Presidenti i regjimit iranian Hassan Rouhani paraqet buxhetin e vitit 2021 në Majlis (parlament). Regjimi iranian po përballet me një krizë tjetër. Pas muajsh përpjekje, buxheti i vitit 2021 u miratua nga Majlis (parlamenti), vetëm për t’u refuzuar nga Këshilli i Kujdestarit me 60 kundërshtime.Kreu i bankës qendrore të regjimit, Abdolnasser Hemati, njoftoi me dëshpërim se ndryshimet në buxhet do të shkaktojnë vetëm më shumë inflacion dhe një rritje të likuiditetit. “Kreu i bankës qëndrore beson se shifrat e miratuara të buxhetit do të rezultojnë në një rritje të fortë të shtypjes së parave dhe likuiditetit,” shtetërorja Engtesad News, 7 Mars.Në një postim në Instagram, Hemati gjithashtu pranoi, “Në fund të fundit, të gjitha qeveritë, megjithë kritikët, bien dakord për buxhete me likuiditet të lartë dhe rritje të inflacionit.””Një rritje prej 74% në buxhetin e vitit të ardhshëm ka prishur të gjitha përpjekjet e bankës qëndrore për të kontrolluar inflacionin dhe do të shkaktojë vetëm më shumë inflacion vitin e ardhshëm”, tha një ekonomist për faqen e internetit të Shahr-e Khabar më 10 mars.Një ekonomist tjetër i regjimit tha se buxheti i vitit 2021 e kishte detyruar Bankën Qëndrore të nxirrte rial në treg për të parandaluar një recesion. “Vitin e ardhshëm, Banka Qëndrore do të detyrohet të marrë hapa për t’u marrë me deficitin buxhetor, i cili do të përkeqësojë më tej inflacionin,” tha ky ekonomist, sipas një raporti të 8 Marsit nga Agjencia e Lajmeve Tasnim. Edhe Dhoma e Tregtisë e regjimit po tregon shqetësim për të ardhmen e ekonomisë së Iranit dhe buxhetin e viteve të ardhshme. “Buxheti i vitit 2021 do të shkaktojë vetëm më shumë inflacion dhe rritje të monedhës”, deklaroi kreu i Dhomës së Tregtisë të Teheranit. Kreu i Dhomës së Tregtisë së Teheranit gjithashtu pranoi, “2020 ishte viti më i keq për sa i përket besimit të publikut në politikat ekonomike të vendit. Rritja e PBB-së ndërmjet marsit dhe dhjetorit 2020 ishte një mesatare prej 1.2 përqind negativ. Ne kemi një rrugë të vështirë për të arritur rritjen e PBB-së të vitit 2017, pasi ajo ka qenë negative gjatë dy viteve të fundit. “
