Dy gra aktiviste në Teheran dhe Sanandaj janë dënuar me një total prej 10 vitesh burgim për veprimtaritë e tyre në promovim të të drejtave njerëzore në Iran.
Dy aktivistet e dënuara për ushtrimin e të drejtës themelore për liri shprehjeje janë Faranak Jamshidi dhe Soha Mortezaii.
FaranakJamshidi, aktiviste për mbrojtjen e mjedisit, është dënuar me 4 vite burg me akuzën e “anëtarësisë” në një grup opozitar kurd.
Dega e Parë e Gjykatës Revolucionare të Sanandaj e kishte zhvilluar seancën më 23 janar 2021, por avokati i Znj. Jamshidi u informua zyrtarisht për verdiktin më 2 shkurt.
Prova që u përdor për të vërtetuar anëtarësinë e Faranak Jamshidi ishte pjesëmarrja e saj në një protestë në favor të kurdëve sirianë dhe fakti që i ishte bashkuar një grupi në rrjetet sociale.
Faranak Jamshidi, e cila është anëtare e Shoqatës së Gjelbër të Kurdistanit, ishte arrestuar në shtëpinë e saj në Sanandaj, qendër e provincës Kurdistan, më 28 qershor. Pas 4.5 muajsh, atë e kishin liruar përkohësisht me kusht pas pagesës së 200 milion Toman më 10 nëntor.
Më 30 janar, aktivistët që monitorojnë Iranin regjistruan ekzekutimin e 27-të që nga fillimi i vitit. Nisur nga tendenca për fshehtësi e sistemit gjyqësor iranian, ka mundësi që në ditët dhe javët që vijnë të vijojnë të zbulohen ekzekutime të fshehta nga muaji i parë i vitit. Gjithsesi, nuk ka asnjë dyshim që regjimi iranian do të vazhdojë të kryejë varje të tjera të planifikuara gjatë kësaj kohe, duke rikonfirmuar kështu statusin e tij si vendi me shifrën më të lartë në botë për sa i përket ekzekutimeve per capita në vit.
Amb. Lincoln Bloomfield flet në panelin online – 4 shkurt 2021
Pas disa muajsh torturë dhe marrje në pyetje, Zahra Safaei, një e burgosur politike 58-vjeçare e cila është mbajtur në qeli që në mars 2020, është dënuar me tetë vite burg, e akuzuar për konspiracion dhe propagandë kundër regjimit, si dhe për fyerje ndaj Khamenei-t, në një gjyq të padrejtë. Znj. Safaei ka qenë e burgosur politike edhe në vitet 1981 deri në 1989.
Varja shënon ekzekutimin e gruas së 113-të gjatë mandatit të Rouhani Ekzekutimi i një gruaje në Burgun e Ardabil, Irani veriperëndimor, shënon ekzekutimin e gruas së 113-të gjatë mandatit të Rouhani. Gruaja e paidentifikuar, 23 vjec, u ekzekutua në të gdhirë të së hënës, 8 shkurt 2021. Ajo ishte burgosur pesë vjet më parë.Janë 50 të dënuar me vdekje në Burgun e Ardabil. Autoritetet e Burgut Qendror të Sanandaj në Iranin perëndimor varën Zeinab Khodamoradi në 27 Dhjetor 2020.
Një kurd i cili u arrestua në 1 shkurt nga forcat e sigurisë në Teheran u vra duke u torturuar. Sipas Organizatës Hengaw, 21-vjeçari u identifikua si Mehrdad Taleshi, i cili u arrestua së bashku me një burrë tjetër të dyshuar për posedim të drogës. Ai fillimisht u dërgua në Rajonin e Policisë 113 por më vonë u transferua në Rajonin 115. Identiteti i burrit të dytë është ende i panjohur. Një burim tha se Mehrdad Taleshi u dërgua në Stacionin e Policisë Shapour në orën 10 të natës së arrestimit, ku ai u torturua dhe u vra. Provat e torturave dhe rrahjeve të rënda u gjetën në kokë dhe qafë. Sipas burimit, emri i personit të dytë të arrestuar me të u përshkrua në shkresat e tij të çështjes. Familja e Mehrdad tha se ai ishte një atlet , nuk kishte dosje të mëparshme kriminale dhe nuk merrte drogë