Mobilizim i jashtëzakonshëm i forcave represive të regjimit nga frika e një kryengritjeje rinore gjatë festivalit të Zjarrit

Nga
Shkrimtar i stafit
-

Regjimi klerikal, i cili është i përmbytur nga krizat, ka marrë masa të jashtëzakonshme për të parandaluar një kryengritje të mundshme nga rinia iraniane gjatë festivalit të zjarrit (Chaharshanbe Suri – festohet natën e të mërkurës së fundit përpara Novruzit, vitit të ri iranian). Këto veprime po bëhen për të parandaluar protestat dhe tubimet, sidomos në kryeqytetin Teheran.

Dje, Komandanti i Forcave të Sigurisë së Shtetit për Teheranin e madh, Brigadier Gjenerali i IRGC-së, Hassan Rahimi, tha për IRNA se të gjitha forcat e policisë janë gati për natën e të mërkurës së fundit të vitit: “Ata që shkaktojnë shpërthime në natën e të mërkurës së fundit të vitit do të trajtohen me ashpërsi … Ata që shkaktojnë prishjen e qetësisë dhe sigurisë dhe ata që ngasin makina e shpërthejnë kapsolla e shkaktojnë panik do të ndëshkohen. E kemi koordinuar këtë me sistemin gjyqësor dhe i kemi marrë lejet e nevojshme.”

Ai tha për agjencinë e lajmeve të Radios dhe Televizionit të regjimit më 23 shkurt 2021: “Po implementohet një plan i ri represiv i quajtur ”Plani Rrufe për Autoritetin Policor të Sigurisë Publike’‘ për t’u përgjigjur ndaj ’incidenteve të mundshme.’ Një nga qëllimet kryesore të këtij plani është t’u kundërvihet veprimtarive të rinisë gjatë Festivalit të Zjarrit.

Sipas agjencisë së lajmeve të parlamentit të regjimti dje, Gholam-Reza Montazeri, zëvendës kryetari i komitetit kulturor të parlamentit, ka pohuar: “Sot, për shkak të mungesës së vëmendjes, Festivali i Zjarrit është bërë një rrezik… Ai është bërë një festival i trazirave me kalimin e kohës.” Ndërkohë, Brigadier Gjenerali i IRGC-së Mohammad-Reza Yazdi, krye-komandant i forcave të IRGC në Tehran, tha sot për të përditshmen Hamshahri Online: “Sot janë formuar task-forca në komunitete të ndryshme të Teheranit për të konfrontuar … ata që prishin sigurinë publike.” Qëllimi kryesor i manovrës taktike të Korpusit të IRGC-së në Teheran (“Sarallah Brigadier”) me pjesëmarrjen e IRGC, Basij dhe Forcave të Sigurisë së Shtetit më 5 mars ishte të përgatiteshin për një kryengritje në Teheran.

 

 

Iran: Forcat e IRGC hapin zjarr, duke vrarë një fëmijë e plagosur një grua.

Nga
Shkrimtar i stafit
-

Boy, 16, killed, woman injured by IRGC forces in southeast Iran

Minoreni i vrarë në kontenë Rask të Iranit jug-lindor është identifikuar si Younes Yazdanshenas. Gruaja, e cila është tezja e minorenit, është identifikuar si Nour Bibi.

Sipas faqes së Fushatës Baloch, këta dy persona po shkonin për të kryer vizita mjekësore kur policia hapi zjarr mbi ta pasi kishin kaluar një pikë kontrolli. Raporti thotë se të dy janë transferuar në spitalin Chabahar, por Younes vdiq për shkak të plagëve të rënda dhe humbjes së gjakut.

