Iran: 240 Parlamentarë nga Parti të Ndryshme dhe nga 19 Vende Europiane i Nxisin Qeveritë e Tyre që ta Mbrojnë Europën nga Terrorizmi Shtetëror i Iranit

Nga
Shkrimtar i stafit
-

Shkruar nga Shkrimtar i Stafit

1 dhjetor 2020

Iranian diplomat terrorist Assadollah AssadiDiplomati terrorist iranian, Assadollah Assadi

48 anëtarë të Dhomës së Komuneve dhe Dhomës së Lordëve kanë marrë drejtimin në këtë iniciativë

Komiteti Ndërkombëtar i Parlamentarëve për një Iran Demokratik dhe Komiteti Britanik për Lirinë e Iranit (BCFIF) kanë nxjerrë një deklaratë ku nxisin Mbretërinë e Bashkuar dhe shtetet anëtare të BE-së që ta rishqyrtojnë politikën e tyre ndaj Iranit dhe të bëjnë më shumë për ta mbrojtur Europën nga terrorizmi shtetëror i Iranit, pas nisjes së gjyqit të një diplomati iranian të akuzuar për terrorizëm në Belgjikë javën e shkuar.
Seanca e parë e këtij gjyqi u mbajt të premten, më 27 nëntor 2020, dhe gjatë kësaj seance prokurori paraqiti çështjen e tij kundër katër të pandehurve, ku përfshihet një diplomat i regjimit iranian. Ata akuzohen për një komplot për të shpërthyer një bombë në tubimin Irani i Lirë më 30 qershor 2018, në Villepinte të rrethinave të Parisit. Në këtë event ndërkombëtar merrnin pjesë edhe disa parlamentarë britanikë.
Deklarata mbështetet nga 240 parlamentarë nga 19 vende të ndryshme europiane.
Kjo iniciativë e parlamentarëve që përfaqësojnë një spektër të gjerë tendencash politike, thekson:
“përveç procesit gjyqësor, i cili po zhvillohet në mënyrë të pavarur në Belgjikë, ne besojmë që është koha ta marrim përsëri në konsideratë të vepruarit kundër terrorizmit shtetëror iranian”.
“Duke patur parasysh përdorimin e mbulimit diplomatik nga regjimi iranian për të kryer akte terroriste, Teheranit duhet t’i jepen paralajmërimet e nevojshme praktike, si mbyllja e ambasadave të tij dhe dëbimi i ambasadorëve e diplomatëve të tij”, thonë në deklaratën e tyre parlamentarët europianë nga parti të ndryshme.

Regjimi i Iranit Vazhdon të Rritë Çmimet, Pavarësisht Vështirësive Ekonomike të Popullit

Nga
Mansoureh Galestan
-

 

Rising prices in IranPopulli i Iranit gjendet nën një presion shumë të madh ekonomik, krahas krizës së Covid-19. Njerëzve po u thyhen kockat nën gjithë këtë presion. E megjithatë, regjimi i mullahëve nuk merr asnjë masë për ta ndihmuar shoqërinë.

Sipas mediave shtetërore të shtunën, njerëzit po blejnë vetëm krahë e stomakë pulash për shkak të shtrenjtësisë së mishit të pulave.

Mehdi Yousef-Khani, president i Shoqatës së Tregtarëve të Mishit të Shpendëve dhe Peshkut, ka pohuar: “Me rritjen e çmimeve të mishit të shpendëve në 20 ditët e fundit, përdorimi i stomakëve, mëlçive dhe krahëve të pulave është trefishuar. Shumica e njerëzve nuk janë në gjendje të blejnë pula.” (Agjencia e lajmeve ILNA, 27 nëntor 2020)

Pavarësisht pretendimeve të rreme të presidentit të regjimit Hassan Rouhani se gjoja e kanë nën kontroll rritjen e çmimeve, tsunami i rritjes së çmimeve ka kapur tani edhe artikujt bazë ushqimorë të njerëzve.

Kjo situatë ka arritur deri në atë pikë saqë Lideri Suprem i mullahëve, Ali Khamenei, e ka pohuar se Covid-19 dhe problemet ekonomike kanë “krijuar barriera serioze për jetesën e njerëzve.” Ndërkohë, Khamenei, si autoriteti më i lartë i regjimit, është personi i parë që duhet fajësuar për fshehjen e fakteve lidhur me Covid-19 dhe për shkatërrimin e ekonomisë së Iranit.

