Sunday, February 5, 2023

Si e Ka Shkatërruar Regjimi i Mullahëve Industrinë e Çelikut dhe Ekonominë e Iranit?

 

Steel Industrial Complex in SemnanKompleks Industrial i Çelikut në Semnan (foto fajli)

Keqmenaxhimi i regjimit klerikal i ka shkatërruar të gjitha fushat e ekonomisë iraniane dhe i ka plaçkitur burimet kombëtare të vendit. Një nga zonat ekonomike që regjimi ka shkatërruar dhe plaçkitur është industria e çelikut.

Industria iraniane e çelikut është një nga burimet më të rëndësishme të të ardhurave për vendin brenda dhe jashtë.

Ashtu si në aspekte të tjera të ekonomisë iraniane, Garda Revolucionare (IRGC) e regjimit e ka monopolizuar industrinë e çelikut në vend. Mafia e lidhur me IRGC-në, e cila kontrollon industrinë e çelikut në Iran, e ka rritur çmimin e produkteve të çelikut brenda vendit. Kështu është rritur edhe çmimi i produkteve të lidhura direkt apo indirekt me çelikun.

“Habibullah Ansari, president i Shoqatës së Industrisë së Pajisjeve Shtëpiake, ka thënë: ‘një rritje prej 212% në çmimin e çelikut dhe një rritje mesatare prej 150 përqind në inputin e prodhimit ka qenë arsyeja e rritjes së çmimeve të pajisjeve shtëpiake,” ka raportuar më 27 tetor faqja shtetërore Akharin Khabar, apo Lajmet e Fundit.

Edhe Mullah Alireza Salimi, Anëtar i Parlamentit (Majles), e ka pranuar që qeveria e shet çelikun me çmim më të lartë në tregun e brendshëm, sipas agjencisë shtetërore të lajmeve të Majles më 27 tetor.

“Njerëzve u duhet ta blejnë çelikun me një çmim $100 më të lartë sesa çmimi i eksportit. Pse ia shesim popullit tonë çelikun në këtë mënyrë ndërkohë që e eksportojmë tepricën? Në gjashtë muajt e parë të këtij viti, rreth 22% e shufrave të arit apo argjendit janë ofruar në tregun e bursës. Ku ka shkuar pjesa tjetër? Kjo ka krijuar një mbishitje në këtë produkt. Ky është problemi i parë.”

Salimi e pranoi gjithashtu se mafiat e organizuara të regjimit e kanë nën kontrollin e tyre industrinë e çelikut të Iranit.

“Problemi i dytë këtu është ekzistenca e një mafieje të ndërlikuar [në industrinë e çelikut]. Problemi i tretë është mungesa e transparencës. Kemi eksportuar të paktën 16 milion ton çelik vitin e shkuar (2019). Me fjalë të tjera, vitin e shkuar, kemi fituar rreth $5 bilion nga eksportet e çelikut. Pyetja është, si ka hyrë kjo monedhë në ciklin ekonomik të vendit? A është kthyer apo jo? Si është përdorur sasia e kthyer?”

$5 bilion të ardhurat e plaçkitura të eksportit të çelikut janë të barasvlefshme me të gjitha subvencionet e popullit iranian për gati katër vite dhe të barabarta me pagën vjetore të mbi gjashtë milion punëtorëve, të cilët fitojnë 71 dollarë në muaj.