Njihuni me disa nga lobuesit iranianë në Perëndim: (nga e majta) Seyed Hossein Mousavian, Trita Parsi, Mohammad Javadzarif dhe Kaveh Afrasiabi

Të martën, një i ashtu-quajtur ekspert i shkencave politike me emrin Kaveh Lotfolah Afrasiabi u shfaq për herë të parë përpara një gjykate federale amerikane pasi ishte zbuluar si një agjent i vjetër i regjimit iranian. Që në vitin 2007, Afrasiabi kishte marrë fshehurazi pagesa nga Misioni i Përhershëm i Iranit në Kombet e Bashkuara, duke shkelur kështu në mënyrë flagrante Aktin e Regjistrimit të Agjentëve të Huaj. Dokumentet e akuzave ndaj tij tregojnë se ai ka marrë gjithsej të paktën 265,000 dollarë në këmbim të veprimtarive që ua përcillnin narrativat e regjimit iranian mediave, anëtarëve të Kongresit, dhe publikut të përgjithshëm.

Historia e tij nuk është unike, dhe shumë kritikues seriozë të regjimit e kanë kapur tashmë këtë çështje si një studim rasti në fenomenin e përgjithshëm të ndikimit të fshehur iranian. Në këtë mënyrë, ata kanë vënë në dukje se ndërkohë që Afrasiabi, një rezident prej 35 vitesh në Shtetet e Bashkuara, mund të mos ketë qenë një objekt i dukshëm shqyrtimi nga zbatimi i ligjit, nuk mund të thuhet e njëjta gjë për anëtarë të tjerë të rrjetit të ndikimit iranian. Për shumë prej atyre që janë marrë në shënjestër nga ky rrjet, duke përfshirë mërgimtarë iranianë që bëjnë thirrje për përmbysjen nga populli të diktaturës teokratike iraniane, arrestimi i Afrasiabi përfaqëson një mundësi  për t’i ekspozuar këta individë të tjerë dhe për ta çrrënjosur propagandën shkatërrimtare që ata kanë mbjellë brenda diskursit politik perëndimor.

Rrënjët e përmbajtjes së akuzimeve kundër MEK dhe rezistencës iraniane  mund të gjenden tek Ministria iraniane e Inteligjencës dhe Sigurisë. Dhe shumë shpesh, kjo propagandë është përcjellë përmes një grupi të njohur lobuesish e të ashtu-quajturish akademikë pro-Iran, puna e të cilëve është plotësisht e njëjtë me atë të Afrasiabi-t.

Autoritetet e Shteteve të Bashkuara kanë arrestuar Kaveh Lotfolah Afrasiabi, një nga agjentët e regjimit iranian që shtirej si ekspert i pavarur i shkencave politike, të hënën në shtëpinë e tij në Massachusetts.

Arrestimi i Afrasiabi-t tregoi edhe një herë se si agjentët e regjimit klerikal operojnë nën maska të ndryshme për të ndjekur dhe justifikuar qëllimet malinje të regjimit.

“Për më shumë se një dekadë, Kaveh Afrasiabi e ka prezantuar veten para Kongresit, gazetarëve, dhe publikut amerikan si një ekspert neutral dhe objektiv mbi Iranin. Por gjatë gjithë kësaj kohe, Afrasiabi ishte në fakt një punonjës i fshehtë i qeverisë iraniane dhe i Misionit të Përhershëm të Republikës Islamike të Iranit në Kombet e Bashkuara (IMUN) i cili paguhej për të përhapur propagandën e tyre,” tha John C. Demers, Ndihmës Prokuror i Përgjithshëm për Sigurinë Kombëtare.

Afrasiabi e përdorte mbulimin e tij gjoja shkencor për të përsëritur fjalët e regjimit. Ndërkohë që populli iranian në protestat e veta e identifikonte regjimin si burimin e vërtetë të të gjitha krizave, Afrasiabi dhe të tjerë të sojit të tij përpiqeshin të fajësonin sanksionet ndërkombëtare. Ai e ka lavdëruar Qassem Soleimani, kryemjeshtrin e eliminuar terrorist të regjimit, dhe ashtu si Teherani, e ka quajtur atë një “hero kombëtar.”

Por detyra kryesore e Afrasiabi-t ishte implementimi i fushatës demonizuese të regjijmit kundër lëvizjes së Rezistencës Iraniane, kryesisht të Organizatës Muxhahedine të Popullit të Iranit (PMOI/MEK).

Diplomati terrorist iranian, Assadollah Assadi

Informacionet e reja që janë zbardhur lidhur me çështjen e Assadollah Assadi, diplomatit terrorist të burgosur të Iranit, tregojnë se rrjeti i spiunazhit dhe terrorizmit të mullahëve në Europë është shumë më i madh sesa duket. Për këtë arsye, zyrtarët europianë duhet të veprojnë menjëherë.