 

Iran: Numri i Vdekjeve nga Koronavirusi në 518 Qytete Shkon Mbi 231,300

Nga
Shkrimtar i stafit
-

  • Alireza Zali, kreu i Taskforcës Kombëtare për Luftimin e Koronavirusit (NCCT) në Teheran: Numri i pacientëve me COVID-19 të shtruar në spitalet e Teheranit është 2,414, nga të cilët 872 janë në terapi intensive, gjë që, krahasuar me javën e shkuar, përbën një rritje me 12% dhe 6%, përkatësisht. (Agjencia e lajmeve Mehr, 13 mars 2021)
  • Spitali Masih-Daneshvari: Menaxhimi i Koronavirusit ka qenë jo-shkencor, dhe nuk janë shfrytëzuar mundësitë. Nuk planifikohet për asgjë. (Agjencia e lajmeve Tasnim, 14 mars 2021)
  • Universiteti i Shkencave Mjekësore në Ahvaz: Infektimet dhe shtrimet në spital të pacientëve me COVID-19 janë shtuar me 11% dhe 14% përkatësisht, krahasuar me javën e shkuar. (Agjencia e lajmeve IRNA, 13 mars 2021)
  • Universiteti i Shkencave Mjekësore në Lorestan: Përhapja e Koronavirusit po rritet eksponencialisht, dhe mesatarja e infektimeve është rritur me 60% krahasuar me muajin e shkuar. (IRNA, 14 mars 2021)
  • Universiteti i Shkencave Mjekësore në Tabriz: Kemi patur 131 raste me variantin britanik të COVID-19 në Azerbaixhanin Lindor, shifër që është më e larta në vend. (IRNA, 14 mars 2021)
  • Universiteti i Shkencave Mjekësore në Hormozgan: Numri i pacientëve me variantin britanik të COVID-19 ka arritur në 64, dhe me 24 raste, Bandar Abbas ka shifrën më të lartë në provincë. (Agjencia e lajmeve ISNA, 14 mars 2021)

Organizata Muxhahedine e Popullit të Iranit (PMOI/MEK) shpalli të dielën, më 14 mars 2021, se numri i vdekjeve nga koronavirusi në 518 qytete ka shkuar mbi 231,300.

Iran: Pensionistët Organizojnë Protesta në 21 Qytete; Protesta në 15 Provinca për të Tetën Javë Rresht

Nga
Shkrimtar i stafit
-

“Asnjë komb tjetër nuk ka parë kaq shumë padrejtësi,” “Mund t’i fitojmë të drejtat tona vetëm duke dalë nëpër rrugë,” “Nuk do të pushojmë deri sa t’i fitojmë të drejtat tona”

Sot, e dielë, 14 mars 2021, për të tetën javë rresht, pensionistët kanë zhvilluar protesta në Teheran e 20 qytete të tjera kundër mungesës së përgjigjeve ndaj kushteve të tmerrshme të jetesës së tyre, pagave të ulëta, dhe çmimeve të larta. Ata mbanin afishe me kërkesat për të drejtat e tyre.

Krahas Teheranit, pensionistët organizuan protesta jashtë zyrave lokale të sigurimeve shoqërore edhe në qytetet Khorramabad, Karaj, Yazd, Ahvaz, Tabriz, Arak, Isfahan, Rasht, Mashhad, Ardabil, Kermanshah, Sanandaj, Shooshtar, Ilam, Kerman, Abhar, Bojnurd, Shush, Hafttapeh, Abadan, dhe Dezful.

Në protestat dhe marshimet e sotme, pensionistët thërrisnin: “Kërcënimet dhe shtypja nuk bëjnë efekt më,” “Mund t’i fitojmë të drejtat tona vetëm duke dalë nëpër rrugë,” “Nuk do të pushojmë deri sa t’i fitojmë të drejtat tona,” “Punëtorët e burgosur duhet të lirohen,” “Mjaft më me shtypje, pjatat i kemi bosh,” “Jemi të gjithë bashkë,” “Pagat i kemi në rial, shpenzimet në dollarë,” “Çmimet e larta, inflacioni, po dëmtojnë jetën e njerëzve,” “Pragu i varfërisë 130 milion rial, rrogat tona 30 milion rial,” “Si mund të jetojmë me paga nën 30 milion rial,” “Pensionist ngrihu, mbro të drejtën tënde,” “Qeveria tradhëton, Parlamenti e mbështet,” “Mjaft më me premtime, pjata jonë është bosh,” “Asnjë komb tjetër nuk ka parë kaq shumë padrejtësi.”

