Maryam Rajavi u bën thirrje të gjithë punëtorëve dhe rinisë që t’i mbështesin grevistët. Ajo thotë: Vazhdimi i protestave e grevave nga grupe të ndryshme tregon vendosmërinë e popullit iranian për ta përmbysur regjimin klerikal.
Punëtorët e industrive petrokimike dhe të naftës kanë qenë në grevë që më 19 qershor 2021, dhe u janë bashkuar edhe punëtorë të tjerë pasi kërkesat e tyre për rritje rroge dhe reduktim të ditëve të punës deri në 20 ditë në muaj u lanë pa përgjigje.
Të shtunën më 20 qershor, punëtorët me kontratë të Centralit të Energjisë me Cikël të Kombinuar në Pars-in Jugor (Centrali i Energjisë Farab Bidkhoon) nisën një grevë, duke kërkuar rritje rroge dhe 20 ditë pune e 10 ditë pushimi në muaj, gjë që quhet Plani Njëzet-Dhjetë, dhe u larguan nga centrali me deklaratën kolektive se nuk do të riktheheshin pa iu plotësuar kërkesat. Këtyre grevistëve iu bashkuan edhe punëtorët me kontratë të Cisternave Sferike Petrokimike në Bushehr. Ata i dorëzuan veglat në magazinë dhe mbyllën llogaritë. Operativët zyrtarë të naftës në kompaninë e terminalit të naftës në zonën Khark dolën gjithashtu në grevë, duke refuzuar t’i prisnin apo ankoronin anijet që do të ngarkoheshin me naftë krudo. Edhe punëtorët e platformës së gazit SPD17B filluan një grevë për të mbështetur punëtorët e terminalit të naftës në Khark.
Znj. Maryam Rajavi, Presidentja e zgjedhur e Këshillit Kombëtar të Rezistencës së Iranit (NCRI), i ka përshëndetur grevistët e industrisë së naftës, dhe u ka bërë thirrje të gjithë punëtorëve e të rinjve që t’i mbështesin ata, duke thënë se për sa kohë që regjimi çnjerëzor dhe anti-punëtor i mullahëve të jetë në pushtet, varfëria, inflacioni dhe papunësia do të rriten. Vazhdimi i protestave, kryengritjeve, dhe grevave të shtresave të ndryshme tregon vendosmërinë e popullit iranian për ta përmbysur regjimin klerikal dhe për të themeluar lirinë dhe drejtësinë në atdheun tonë të pushtuar.
Iran's mass executioner president says should be applauded for killing thousands
Që nga fillimi i karrierës sime si jurist, i kam mbrojtur gjithmonë të drejtat njerëzore të popullit.
Të drejtat e njeriut kanë qenë gjithmonë objektivi kyç i të gjitha përgjegjësive të mia.
Për ata që bëjnë akuza, duhet të thuhet se sot jemi ne akuzuesit si mbrojtës të të drejtave njerëzore.
Të gjitha masat që kam marrë gjatë mandateve të mia kanë qenë gjithmonë në mbrojtje të të drejtave njerëzore kundër atyre që i dhunonin të drejtat e njerëzve.
(Kundër) Atyre që kryenin veprime kundër sigurisë dhe të ngjashme me ato të ISIS.
Si jurist dhe si gjykatës, i kam mbrojtur gjithmonë të drejtat e njeriut.
Ata që i shkelin të drejtat njerëzore sot në botë duhet të japin llogari për dhunimin e të drejtave njerëzore përpara popujve të botës.
Nëse një jurist apo gjykatës apo prokuror ka mbrojtur të drejtat e njeriut, të drejtat e popullit dhe sigurinë e shoqërisë, ai duhet të respektohet e të vlerësohet…
… Për ruajtjen e sigurisë suaj përballë sulmeve e kërcënimeve.
Jam krenar që si prokuror, kudo që kam qenë, i kam mbrojtur të drejtat, sigurinë dhe mirëqenien e popullit.
