Ronak Rezai mbahet në kushte të pasigurta në burgun Sepidar të Ahvazit. Znj. Rezai është studente masteri për studime kulturore në Universitetin Allameh Tabatabai të Teheranit. Një banore e Abadanit, Ronak Rezai u arrestua së fundmi mes protestave që shpërthyen pas shembjes së ndërtesës së Metropolit. Ronak po bënte kërkime në qytet për të përfunduar tezën e saj.
Disa shoqata shkencore studentore dhe studentë të shkencave shoqërore lëshuan një deklaratë ku dënuan ndalimin e Ronak Rezait dhe kërkuan lirimin e saj pa kushte.
Në deklaratë thuhet pjesërisht, “Ronak është një qenie njerëzore e kujdesshme dhe një studiuese këmbëngulëse. Ajo kishte shkuar në Abadan për të bërë disa kërkime për tezën e saj. Duke marrë parasysh incidentin e fundit tragjik në Abadan dhe fatkeqësitë që pësuan njerëzit për shkak të shembjes së ndërtesës së Metropolit, mbyllja e qenieve njerëzore të tilla të pafajshme shton pikëllimin tonë. Këta individë nuk kanë bërë asnjë gabim tjetër përveçse kanë duruar dhimbjet, vuajtjet, shtypjen dhe kanë përcjellë zërin e të shtypurve. Fatkeqësisht, Ronak është kapur nga një mizori e tillë. Ndërkohe qe simpatizojmë bashkëkombasit tanë në Abadan, ne dënojmë fuqishëm ndalimin e zonjës Rezai dhe kërkojmë lirimin e saj të menjëhershëm dhe pa kushte.