Njëri nga pensionistët tha në fjalimin e tij në Arak: “Dje, një vajzë e re u hodh nga një urë në Shiraz. Pse duhet të jetë kështu? Shkaku është varfëria, papunësia, dhe mjerimi. Edhe për sa kohë do të refuzojnë të na përgjigjen? Kaq zemërgur të jenë ata?”

Znj. Maryam Rajavi, Presidentja e zgjedhur e Këshillit Kombëtar të Rezistencës së Iranit (NCRI), i ka përshkruar protestat e vazhdueshme të pensionistëve si një akt proteste nga i tërë kombi iranian kundër plaçkitjes së të drejtave të tyre nga fashizmi fetar në pushtet. Ashtu siç thërrisnin edhe pensionistët protestues, ajo shtoi se “asnjë komb nuk ka parë kaq shumë padrejtësi.” Presidentja e zgjedhur e NCRI-së theksoi se, për sa kohë që diktatura e mullahëve të jetë në pushtet, papunësia, inflacioni, korrupsioni, padrejtësia, dhe ndryshimet klasore vetëm sa do të rriten.

      

 

Korrupsioni qeveritar që prek Novruzin e Popullit të Iranit

Nga
Shkrimtar i stafit
-

 

 Eshtë e vështirë të imagjinohet, por ëmbëlsirat tradicionale për Vitin e Ri Persian të Iranit, ose Nevruzin, janë këtë vit të prekur drejtpërdrejt nga korrupsioni ekonomik. A është e mundur të gjesh një vend të shëndetshëm në politikën dhe ekonominë e tij në një vend që renditet i 146-ti nga 180 vende sipas Transparencës Ndërkombëtare?

Në një vend ku lajmet për përvetësimin e qindra miliona dhe zhdukjen e miliona dollarë në vit është një lajm i zakonshëm. Nën sundimin e mullahëve, ku më shumë se 80 përqind e të ardhurave të saj kombëtare shpenzohen për mbajtjen e qeverisë përmes shtypjes së brendshme dhe eksportit të terrorizmit jashtë vendit, mund të jetë qarkullimi i parave dhe mallrat të mbahen në duart e pronarëve të saj, me përjashtim të korrupsionit marrëdhëniet administrative dhe ekonomike? Kur kufiri i varfërisë arrin 10 milion dollarë dhe indeksi i mjerimit arrin 70 në 2021, dhe kjo orbitë ekonomike-jetese gjithnjë po përshpejtohet më shpejt, a është e mundur një kurs i tillë përveç përmes rrotave të korrupsionit nën kontrollin e qeverisë?

Imagjinoni se çfarë po bën shpërndarja e këtij korrupsioni, me qeverinë si qendër të saj, me jetën dhe jetesën, dhe tani me Nevruzin e popullit Iranian.

 

Shkeljet e të drejtave të njeriut janë mënyra e vetme e regjimit për të mbijetuar

Nga
Shkrimtar i stafit
-

 

Iran's human rights violationsVitin e kaluar, populli iranian vazhdoi të dëshmonte shkeljet më të mëdha të të drejtave të tyre nga regjimi iranian. Në raportin e tij në seancën e 46-të të Këshillit të KB për të Drejtat e Njeriut, Z. Javaid Rehman, Raportuesi Special i KB për të Drejtat e Njeriut në Iran, shprehu shqetësimin dhe i bëri thirrje Këshillit të të Drejtave të Njeriut t’i kushtojë vëmendje të veçantë shkeljeve të të drejtave të njeriut në Iran. Z. Rehman e bazoi raportin e tij në lajme dhe informacione në dispozicion të tij sepse regjimi nuk i ka pranuar ende kërkesat e tij për një udhëtim në Iran.