Nader Tavakoli, zëvendës drejtori i Taskforcës Kombëtare për Luftimin e Koronavirusit (NCCT) në Teheran: COVID-19 është goxha aktiv në Teheran. Kemi rreth 4,000 pacientë të shtruar me COVID-19, dhe hospitalizimi ditor është midis 600 dhe 900. (Agjencia e lajmeve ISNA, 20 qershor 2021)
Drejtori i Spitalit Bu Ali në Zahedan: Shumica e shtretërve në pavijonet e COVID-19 dhe të gjithë shtretërit e terapisë intensive janë të zënë, dhe situata është shumë alarmuese. (Agjencia e lajmeve IRNA, 20 qershor 2021)
Zëvendës Guvernatori i Kohgiluyeh dhe Boyer-Ahmad: Varianti indian i koronavirusit po lëviz në provincat fqinje si Khuzestan, Hormozgan, Bushehr dhe Kerman. (IRNA, 20 qershor 2021)
Guvernatori i Kerman: Për shkak të grumbullimeve gjatë zgjedhjeve dhe afërsisë me Hormozgan, Bushehr dhe Sistan e Baluchestan, po shohim një rritje të pacientëve me COVID-19. (Agjencia e lajmeve Mehr, 20 qershor 2021)
Universiteti i Shkencave Mjekësore në Isfahan: 182 pacientë me COVID-19 janë shtruar në 24 orët e fundit, por vetëm 146 pacientë kanë dalë nga spitali. (Mehr, 20 qershor 2021)
Farsa e zgjedhjeve presidenciale të Iranit përfundoi më 18 qershor. Lideri Suprem i regjimit, Ali Khamenei, nxori fitues nga kutitë e votimit kandidatin e tij të preferuar, Ebrahim Raisi, pavarësisht bojkotit mbarëkombëtar të popullit ndaj farsës së zgjedhjeve.
Pas selektimit të Raisi-t, i cili ka një histori të errët shkeljesh të të drejtave njerëzore, ka patur shumë debate se a ia ka dalë Khamenei t’ia zgjasë jetën regjimit të tij duke konsoliduar pushtetin dhe duke vënë Raisi-n në majë; apo ka dështuar ai?
Përgjigjja e shkurtër ndaj kësaj pyetjeje është se Khamenei ka dështuar.
Raisi ka luajtur një rol kyç në masakrën e 1988-ës ndaj mbi 30,000 të burgosurve politikë. Ai ka qenë gjithmonë një nga zyrtarët më të lartë të drejtësisë, i përfshirë thellë në dhunimet sistematike të të drejtave njerëzore në Iran. Dy vitet e fundit, ai ka qenë kryegjyqtar i regjimit, dhe është përgjegjës për ekzekutimin e gati 700 njerëzve, duke përfshirë 22 të burgosur politikë, si kampioni iranian i mundjes, Navid Afkari, i burgosur për pjesëmarrje në protesta. Shtetet e Bashkuara e sanksionuan Raisi-n në 2019-ën për rolin e tij në dhunimet e të drejtave njerëzore. Ai është përgjegjës edhe për arrestimin e paligjshëm dhe torturimin e mijëra protestuesve që kanë marrë pjesë në protestat e 2019-ës në Iran.
Kush është Ebrahim Raisi, kandidat në zgjedhjet presidenciale të Iranit dhe ekzekutues në masakrën e 1988-ës
Selektimi i tij si president i regjimit ka nxitur zemërim ndërkombëtar. “Fakti që Ebrahim Raisi bëhet president në vend që të hetohet për krime kundër njerëzimit si vrasje, zhdukje me forcë dhe tortura, duhet të na rikujtojë që pandëshkueshmëria mbretëron në Iran,” shkruante Amnesty International më 19 qershor, lidhur me këtë.
Me fjalë të tjera, regjimi do të izolohet edhe më tej në komunitetin ndërkombëtar duke patur si president një vrasës të masave.