Ndonëse Khamenei dhe Rouhani përpiqen të fajësojnë palë të tjera për çmimet e larta dhe refuzojnë të ofrojnë një zgjidhje konkrete, ata kanë rol direkt në rritjen e çmimit të të mirave.

“Qeveria e ka liçensuar tregun për t’ua rritur çmimet 20 artikujve. Që nga 21 nëntori ka nisur rritja e çmimit të qumështit, dhjetë llojeve të produkteve të bulmetit, gjalpit, katër produkteve në grupin e vajrave, dhe katër produkteve në grupin e inputit të gjësë së gjallë,” shkruan agjencia shtetërore e lajmeve Tasnim.

“Çmimi i pulave ka shkuar në 355000 rial për kilogram, vitrinat e dyqaneve janë plot, por nuk ka blerës, njerëzit thonë nuk e dimë kur do të ndalojë kjo rritje çmimesh,” shkruan agjencia e lajmeve Fars, një agjenci e lidhur me IRGC.

Pse vazhdon regjimi t’i rritë çmimet?

Protestat e mëdha të Iranit në nëntor 2019 filluan për shkak të një rritjeje të papritur të çmimit të lëndës djegëse. Kryengritja e nëntorit e shtyu regjimin deri në prag të përmbysjes dhe është bërë makthi i mullahëve. Pavarësisht përvojës së hidhur të nëntorit 2019, regjimi vazhdon t’i rritë çmimet, por pse?

Nga njëra anë, regjimit i duhet dëshpërimisht t’i rritë çmimet për të mbuluar defiçitin astronomik të buxhetit, por nga ana tjetër, ai është thellësisht i shqetësuar për sa i përket përgjigjes shoqërore.

Për të shmangur një tjetër kryengritje, regjimi iranian është përpjekur t’i rritë çmimet e artikujve në mënyrë të fshehtë. Regjimi e ka përdorur këtë metodë për vite të tëra për të rritur çmimet e ujit, elektricitetit, gazit, telefonave, dhe së fundmi edhe për çmimet e bukës.

Duke reduktuar kuotën e miellit nga qeveria për furrat e bukës, regjimi i detyron ato të blejnë miell nga tregu i hapur, ku mielli kushton tre herë më shumë. Kështu, regjimi e ka rritur çmimin e bukës pa e shpallur atë zyrtarisht. Kur njerëzit protestuan, regjimi e rriti zyrtarisht çmimin e bukës me 20 deri në 30 përqind.

Kur Khamenei flet për jetesën e njerëzve, ndonëse derdh lot krokodili për popullin, në fakt ai është tepër i shqetësuar për zemërimin e mundshëm shoqëror.

Kështu, nëse çmimet e larta janë kaq të rrezikshme për Khamenei-n dhe regjimin e tij, pse nuk veprojnë ata për t’i mbajtur nën kontroll? Përkundrazi, rritja po intensifikohet vazhdimisht dhe me shpejtësi.

Gjatë fjalimit të tij më 24 nëntor, Khamenei tha se nuk ka shpjegim për këto çmime të larta.

Ka vetëm një arsye prapa gjithë këtyre valëve të vazhdueshme të rritjes së çmimeve dhe vështirësive të popullit. Kjo arsye është korrupsioni i institucionalizuar i regjimit dhe keqmenaxhimi i ekonomisë, që e ka shkatërruar infrastrukturën ekonomike të Iranit.

Me fjalë të tjera, problemi i vërtetë në ekonominë e Iranit dhe e vetmja barrierë ndaj mirëqenies së njerëzve është vetë regjimi, i cili duhet të rrëzohet.

 

Gjyqi i Diplomatit-Terrorist të Regjimit Iranian, Assadollah Assadi, në Mediat Ndërkombëtare

Nga
Hamideh Taati
-

 

Gjyqi i Assadollah Assadi-t, “diplomatit terrorist” të regjimit iranian, dhe tre bashkëpunëtorëve të tij të akuzuar për terrorizëm, nisi të premten më 27 nëntor në Anversa të Belgjikës. Këta katër persona janë të akuzuar për komplotin për të shpërthyer një bombë në tubimin ndërkombëtar “Irani i Lirë” në mbështetje të Këshillit Kombëtar të Rezistencës së Iranit (NCRI) në rrethinat e Parisit më 30 qershor 2018. Seanca e ardhshme e gjyqit do të bëhet më 3 dhjetor 2020.

