Unaza e Ahvazit u bllokua nga të rinjtë e rebeluar të qytetit – 23 korrik 2021

Njoftim për Shtyp :Protestat për ujë në Iran – Nr. 12

Protesta nga të rinjtë e rebeluar në Yazd, Robat Karim, Saveh, dhe në autostradën e Qazvin, në mbështetje të kryengritjes së Khuzestanit
Khamenei jep urdhër për ndërprerje të elektricitetit dhe internetit në Khuzestan

Nëntë ditë pas fillimit të kryengritjes së banorëve të guximshëm të Khuzestan, pavarësisht masave represive të sigurisë, vazhdojnë ende demonstratat dhe përplasjet me Gardën Revolucionare dhe Forcat e Sigurisë së Shtetit (SSF). Të rinjtë e rebeluar në Ahvaz morën nën kontroll qendrën e qytetit duke djegur goma makinash e duke shkaktuar bllokim trafiku në rrugën Dayereh.

Në Susangerd, regjimi klerikal bllokoi rrugët kryesore të qytetit me mure betoni, si dhe e ndërpreu plotësisht elektricitetin dhe internetin për të parandaluar demonstrata e tubime. Megjithatë, të rinjtë u përplasën me Gardën Revolucionare dhe me SSF deri natën vonë. Zhurma e të shtënave të forcave represive mund të dëgjohej në mbarë qytetin.

Në Izeh, forcat e regjimit vendosën një regjim të padeklaruar ushtarak dhe shtetrrethim për të parandaluar tubimet e njerëzve. Nga frika e shpërthimit të një kryengritjeje, regjimi klerikal i mbushi rrugët me forca represive dhe, duke përdorur altoparlantë, u bëri thirrje pronarëve të dyqaneve që t’i mbyllnin dyqanet përpara se të errësohej, si dhe i paralajmëroi banorët që ta ndalonin lëvizjen. Varrimi i një prej dëshmorëve të kryengritjes, Hadi Bahmani, u kthye në një demonstratë kundër regjimit dje. Njerëzit thërrisnin: “Vdekje Khamenei-t.”

Gjithashtu, të rinjtë e rebeluar bllokuan autostradën e Ahvazit që rrethon qytetin. Në distriktin Shoaibiyeh të Shooshtar, të rinjtë e bllokuan autostradën duke ndezur zjarre në rrugë për të mos lejuar hyrjen e përforcimeve. Në Robat Karim (Teheran), një turmë e madhe u mblodh për të shprehur mbështetje për kryengritjen e Khuzestanit. Të rinjtë e guximshëm të Qazvin e shprehën solidaritetin e tyre duke ndezur zjarre në autostradën Qazvin-Teheran. Në Yazd, të rinjtë e Khuzestanit që banojnë në distriktin Meybod u derdhën nëpër rrugë duke thirrur me sllogane anti-regjim. Të rinjtë trima të Saveh bllokuan rrugën e Saveh duke vendosur barriera të mëdha betoni. Në Ilam, njerëzit u mblodhën në kryqëzimin e Mehr.

Natën e së enjtes në Aligudarz, përplasjet mes SSF dhe banorëve vazhduan deri rreth orës 4:00 të mëngjesit. Si përgjigje ndaj të shtënave pa diskriminim të forcave SSf dhe IRGC, të rinjtë e rebeluar morën nën kontroll stacionin e policisë në Hemmatabad (nr. 12) për pak orë. Disa demonstrues u vranë e u plagosën kur SSF dhe Garda Revolucionare hapën zjarr. Garda revolucionare ka arrestuar mbi 100 protestues.

Zonja Maryam Rajavi ka thënë se kjo kryengritje, e cila nisi nga rinia trime e Khuzistanit nëntë ditë më parë, është përhapur tashmë edhe në Lorestan, Teheran, Bushehr, Isfahan, e zona të tjera. Dëshmorët e këtyre kryengritjeve nga Ahvaz, Izeh, Aligudarz, e qytete të tjera reflektojnë vendosmërinë e popullit iranian për ta përmbysur fashizmin fetar dhe për të vendosur demokracinë e sundimin e popullit. Sakrifica e tyre është si një pishtar për lirinë e Iranit.