Khamenei e di mirë historikun e errët dhe mungesën e popullaritetit të Raisi-t. E megjithatë, ai vendosi t’i manipulonte zgjedhjet në favor të tij; pse?
Maryam Rajavi: Duke shprehur krenari për krimet e tij kundër njerëzimit në të shkuarën, Raisi ka ndërmend t’i vazhdojë ato edhe në të ardhmen. Raisi dhe Khamenei nuk mund t’i shpëtojnë dot përmbysjes. Ata duhet të përballen me drejtësinë. Ky është verdikti i historisë dhe kërkesa e popullit iranian.
Në konferencën e parë të tij pas zgjedhjeve, Ebrahim Raisi, ekzekutuesi i masakrës së 1988-ës dhe vrasësi i Mujahedin-e Khalq (MEK/PMOI), ka shprehur frikërat e tij nga hetimet ndërkombëtare dhe ndjekja penale e gjykimi për krime kundër njerëzimit, për sa i përket masakrës ndaj të burgosurve politikë. Ai deklaroi paturpësisht: “Si avokat, kam qenë gjithmonë mbrojtës i të drejtave të njerëzve. Të drejtat njerëzore kanë qenë objektivi kyç që kam ndjekur gjithmonë në të gjitha përgjegjësitë e mia … Të gjitha veprimet që kam ndërmarrë kanë qenë gjithmonë në mbrojtje të të drejtave njerëzore.”
Në mënyrë ironike, ai shtoi se ai “duhet të përgëzohet” për mbrojtjen e të drejtave të njerëzve. Në një deklaratë krejtësisht të paturpshme, ai pretendoi: “Në rolin e prokurorit, kudo që të jem, i mbroj me krenari të drejtat, sigurinë, dhe mirëqenien e njerëzve.”
Zonja Maryam Rajavi, Presidentja e zgjedhur e Këshillit Kombëtar të Rezistencës së Iranit (NCRI), përsëriti se: Duke shprehur krenari për krimet e tij kundër njerëzimit në të shkuarën, është e qartë që Raisi ka ndërmend t’i vazhdojë ato në të ardhmen. Por përpjekjet e tij për t’i shpëtuar dallgës së gjakut të dëshmorëve të masakrës së 1988-ës janë të kota. Ky është vetëm fillimi. Populli i Iranit nuk do të harrojë. Raisi dhe Khamenei nuk mund t’i shpëtojnë rrëzimit të regjimit. Ata duhet të përballen me drejtësinë. Ky është verdikti i historisë dhe kërkesa e popullit iranian, dhe është një rezultat që do të arrihet pa asnjë dyshim.
Iran: Festohet 40-Vjetori i Fillimit të Rezistencës Mbarëkombëtare
Festohet 40-vjetori i fillimit të rezistencës mbarëkombëtare kundër regjimit klerikal, demonstratës së 500,000 njerëzve në Teheran, dhe Dita e Dëshmorëve e të Burgosurve Politikë
Maryam Rajavi:
Përmes bojkotit mbarëkombëtar të farsës së zgjedhjeve, populli i Iranit ka demonstruar vendosmërinë e tij për ta përmbysur regjimin. Ky bojkot është një tjetër pasqyrim i kryengritjes së lavdishme të nëntorit 2019. Në këtë bojkot mund të dëgjohet zhurma e hapave të kryengritjeve në horizont.
Përpjekja me anë të farsës së zgjedhjeve të regjimit klerikal dhe instalimit të laros së masakrës së 1988-ës si president është e dënuar të dështojë dhe nuk do ta shpëtojë regjimin. Ajo hedh edhe më shumë dritë mbi asgjësimin e tij politik dhe përmbysjen e ardhshme. Raisi nuk është zgjidhje për regjimin, por një simbol i rrugës qorre në të cilën ai ndodhet. Emërimi i Raisi-t tregon se Khamenei nuk ua ka besën as pjesëtarëve besnikë të rrethit të tij të brendshëm. Mund të bëhet president i regjimit vetëm dikush që është i zhytur në gjakun e anëtarëve e mbështetësve të masakruar të MEK.
