Myslimanët Sunni të Iranit përballen me dënimin me vdekje

Sipas raporteve lokale, nëntë të burgosur politikë iranianë të dënuar me vdekje apo burgim të gjatë në burgun Vakil Abad të Mashhad-it, u kanë kërkuar ndihmë me anë të një letre organizatave ndërkombëtare të të drejtave njerëzore. Ata i janë drejtuar Raportuesit Special të Kombeve të Bashkuara mbi situatën e të drejtave njerëzore në Iran, Javaid Rehman, dhe kanë shpjeguar presionet e ushtruara nga regjimi mbi ta dhe mbi familjet e tyre.

Ata theksuan se të gjitha akuzat janë të rreme, gjithçka është nën presion, torturë e rrëfime të detyruara, dhe se Ministria famëkeqe e Inteligjencës e regjimit është përgjegjëse për vuajtjen e familjeve të tyre.

Më poshtë vijon letra e këtyre të burgosurve politikë:

“I nderuar Javaid Rehman, Raportues Special mbi të drejtat njerëzore në Iran, ne të burgosurit politikë të burgut Vakil Abad të Mashhad-it, ju kërkojmë që të veproni për të na ndihmuar në çështjen tonë, e cila është e mbushur me akuza të rreme si veprimtari kundër sigurisë, anëtarësi në grupin Forghan, anëtarësi në grupe të rezistencës, propagandë kundër regjimit, etj.

“Kemi mbi pesë vjet në burg. Dhe për më shumë se dy vite nuk na është lejuar asnjë vizitë apo telefonatë.”

“Me akuza të rreme, kurthe, torturë, rrëfime të detyruara dhe kërcënime e arrestime të familjarëve tanë, na kanë dënuar me ekzekutim dhe burgim të gjatë deri në 15 vite. Për të na bërë presion, ata kanë thirrur dhe arrestuar disa nga familjarët tanë.

“Ndërhyrja e Ministrisë së Inteligjencës në jetën tonë private ka shkaktuar shpërbërje të familjeve tona, divorce dhe ka bërë që fëmijët tanë të mbeten pa strehë.

“Këto veprime janë bërë për të na detyruar të bashkëpunojmë me Ministrinë e Inteligjencës dhe t’i pranojmë akuzat e rreme që na kanë vënë.

“Rrahja dhe fyerja nga të burgosur të rëndomtë dhe nga agjentët e burgut me urdhër të zyrtarëve të burgut, është bërë diçka normale.

“Krahas këtyre akuzave mizore, Drejtësia dhe Ministria e Inteligjencës kontaktojnë me familjet tona përmes avokatëve të tyre dhe u kërkojnë biliona toman për të anuluar ekzekutimet tona. Me veprime e kurthe të tilla, ata kanë krijuar një biznes për vete. Ata po sakrifikojnë të rinjtë Sunni të Iranit për të mbushur xhepat e vet. Nuk e dimë se kush do t’u japë përgjigje lotëve të prindërve e familjeve tona.

“Me ndihmën e Zotit, ju kërkojmë juve dhe organizatave ndërkombëtare që të veproni kundër kësaj drejtësie dhe institucioneve përkatëse që kanë kryer krime të shumta. Ju kërkojmë të nxitoni me çështjen tonë në mënyrë që të mund të rifitojmë të drejtat tona.”

Nënshkruesit:

Isa Eid Mohammadi, FarhadShakeri, Abolhakim Azim Gorgij, Abdol Rahman Gorgij, Habib Pir Mohammadi, AbdolBasatOrsson, Mohammad Reza Sheikh Ahmadi, MortezaFakuri, Abdollah Hosseini.

Duhet kujtuar që më 31 dhjetor 2020 u implementuan dënimet me vdekje të të burgosurve Sunni, Hamid RastBala, Kabir SeadatJahani, dhe Mohammad Ali Araesh, në Mashhad.

Implementimi i papritur i dënimit me vdekje të këtyre personave ndodhi në një situatë ku familjet e tyre u privuan nga takimi i fundit. Këta qytetarë ishin transferuar në një vend të panjohur të mërkurën, më 30 dhjetor 2020. Ata të burgosur tashmë të ekzekutuar kanë të njëjtën çështje si të burgosurit që ia kanë shkruar këtë letër Rehman-it.

12 korrik 2021

Presidentit Joseph R. Biden
Shtëpia e Bardhë
1600 Pennsylvania Avenue NW
Washington, DC 20500

