Tuesday, January 31, 2023

Regjimi i Iranit po Mundohet të Shpëtojë Veten pas Disfatës së Komplotit Terrorist

 Në vijim të  Mbledhjes së Madhe të Rezistencës Iraniane në Paris dhe dështimit të komplotit terrorist të mullahëve si dhe arrestimit të agjentëve të regjimit, përfshirë një diplomat terrorist, Këshilli Suprem i Sigurisë Kombëtare i regjimit ka mbajtur një mbledhje me urdhrin e Khamenei-it dhe i ka urdhëruar trupat përkatëse si Ministrinë e Jashtme, Ministrinë e Inteligjencës, Forcën Quds,

inteligjencën e Gardës revolucionare, dhe median e drejtuar nga shteti të punojnë për të minimizuar pasojat e këtij skandali të madh.

1- Aparatet dhe autoritetet qeveritare janë detyruar t’ia vënë fajin Organizatës Muxhahedine të Popullit të Iranit (PMOI/MEK) për ta mbuluar këtë skandal. Kjo është një hile e njohur përmes së cilës ata përpiqen ta paraqesin arrestimin e terroristëve në Belgjikë dhe Francë si dhe arrestimin e diplomatit terrorist në Gjermani si një inskenim për t’ia kurdisur regjimit në vigjilje të vizitës së Rouhani-t në Europë, duke pretenduar se PMOI i kishte ngritur kurth diplomatit terrorist.

Në vijim të nxjerrjes së deklaratës nga Prokurori belg dhe Agjensia Federale e Sigurisë, Ministri i Jashtëm i regjimit tha: “Në të njëjtën kohë kur fillon vizita e presidentit në Europë, zbardhet një operacion iranian dhe arrestohen “autorët” e tij.” Ai shtoi se është i gatshëm të bashkëpunojë me autoritetet përkatëse për të sqaruar atë që është “thjesht një operacion mashtrues për te krijuar një imazh të rremë.”

2- Mohsen Rezai, ish komandanti i Trupave të Gardës Revolucionare Islamike (IRGC) dhe sekretar i Këshillit të Ekspediencës së regjimit, në mënyrë që të implementonte të njëjtën direktivë, krijoi një përrallë për t’i paraqitur dy terroristët e arrestuar në Belgjikë si anëtarë të rangut të lartë të PMOI. Ai shkroi paturpësisht se ata të dy “kontaktuan diplomatin dhe folën për gatishmërinë e tyre për të bashkëpunuar me Iranin…” dhe kjo është arsyeja pse “këta dy njerëz u takuan me diplomatin tonë në një vend ku u shkëmbye një pako e cila është regjistruar nga kamerat apo nga Monafeqin [termi që regjimi përdor për PMOI]”. “Këta dy anëtarë të Monafeqin e bënë veten subjekt arrestimi, dhe rrëfyen për një komplot të tillë të organizuar nga diplomati iranian,” tha ish komandanti budalla i IRGC.

3- Skenari i regjimit, i cili u zbardh nga autoritetet belge, jep komente të mëtejshme absurde të fabrikuara nga Këshilli Suprem i Sigurisë i mullahëve. Një zyrtar i policisë belge ka thënë: “Në Luksemburg, ka patur një mbledhje të kontrolluar, dhe të gjithë bashkë (shërbimet e sigurisë të vendeve të ndryshme) punuan shpejt për të zbuluar bombën dhe arrestuar Assadi-n. Me sa duket regjimi ka shpresuar se bombardimi do të shihej si një çështje e brendshme e PMOI, e cila është një teori që mund të ishte e besueshme, por kur arrestuam njerëzit e tyre gjatë aktit, situata ndryshoi. “(websiti BuzzFeed – 11 korrik, 2018)

4- Njësitë ekstraterritoriale të Forcës Quds dhe stacionet e Ministrisë së Inteligjencës jashtë vendit u detyruan përsëri të përqendroheshin në përdorimin dhe rekrutimin e elementëve indigjenë në Shqipëri, Bosnje, Serbi dhe Kosovë në mënyrë që të implementojnë plane terroriste kundër PMOI në Shqipëri përmes tyre. Direktorati i TV dhe radios së mullahëve jashtë vendit është urdhëruar gjithashtu të përgatisë filma dhe raporte të rreme kundër PMOI në këto vende në mënyrë që të përgatisë terrenin për akte kriminale.

5- IRGC është urdhëruar të zgjerojë shtrirjen e veprimtarive të saj të inteligjencës dhe spiunazhit për të siguruar informacione nga brenda PMOI.

Këshilli Kombëtar i Rezistencës së Iranit
Komiteti i Sigurisë dhe Kundërterrorizmit
19 Korrik, 2018