Njëkohësisht janë zhvilluar tubime të mbështetësve të rezistencës në kryeqytetet madhore europiane, ku është bërë thirrje që t’i kërkohet llogari Raisi-t, vrasësit të Muxhahedinëve.
Iran: Festohet 40-Vjetori i Fillimit të Rezistencës Mbarëkombëtare
Të dielën, më 20 qershor 2021, u zhvillua një tubim i madh me rastin e 40-vjetorit të 20 qershorit 1981, datë kur filloi rezistenca mbarëkombëtare kundër diktaturës fetare që sundon Iranin, dhe që emërtohet si “Dita e Dëshmorëve dhe të Burgosurve Politikë” në Ashraf 3. Znj. Maryam Rajavi, Presidentja e zgjedhur e Këshillit Kombëtar të Rezistencës së Iranit (NCRI), mori pjesë dhe foli në këtë event. Morën pjesë online edhe mbështetës iranianë të Mujahedin-e Khalq (MEK/PMOI) dhe NCRI nga e gjithë bota. Më 20 qershor 1981, mbi gjysëm milioni mbështetës të MEK organizuan një demonstratë në Teheran për të protestuar kundër shtypjes së lirive bazë. Me urdhër direkt të Khomeini-t, ky marshim paqësor u shndërrua në një kasaphanë.
Në eventin e sotëm, të zhvilluar dy ditë pas maskaradës së zgjedhjeve të regjimit, zonja Rajavi tha se bojkoti mbarëkombëtar i popullit iranian ndaj farsës së zgjedhjeve të regjimit klerikal është i denjë për një përgëzim historik. Fakti që ka emëruar një vrasës të masave dhe kriminel kundër njerëzimit si president, tregon që diktatura fetare po shkon poshtë e më poshtë, dhe duhet të përmbyset, tha ajo.
Zonja Rajavi shtoi se, pas këtyre zgjedhjeve të turpshme, diktatura fetare do të jetë më e dobët dhe e brishtë. Me në krye laron e masakrës së 1988-ës, do të kryejë krime edhe më të rënda. Raisi duhet të përballet me drejtësinë në një gjykatë ndërkombëtare.
Presidentja e zgjedhur e NCRI-së vuri në dukje se përpjekja e regjimit klerikal me anë të farsës së zgjedhjeve dhe instalimit si president të laros së masakrës së 1988-ës dhe vrasësit në masë të MEK është e dënuar të dështojë dhe nuk do ta shpëtojë regjimin. Ashtu siç nuk e shpëtoi diktaturën e Shahut emërimi i Gjeneralit Az’hari [në muajt e fundit të sundimit të Shahut]. Asnjë zhvillim tjetër i brendshëm i regjimit nuk do të mund të hidhte më shumë dritë mbi vdekjen e tij politike dhe përmbysjen e ardhshme. Ai nuk është zgjidhje për regjimin por një simbol i rrugës qorre ku regjimi ndodhet dhe i faktit që nuk i ka mbetur më asnjë rrugëdalje. Për më tepër, emërimi i tij tregon se Khamenei nuk ua ka besën as pjesëtarëve besnikë të rrethit të tij të brendshëm. Mund të bëhet president i regjimit vetëm dikush që është i zhytur në gjakun e anëtarëve e mbështetësve të masakruar të MEK. Si rrjedhim, Khamenei e ka pranuar si skandalin e emërimit të këtij personi, ashtu edhe turpin e zgjedhjeve të bojkotuara. Përmes bojkotit mbarëkombëtar të farsës së zgjedhjeve, populli i Iranit ka demonstruar vendosmërinë e tij për ta përmbysur regjimin. Ky bojkot është një tjetër pasqyrim i kryengritjes së lavdishme të nëntorit 2019. Në këtë bojkot mund të dëgjohet zhurma e hapave të kryengritjeve në horizont.