  1. Rehman përmendi numrin e lartë të ekzekutimeve në Iran vitin e kaluar. Sipas tij, të paktën 233 ekzekutime u raportuan zyrtarisht nga zyrtarët e Iranit vitin e kaluar. Nuk ka pasur procedura të duhura ligjore për këto ekzekutime. Në veçanti, ai vuri në dukje gjykimet e padrejta të të burgosurve politikë Navid Afkari dhe Mostafa Salehi që çuan në ekzekutimet e tyre. Gjithashtu, Hedayat Abdullahpour, një qytetar kurd (një anëtar i Partisë Demokratike Kurdistane), u ekzekutua në 11 maj, 2020 pavarësisht mungesës së provave kundër tij. Regjimi e torturoi atë për ta detyruar të gënjente në rrëfim. Më 28 shkurt, katër burra arabë në Khuzestan, saktësisht Jasem Heidari, Ali Khosraji, Hossein Silavi dhe Nasser Khafajian, u ekzekutuan në Ahvaz.

Iran: Numri në rritje i vetëvrasjeve midis fëmijëve dhe grave

Nga
Sedighe Shahrokhi
-

 

Iran: Rising Number of Suicides Among Children and WomenIran: Numri në rritje i vetëvrasjeve midis fëmijëve dhe grave- foto

Për shkak të keqmenaxhimit ekonomik dhe social të regjimit iranian dhe politikave shkatërruese, numri i vetëvrasjeve midis fëmijëve dhe grave në Iran po rritet. Numri i rasteve të vetëvrasjeve në janar-shkurt 2021 në Iran tregon se sa thellë është rrënjosur ky fenomen.

Më 25 janar, një adoleshent 16-vjeçar kreu vetëvrasje duke u hedhur nga kati i gjashtë. Më 25 janar, dy studente në Dezful, Irani jugperëndimor, u vetëvranë duke ngrënë pilula. Agjencia gjysmë zyrtare e lajmeve ISNA citoi guvernatorin e Gorgan, Iranin verior, të ketë thënë se dy vajza të reja në Gorgan tentuan për tu vetëvrarë duke u hedhur nga një urë. “Të dy vajzat u plagosën rëndë dhe u dërguan në spital,” tha ai. Më 31 janar një fëmijë i lindur në Mahshahr, në jugperëndim të Iranit, kreu vetëvrasje për shkak të varfërisë. Në mes të janarit, një djalë 16-vjeçar kreu vetëvrasje duke qëlluar veten në kokë në qytetin Dishmuk në provincat Kohgiluyeh dhe Boyer-Ahmad, Iranin jugperëndimor.

Katër iranianë të besimit Bahai Dënohen me 12 vite burg

Nga
Shkrimtar i stafit
-

 

Dega e 28-të e Gjykatës Revolucionare të Teheranit ka dënuar katër qytetarë të besimit Bahai me një total prej 12 vitesh burg.

Sipas Agjencisë së Lajmeve për të Drejtat Njerëzore, këta katër bura e gra, të identifikuar si Mona Mehrabi, Elham Kerempisheh, Afsaneh Yadegar Ardestani dhe Ehsanollah Yadegar Ardestani ishin gjykuar më përpara në mungesë në vitin 2019 dhe ishin dënuar me një total prej 20 vitesh, që më vonë u ndryshua në 3 vite burg për secilin person.

Katër qytetarët Bahai janë dënuar me “anëtarësi në organizata të paligjshme të cilat përbëjnë kërcënim për sigurinë kombëtare”.

Iranianët e fesë Bahai privohen nga liria e besimit, liri e cila deklarohet në nenin 18 të Traktateve Themelore Ndërkombëtare të të Drejtave të Njeriut.

 

Kriza e Ujit në Iran dhe Roli i Regjimit

Nga
Shamsi Saadati
-

Në mesin e përhapjes së Covid-19, populli iranian po vuan edhe nga një krizë uji në pjesë të ndryshme të Iranit, krizë që përfshin ndotjen e ujit. Shumë nga burimet ujore të Iranit po thahen për shkak të keqmenaxhimit të regjimit.

Në Ahvaz të Iranit jug-perëndimor, uji i pijshëm është tejet i ndotur, dhe shumë njerëz janë infektuar me Hepatitin A, që transmetohet nga uji.