Ndërkohë që Assadi punonte si konsullor i tretë në ambasadën iraniane në Vienë, ai ishte gjithashtu zyrtar i lartë në Ministrinë famëkeqe të Inteligjencës dhe Sigurisë (MOIS).

Është hera e parë në histori që një diplomat iranian gjykohet për terrorizëm në Europë. NCRI dhe 24 pjesëmarrës të tjerë të eventit, duke përfshirë personalitete politike nga Europa dhe Amerika e Veriut, janë Palë Civile të kësaj çështjeje.

Prokurorët kanë theksuar rolin e regjimit iranian, sidomos të Ministrisë së Inteligjencës dhe Sigurisë, si një entitet terrorist dhe kanë shtuar se operacioni kishte për qëllim të shkaktonte numër maksimal vrasjesh.

Prokurorët në padinë e tyre i kërkojnë gjykatës ta dënojë Assadi-n me 20 vite, gjë që është dënimi maksimal sipas ligjit, dy prej të pandehurve që ishin caktuar për të shpërthyer bombën me 18 vite, ndërsa personin e katërt me 15 vite. Gjykatës i është kërkuar gjithashtu që ta heqë kombësinë belge për tre nga të pandehurit.

 

Diplomati Iranian Gjykohet në Belgjikë, i Akuzuar për Organizim Sulmi

27 nëntor 2020 – Një diplomat iranian dhe tre shtetas të tjerë iranianë filluan gjyqin në Belgjikë të premten, pasi dyshohet se kanë komplotuar për të shpërthyer një bombë në një tubim të 2018-ës të organizuar nga Këshilli Kombëtar i Rezistencës së Iranit (NCRI) me bazë në Paris, i cili është një grup opozitar në mërgim.

Prokurorët belgë e kanë akuzuar diplomatin e stacionuar në Vienë Assadolah Assadi dhe iranianët e tjerë për komplotin e dyshuar kundër këtij tubimi, ku folësi kryesor ishte avokati personal i Presidentit amerikan Donald Trump, Rudy Giuliani.

Assadi është arrestuar në Gjermani ndërkohë që ishte me pushime dhe i është dorëzuar Belgjikës.

Ai ka refuzuar të paraqitet në gjykatë në ditën e parë të gjyqit në Anversa, duke pretenduar imunitet diplomatik përmes avokatit të tij.

Deklaratë Mbështetjeje për Amnesty International nga Ish të Burgosurit Politikë Dëshmitarë të Masakrës së 1988-ës në Iran

Nga
Shkrimtar i stafit
-

Një sulm ndaj Amnesty International është sulm ndaj Lëvizjes për Drejtësi dhe mund t’u shërbejë vetëm interesave të atyre që kanë dhënë urdhër për masakrën

Tre dekada pas masakrës së 1988-ës ndaj të burgosurve politikë në Iran, po shikojmë përpjekjet e Amnesty International për të ekspozuar detajet e këtij krimi të madh. Ky është një krim të cilin pasuesi i përcaktuar i Khomeini-t në atë kohë e pati përshkruar si krimi më i rëndë i kryer nga regjimi klerikal në historinë e tij dhe i pati quajtur kriminelë autorët e tij.

Fatkeqësisht deri më sot, komuniteti botëror, sidomos vendet që pretendojnë se mbrojnë të drejtat e njeriut, ka reaguar me heshtje dhe mosveprim ndaj këtij krimi të madh për shkak të politikës së paqësimit dhe interesave ekonomike e konsideratave politike. Po të mos ishin përpjekjet e familjeve të viktimave dhe veprimtaritë 32-vjeçare të Rezistencës Iraniane, dhe veçanërisht thirrja për drejtësi nga Znj. Maryam Rajavi, Presidentja e zgjedhur e Këshillit Kombëtar të Rezistencës së Iranit (NCRI), si dhe kontributet e mbështetësve të kësaj organizate, arritjet aktuale për sa i përket ekspozimit të kësaj masakre dhe krimi të madh nuk do të ishin realizuar.

 

Gjyqi i Diplomatit Terrorist të Iranit, Assadollah Assadi: Një Sprovë Historike për BE-në

Nga
Mahmoud Hakamian
-

Dje, Belgjika zhvilloi gjyqin e “diplomatit terrorist” të Iranit, i kapur në flagrancë në korrik 2018 me tre nga bashkëpunëtorët e tij ndërkohë që përpiqeshin të shpërthenin një bombë në tubimin e opozitës në Paris.