Ajo shtoi: Në mënyrë që t’i ngushtonte radhët e regjimit për t’u përballur me kryengritjet popullore, Khamenei nga njëra anë ia hapi rrugën përhapjes së koronavirusit në Iran, duke shkaktuar vdekjen e mbi 300,000 bashkatdhetarëve tanë deri më sot. Nga ana tjetër, ai instaloi Ebrahim Raisi-n, laron e masakrës së 1988-ës, si president. Më shumë se kushdo tjetër, Khamenei është i vetëdijshëm për gjendjen në degjenerim e sipër të regjimit të tij si dhe për gatishmërinë e shoqërisë për ta përmbysur atë. Si pasojë, ai ka marrë një pozicion mbrojtës, duke i ngushtuar radhët në majë të regjimit, dhe duke hyrë në luftë me shoqërinë iraniane dhe komunitetin ndërkombëtar.
Duke iu referuar studimeve të bëra nga akademikë iranianë në universitetet e SHBA dhe Mbretërisë së Bashkuar, të cilat tregojnë se numri i të vrarëve në nëntor 2019 është afërsisht tre herë më i lartë se shifra 1,500 e deklaruar nga PMOI në atë kohë, Presidentja e zgjedhur e NCRI tha: Përjashtimi i fraksionit rival nga parlamenti i mullahëve, vrasja e protestuesve të nëntorit 2019, strategjia e shkaktimit të viktimave në masë nga koronavirusi, vjedhja nga xhepat e popullit dhe plaçkitja e pasurisë së tij, sulmet me raketa ndaj anijeve, cisternave të naftës, apo qendrave që i përkasin vendeve fqinje e SHBA-së, si dhe avancimi me programin bërthamor. Të gjitha këto janë pjesë e një strategjie që e gjen shprehjen e saj politike tek presidenca e laros së masakrës së 1988-ës. Por kjo strategji nuk ka asnjë mbështetje socio-ekonomike apo ndërkombëtare. Në fakt është një strategji që do ta bëjë regjimin më të brishtë dhe do ta përkeqësojë së tepërmi konfliktin e tij me shoqërinë iraniane.
Iran: Festohet 40-Vjetori i Fillimit të Rezistencës Mbarëkombëtare
Të dielën, mbështetësit e MEK dhe Rezistencës Iraniane zhvilluan tubime në disa kryeqytete dhe qytete madhore europiane, si Londra, Kolonja, Viena, Oslo, Gjeneva, etj. Gjatë këtyre tubimeve, ata i bënë thirrje komunitetit ndërkombëtar që t’i japë fund të gjitha marrëdhënieve dhe paqësimit të këtij regjimi, presidenti i të cilit është një nga kriminelët më të mëdhenj kundër njerëzimit në kohërat moderne.
Në tubimin e sotëm, dhjetëra përfaqësues të shoqatave rinore dhe mbështetës të rezistencës në vende të ndryshme folën në përkujtim të përvjetorit të ditës së rezistencës. Në fund të tubimit në Ashraf 3, pjesëmarrësit bënë homazhe për 120,000 dëshmorët e Rezistencës Iraniane të cilët dhanë jetën e tyre në rrugën drejt lirisë në Iran.
Amnistia Ndërkombëtare dhe Organizata për të Drejtat e Njeriut thanë të Shtunën se zgjedhja e Ebrahim Raisit si president i ri i Iranit ishte një goditje për të drejtat e njeriut dhe bëri thirrje që ai të hetohet për rolin e tij në atë që Uashingtoni dhe grupet e të drejtave i kanë quajtur ekzekutimet jashtëgjyqësore të mijëra të burgosurve politikë në 1988 .