Assadi u arrestua në korrik 2018 pasi i kishte dorëzuar një bombë një çifti terrorist, Nasimeh Na’ami dhe Amir Saadouni, në Luksemburg dhe i kishte ngarkuar me detyrën për ta vendosur bombën në tubimin “Free Iran” të opozitës iraniane në Villepinte, në veri të Parisit, Francë.

Policia e Gjermanisë e arrestoi Assadi-n më 1 korrik para se ai të mund të hynte në Austri, ku shërbente si sekretar i tretë i ambasadës së Iranit. Autoritetet gjermane gjetën në makinën e Assadi-t një bllok me informacione të rëndësishme mbi komplotin me bombë të 2018-ës, veprimet dhe udhëtimet e Assadi-t, dhe shumat e parave që ai u kishte dhënë iranianëve të ndryshëm.

Sipas Deutsche Welle Farsi, Gjykata Kriminale Federale e Gjermanisë (BKA) po heton veprimtaritë e Assadi-t në një mision nga Prokurori i Përgjithshëm gjerman.

Pyetja është: A ka komanduar Assadi një rrjet të madh njerëzish të ngarkuar me misione të ndryshme, përfshirë mbledhjen e informatave dhe spiunazhin, në disa vende Europiane? Për shembull, një nga shënimet i referohet Qendrës Islamike të Hamburgut si një vend turistik. BKA e njeh këtë qendër si një nga qendrat e regjimit që merret me spiunazh dhe me eksportin e fondamentalizmit.

Informacionet në bllokun e tij tregojnë se Assadi ka bërë 144 vizita në Gjermani. Tani autoritetet gjermane pyesin veten pse ka udhëtuar kaq shpesh për në Gjermani Asadollah Assadi. A mund ta ketë bërë këtë për t’u takuar me anëtarë të rrjetit të tij?

Një tjetër çështje që ia ka tërhequr vëmendjen policisë është se Assadi kishte me vete disa fatura, që tregojnë për pagesa kesh që ai ua ka bërë disa njerëzve. Nuk janë përcaktuar ende identitetet e marrësve të këtyre pagesave, pasi ata kanë përdorur emra të rëndomtë iranianë.

Të martën, një iraniano-amerikan me emrin Kaveh Lotfolah Afrasiabi doli për herë të parë në një gjykatë federale të SHBA, rreth 13 vite pasi kishte nisur të paguhej nga regjimi iranian ndërkohë që u prezantohej politikë-bërësve dhe gazetarëve si një ekspert i pavarur në marrëdhëniet ndërkombëtare dhe shkencat politike. Dokumentet e gjykatës zbulojnë se ai është paguar të paktën 265,000 dollarë për shërbimin e tij ndaj diktaturës teokratike të Iranit, para se të akuzohej më në fund për shkelje të mëdha të Aktit të Regjistrimit të Agjentëve të Huaj.

Afrasiabi, i cili ka një doktoraturë, nuk është aspak i vetmi aset i arsimuar në Perëndim që ka lobuar me sukses për vite të tëra në shërbim të regjimit iranian. Ndonëse është e pamundur të thuhet nëse shkrimet e tij apo thirrjet e tij drejtuar politikë-bërësve kanë ndikuar direkt në politikën amerikane, nuk mund të mohohet se atij i është kushtuar shpesh vëmendje dhe i është dhënë legjitimitet ndërkohë që ai i shërbente inteligjencës iraniane. Në 2009-ën, ai madje ndihmoi një anëtar të Kongresit amerikan që të përpilonte një letër drejtuar Presidentit të atëhershëm Barack Obama, ku shprehte mbështetje për një marrëveshje shkëmbimi lëndësh djegëse të cilën e kishte propozuar vetë Teherani.

Sikur vetëm ky fakt të merret parasysh, ai duhet të njihet si një shenjë që tregon se sa thellë kanë arritur të depërtojnë asetet iraniane në rrethet politike dhe mediatike perëndimore. Dhe kjo duhet të ngrejë alarmin tek politikanët dhe mediat amerikane e europiane, duke i nxitur ata që të ekzaminojnë më thellësisht këdo që promovon politika apo narrativa të cilat duket se përkojnë gjerësisht me ato që i shërbejnë regjimit iranian.

Ky ekzaminim nuk mund të jetë thjesht sipërfaqësor. Nëse një aset iranian i dyshuar ka bërë deklarata të ndryshme të cilat kritikojnë shkeljet e të drejtave njerëzore apo veprimtari të tjera malinje të Iranit, kjo nuk është provë se ky person nuk është i përkushtuar ndaj misionit të promovimit të politikave perëndimore që janë më të favorshme për Teheranin. Kjo mbrojtje është tentuar të përdoret nga Trita Parsi, themeluesi i Këshillit Kombëtar Iraniano-Amerikan (NIAC), në një padi shpifjeje kundër atyre që e kanë akuzuar këtë organizatë për besnikëri ndaj regjimit iranian, por është refuzuar nga gjykatësi i distriktit, John Bates.

Trita Parsi flet me zyrtarët e lartë të Iranit. Parsi ka lidhje të ngushta me ta