Ahvaz (Kuy-e Dayereh) – Të rinjtë e rebeluar morën nën kontroll qendrën e qytetit duke djegur goma makinash e duke krijuar bllokim trafiku – 23 korrik 2021

Robat Karim – Një turmë e madhe u mblodh për të shprehur mbështetje për kryengritjen e Khuzestanit – 23 korrik 2021

Izeh – Varrimi i njërit prej protestuesve të vrarë nga banditët e IRGC-së, u kthye në një demonstratë me thirrjet “Vdekje Khamenei-t” – 23 korrik 2021

Izeh – Shtetrrethim i padeklaruar nga frika e kryengritjes së njerëzve – 23 korrik 2021

Shadegan – Demonstratë kundër mungesës së ujit – 22 korrik 2021

Autostrada e Qazvin – ndezja e zjarreve në autostradën Qazvin-Teheran – 23 korrik 2021 Ilam – Protestuesit u mblodhën në kryqëzimin e Mehr – 23 korrik 2021

Ilam – Protestuesit u mblodhën në kryqëzimin e Mehr – 23 korrik 2021

Lumi i tharë Karun

Të Premten, protestat në provincën Khuzestan hynë në ditën e tyre të 8-të. Këto protesta filluan fillimisht për shkak të mungesës së ujit që e kanë bërë jetën e iranianëve atje të padurueshme. Regjimi ka krijuar dhe përkeqësuar krizën e ujit në Khuzestan duke miratuar politika të gabuara. Në këtë artikull, ne synojmë të thellohemi në krizën e ujit në Iran nën regjimin e mullahëve.

Kriza e ujit në Iran

Sipas një artikulli nga shteti Aftab News më 14 korrik, “Nga 85 milion banorë të Iranit, rreth 28 milion jetojnë në zona me mungesë uji dhe janë nën presion në këtë drejtim, kryesisht në rajonet qendrore dhe jugore të vendit. ”

Regjimi iranian dhe apologjetët e tij fajësojnë ndryshimin global të klimës dhe thatësirën për krizën e ujit të Iranit. Por thatësira nuk është arsyeja e vërtetë për krizën e ujit të Iranit; regjimi dhe politikat e tij shkatërruese kanë krijuar këtë krizë.

Irani ka reshje që variojnë nga 50 mm në shkretëtirën e Lut deri në 2000 mm në lartësitë Talesh në veri. Kur nuk ka kultivim, duhet të ketë një plan që njerëzit të mund të përdorin ujë. Me një shpikje të zgjuar të quajtur ujësjellës, iranianët ishin në gjendje të krijonin një civilizim të lavdishëm në këtë vend.

Sidoqoftë, arsyet kryesore për krizën e ujit të Iranit janë ndërtimi i digave joshkencore nga Gardat Revolucionare (IRGC) dhe kompanitë para saj. IRGC i përdor këto diga për qëllime ushtarake. Para revolucionit të vitit 1979, kishte vetëm 30 diga në të gjithë Iranin. Por tani, sipas statistikave të zyrtarëve të regjimit, 1330 diga janë në faza të ndryshme të funksionimit, zbatimit dhe studimit

Protestuesit në provincën jug-perëndimore të Khuzestanit e në provinca të tjera u derdhën nëpër rrugë për të dytën javë për të kërkuar ujë, ndërkohë që policia anti-rebelim ka përdorur forcë vdekjeprurëse për t’i shtypur protestuesit.

Në një raport të sotshëm, Amnesty International thotë se forcat e sigurisë kanë vrarë të paktën tetë protestues e kalimtarë, duke përfshirë një adoleshent, që nga nisja e protestave.