Duke iu përgjigjur njoftimit të sotëm që shpall Ebrahim Raisin si presidentin e ardhshëm të Iranit, Sekretarja e Përgjithshëme e Amnistisë Ndërkombëtare Agnès Callamard tha:
“Që Ebrahim Raisi është ngritur në presidencë në vend që të hetohet për krime kundër njerëzimit të vrasjeve, zhdukjeve me forcë dhe torturave, është një kujtesë e zymtë se pandëshkueshmëria mbretëron në Iran. Në vitin 2018, organizata jonë dokumentoi se si Ebrahim Raisi kishte qenë anëtar i ‘komisionit të vdekjes’ i cili zhduku me forcë dhe ekzekutoi jashtëgjyqësisht në fshehtësi me mijëra disidentë politikë në burgjet Evin dhe Gohardasht pranë Teheranit në 1988. Rrethanat që lidhen me fatin e viktimave dhe vendndodhja e trupave të tyre, deri më sot, është fshehur sistematikisht nga autoritetet iraniane, që paraqet krime të vazhdueshme kundër njerëzimit.
“Rritja e Ebrahim Raisi në presidencë ndjek një proces zgjedhor që u zhvillua në një mjedis tepër shtypës dhe ndaloi gratë, anëtarët e pakicave fetare dhe kandidatët me pikëpamje të kundërta që të kandidojnë.
“Ne vazhdojmë të bëjmë thirrje që Ebrahim Raisi të hetohet për përfshirjen e tij në të kaluarën dhe në krimet e vazhdueshme sipas ligjit ndërkombëtar, dhe kjo të kryhet nga shtetet që ushtrojnë juridiksion universal.
“Tani është më urgjente se kurrë për vendet anëtare të Këshillit të KB për të Drejtat e Njeriut të ndërmarrin hapa konkretë për të adresuar krizën e mosndëshkimit sistematik në Iran, duke përfshirë krijimin e një mekanizmi të paanshëm për të mbledhur dhe analizuar provat e krimeve më të rënda sipas ligjit ndërkombëtar të kryer në Iran për të lehtësuar procedurat e drejta dhe të pavarura penale. ”
Regjimi iranian ka vendosur të tkurret, duke zgjedhur si president kandidatin e parapëlqyer të lidreit suprem, Ebrahim Raisi-n, i cili është i famshëm për rolin e tij në masakrën politike të 1988-ës. Ky vendim është fillimi i një epoke të re dhunimesh të të drejtave njerëzore, ekzekutimesh, dhe represioni, sidomos ndaj të rinjve.
Në dy postime të ndryshme në Twitter, UN Watch e vuri në dukje këtë duke shkruar: “Regjimi që sundon Iranin me shumë mundësi do të instalojë Ebrahim Raisi-n — i cili ka qenë pjesë e një “komiteti të vdekjes” të përbërë nga katër persona, komitet i cili ka mbikëqyrur ekzekutimin e 5,000 të burgosurve politikë — si president të ardhshëm. A do ta ngrejë zërin komisionerja e OKB për të drejtat njerëzore @mbachelet?”
Në një tjetër postim shkruhet: “Republika Islamike e Iranit manipulon “zgjedhjet” presidenciale për të garantuar fitoren e të preferuarit të përzgjedhur prej saj. A do ta ngrejë zërin kreu i OKB @antonioguterres për zgjedhje të lira në Iran?”
Censura e zgjedhjeve nën hijen e ‘sigurisë’ së Raisi-t
Organizata Reporterë pa Kufij, në renditjen e saj më të fundit, e ka renditur Iranin si vendin e 174-t nga 180 vende, në indeksin e lirisë në botë për vitin 2021, duke shkruar: “Irani vazhdon të jetë një nga vendet më represive në botë për gazetarët, duke i mbajtur nën kontroll të vazhdueshëm lajmet dhe informacionet. Të paktën 860 gazetarë janë ndjekur penalisht, arrestuar, burgosur, dhe në disa raste edhe ekzekutuar, që nga revolucioni i 1979-ës. Republika Islamike nuk jep shenja se po e zbut ndopak sulmimin e gazetarëve dhe mediave të pavarura, apo se po e liron kontrollin e fortë që ka mbi fushën e medias në tërësi. Gazetarët e Iranit ende bien vazhdimisht viktimë e frikësimit, arrestimeve arbitrare, dhe dënimeve me burgim të gjatë që jepen nga gjykatat revolucionare në fund të gjyqeve të padrejta.”