Gjyqi i këtij diplomati terrorist, Assadollah Assadi, është mundësia më e mirë për t’i kërkuar llogari teokracisë terroriste që sundon Iranin për katër dekadat e mbushura me terrorizëm e krim.

Georges-Henri Beauthier, një nga avokatët e Rezistencës Iraniane, ka theksuar rëndësinë e këtij gjyqi. “Ky është një gjyq historik dhe i paprecedent. Kjo është hera e parë që regjimi i mullahëve hidhet simbolikisht në gjyq. Dhe po gjykohen të ashtu-quajturit diplomatë të tij.”

Dhe në të vërtetë, t’i kërkosh llogari Assadi-t dhe terroristëve të tjerë me provat e pamohueshme është ta hedhësh në gjyq të tërë regjimin që ka dhënë urdhër për sulmin.

Znj. Maryam Rajavi, presidentja e zgjedhur e Këshillit Kombëtar të Rezistencës së Iranit (NCRI), e cila ishte shënjestra kryesore e komplotit të dështuar me bombë, e ka theksuar përfshirjen e gjithë regjimit në sulmin e 2018-ës. “Siç e kam theksuar gjatë dëshmisë sime shtatë-orëshe, Këshilli Suprem i Sigurisë Kombëtare, të cilin e kryeson Hassan Rouhani, e mori vendimin për të shpërthyer bombën në tubimin e përvitshëm të Rezitsencës Iraniane në Villepinte, dhe Lideri Suprem i regjimit Ali Khamenei e miratoi atë. Khamenei, Rouhani, Javad Zarif, dhe ministri i Inteligjencës i mullahëve Mahmoud Alavi duhet të përballen me drejtësinë për dekada të tëra krimesh e terrorizmi,” tha Znj. Rajavi.

Kërkimi i llogarisë ndaj këtij regjimi terrorist për të gjitha krimet e tij është kërkesa e popullit iranian, i cili sakrifikoi 1500 shpirtra të pafajshëm gjatë kryengritjes së nëntorit 2019 dhe ka kaq kohë që vuan nën regjimin e mullahëve.

Ky gjyq është gjithashtu një sprovë historike për Europën dhe për mbrojtjen e saj ndaj të drejtave të njeriut e luftimin kundër terrorizmit. Deri tani, prokurori ka kërkuar me vendosmëri 20 vite burg për Assadi-n, duke nënvizuar kështu dënimin për regjimin në tërësi i cili e ka urdhëruar diplomatin e tij të mos marrë pjesë në gjykim.

Por a do të mbajë Europa një pozicion të vendosur kundër një regjimi i cili ka shpërndarë terrorizëm nëpër Europë për dekada të tëra? Siç ka shkruar faqja Politico, “Kjo çështje do të ketë me shumë mundësi pasoja të rënda për marrëdhëniet BE-Iran, duke e rifreskuar vëmendjen ndaj rekordit të terrorizmit të sponsorizuar nga shteti, të Teheranit.”

 

Protesta dhe Trazira në Katër Pavijone të Burgut të Urmia-s. Të Burgosurit Janë Sulmuar Brutalisht.

Nga
Shkrimtar i stafit
-

 

Thirrje për aksion urgjent ndërkombëtar për të shpëtuar të burgosurit e Urmia-s dhe për dërgimin e një komisioni hetues që të vizitojë burgjet

Sipas raporteve nga burgu i Urmia-s, qindra të burgosur janë rebeluar në pavijonet 1, 2, 3, dhe 4 të këtij burgu që mëngjesin e të mërkurës, 25 nëntor, duke thyer dritaret e burgut e duke u vënë zjarrin batanijeve në sallën përballë dhomës së rojave. I është vënë flaka edhe tryezës së rojave.

Ky rebelim erdhi si protestë ndaj rrahjes së një të burgosuri me emrin Hojjat Kazemnejad, si dhe ndaj mungesës së kushteve bazë të higjienës në situatën e koronavirusit, kostos së lartë të artikujve brenda burgut, refuzimit për të liruar të burgosurit deri në fund të pandemisë së koronavirusit, dhe mbajtjes së të burgosurve edhe pas mbarimit të dënimit.

Mëngjesin e të mërkurës, Hojjat Kazemnejad, një i burgosur të cilit i kishte mbaruar dënimi 25 ditë më parë, i vuri flakën vetes përpara dhomës së rojave të burgut për të protestuar ndaj faktit që vazhdonin ta mbanin të burgosur. Por rojat e burgut e rrahën ndërkohë që ai vuante nga plagët e djegies. Javën e shkuar, ai kishte nisur një grevë urie në protestë ndaj mos-lirimit të tij, por e kishin bindur që t’i jepte fund grevës me premtimin se do ta lironin.