Amnesty i ka identifikuar të vrarët si Mostafa Asakereh (Naimavi) në Shadegan, GhassemNaseri (Khozeiri) në Kut-e Abdollah, Isa Baledi dhe MeysamAchrash në Taleghani, Hamzeh (Farzad) Fereisat në Ahvaz, Mehdi Chanani në Shoush, Hamid Mojadam (Jokari) në Chamran, dhe një djalë adoleshent, Hadi Bahmani, në Izeh. Këto vdekje kanë qenë rrjedhojë e incidenteve më 16, 19, 20 dhe 21 korrik.

Protestuesit e vrarë – Amnesty International

Raporti thotë se forcat e sigurisë kanë përdorur municione dhe saçma për të shtypur protestat e Khuzestanit. Sipas kësaj organizate, “filmimet nga java e shkuar, së bashku me raportet nga terreni, tregojnë se forcat e sigurisë kanë përdorur armë automatike vrasëse, pushkë me municione të padiskriminuara, dhe gaz lotsjellës për t’i shpërndarë protestuesit.”

Daghagheleh (Ahvaz) – Protesta kundër mungesës së ujit – 22 korrik 2021

Java e dytë e protestave iraniane për ujë- Nr. 11

Demonstrata përpara Zyrës së Guvernatorit të Ahvaz, në Alhaei Ahvaz, Lali, dhe në qytetin Horr

Ndërkohë që kryengritja e Khuzestanit po hyn në javën e saj të dytë, janë ngritur edhe qytete e provinca të tjera në mbështetje të saj. Mbrëmjen e së enjtes, banorët dhe të rinjtë e Aligudarz (provinca Lorestan) u grumbulluan pas një zjarrvënieje në sheshin Shohada të qendrës së qytetit. Forcat represive të regjimit përdorën gaz lotsjellës për ta shpërndarë turmën. Pasi u përballën me rezistencë, ata hapën zjarr mbi turmën, duke vrarë e plagosur disa protestues. Megjithatë, të rinjtë e rebeluar rezistuan ndaj Forcave të Sigurisë së Shtetit (SSF) dhe njësive speciale duke gjuajtur me gurë ndërkohë që thërrisnin “Vdekje Khamenei-t.” Përplasjet vazhduan deri natën vonë.

Edhe banorët e Shahinshahr (Isfahan) kanë zhvilluar një protestë në mbështetje të kryengritjes së Khuzestanit të enjten. Ata thërrisnin, “Nuk do ta pranojmë poshtërimin” dhe “Khuzestan, ne ju mbështesim.” Banorët e qytetit Junqan në provincën Chaharmahal dhe Bakhtiari u grumbulluan në mbështetje të popullit të Khuzestanit. Ata thërrisnin: “E sakrifikoj jetën për çdo pjesë të Iranit, e sakrifikoj jetën për popullin e etur të Khuzestanit, i cili nuk ka ujë, dhe e sakrifikoj jetën për të ndjerin Mosadeq.”

Natën e të enjtes, banorët e qytetit Horr në Dezful protestuan duke djegur goma makinash e duke bllokuar rrugën kryesore të qytetit. Edhe të rinjtë e rajonit Alhaei (në veri të Ahvazit) bënë demonstratë në autostradën Ahvaz-Shush. Të rinjtë e rebeluar në zonën Daghagheleh të Ahvazit bënë demonstrata kundër mungesave të ujit pasi e kishin bllokuar autostradën. Një grup grash nga Ahvaz u mblodhën për të protestuar kundër mungesave të ujit përpara zyrës së guvernatorit. Ata thërrisnin, “Donin të na poshtëronin, po ne nuk u poshtëruam” dhe “E sakrifikojmë jetën për Karun-in” (Karun është lumi kryesor në Khuzestan, të cilit i janë marrë shumë zgjatime për industri në pronësi të IRGC-së, duke shkaktuar kështu mungesa serioze të ujit). Në të njëjtën kohë, të rinjtë në Lali (në Khuzestanin verior) iu bashkuan kryengritjes së Khuzestanit, duke thirrur: “Të gjithë njerëzit e Khuzestanit do të ngrihen kundër shtypjes.”

