Importet indiane të naftës iraniane mund të ndikohen fuqishëm pas gushtit, sipas shefit të financës së Korporatës Indiane të Naftës (IOC) të premten, pasi Banka Shtetërore e Indisë (SBI) i ka informuar rafineritë që nuk do të merret me pagesat për naftën e papërpunuar nga nëntori.
- K. Sharma i IOC tha: “Ngarkimi (i naftës) do të ndikohet nga fund-gushti nën mekanizmin aktual po të mos krijohet një rrugë e re pagese.”
Kjo lëvizje nga banka më e madhe e Indisë, vjen pasi Donald Trump e tërhoqi SHBA-në në maj nga marrëveshja bërthamore e Iranit e vitit 2015 dhe vendosi të rinovonte sanksionet e rënda mbi regjimin brenda 180 ditëve.
Disa sanksione, si ato mbi industrinë e makinave, do të hyjnë në fuqi më 6 gusht (90 ditë pas tërheqjes), ndërsa ato që kanë në shënjestër sektorin e naftës do të fillojnë më 4 nëntor.
Arsyeja pse rafineritë indiane do të përballen me ndëshkime për ngarkesat e gushtit ësthë se pagesa për to do të bëhet në nëntor.
Edhe pse India i ka reduktuar importet nga Irani në 2017/18, në vijim të një mosmarrëveshjeje mbi një depozitë gazi, Irani mbetej furnizuesi i tretë më i madh i naftës për të, duke furnizuar rreth 10% (458,000 fuçi në ditë) të nevojave të Indisë për naftë.
SBI u ka thënë tashmë rafinerive indiane që nuk do ta ketë të mundur t’i përballojë pagesat e naftës ndaj Iranit që nga 4 nëntori, pasi kjo gjë do të ketë një impakt në operacionet e tyre në SHBA.