“Uji i tubave që u vjen njerëzve duhet të jetë në gjendje të mirë për sa i përket mbetjeve të klorit dhe turbullimit. [Ndotja e] ujit të pijshëm vazhdon të jetë një problem serioz në rrethina e qytete. Rreth 50 deri në 60% e kampioneve të ujit nga zonat rurale nuk janë të kthjellëta dhe në shumë kampione të komplekseve rurale të furnizimit me ujë është vrojtuar ndotje e shpeshtë. Kemi vrojtuar 1 deri në 1.5 metra baltë në pellgjet 2-metërshe, gjë që shkakton turbullimin e ujit. Komplekset duhet të pastrohen nga dheu në mënyrë të shpeshtë me qëllim që mos të rritet turbullimi i ujit dhe kontaminimi mikrobial,” shkruan faqja shtetërore Asr-e Jonoob më 9 mars, duke cituar Mehran Ahmadi Baloutaki, kreun e Qendrës Shëndetësore të Ahvazit Perëndimor.

Sipas Asr-e Jonoob, të paktën 5 fëmijë janë infektuar me hepatit në fshatet e distriktit Ismaili në Ahvaz. Sipas Asr-e Jonoob, shkaku i shpërthimit të hepatitit është “kontaminimi i ujit të pijshëm dhe mungesa e trajtimit të duhur dhe klorinimit në komplekset e trajtimit që ofrojnë ujë të pijshëm për dhjetëra fshatra nga Ahvaz në Khorramshahr.”

Provinca Khuzestan është një nga provincat më të pasura të Iranit për sa i përket burimeve natyrore. E megjithatë, regjimi nuk i kushton aspak vëmendje kësaj zone. Në fillim të janarit, përmbytjet në Khuzestan i shkaktuan dëme jetës së njerëzve. Shumë banorë vendas janë infektuar me hepatitin A pasi kanë konsumuar ujë të përzier me ujëra të zeza, gjë që është shkaktuar nga përmbytjet e kohëve të fundit në këtë provincë dhe keqmenaxhimi i regjimit.

 

Iran: Si Reagim ndaj Vrasjes dhe Plagosjes së Dy Hamajve, të Rinjtë Baluch u Vënë Zjarrin Barkave të Patrullës Bregdetare në Kouhestak (Hormozgan)

Nga
Shkrimtar i stafit
-

 

Local Baluch community youths set fire to boats belonging to the regime’s marine police in Kuhestak, Hormozgan province, southern Iran – March 12, 2021Të rinjtë e komunitetit Baluch u kanë vënë zjarrin barkave që i përkisnin policisë detare të regjimit në Kuhestak të provincës Hormozgan, në Iranin jugor – 12 mars 2021

 

Të premten më 12 mars, rojat represive të bregdetit hapën zjarr mbi hamajtë e varfër që transportojnë lëndë djegëse në portin Kouhestak të krahinës Sirik në Hormozgan (në jug të Iranit). Njëri nga hamajtë, Mehdi (Shahsan) Reisi, vdiq pasi u qëllua në kokë, ndërsa një tjetër, Rashid Turkmani, u plagos në këmbë.

Në protestë ndaj këtij krimi të urryer, hamaj të tjerë e banorë vendas dolën në rrugët e Kouhestak dhe u vunë zjarrin disa barkave të patrullës bregdetare. Forcat represive të regjimit qëlluan protestuesit nga toka dhe nga deti, duke plagosur disa prej tyre.

Nga frika e përhapjes së protestave në zona të tjera, Garda Revolucionare dërgoi menjëherë përforcime, duke përfshirë forcat anti-rebelim, nga Minab dhe Sirik (qytete fqinje) për të shtypur protestuesit Baluch në portin e Kouhestak. Për të parandaluar përhapjen e lajmeve, në këtë zonë u bllokua interneti.

Rezistenca Iraniane përshëndet protestuesit Baluch dhe u bën thirrje të rinjve në Sirik, Hormozgan, dhe në provincën Sistan dhe Baluchestan që të ngrihen në mbështetje të protestuesve.

1...316317318...729Faqja 317 nga 729