Si rezultat i këtij sulmi, të paktën 15 të burgosur janë dërguar në spital për shkak të rrahjeve të rënda dhe përkeqësimit të gjendjes. Rojat i kanë ndërprerë të gjithë telefonat publikë të burgut në mënyrë që të mos dalë jashtë lajmi i rebelimit.

 

Iran: Thirrje për Aksion të Menjëhershëm Ndërkombëtar për të Siguruar Lirimin e Ahmad Reza Jalali dhe për të Parandaluar Ekzekutimin e Tij

Nga
Shkrimtar i stafit
-

 

Rezistenca Iraniane nxit Sekretarin e Përgjithshëm të Kombeve të Bashkuara, Komisioneren e Lartë të OKB për të Drejtat e Njeriut, dhe Këshillin e OKB për të Drejtat e Njeriut, si dhe Bashkimin Europian dhe shtetet anëtare të tij që të marrin masa të menjëhershme dhe të efektshme për të parandaluar ekzekutimin e Dr. Ahmad Reza Jalali nga fashizmi fetar që sundon Iranin dhe për të siguruar lirimin e tij.

Sipas familjes së Z. Jalali, atë e kanë transferuar në qelinë e izoluar të burgut Evin ditët e fundit dhe i kanë thënë se së shpejti do ta ekzekutojnë. Z. Jalali e kanë arrestuar në maj 2016 dhe e kanë dënuar me vdekje në gjykatat e regjimit klerikal në tetor 2017. Pastaj vendimi është miratuar nga Gjykata Supreme e mullahëve.

Marrja peng dhe burgosja e shtetasve të huaj dhe iranianëve që banojnë në vende të huaja me qëllimin për t’u bërë shantazh, për t’i marrë lehtësime dhe për t’u bërë presion qeverive të huaja ka nisur që vitin e parë të sundimit të mullahve. Kjo politikë ka vazhduar e nxitur nga mungesa e një përgjigjeje decizive ndërkombëtare.

Nuk mjafton vetëm të dënohen me fjalë këto akte kriminale. Komuniteti ndërkombëtar, dhe sidomos Bashkimi Europian, duhet të ndërmarrin hapa të efektshëm e praktikë, duke përfshirë referimin e dosjes së shkeljeve të të drejtave njerëzore nga regjimi iranian tek Këshilli i Sigurimit i OKB, në mënyrë që mullahëve t’u bëhet e qartë që marrja e pengjeve, ekzekutimet dhe masakrat nuk do të tolerohen më.

 

Fshehja e Fakteve nga Zyrtarët e Burgut Çon në Vdekjen e të Paktën Shtatë të Burgosurve në Burgun Evin për Shkak të COVID-19

Nga
Shkrimtar i stafit
-

 

Thirrje OKB-së të marrë masa urgjente për të siguruar lirimin e të burgosurve, sidomos të burgosurve politikë, deri në fund të pandemisë

Të paktën shtatë të burgosur kanë vdekur në burgun Evin në Teheran për shkak të COVID-19 që nga 21 nëntori 2020. Por me urdhër të Drejtësisë së regjimit, Organizata e Burgut dhe kujdestari i burgut Evin janë duke u përpjekur që ta fshehin këtë zhvillim.

Të vdekurit kanë qenë në pavijonet shtatë dhe tetë. Sipas raporteve, katër nga viktimat kanë vdekur në seksionin e karantinës të pavijonit tetë të burgut Evin (pavijon ku mbahen të burgosurit e akuzuar për krime financiare), ndërsa tre të tjerët kanë vdekur në pavijonin shtatë, ku mbahen kryesisht të burgosur politikë. Numri i viktimave mund ta tejkalojë këtë shifër.

Më 22 nëntor, pasi të burgosurit i panë trupat e vdekur, shërbimi telefonik në Evin u ndërpre për disa orë në mënyrë që të burgosurit të mos e përhapnin jashtë lajmin e vdekjeve.

Në një tjetër zhvillim, disa autobuzë me të burgosur nga pavijoni tetë janë dërguar sot në Burgun e Teheranit të Madh (Fashafuyeh). Dyshohet se arsyeja e transferimit është përhapja e COVID-19 në burgun Evin. Kjo mund të rezultojë në përhapjen e virusit tek burgu Fashafuyeh gjithashtu.