I nderuar President Biden,
Ju shkruajmë për t’ju informuar në lidhje me shqetësimet tona për sa i përket historikut mizor të dhunimeve të të drejtave njerëzore nga Ebrahim Raisi dhe ju kërkojmë të udhëhiqni një hetim ndërkombëtar mbi përfshirjen e tij në krime kundër njerëzimit. Në periudhën para zgjedhjeve të fundit për presidentin e ri të Iranit, shumë iranianë kanë protestuar kundër këtyre zgjedhjeve të padrejta në formën e një bojkoti. Si rezultat, shifra zyrtare e pjesëmarrjes së votuesve në zgjedhjet e 18 qershorit 2021 ishte vetëm 48.8%, më e ulëta në Republikën Islamike të Iranit që nga themelimi i saj në vitin 1979. Pavarësisht kësaj shprehjeje të qartë mosmiratimi nga ana e popullit iranian, regjimi klerikal e përzgjodhi Ebrahim Raisi-n si presidentin e vet të ardhshëm.
Presidenti Ebrahim Raisi është një ithtar famëkeq i cili ka kryer dhunime tronditëse të të drejtave njerëzore kundër opozitarëve politikë, gazetarëve, dhe kujtdo tjetër që ka guxuar ta kundërshtojë. Raisi ka shërbyer në pushtetin gjyqësor të vendit, që është një nga aktorët kyç të represionit në Iran, për më shumë se tre dekada. Sipas Amnesty International (AI), Human Rights Watch, dokumenteve të vërtetuara, dhe shumë zyrtarëve të OKB për të drejtat njerëzore, Raisi ka qenë pjesë e komisionit me katër anëtarë përgjegjës për masakrën e 1988-ës ku u vranë 30,000 të burgosur politikë, shumica të lidhur me lëvizjen opozitare iraniane, Mujahedin-e-Khalq (MEK/PMOI). AI ka deklaruar, “Se ngritja e Ebrahim Raisi-t në postin e presidentit në vend që ai të hetohet për krimet e vrasjes, zhdukjes së detyruar dhe torturës kundër njerëzimit, është një kujtesë e zymtë e faktit që pandëshkueshmëria mbretëron në Iran.”
Në Kongresin e 117-të, anëtarët e Kaukusit për të Drejtat Njerëzore dhe Demokracinë në Iran (IHRDC), së bashku me mbi 240 anëtarë bipartizanë të Dhomës së Përfaqësuesve, bashkë-sponsorizuan rezolutën H. Res. 118, e cila përsërit thirrjen e Kombeve të Bashkuara ndaj komunitetit ndërkombëtar që të veprojë dhe nxit Shtetet e Bashkuara që të përfshihen në organizimin e një hetimi ndërkombëtar mbi vrasjet pa gjyq të disidentëve iranianë në 1988-ën. Kjo rezolutë thekson se kjo shumicë dërrmuese e Dhomës së Përfaqësuesve i qëndron përkrah popullit iranian dhe betejës së tij për të themeluar një Republikë demokratike, laike, dhe jo-bërthamore të Iranit.
Ju falenderojmë për konsideratën tuaj dhe shpresojmë të punojmë me Administratën tuaj për ta përballur Ebrahim Raisi-n me drejtësisë përpara gjyqeve ndërkombëtare.

Me respekt,

Steve Cohen
Anëtar i Kongresit

Tom McClintock
Anëtar i Kongresit

Një person Baluch është vrarë nga policia sot në Bandar Abbas të Iranit jugor. Sipas faqes Baloch Campaign, ky person është identifikuar si Afzal Paknejad.

Afzal merrej me shit-blerjen e makinave. Ai kishte udhëtuar drejt provincës Hormozgan dhe u qëllua pranë Bandar Abbas gjatë rrugës së kthimit. Sipas raportit, policia ka hapur zjarr mbi të pa asnjë paralajmërim.

Ky është rasti i dytë i vrasjeve arbitrare nga forcat e sigurisë të regjimit apo nga policia në korrik.

Më 2 korrik, një punëtor Baluch u vra nga policia e kufirit në Rask të Iranit jug-lindor. Ai është identifikuar si Faghir-Mohammad Lelahizehi. Faghir-Mohammad së bashku me disa të tjerë kishin dalë nga puna dhe po pushonin gjatë rrugës së kthimit kur policia e kufirit hapi zjarr mbi ta.

Një raport vjetor nga një organizatë e të drejtave njerëzore thotë se të paktën 204 qytetarë iranianë janë vrarë në mënyrë direkte ose indirekte, ose janë plagosur nga forcat iraniane të sigurisë së shtetit në 2020. Sipas këtij raporti, të paktën  74 qytetarë janë vrarë, duke përfshirë 36 kolbar, 5 transportues karburanti, dhe 33 qytetarë të tjerë. Të shtënat arbitrare të 2020-ës plagosën të paktën 130 njerëz.

Kur Ebrahim Raisi u caktua president i regjimit muajin e shkuar, politikë-bërësit dhe ekspertët e të drejtave njerëzore në mbarë botën ngritën alarmin për të ardhmen e situatës së të drejtave njerëzore në Iran. Kjo situatë ka qenë gjithmonë katastrofike, por e ashtu-quajtura zgjedhje e Raisi-t përfaqëson faktin që regjimi e miraton njërin nga incidentet më të rënda të historisë së tij 42 vjeçare të abuzimeve.

Në 1988-ën, themeluesi dhe lideri i parë suprem i regjimit, Ruhollah Khomeini, nxori një urdhëresë fetare ku deklaronte se anëtarët dhe mbështetësit e grupit kryesor opozitar, Organizatës Muxhahedine të Popullit të Iranit (PMOI/MEK), konsideroheshin “armiq të Zotit,” dhe të ndëshkueshëm me vdekje. Si rezultat, të burgosurit politikë në mbarë vendin iu nënshtruan gjyqeve të shkurtuara në të cilat u jepeshin dënime me vdekje kur refuzonin  të dilnin kundër MEK.