Aligudarz – Protestë në solidaritet me kryengritjen e Khuzestanit – 22 korrik 2021

 Ahvaz – Një grup grash të guximshme protestojnë kundër mungesave të ujit përpara zyrave të guvernatorit – 22 korrik 2021

Lali – Tubim në mbështetje të kryengritjes së Khuzestanit – 22 korrik 2021

Shahinshahr (Isfahan) – Protestë në mbështetje të kryengritjes së Khuzestanit – 22 korrik 2021

Lumi i tharë Karun në Khuzestan

Ka patur protesta të vazhdueshme për disa ditë në provincën iraniane Khuzestan, si përgjigje ndaj problemeve gjithnjë e më të rënda të mungesës së ujit. Shkaku i vërtetë i krizës së ujit në Iran janë politikat dhe praktikat e regjimit, si dhe dominimi ekonomik i Korpusit terrorist të Gardës Revolucionare Islamike.

Në fund të viteve 1980, IRGC themeloi një firmë ndërtimi me urdhër të Liderit Suprem të regjimit, Ali Khamenei. Tashmë, Khatam al-Anbiya është bërë lojtari më i rëndësishëm në fushën e saj, dhe merr kontrata të panumërta nga qeveria, shpesh pa zhvillimin e tenderave. Në vitin 1992, nga Khatam al-Anbiya u krijua një degë me emrin Sepasad e cila kishte si qëllim të vetëm zhvillimin e projekteve të ndërtimit të digave. Së bashku me një firmë konsultimi të lidhur me regjimin dhe të njohur si Mahad Ghodss, kjo degë tashmë njihet si pjesë e “mafias së ujit” të Iranit, dhe ushtron kontroll mbi virtualisht të gjitha ujërat e vendit për pasurim personal dhe në kurriz të mirëqenies ekologjike e qytetare.

Kriza e ujit të pijshëm në Khuzestan të Iranit jugor

Projektet e digave të lidhura me IRGC-në rregullisht kërkojnë kosto shtesë, nuk mbikëqyren pothuajse aspak, dhe ndërmerren ose në mungesë të studimeve për impaktin mjedisor, ose në kundërshtim direkt ndaj paralajmërimeve të ekspertëve për efektet e mundshme mbi ligatinat, aksesin në ujin nëntokësor, përqendrimin e kripërave, etj. Përpara revolucionit të vitit 1979 ka patur më pak se dy duzina projektesh të mëdha të digave të përfunduara ose në vazhdim gjatë revolucionit. Që atëherë janë shtuar mbi 150 projekte të tilla, dhe mungesat e ujit janë zgjeruar njëkohësisht duke ndikuar tek më shumë se një çerek i popullsisë 83-milionëshe të Iranit.

Shkalla e këtij problemi reflekton shkallën e mundshme të përgjigjes së publikut ndaj saj. Në natën e parë të protestave në Khuzestan, u përfshinë banorët e të paktën dhjetë qyteteve të ndryshme. Pothuajse menjëherë pas kësaj, nisën raportet për përplasje midis këtyre protestuesve dhe forcave të sigurisë, me të paktën dy fatalitete të konfirmuara më vonë. Megjithatë, pjesëmarrja vazhdoi të rritej gjatë ditëve në vijim duke u përhapur përtej Khuzestanit. Të paktën 31 protesta të pavarura nga njëra-tjetra janë raportuar në zona të ndryshme të Iranit të hënën dhe të martën.

Këshilli Kombëtar i Rezistencës së Iranit e ka sjellë në vëmendje përgjigjen e dhunshme të regjimit ndaj protestave legjitime, dhe ka cituar deklaratën e zonjës Maryam Rajavi se kjo situatë “ka demonstruar edhe një herë se, për sa kohë që mullahët plaçkitës të mbeten në pushtet, varfëria, papunësia, dhe sëmundja do të vazhdojnë.”

Shumë pjesëmarrës të këtyre protestave i japin jehonë ndjenjës së shprehur nga MEK dhe NCRI, duke thirrur “vdekje regjimit” për të treguar se këto probleme mund të zgjidhen përfundimisht vetëm pas ndryshimit të regjimit.