Tani, në mënyrë të habitshme, por me një alibi të specifikuar, Raisi ka kritikuar sjelljen e qeverisë për sa i përket lirisë, duke thënë: “Liria realizohet nën dritën e sigurisë. Unë besoj fort në lirinë e mendimit, të penës, dhe në lirinë e shprehjes.” (E përditshmja shtetërore Mashregh News, 31 maj 2021)
Por më 11 qershor 2021, RSF shkroi: “Teksa fushata zyrtare për zgjedhjet presidenciale të javës së ardhshme vazhdon në Iran, organizata Reporterë Pa Kufij (RSF) dënon sërish censurimin e medias nga regjimi, përdorimin e kërcënimeve kundër gazetarëve, dhe mungesën e raportimeve të pavarura.
“Që më 16 maj, që ishte afati për regjistrimin e kandidatëve, RSF ka regjistruar jo më pak se 42 raste ku gazetarët janë thirrur nga prokuroria apo janë kërcënuar nga zyrtarët e ministrisë së inteligjencës.”
Farsa e zgjedhjeve presidenciale të regjimit iranian u përball me një bojkot të paprecedent mbarëkombëtar. Ky bojkot mbarëkombëtar nënvizoi ilegjitimitetin e regjimit në Iran.
Sipas raporteve të mbledhura nga Organizata Muxhahedine e Popullit të Iranit (PMOI/MEK) në fund të maskaradës së zgjedhjeve të regjimit klerikal, më pak se 10 përqind e votuesve të ligjshëm hodhën votën e tyre në këtë farsë zgjedhjesh presidenciale. Sipas raporteve të 1,200 gazetarëve e 3,500 filmimeve nga 400 qytete, të siguruara nga Simay-e Azadi, rrjeti televiziv i opozitës, qendrat e votimit në mbarë Iranin kanë qenë kryesisht të boshatisura dhe në to ka patur pjesëmarrje të ulët votuesish.
Zgjedhjet në Iran 2021: Qendrat e Votimit Bosh në Mbarë Vendin (Përmbledhje vol.1)
Pavarësisht përpjekjeve të regjimit, populli refuzoi të merrte pjesë në zgjedhje. Zyrtarët e regjimit i kishin thënë personelit ushtarak, punonjësve të Ministrisë së Shëndetësisë, Bujqësisë, Punëve të Jashtme, Arsimit, dhe stafeve të bankave shtetërore e private që përpara se dokumentet e tyre të identifikimit duhej të kishin stampën e votimit.
Zyrtarët e burgjeve në Maku, Khoy, Bazargan, dhe Salmas u kishin thënë të burgosurve që kushdo që do të votonte, do të përfitonte një leje për tre ditë. Në disa qytete të tjera, zyrtarët ishin përpjekur t’i blinin votat e njerëzve.
Gjithashtu, autoritetet e regjimit i mbyllën disa qendra votimi në Teheran e në qytete të tjera, për të mos lejuar që atje të paraqiteshin shumë pak njerëz, dhe kështu të krijonin përshtypjen e një pjesëmarrjeje masive votuesish, kryesisht për gazetarët perëndimorë. Janë arrestuar dhjetëra reporterë të Simay-e Azadi të cilët po filmonin qendrat e votimit bosh, dhe u janë konfiskuar telefonat.
Autoritetet e regjimit dhe mediat shtetërore kishin parashikuar një pjesëmarrje të ulët votuesish, kishin paralajmëruar për pasojat që regjimi do të kishte prej saj, dhe i ishin lutur popullit të merrte pjesë.
