportin e tij për 2019-ën. Në këtë raport theksohet: “Ashtu si në të shkuarën, shërbimet iraniane të inteligjencës vazhdojnë t’i spiunojnë e t’i shtypin lëvizjet dhe aktorët opozitarë brenda dhe jashtë vendit. Gjithashtu, këto shërbime mbledhin informata politike, ushtarake, industriale dhe shkencore në vendet perëndimore. Organizata kryesore që qëndron prapa veprimtarive me në shënjestër Gjermaninë vazhdon të jetë Ministria e Inteligjencës (VAJA, zakonisht me shkurtimin MOIS). Krahas MOIS, Forca Quds, një njësi speciale inteligjence e Gardës Revolucionare të Iranit, është gjithashtu aktive në Gjermani.”

Duke iu referuar komplotit të dështuar me bombë të regjimit iranian kundër tubimit të përvitshëm “Irani i Lirë” të Këshillit Kombëtar të Rezistencës së Iranit më 30 qershor 2018 në Paris, dhe arrestimit të mëpasshëm të të ashtu-quajturit “diplomat” të regjimit, Asadollah Assadi, raporti lexon: “Siç është raportuar në Raportin Vjetor të 2018-ës mbi Mbrojtjen e Kushtetutës, më 1 korrik 2018, një diplomat i Ambasadës Iraniane në Vienë u arrestua në Gjermani me një urdhër arresti europian të lëshuar nga autoritetet belge të zbatimit të ligjit. Ky diplomat, që dyshohet si agjent i MOIS, akuzohet për organizimin e një sulmi me bombë të planifikuar kundër një tubimi të përvitshëm në Francë të Organizatës Muxhahedine të Popullit të Iranit (MEK, Mujahedeen-e-Khalq) në Villepinte, pranë Parisit, më 30 qershor 2018. Diplomati iranian mendohet se ka rekrutuar një çift belg me origjinë iraniane si agjentë për të kryer sulmin me bombë. I dyshuari u ekstradua në Belgjikë në fillim të tetorit 2018.”

“Si përgjigje ndaj këtij sulmi të planifikuar, më 8 janar 2019, BE përfshiu në listën terroriste një divizion të MOIS, diplomatin iranian të akuzuar për organizimin e sulmit, dhe një ish zëvendës ministër të MOIS. Në vendimin e tij, Këshilli i Punëve të Jashtme deklaroi se personat dhe agjencitë e sipër-përmendura kanë qenë të përfshira në veprimtari terroriste,” lexon raporti.

Duke iu referuar rolit aktiv të kompanisë ajrore Mahan Air – e lidhur me Gardën Revolucionare (IRGC) – në transferimin e armëve drejt Sirisë dhe etiketimit të saj të mëpasshëm për pjesëmarrje në terrorizëm, raporti shton: “Gjithashtu, më 21 janar 2019, Qeveria Federale pezulloi liçensën e kompanisë ajrore iraniane Mahan Air për të bërë fluturime drejt Gjermanisë dhe nga Gjermania. Kjo masë ishte një përgjigje ndaj operacioneve të kësaj kompanie ajrore në zonën e luftës në Siri dhe ndaj veprimtarive iraniane të spiunazhit.”

Në një pjesë tjetër, ky raport i referohet veprimtarive të vazhdueshme kibernetike të regjimit kundër NCRI dhe MEK. “Potenciali i Iranit për të kryer operacione kibernetike është rritur në mënyrë të konsiderueshme vitet e fundit, duke çuar në shtim të veprimtarive të hacker-ave iranianë kundër shënjestrave brenda dhe jashtë vendit. Shënjestrat kryesore janë në administratë dhe qeveri, biznese, shkencë dhe studim, si dhe grupet disidente e opozitare,” lexon raporti.

Departamenti gjerman për Mbrojtjen e Kushtetutës ka paralajmëruar vazhdimisht për veprimtaritë e spiunazhit të shërbimeve sekrete të regjimit iranian kundër disidentëve dhe grupeve opozitare iraniane. MEK dhe NCRI janë viktimat kryesore të këtyre sulmeve.

Ky raport konfirmon edhe një herë thënien e Rezistencës Iraniane se e vetmja mënyrë për ta ndaluar fenomenin e lig të terrorizmit, i cili udhëhiqet nga regjimi iranian, në Gjermani, është mbyllja e ambasadës së regjimit iranian në këtë vend. Kjo ambasadë është një qendër për përhapjen e terrorizmit dhe fondamentalizmit islamik. Agjentët dhe spiunët e regjimit iranian duhet të dëbohen nga Gjermania.

1...376377378...728Faqja 377 nga 728