Irani Proteston për ujin – Nr. 10

Protestuesit në shtatë provinca u mblodhën në solidaritet me kryengritjen e Khuzestan

Pavarësisht të gjitha masave shtypëse për të shtypur kryengritjen e njerëzve të Khuzestan, natën e kaluar, për natën e shtatë rresht, jo vetëm shumë qytete dhe rajone të Khuzestan dëshmuan protestuesit e zemëruar, por njerëzit dhe të rinjtë në disa qytete dhe provinca të tjera protestuan në shenjë solidariteti me njerëzit e Khuzestan.

Të mërkurën në mbrëmje, 21 korrik, Ahvaz, Susangerd, Masjed Soleyman, Mahshahr, Shadegan, Izeh, Shooshtar, Dezful, Shush Daniel, Elahi, Khowr-e Musa, Behbahan, Mollasani dhe Darkhovin dëshmuan protesta dhe demonstrata masive. Masat shtypëse të regjimit, të tilla si dërgimi i bandakëve të IRGC-së nga zona të tjera në Khuzestan, duke përfshirë 30 përqind të forcave speciale të Khorramabad, njësive speciale dhe agjentëve civile, makina uji, gaz lotësjellës dhe  spraj piperësh dhe hapja e zjarrit ndaj demonstruesve apo prerja e internetit, nuk arriti të ndalojë të rinjtë dhe protestuesit, të indinjuar nga katër dekada të krimeve dhe plaçkitjeve të mullahëve, të ngrihen.

Natën e kaluar, pati përplasje dhe përleshje të ashpra midis forcave shtypëse dhe rinisë rebele në Izeh. Dhjetëra protestues u plagosën kur forcat e regjimit hapën zjarr. Për të mos arrestuar të plagosurit, njerëzit nuk i çuan të plagosurit në spitale por i mjekuan në shtëpi. Natën e kaluar, në pjesë të ndryshme të Ahvaz dhe Susangerd, vazhduan përplasje të ashpra midis Forcës së Sigurisë së Shtetit (SSF), njësive speciale, agjentëve civile dhe protestuesve.

Protestuesit brohorisnin, “Vdekje diktatorit”, “Tanke, armë, Khamenei të vdesë”, “Njerëzit duan ndryshimin e regjimit në Iran”, “Iranianët vdesin, por ata nuk do të pranojnë poshtërimin”, “Turp për ty Khamenei, lëshoje pushtetin”dhe” Bakhtiari dhe arabë, le të bashkohemi “. Të rinjtë bllokuan hyrjen e qyteteve duke djegur goma dhe duke ngritur barrikada përpara se demonstratat të fillonin për të parandaluar forcat shtypëse që të hynin brenda.

Në shenjë solidariteti me kryengritjen e Khuzestan, mbrëmë demonstrata dhe tubime u mbajtën në Teheran, Yazdanshahr (Isfahan), Mahdasht (Karaj), Rasht, Bushehr, Bandar Ganaveh, Jarrahi dhe Lordegan, gjatë të cilave njerëzit brohorisnin “Khuzestan nuk është vetëm”. Në qytetin e Çamran, demonstruesit i vunë flakën një kioske SSF.

Sekretariati i Këshillit Kombëtar të Rezistencës së Iranit (NCRI) -Paris

22 korrik 2021

Në natën e shtatë të protestave për ujin, provinca të tjera janë bashkuar në mbështetje të banorëve që kërkojnë ujë në provincën jug-perëndimore Khuzestan.

Mbrëmjen e djeshme, më 21 korrik, u derdhën nëpër rrugë protestues në Dezful, Rashir, Ahvaz, Shadegan, Mahshar, Khormousa (Mahshahr), Masjed Soleyman, Susangerd, Behbahan, Elhayi në Khuzestan në Iranin jug-perëndimor, Yazdanshahr në Isfahan në Iranin qendror, dhe Bushehr e Ganaveh në Bushehr në Iranin jugor. Mbi 30 qytete janë përfshirë në protestat e ujit gjatë shtatë netëve të fundit.

