NCRI – Senatorët amerikanë Todd Young (R-IN) dhe Marco Rubio (R-FL) morën përsipër një letër që iu dërgua presidentit Donald Trump. Ata kërkuan që Trump të marrë në konsideratë sanksione të mëtejshme mbi Iranin, duke pasur parasysh vazhdimin e programin të raketave balistike.
Ata gjithashtu theksuan se veprimet e Iranit paraqesin një kërcënim serioz për sigurinë kombëtare të Shteteve të Bashkuara dhe për trupat amerikane që janë të vendosura jashtë vendit. Gjithashtu, kërcënimi i Iranit rrezikon interesat amerikane dhe të aleatëve.
Në muajt e fundit, Presidenti Trump ka qenë i prirur për të frenuar kërcënimin e Iranit. Ai i ka dhënë Europës një shans të fundit për të rregulluar marrëveshjen bërthamore me të meta, dhe nëse kushtet e tij nuk përmbushen, ai do t’i nxjerrë Shtetet e Bashkuara nga marrëveshja.
Ndryshe nga administrata e mëparshme, administrata e tanishme është e vetëdijshme se kërcënimi i Iranit nuk rrezikon vetëm fqinjët e saj të afërt.
Senatorët e inkurajuan Trumpin për të vazhduar presion mbi Iranin. “Në masën që shumë kërcënime serioze dhe urgjente rivalizojnë për vëmendje, ne besojmë se është e rëndësishme të mbetemi të fokusuar në kërcënimin në rritje që paraqet programi i raketave balistike të Iranit. Përgëzojmë veprimet e fundit të administratës tuaj në lidhje me programin e raketave balistike të Iranit. Dëshirojmë të punojmë me administratën për të ndërmarrë hapa të tjerë për të mbrojtur më mirë Shtetet e Bashkuara dhe aleatët tanë kundër këtij kërcënimi “.
Senatorët përmendën se regjimi iranian shkel përditë të drejtat e njeriut të popullit të Iranit dhe plaçkit pasurinë e kombit për terrorizmin dhe grupet dhe milicitë e lidhura me të. Ata gjithashtu përmendën se mbështetja e regjimit iranian për regjimin e diktatorit sirian Bashar al Assad është e papranueshme. “Si shteti kryesor në botë sponsorizues i terrorizmit, Irani mbështet aktivisht grupe terroriste si Hezbollahu dhe përkrah regjimin vrasës të Asadit që përdor gaz për të masakruar popullin sirian”.
Letra është nënshkruar edhe nga Tom Cotton (R-Ark.), John Cornyn (R-Teksas), Ted Cruz (R-Teksas), James Inhofe (R-Okla.), Cory Gardner Daines (R-Mont.), John Barrasso (R-Wyo.), Shelley Moore Capito (RW.Va.), Dean Heller (R-Nev.), David Perdue (R-Ga.), Johnny Isakson (R- Ga.) dhe James Risch (R-Idaho).