E martë, 23 maj 2017
Bota është e tronditur dhe në ankth pas sulmit terrorist në Manchester Arena. Rezistenca iraniane dënon këtë sulm mizor dhe shpreh ngushëllimet dhe simpatinë më të thellë të NCRI për popullin e Britanisë, veçanërisht për familjet e viktimave. NCRI i dëshiron shërim të shpejtë të plagosurve gjatë sulmit.
Vrasja e njerëzve të pafajshëm dhe të pambrojtur nën çdo pretekst, veçanërisht fëmijëve dhe adoleshentëve, është një krim kundër njerëzimit dhe nuk ka të bëjë fare me islamin shiit apo sunit dhe bie në kundërshtim të thellë me mësimet e kësaj feje të madhe.
Këto krime terroriste të cilat kanë shtrirë përtej Lindjes së Mesme në pjesë të tjera të botës janë produkte të padiskutueshme të zgjerimit të fundamentalizmit dhe ekstremizmit. Thyerja e këtij cikli krimi dhe masakrimi mund të arrihet vetëm duke u përqendruar në burimin kryesor të fundamentalizmit, domethënë në qeverisjen anti-njerëzore që sundon Iranin, që, nga populli iranian, quhet Kumbari i Daesh-it.
Mohsen Rezaii, ish-komandant i Trupave të Gardës Revolucionare Islamike (IRGC), e përshkroi sulmin terrorist në Mançester si rezultat të vizitës së Presidentit Trump në Arabinë Saudite, një pranim flagrant se krimi i tmerrshëm terrorist ka qenë në interes të regjimit iranian.
Komiteti i Punëve të Jashtme i Këshillit Kombëtar të Rezistencës së Iranit
23 maj 2017