Protestat për ujin nisën më 15 korrik në disa qytete të provincës Khuzestan. Arabët iranianë kanë protestuar kundër keqmenaxhimit të ujit nga regjimi. Iranianët thërrisnin “Uji është e drejta jonë” dhe “Na plaçkitën në emër të fesë” në arabisht. Në natën e gjashtë, protestuesit në Izeh, që është një qytet kryesisht i përbërë nga banorë Bakhtiari në Khuzestan, morën në shënjestër Liderin Suprem të regjimit, duke thirrur “Poshtë Khamenei!” dhe “Nuk e duam Republikën Islamike!”, mes slloganeve të tjera anti-regjim.

Policia anti-rebelim u përplas me banorët, duke përdorur plumba fallco dhe gaz lotsjellës për ta shpërndarë turmën. Forcat e sigurisë përdorën dhunë, ndonjëherë letale, kundër protestuesve. Protestuesit u vunë zjarrin gomave të makinave për të krijuar bllokada në rrugët kryesore të disa qyteteve.

Raportet në rrjete sociale tregojnë se janë vrarë disa protestues gjatë shtatë netëve të protestave. Ne kemi konfirmuar dy nga këto vrasje dhe nuk i kemi përfshirë identitetet e disa protestuesve të tjerë në këtë raport.

Shumë protestues janë plagosur e arrestuar, por detajet e identiteteve të tyre nuk janë publikuar ende. Agjencia e Lajmeve për të Drejtat Njerëzore ka thënë se janë arrestuar 18 njerëz.

Netblocks, një organizatë që monitoron bllokimet ndërkombëtare të internetit, ka raportuar ndërprerje të vazhdueshme të internetit në provincën jug-perëndimore Khuzestan duke filluar që nga 15 korriku.

Behbahan – Bllokimi i autostradës nga Behbahan në Amir Hatef – 21 korrik 2021

Protestat për ujë në Iran – Nr. 9

Të rinjtë e rebeluar në qytete të ndryshme të provincës Khuzestan dhe përreth bllokuan autostradat mbrëmjen e djeshme për të penguar lëvizjen e forcave të IRGC dhe të Sigurisë së Shtetit (SSF) në drejtim të qyteteve të ngritura në protestë. Mbrëmjen e djeshme në Behbahan, të rinjtë e rebeluar bllokuan autostradat Behbahan-Gachsaran dhe Behbahan – Amir-Hatef duke u vënë zjarrin gomave të makinave e duke krijuar bllokada për të shprehur mbështetjen për kryengritjen në Khuzestan.

Në filmimet e transmetuara nga vendngjarjet, të rinjtë e rebeluar thonë se, në përgjigje ndaj thirrjes së Z. Massoud Rajavi, liderit të Rezistencës Iraniane, ata janë ngritur për të mbështetur kryengritjen e popullit të Khuzestanit kundër mungesës së ujit.

Në Shush, të rinjtë e rebeluar bllokuan autostradën kryesore të qytetit duke djegur gomat e makinave. Në qytetitn Fazilat, edhe të rinjtë në Bushehr bllokuan rrugën e transportit në mbështetje të kryengritjes së Khuzestanit kundër mungesave të ujit. Mbrëmjen e djeshme, të rinjtë bllokuan edhe autostradën nga Aluni në Lordegan. Gjithashtu, në Azna, të provincës Lorestan, të rinjtë e rebeluar bllokuan autostradën në mbështetje të kryengritjes, duke u vënë zjarrin gomave të makinave. Edhe autostradat në Ahvaz – Masjed Soleyman dhe Behbahan – Bandar Deylam u bllokuan nga të rinjtë e rebeluar në mbështetje të kryengritjes së Khuzestanit.

Mëngjesin e së enjtes, në kryqëzimin Kushan-Genaveh, të rinjtë bllokuan autostradën kryesore duke djegur goma makinash, për të protestuar kundër mungesës së ujit dhe për të mbështetur popullin e Khuzestanit.