Muajin e shkuar, katër të burgosur në pavijonin katër të Evin rezultuan pozitiv për virusin. Në atë kohë, klinika e burgut u kishte thënë pacientëve të sëmurë: “Nuk do t’ju testojmë për COVID-19 sepse është e qartë që testet tuaja do të rezultojnë pozitive. Kështu që shkoni në pavijonin tuaj dhe pushoni.”

Rezistenca Iraniane paralajmëron përsëri për kushtet e tmerrshme në burgjet iraniane dhe për shpërthimin e një katastrofe humanitare, sidomos në kulmin e pandemisë së koronavirusit. Rezistenca nxit Sekretarin e Përgjithshëm të Kombeve të Bashkuara, Komisioneren e Lartë për të Drejtat e Njeriut, Këshillin e të Drejtave të Njeriut, dhe të gjitha organizatat e të drejtave të njeriut që të veprojnë urgjentisht për t’ua shpëtuar jetën të burgosurve, sidomos të burgosurve politikë. Të burgosurit duhet të lirohen, të paktën deri në fund të pandemisë. Rezistenca Iraniane bën thirrje gjithashtu për dërgimin urgjent të një misioni ndërkombëtar të gjetjes së fakteve në Iran që të vizitojë burgjet dhe të takohet me të burgosurit, sidomos të burgosurit politikë.

Një person goditet 35 herë me kamxhik sepse ka ‘fyer” gjykatësin, në Iranin veri-perëndimor

Nga
Shkrimtar i stafit
-

 

Iranian man lashed in publicNë Naqadeh të Iranit veri-perëndimor kanë rrahur me kamxhik një person, në fillim të kësaj jave, sepse kishte “fyer” një gjykatës. Sipas Agjencisë së Lajmeve për të Drejtat Njerëzore, ky person, i identifikuar si Mehdi Khairi, ka marrë 35 goditje në Njësinë e Implementimit të Dënimit të Gjykatës Publike Mohammadyar. Ai ishte gjykuar në mungesë nga kjo gjykatë në korrik.

Një burim i informuar ka thënë se Khairi kishte hyrë në debat me gjykatësin që kishte në ngarkim padinë e tij.

“Në seancën e fundit të gjyqit, atë e dënuan për faktin që kishte debatuar. Gjykatësi Karim Haji Hatamlu kishte bërë kallëzim kundër tij,” ka thënë burimi.

Ai ishte akuzuar edhe për krijimin e “rrëmujës në gjykatë” por më vonë kjo akuzë i ishte hequr.

 

Iran: Gjyq për të Zbuluar Domosdoshmërinë Morale, Mundësi Politike për t’u Konfrontuar me Terrorin Iranian

Nga
Mohammad Sadat Khansari
-

 

Të premten do të fillojë gjyqi për katër agjentë të regjimit iranian në Belgjikë. Por në njëfarë kuptimi do të jetë i gjithë regjimi iranian që do të gjykohet. Kjo sepse njëri nga katër të pandehurit është një diplomat-terrorist i rangut të lartë, roli i të cilit si organizator i një komploti terrorist në 2018-ën ndihmoi në ekspozimin e zakonit që regjimi ka për të përdorur rrjetet e tij diplomatike për qëllime malinje.

Ky diplomat-terrorist, i quajtur Assadollah Assadi, shërbente si konsullor i tretë në ambasadën iraniane në Vienë përpara se të arrestohej në korrik 2018, pas një tubimi opozitar të cilin operativët e tij kishin tentuar ta hidhnin në erë. Krahas faktit që e kishte koordinuar operacionin, Assadi e kishte transportuar personalisht pajisjen eksplozive në Europë para se t’ia dorëzonte në Luksemburg një çifti iraniano-belg, me udhëzimin për ta dërguar atë në destinacionin final jashtë Parisit.

 

Hetimet që kanë gjurmuar zinxhirin e kujdestarisë për atë pajisje kanë dalë gjithashtu në përfundimin se i gjithë operacioni ishte ndërmarrë me dijeninë dhe mbështetjen e plotë të zyrtarëve të lartë të regjimit, duke përfshirë Presidentin Hassan Rouhani dhe Liderin Suprem Ali Khamenei. Ky fakt duhet të marrë vëmendjen e duhur në gjyqin e të premtes në Anversë, si dhe në mbulimet mediatike që do ta shoqërojnë këtë gjyq.

1...349350351...729Faqja 350 nga 729