Lideri Suprem i regjimit, Ali Khamenei, ishte i pari që iu lut popullit të merrte pjesë në farsën e zgjedhjeve. Të mërkurën, ai e pohoi që “segmentet e varfra të shoqërisë janë të shkurajuar e të pakënaqur dhe nuk duan të votojnë në zgjedhje.” Ai u përpoq gjithashtu të fajësonte “armikun” për pjesëmarrjen e ulët të parashikur dhe sulmoi edhe fraksionin rival. “Disa nga brenda sistemit po përpiqen t’i shkurajojnë njerëzit. Kjo është e gabuar. Ata po përhapin mungesën e shpresës,” tha ai.
Zgjedhjet në Iran 2021: Informacion mbi Farsën e Zgjedhjeve Presidenciale të Regjimit Iranian – Nr 4
“Nëse [populli] nuk merr pjesë [në zgjedhje], armiku do ta shtojë presionin… Nëse prania e njerëzve do të jetë e dobët, sistemi do të dobësohet, dhe [armiku] do ta kërcënojë vendin me pasiguri e terrorizëm,” paralajmëroi Khamenei.
Makthi i Khamenei-t u bë realitet të premten kur miliona iranianë i thanë jo farsës së zgjedhjeve të regjimit të tij. Khamenei e kishte ditur që më parë që njerëzit do ta bojkotonin farsën e zgjedhjeve. E vetmja arsye pse ai e ka nxjerrë fitues Raisi-n, një dhunues famëkeq të të drejtave njerëzore dhe njeri të kërkuar për krimet kundër njerëzimit në 1988-ën, është që të përballet me shoqërinë e trazuar të Iranit dhe me Lëvizjen e organizuar të Rezistencës.
Bojkoti mbarëkombëtar i të premtes ishte rezultat i një fushate të gjerë të zhvilluar nga opozita iraniane, kryesisht nga MEK dhe “Njësitë e Rezistencës,” të cilat popullarizuan fushatën mbarëkombëtare për bojkotimin e zgjedhjeve. MEK e kishte nisur këtë fushatë në Iran që në fillim të prillit. Në prill, Njësitë e Rezistencës zhvilluan veprimtari anti-regjim në mbi 250 vende dhe 27 provinca. Në maj, veprimtaritë e Njësive të Rezistencës të MEK u zhvilluan në mbi 310 zona në të gjitha provincat e Iranit. Këto veprimtari bënin thirrje për një bojkot të farsës së zgjedhjeve presidenciale të regjimit.
Kjo ishte goditja më e madhe politike e shoqërore ndaj Liderit Suprem të mullahëve, Ali Khamenei, dhe teokracisë në pushtet.
Ky bojkot vërtetoi dhe i tregoi botës se vota e vetme e popullit iranian është për përmbysjen e këtij regjimi mesjetar. Bojkoti mbarëkombëtar është respekt për sakrificat e dëshmorëve, si dhe pasqyrim i fushatës së madhe të popullit iranian për drejtësi.
Diktatura fetare është drejt fundit dhe duhet të asgjësohet. Nga kjo farsë zgjedhjesh do të dalë një regjim edhe më i poshtëruar, i dobët e i brishtë. Ai do të kryejë krime edhe më të mëdha përmes laros së masakrës së 1988-ës (Ebrahim Raisi). Por, ai do të përmbyset pa dyshim nga kryengritja e popullit iranian dhe Ushtria e Lirisë. Liria dhe një republikë demokratike janë të drejta të patjetërsueshme të popullit iranian.
Iran: Festohet 40-Vjetori i Fillimit të Rezistencës Mbarëkombëtare
Iran: Festohet 40-Vjetori i Fillimit të Rezistencës Mbarëkombëtare
Iran: Festohet 40-Vjetori i Fillimit të Rezistencës Mbarëkombëtare
Kjo ishte goditja më e madhe politike e shoqërore ndaj Liderit Suprem të mullahëve, Ali Khamenei, dhe teokracisë në pushtet.