Behbahan – Të rinjtë e rebeluar bllokojnë autostradën drejt Gachsaran në solidaritet me kryengritjen e Khuzestanit- “Si përgjigje ndaj thirrjes së Massoud (Rajavi), ne, të rinjtë e rebeluar ngrihemi në mbështetje të kryengritjes- Behbahan. Nga Behbahan-i trim, autostrada Gachsaran-Behbahan” – 21 korrik 2021

Bushehr – Autostrada kryesore drejt qytetit – 21 korrik 2021 Shush – Bllokimi i autostradës kryesore që të shpie në qytet – 21 korrik 2021

Iran: Kryengritje në Izeh me Slloganin – Vdekje Khamenei-t, Vdekje Diktatorit

Njoftim për Shtyp nga NCRI -Paris

“Disa të rinj të vrarë e të plagosur në natën e gjashtë të kryengritjes
Protestat përhapen në Teheran dhe Karaj – “Poshtë parimi i Velayat-e-Faqih.”

Të martën më 20 korrik, mijëra banorë të Izeh protestuan kundër mungesës së ujit, duke thirrur: “Vdekje diktatorit, vdekje Khamenei-t.” Forcat e Sigurisë së Shtetit (SSF) arrestuan një numër protestuesish, gjë që ia shtoi edhe më shumë zemërimin qytetarëve.

Protestuesit thërrisnin: “Arabë dhe Bakhtiari, bashkohuni, bashkohuni” (duke iu referuar dy etnive kryesore në atë zonë: arabët dhe Bakhtiari), “Tanket e pushkët nuk bëjnë punë më,” dhe “Khamenei duhet të vritet.” SSF dhe njësitë speciale qëlluan me gaz lotsjellës, spërkatëse djegëse, dhe municione në drejtim të protestuesve në përpjekje për t’i shpërndarë ata. Por të rinjtë u përgjigjën duke qëlluar me gurë e duke thirrur: “Mos kini frikë, jemi të gjithë bashkë.” Disa të rinj janë vrarë e plagosur kur SSF hapi zjarr.

Njëkohësisht, banorët e Ahvaz (në Lashgar-abad dhe Seyyed Karim), Darkhovin, Kut-Sheikh, Al-Jadideh, Kouy-e Molavi, dhe Kouy-e Feisalieh në Khorramshahr, dhe Susangerd u derdhën nëpër rrugë pavarësisht arrestimeve të shumta e masave të ashpra. Zona të shumta të Ahvazit u bënë skena të përplasjeve midis të rinjve e forcave represive. Në Susangerd, të rinjtë thërrisnin në arabisht: “E dimë që do të na sulmoni me plumba e pushkë. Por ne e kemi ëndërr të vdesim e të biem dëshmorë në rrugën drejt lirisë.” Në Behbahan, të rinjtë bllokuan të dy anët e Urës Maroun.

Në një zhvillim tjetër, mëngjesin e sotëm në Teheran e Karaj (në perëndim të kryeqytetit), një grup i madh njerëzish të udhëhequr nga gra e vajza trime në stacionin nëntokësor Sadeqiyeh të Teheranit u grumbulluan duke thirrur “vdekje diktatorit,” dhe “poshtë parimi velayat-e faqih (pushteti absolut klerikal)” për të shprehur zemërimin dhe neverinë e tyre ndaj regjimit.

Si rutinë, regjimi klerikal e ndërpreu internetin në Izeh, Ahvaz, Shushtar, Susangerd, dhe Mahshahr për të parandaluar përhapjen e protestave dhe për të censuruar lajmet. Raportet tregojnë se janë arrestuar dhjetëra të rinj në Ramshir dhe në fshatrat përreth.

Zonja Maryam Rajavi, Presidentja e zgjedhur e Këshillit Kombëtar të Rezistencës së Iranit (NCRI), i ka përshëndetur të rinjtë në Izeh, të cilët po konfrontohen me IRGC-në në natën e gjashtë të kryengritjes në provincën Khuzestan. Ajo përshëndeti gjithashtu popullin e Teheranit, i cili ka thirrur vdekje parimit të velayat-e faqih. Në mbarë vendin, njerëzit po ngrihen për të mbështetur Khuzestanin, shtoi zonja Rajavi.