Fjalët e Rezistencës Iraniane i Japin Jehonë Dëshirës së Popullit për ta Shpërbërë IRGC-në, Zyrtarët e Regjimit Shprehin Frikë

Ditët e fundit, një intervistë e njërit prej zyrtarëve të Gardës Revolucionare (IRGC) të regjimit iranian në televizionin shtetëror reflekton realitetet shoqërore dhe politike të shoqërisë iraniane.

Gjatë intervistës së tij në televizionin shtetëror më 21 shtator, Abolfazl Shekarchi, zëdhënës i lartë dhe përfaqësues kulturor i shtabit të forcave të armatosura të regjimit, i pyetur për përgjegjësitë e përbashkëta në punën e  IRGC dhe ushtrisë zyrtare, tha: “Mbrojtja e kufijve ideologjikë të Republikës Islamike dhe Revolucionit Islamik nuk është vetëm detyra e të gjitha institucioneve, organeve, madje edhe e ushtrisë, por është edhe ‘misioni i natyrshëm’ i IRGC-së.”

1. Massoud Rajavi, lideri i Rezistencës Iraniane, ka bërë thirrje më herët që IRGC të shpërbëhet dhe buxheti i saj të ndahet për të ndihmuar popullin iranian, veçanërisht në mesin e krizës së koronavirusit dhe shtimit të numrit të vdekjeve. Sipas Organizatës Muxhahedine të Popullit të Iranit (PMOI/MEK), mbi 110,000 njerëz kanë vdekurderi të shtunën, më 26 shtator, për shkak të shpërthimit të COVID-19 dhe mosveprimit të regjimit.

Regjimi iranian e krijoi IRGC-në për të ndjekur politikat e tij luftënxitëse jashtë vendit dhe për të shtypur çdo zë disident brenda Iranit. Me pak fjalë, misioni i IRGC-së është ta mbrojë regjimin e mullahëve nga rrëzimi. Lidhur me këtë, kur njëri prej pjesëmarrësve e pyeti se ku janë këta “kufij ideologjikë” dhe se si krahasohen ata me kufijtë gjeografikë të vendit, Shekarchi tha: “IRGC ka edhe një mision të brendshëm. Duhet të përballemi me MEK-un.”

Thirrja e liderit të Rezistencës Iraniane për shpërbërjen e IRGC-së është dëshira e popullit iranian, i cili ka vuajtur nga duart e kësaj bande vrasëse.

1. Rajavi, duke iu drejtuar zyrtarëve të regjimit, pati thënë: “Nëse nuk keni në plan të shtypni popullin, të ndizni luftëra e të eksportoni terrorizmin, një ushtri duhet t’ju mjaftojë. Mos ia impononi popullit të Iranit shpenzimet astronomike të IRGC-së. Shpërbëjeni IRGC-në dhe paratë që përdorni për të shpenzojini për shëndetësinë e kujdesin mjekësor, dhe paguani rrogat e infermierëve, punëtorëve, mësuesve dhe punonjësve të sektorit publik.”

IRGC dhe Lideri Suprem i regjimit, Ali Khamenei, kanë ekskluzivisht në pronësi të tyre sektorët më me ndikim e më fitimprurës të industrive, minierave, komunikimeve, bankave, e kompanive të ndërtimit të Iranit. Pasuria e tyre i tejkalon një trilion dollarë. Çdo vit, për shkak të korrupsionit të përhapur gjerë dhe vjedhjeve të regjimit të mullahëve dhe IRGC-së, dhjetëra biliona dollarë nxirren jashtë vendit.

Në nëntor 2019, IRGC i shtypi ashpër protestat madhore në Iran. Forcat e IRGC-së vranë mbi 1500 protestues në mes të ditës gjatë këtyre protestave. IRGC ka luajtur gjithashtu një rol kyç gjatë luftës Iran-Irak. Një nga krimet e IRGC-së gjatë luftës ishte dërgimi i studentëve e minorenëve në fushat e minuara për të pastruar minat. Komandantët e IRGC-së i quanin këta fëmijë të pafajshëm “ushtarë një-përdorimsh.” Gjithashtu, Forcat terroriste Quds të IRGC-së kanë përhapur kaos e terrorizëm në mbarë rajonin.

Këto fakte nënvizojnë edhe një herë nevojën që komuniteti ndërkombëtar ta mbështesë dëshirën e popullit iranian dhe ta etiketojë ndërkombëtarisht IRGC-në si një organizatë terroriste dhe të bëjë thirrje për shpërbërjen e saj.